ಚಿಕ್ಕಮಗಳೂರಿನಲ್ಲಿ ಭಾರಿ ಮಳೆ.. ;ಕಟಾವು ಮುಗಿಸದ ರೈತರಲ್ಲಿ ಆತಂಕ

ಚಿಕ್ಕಮಗಳೂರು: ಜಿಲ್ಲೆಯಲ್ಲಿ ಮೂಡಿಗೆರೆ ಸೇರಿದಂತೆ ಹಲವು ಕಡೆ ಭಾರಿ ಮಳೆ ಸುರಿಯುತ್ತಿದ್ದು, ಏಕಾಏಕಿ ಮಳೆಗೆ ರೈತರು ಕಂಗಲಾಗಿದ್ದಾರೆ.

ಭತ್ತ ಕಟಾವಿನ ಈ ಸಂದರ್ಭದಲ್ಲಿ ಮಳೆ ಬಂದರೆ ರೈತರು ವರ್ಷ ಪೂರ್ತಿ ದುಡಿಮೆಗೆ ಹಾಕಿದ ಶ್ರಮ ನೀರಿನಲ್ಲಿ ಕೊಚ್ಚಿ ಹೋದಂತಾಗುತ್ತದೆ. ಆದರೆ ಇದೀಗ ದಿಢೀರ್​ ಸುರಿದ ಮಳೆಯಿಂದ ಜಿಲ್ಲೆಯ ಹಲವು ಕಡೆಗಳಲ್ಲಿ ಕಟಾವಿನ ಕೆಲಸಗಳು ಮುಗಿಯದೆ ಗದ್ದೆ, ಕಾಫಿ ಕೊಯ್ಲಿನಲ್ಲಿ ನಿರತರಾಗಿರುವ ರೈತರಿಗೆ ತೊಂದರೆ ಎದುರಾಗಿದೆ.