ಇಂಡಿಯಾ ಬುಕ್ ಆಫ್ ರೆಕಾರ್ಡ್ಸ್ ಹಾಗೂ ಏಷ್ಯಾ ಬುಕ್ ಆಫ್ ರೆಕಾರ್ಡ್ಸ್ನಲ್ಲಿ ಮೂರೂವರೆ ವರ್ಷದ ಬಾಲಕನ ಹೆಸರು ದಾಖಲು
ಏಪ್ರಿಲ್ 24 2021 ರಂದು ಹರ್ಯಾಣ ರಾಜ್ಯದ ಫರಿದಾಬಾದ್ನಲ್ಲಿರುವ ಇಂಡಿಯಾ ಬುಕ್ ಆಫ್ ರೆಕಾರ್ಡ್ಸ್ ಹಾಗೂ ಏಷ್ಯಾ ಬುಕ್ ಆಫ್ ರೆಕಾರ್ಡ್ಸ್ನಲ್ಲಿ ಮೂರುವರೆ ವರ್ಷದ ನಿನಾದ್ನ ಸಾಧನೆ ದಾಖಲಾಗಿದೆ. ಲಾಕ್ಡೌನ್ನಿಂದಾಗಿ ಇತ್ತಿಚೇಗಷ್ಟೇ ನಿನಾದ್ಗೆ ಪ್ರಶಸ್ತಿ ಪತ್ರ ಲಭಿಸಿದೆ.
ದಾವಣಗೆರೆ: ಸಾಮಾನ್ಯವಾಗಿ ಮಕ್ಕಳು ಸ್ಪಷ್ಟವಾಗಿ ಮಾತನಾಡಲು ಕಲಿಯುವುದೇ 5ವರ್ಷದ ನಂತರದಲ್ಲಿ ಇನ್ನು ಪುಸ್ತಕದ ವಿಷಯಗಳನ್ನು ನೆನಪಿನ್ನಲ್ಲಿಟ್ಟುಕೊಂಡು ಹೇಳುವುದಕ್ಕೆ ಇನ್ನು ಕೊಂಚ ಸಮಯ ಬೇಕಾಗುತ್ತದೆ. ಆದರೆ ವಿಜಯನಗರ ಜಿಲ್ಲೆ ಹರಪನಹಳ್ಳಿ ಪಟ್ಟಣದ ಮಕ್ಕಳ ವೈದ್ಯರಾದ ಡಾ. ಅಮರ್.ಪಿ ಹಾಗೂ ದಂತ ವೈದ್ಯೆ ಡಾ. ಚಂದನ ಅವರ ಪುತ್ರ ನಿನಾದ್ ಗುಪ್ತ ಅಪ್ರತಿಮ ಸ್ಮರಣಾ ಶಕ್ತಿ ಹೊಂದಿರುವ ಮೂರುವರೆ ವರ್ಷದ ಬಾಲಕ. ಈ ಪುಟ್ಟ ಬಾಲಕ ‘ಬೃಹಸ್ಪತಿ ಹಿಂದೂ ಸಂವತ್ಸರ ಚಕ್ರದ ಸಂವತ್ಸರಗಳನ್ನು ಕೇವಲ 62 ಸೆಕೆಂಡ್ಗಳಲ್ಲಿ ಹೇಳುವ ಮೂಲಕ ಸಾಧನೆ ಮಾಡಿದ್ದಾನೆ.
ಏಪ್ರಿಲ್ 24 2021 ರಂದು ಹರ್ಯಾಣ ರಾಜ್ಯದ ಫರಿದಾಬಾದ್ನಲ್ಲಿರುವ ಇಂಡಿಯಾ ಬುಕ್ ಆಫ್ ರೆಕಾರ್ಡ್ಸ್ ಹಾಗೂ ಏಷ್ಯಾ ಬುಕ್ ಆಫ್ ರೆಕಾರ್ಡ್ಸ್ನಲ್ಲಿ ಮೂರುವರೆ ವರ್ಷದ ನಿನಾದ್ನ ಸಾಧನೆ ದಾಖಲಾಗಿದೆ. ಲಾಕ್ಡೌನ್ನಿಂದಾಗಿ ಇತ್ತಿಚೇಗಷ್ಟೇ ನಿನಾದ್ಗೆ ಪ್ರಶಸ್ತಿ ಪತ್ರ ಲಭಿಸಿದೆ. 1 ವರ್ಷದವನಿದ್ದಾಗಲೇ ಚಿತ್ರಪಟಗಳಲ್ಲಿರುವ ವಿವಿಧ ಬಗೆಯ ಪಕ್ಷಿಗಳು, ಪ್ರಾಣಿಗಳು, ಕೀಟಗಳು , ಜಗತ್ತಿನ ಅದ್ಭುತಗಳು ಮತ್ತು ಪ್ರಸಿದ್ಧ ವ್ಯಕ್ತಿಗಳನ್ನ ನಿನಾದ್ ಗುರುತಿಸುತ್ತಿದ್ದ ಎಂದು ಬಾಲಕನ ತಂದೆ ಡಾ. ಅಮರ್.ಪಿ ತಿಳಿಸಿದ್ದಾರೆ.
ನಿನಾದ್ 15 ತಿಂಗಳಿದ್ದಾಗಲೇ ವಿವಿಧ ಬಗೆಯ ಆಕಾರಗಳು ಮತ್ತು ಬಣ್ಣಗಳನ್ನು ಗುರುತಿಸತೊಡಗಿದ್ದ. ಈ ಆಕಾರ ಮತ್ತು ಬಣ್ಣ ಗುರುತಿಸುವ ಸಾಮರ್ಥ್ಯವು ಸಾಮಾನ್ಯವಾಗಿ ಮಕ್ಕಳಲ್ಲಿ ಮೂರು ವರ್ಷಕ್ಕೆ ಪಕ್ವವಾಗುತ್ತದೆ ಆದರೆ ನಿನಾದ್ ಅತ್ಯಂತ ವೇಗವಾಗಿ ಇದನ್ನು ಗುರುತಿಸಿದ್ದ. ಆದರೆ ಕೊವಿಡ್ನಿಂದ ಪ್ಲೇ ಗ್ರೂಪ್ಗೆ ಸೇರಿಸಲಾಗಲಿಲ್ಲ. ಹಾಗಾಗಿ ಈತನಿಗೆ ಮನೆಯೇ ಮೊದಲ ಪಾಠಶಾಲೆಯಾಗಿ ಬಿಟ್ಟಿದೆ. ಈತನ ಅಜ್ಜಿ ಸುಜಾತ ಗುಪ್ತ ರವರು ಶಿಕ್ಷಕಿಯಾಗಿದ್ದರು. ಈಗ ಅವರೇ ಈತನಿಗೆ ಮನೆ ಪಾಠ ಹೇಳಿಕೊಡುತ್ತಿದ್ದಾರೆ ಎಂದು ಬಾಲಕನ ತಾಯಿ ಡಾ. ಚಂದನ ತಿಳಿಸಿದ್ದಾರೆ.
ಮೂರುವರೆ ವರ್ಷದ ಈತ ಈಗ ಪ್ರಪಂಚದ 196 ರಾಷ್ಟ್ರಗಳ ರಾಜಧಾನಿಗಳನ್ನ ಸ್ಮರಿಸಬಲ್ಲ, 0 ಇಂದ 20 ರವರೆಗೆ ಗಣಿತ ಮಗ್ಗಿಗಳನ್ನ ನಿರರ್ಗಳವಾಗಿ ಹೇಳಬಲ್ಲ, ಸೌರ ಮಂಡಲದ 30 ಕ್ಕೂ ಹೆಚ್ಚ್ಚು ಕಾಯಗಳ ಹೆಸರುಗಳನ್ನ ಹೇಳುತ್ತಾನೆ. ಅಲ್ಲದೆ ಈತನಿಗೆ ಸಂಖ್ಯೆಗಳು ಮತ್ತು ಗಣಿತವೆಂದರೆ ತುಂಬಾ ಒಲವು. ಈಗಲೇ ಈತ ಮೂರನೇ ತರಗತಿ ಪಠ್ಯದ ಸಾಮಾನ್ಯ ಗಣಿತದ ಲೆಕ್ಕಗಳನ್ನು ಬಿಡಿಸುತ್ತಾನೆ. ಇನ್ನು ಟ್ರಿಲಿಯನ್, ಬಿಲಿಯನ್ಗಳ ಸಂಖ್ಯೆಗಳನ್ನ ಗುರುತಿಸುತ್ತಾನೆ. 3000 ಸಾವಿರವರೆಗಿನ ಸಂಖ್ಯೆಗಳನ್ನ ರೋಮನ್ ಸಂಖ್ಯೆಗಳಾಗಿ ಪರಿವರ್ತಿಸಿ ಹೇಳುತ್ತಾನೆ. ಸುಲಭವಾಗಿ ಕನ್ನಡ ಮತ್ತು ಇಂಗ್ಲಿಷ್ ಭಾಷೆ ಓದುತ್ತಾನೆ.
ಒಟ್ಟಾರೆ ಪುಟ್ಟ ವಯಸ್ಸಿನಲ್ಲಿಯೇ ಇಷ್ಟೋಂದು ಜ್ಞಾನವಂತನಾಗಿರುವುದು ನಿಜಕ್ಕೂ ಹೆಮ್ಮೆಯ ವಿಚಾರ. ನಿನಾದ್ ಮುಂದಿನ ದಿನಗಳಲ್ಲಿ ಇನ್ನಷ್ಟೂ ನೂತನ ಸಾಧನೆಗಳನ್ನು ಮಾಡಲಿ, ಆ ಮೂಲಕ ದೇಶಕ್ಕೆ ಉತ್ತಮ ಹೆಸರು ತಂದುಕೊಡಲಿ ಎನ್ನುವುದು ನಮ್ಮ ಆಶಯ.
ಇದನ್ನೂ ಓದಿ:
ಸಂಗೀತ ಕ್ಷೇತ್ರದಲ್ಲಿ ಅಪ್ರತಿಮ ಸಾಧನೆ: ಬಾಲ ವಿಕಾಸ ಅಕಾಡೆಮಿಯ ಬಾಲ ಗೌರವ ಪ್ರಶಸ್ತಿಗೆ ಯಾದಗಿರಿ ಜಿಲ್ಲೆಯ ಬಾಲಕಿ ಆಯ್ಕೆ
ಕಡಿಮೆ ಸಮಯದಲ್ಲಿ 170 ಬಾರಿ ಸೂರ್ಯ ನಮಸ್ಕಾರ ಮಾಡಿ ಗಿನ್ನಿಸ್ ದಾಖಲೆ ಬರೆದ ಉಡುಪಿ ಮಹಿಳೆ