ಕರ್ನಾಟಕ ಟು ಪಾಕಿಸ್ತಾನ: ಉಗ್ರನ ಜತೆ ಸಂಪರ್ಕ ಶಂಕೆ ಮೇರೆಗೆ ಬೀದರ್​​​ ಯುವಕ ಅರೆಸ್ಟ್

ಬೀದರ್​​, ಅಕ್ಟೋಬರ್​​ 03: ಪಾಕಿಸ್ತಾನ ಮೂಲದ ಘೋಷಿತ ಉಗ್ರ ಶಹಜಾದ್ ಭಟ್ಟಿ ಆ್ಯಂಡ್​ ಇತರರೊಂದಿಗೆ ಸಂಪರ್ಕ ಹೊಂದಿರುವ ಶಂಕೆ ಹಿನ್ನೆಲೆ ಬೀದರ್ ಜಿಲ್ಲೆಯ ಭಾಲ್ಕಿ ತಾಲೂಕಿನ ಯಣಕೂರ ಗ್ರಾಮದ ವಿಶಾಲ್ ಮೇತ್ರೆ ಎಂಬಾತನನ್ನು ಸ್ಥಳೀಯ ಪೊಲೀಸರ ಸಹಕಾರದೊಂದಿಗೆ ಎನ್​ಐಎ ತಂಡ ಅ.1ರಂದು ಬಂಧಿಸಿದೆ. ಯುಎಪಿಎ ಕಾಯ್ದೆಯಡಿ ವಿಶಾಲ್ ಮೇತ್ರೆಯನ್ನ ಎನ್​​ಐಎ ತಂಡ ಅರೆಸ್ಟ್​ ಮಾಡಿದೆ.

ಲಾರೆನ್ಸ್​​ ಭಯೋತ್ಪಾದಕ ಗ್ಯಾಂಗ್‌ನಿಂದ ಹೊರಬಂದು ಶಹಜಾದ್ ಭಟ್ಟಿ ಉಗ್ರ ಚಟುವಟಿಕೆ ಕೃತ್ಯ ನಡೆಸುತ್ತಿದ್ದನಂತೆ. ಇತನ್ನೊಂದಿಗೆ ಸಂಪರ್ಕ ಶಂಕೆ ಹಿನ್ನೆಲೆ ಇದೀಗ ಬೀದರ್ ಮೂಲದ​ ಯುವಕನನ್ನ ಬಂಧಿಸಲಾಗಿದೆ.

ಕೋರ್ಟ್​ ಪ್ರಕ್ರಿಯೆ ಮುಗಿದ ಬಳಿಕ ಮಾಹಿತಿ ನೀಡುತ್ತೇನೆ ಎಂದ ಎಸ್​ಪಿ

ಇನ್ನು ಬಂಧಿತ ವಿಶಾಲ್ ಮೇತ್ರೆಗೆ ಅಪರಾಧ ಹಿನ್ನೆಲೆ ಹೊಂದಿರುವ ಬಗ್ಗೆ ಮಾಹಿತಿ ಇದೆ. ‘ಸದ್ಯ ಕೋರ್ಟ್‌ ಪ್ರಕ್ರಿಯೆ ನಡೆಯುತ್ತಿದ್ದು, ಪೂರ್ಣಗೊಂಡ ಬಳಿಕ ಹೆಚ್ಚಿನ ಮಾಹಿತಿ ನೀಡುವುದಾಗಿ’ ಎಸ್‌ಪಿ ಪ್ರದೀಪ್ ಗುಂಟಿ ಪ್ರತಿಕ್ರಿಯಿಸಿದ್ದಾರೆ.

ಬೀದರ್ ಪೊಲೀಸರ ಭರ್ಜರಿ ಕಾರ್ಯಾಚರಣೆ: ಅಕ್ರಮವಾಗಿ ಕಂಟ್ರಿ ಪಿಸ್ತೂಲ್ ಮಾರಾಟ ಮಾಡುತ್ತಿದ್ದ ಇಬ್ಬರ ಬಂಧನ

ಬೀದರ್ ಪೊಲೀಸರು ಭರ್ಜರಿ ಕಾರ್ಯಾಚರಣೆ ನಡೆಸುವ ಮೂಲಕ ಅಕ್ರಮವಾಗಿ ಕಂಟ್ರಿ ಪಿಸ್ತೂಲ್​ ಮಾರಾಟ ಮಾಡುತ್ತಿದ್ದ ಇಬ್ಬರನ್ನು ಬಂಧಿಸಿದ್ದು, ಇನ್ನಿಬ್ಬರು ಪರಾರಿ ಆಗಿದ್ದಾರೆ. ತಲೆ ಕರೆಸಿಕೊಂಡು ಓಡಾಡುತ್ತಿದ್ದ ಮಹಾರಾಷ್ಟ್ರ ‌ಮೂಲದ ಕಿಂಗ್​​ಪಿನ್​ಗಳಾದ ಬಲಬೀರ್ ಸಿಂಗ್ ಮತ್ತು ಶೇರ್ ಜಾಧವ್ ಬಂಧಿತರು.  ಬಂಧಿತರಿಂದ 5 ಕಂಟ್ರಿ ಪಿಸ್ತೂಲ್, 26 ಜೀವಂತ ಗುಂಡು ಮತ್ತು ಐದು ತಲವಾರ್ ವಶಕ್ಕೆ ಪಡೆದುಕೊಳ್ಳಲಾಗಿದೆ.

ಇದನ್ನೂ ಓದಿ: ಸಾಮಾಜಿಕ ಜಾಲತಾಣದಲ್ಲಿ ಭಯೋತ್ಪಾದನಾ ಚರ್ಚೆ: ಟೆಲಿಗ್ರಾಂ ಚಾಟಿಂಗ್‌ನಲ್ಲಿ ಸಿಕ್ಕಿಬಿತ್ತು ಶಂಕಿತರ ಅಸಲಿ ಟಾರ್ಗೆಟ್

ಆರೋಪಿಗಳು ಜ್ಞಾನಸುಧಾ ಶಾಲೆಯ ಹತ್ತಿರದ ರಿಂಗ್​​ ರೋಡ್​ನಲ್ಲಿ ದ್ವಿಚಕ್ರ ವಾಹನದಲ್ಲಿ ಅಕ್ರಮವಾಗಿ ಕಂಟ್ರಿ ಪಿಸ್ತೂಲ್ ಮಾರಾಟ ಮಾಡುತ್ತಿದ್ದರು. ಬೀದರ್​ ಸಬ್ ಅರ್ಬನ್ ಪೊಲೀಸ್​​​​​ರು ಎಸ್​​​ಪಿ ‌ಪ್ರದೀಪ್ ಗುಂಟೆ ಮಾರ್ಗದರ್ಶನದಲ್ಲಿ ದಾಳಿ ಮಾಡಿ ಇಬ್ಬರನ್ನು ಬಂಧಿಸಿದ್ದಾರೆ. ಬಂಧಿತ ಇಬ್ಬರು ಮಹಾರಾಷ್ಟ್ರದ ವಿವಿಧ ಠಾಣೆಯಲ್ಲಿ ಆರ್ಮ್ ಆ್ಯಕ್ಟ್​​ನಲ್ಲಿ ಪ್ರಕರಣ ದಾಖಲಾಗಿವೆ. ಸಿಬ್ಬಂದಿಯ ಕಾರ್ಯಕ್ಕೆ ಎಸ್​​ಪಿ ಪ್ರದೀಪ್ ಗುಂಟೆ ಶ್ಲಾಘನೆ ವ್ಯಕ್ತಪಡಿಸಿದ್ದಾರೆ.

ಕರ್ನಾಟಕದ ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.