ಪೀಕ್ ಬೆಂಗಳೂರು: ಥಿಯೇಟರ್​ನಲ್ಲಿ ಕುಳಿತು Jawan ಸಿನಿಮಾ ವೀಕ್ಷಣೆ ಜೊತೆ ಕಚೇರಿ ಕೆಲಸ ಮಾಡಿದ ಸಿನಿ ಅಭಿಮಾನಿ

ಬೆಂಗಳೂರು, ಸೆ.10: ಬಾಲಿವುಡ್ ನಟ ಶಾರುಖ್ ಖಾನ್ ಮತ್ತು ನಟಿ ನಯನತಾರಾ ಅಭಿನಯದ ಜವಾನ್ ಸಿನಿಮಾ (Jawan Movie) ದೇಶಾದ್ಯಂತ ಥಿಯೇಟರ್​ಗಳಲ್ಲಿ ಭರ್ಜರಿ ಪ್ರದರ್ಶನ ಕಾಣುತ್ತಿದೆ. ಕರ್ನಾಟಕದಲ್ಲಿ, ಅದರಲ್ಲೂ ಬೆಂಗಳೂರಿನಲ್ಲೂ (Bengaluru) ಸಿನಿಮಾ ಅಭಿಮಾನಿಗಳಿಂದ ಉತ್ತಮ ಪ್ರತಿಕ್ರಿಯೆ ಸಿಗುತ್ತಿದೆ. ಈ ನಡುವೆ, ಸಿನಿ ಅಭಿಮಾನಿಯೊಬ್ಬರು ಚಿತ್ರಮಂದಿರಲ್ಲಿ ಜವಾನ್ ಸಿನಿಮಾ ವೀಕ್ಷಣೆ ಜೊತೆಗೆ ಲ್ಯಾಪ್​ಟಾಪ್ ಹಿಡಿದು ಕಚೇರಿ ಕೆಲಸ ಮಾಡುತ್ತಿರುವ ಫೋಟೋ ವೈರಲ್ ಆಗುತ್ತಿದೆ.

ನೀಲಂಗನ ನೂಪುರ್ ಎಂಬ ಎಕ್ಸ್ (ಟ್ವಿಟರ್) ಬಳಕೆದಾರರು ಈ ಫೋಟೋ ಹಂಚಿಕೊಂಡಿದ್ದು, “ಬೆಂಗಳೂರು INOX ನಲ್ಲಿ ನೋಡಿದ್ದೇನೆ. ಆದರೆ ಈ ಚಿತ್ರವನ್ನು ತೆಗೆದುಕೊಳ್ಳುವಾಗ ​ಯಾವುದೇ ಇಮೇಲ್‌ಗಳು ಅಥವಾ ಟೀಮ್​ ಸೆಷನ್ ಅಡೆತಡೆಯಾಗಿಲ್ಲ.

ಸದ್ಯ ಈ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದ್ದು, ನೆಟ್ಟಿಗರು ತಮ್ಮ ಅಭಿಪ್ರಾಯಗಳನ್ನು ಹಂಚಿಕೊಳ್ಳುತ್ತಿದ್ದಾರೆ. ಕೆಲವರು ಬೆಂಗಳೂರಿನಲ್ಲಿ ಇಂತಹ ಘಟನೆಗಳು ಸಾಮಾನ್ಯ ಎಂದು ಹೇಳಿ ಟ್ರಾಫಿಕ್​ನಲ್ಲಿ ನಿಂತು ಲ್ಯಾಪ್​ಟಾಪ್ ಹಿಡಿದು ಕಚೇರಿ ಕೆಲಸ ಮಾಡಿದ ಈ ಹಿಂದಿನ ಘಟನೆಗಳನ್ನು ಉಲ್ಲೇಖಿಸಿದ್ದಾರೆ.

ಇದನ್ನೂ ಓದಿ: 80ರ ದಶಕದ ಈ ಸಿನಿಮಾದ ರಿಮೇಕ್ ‘ಜವಾನ್’? ಆ ಚಿತ್ರದ ಕಥೆಯೂ ಹೀಗೆಯೇ ಇದೆ

ಕೆಲವರು ವ್ಯಕ್ತಿ ಕಚೇರಿ ಕೆಲಸವನ್ನು ಟೀಕಿಸಿದ್ದಾರೆ. ಇದು ಸಂಪೂರ್ಣವಾಗಿ ನಡವಳಿಕೆರಹಿತವಾಗಿದೆ ಮತ್ತು ಶಾಂತಿಯುತವಾಗಿ ಚಲನಚಿತ್ರಗಳನ್ನು ನೋಡುವ ಇತರ ಚಲನಚಿತ್ರ ವೀಕ್ಷಕರಿಗೆ ತೊಂದರೆಯಾಗುತ್ತದೆ. ನಾನಾಗಿದ್ದರೆ, ಬೌನ್ಸರ್​ಗಳನ್ನ ಕರೆದು ಅವರನ್ನು ಹೊರಗೆ ಕರೆದೊಯ್ಯುವಂತೆ ಮಾಡುತ್ತಿದ್ದ ಅಂತ ನೆಟ್ಟಿಗರೊಬ್ಬರು ಹೇಳಿದ್ದಾರೆ.

ಹೇಳಿ ಕೇಳಿ ಬೆಂಗಳೂರಿನಲ್ಲಿರುವ ಜನರ ಜೀವನವೇ ಬ್ಯುಜಿಯಿಂದ ಕೂಡಿರುತ್ತದೆ. ಕೆಲವರು ಮನೆಯಲ್ಲಿ ತಿಂಡಿ, ಊಟ ಮಾಡಲು ಸಾಧ್ಯವಾಗದೆ ಆಟೋ, ಬಸ್​ಗಳನ್ನು ಆಹಾರ ಸೇವಿಸುತ್ತಾ ಹೋಗುವುದುನ್ನು ನೋಡಬಹುದು. ಕೆಲವು ವಿದ್ಯಾರ್ಥಿಗಳು ಕೂಡ ಹೀಗೆ ಮಾಡುತ್ತಾರೆ.

ಇತ್ತೀಚೆಗಷ್ಟೇ, ಟ್ರಾಫಿಕ್​ ಸಿಗ್ನಲ್​ನಲ್ಲಿ ದ್ವಿಚಕ್ರ ವಾಹನದಲ್ಲಿ ಕುಳಿತು ಯುವತಿಯೊಬ್ಬಳು ಲ್ಯಾಪ್​ಟಾಪ್ ಓಪನ್ ಮಾಡಿ ಕಚೇರಿ ಕೆಲಸ ಮಾಡುತ್ತಿದ್ದ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿತ್ತು.

ರಾಜ್ಯದ ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ