ಮಧ್ಯರಾತ್ರಿ ಹಾಸನದಲ್ಲಿ ಹಂಪ್ ಹಾರಿ ನೆಗೆದು ಬಿದ್ದ KSRTC ಬಸ್, ಒಬ್ಬರ ಸಾವು

ಹಾಸನ: ಮಧ್ಯರಾತ್ರಿ 1.50ರ ವೇಳೆಯಲ್ಲಿ ವೇಗವಾಗಿ ಹೋಗುತ್ತಿದ್ದ ಕೆಎಸ್​ಆರ್​ಟಿಸಿ ಬಸ್ ಹಂಪ್ ಹಾರಿ ನೆಗೆದು ಬಿದ್ದು ಓರ್ವ ಮೃತಪಟ್ಟಿರುವ ಘಟನೆ ಹಿರಿಸಾವೆ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ.

ಮಂಗಳೂರನಿಂದ ಬೆಂಗಳೂರಿಗೆ ಹೋಗುತ್ತಿದ್ದ ಸರ್ಕಾರಿ ಬಸ್ ಅಪಘಾತಕ್ಕೀಡಾಗಿದ್ದು, ಘಟನೆಯಲ್ಲಿ ಬಂಟ್ವಾಳ ಮೂಲದ‌ ಅಭಿಷೇಕ್(28) ಮೃತಪಟ್ಟಿದ್ದಾರೆ. ಬಸ್​ನಲ್ಲಿದ್ದ 25 ಜನ ಗಾಯಗೊಂಡಿದ್ದು, ಸ್ಥಳೀಯ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಪಲ್ಟಿಯಾದ ಬಸ್ ಸಮೀಪದಲ್ಲಿದ್ದ ಕಾರಿನ​ ಮೇಲೆ ಉರುಳಿದೆ. ಅದೃಷ್ಟವಶಾತ್ ಕಾರಿನಲ್ಲಿದ್ದವರು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.