ನದಿಯ ಆಳ ಅರಿಯದೆ.. ಸ್ನೇಹಿತನೊಂದಿಗೆ ಈಜಲು ಹೋದ ಯುವಕ ನೀರುಪಾಲು, ಯಾವೂರಲ್ಲಿ?

ಬಾಗಲಕೋಟೆ: ನದಿ ಹಿನ್ನೀರಿನಲ್ಲಿ ಈಜಲು ತೆರಳಿದ್ದ ಯುವಕ ನೀರುಪಾಲಾಗಿರುವ ಘಟನೆ ಜಿಲ್ಲೆಯ ಅನಗವಾಡಿ ಬ್ರಿಡ್ಜ್ ಬಳಿ ನಡೆದಿದೆ. ಘಟಪ್ರಭಾ ನದಿ ಹಿನ್ನೀರಿನಲ್ಲಿ ಈಜಲು ಹೋಗಿದ್ದ ಜಿಲ್ಲೆಯ ಯಡಹಳ್ಳಿಯ ಡೋಂಗ್ರಿಸಾಬ್ ನದಾಫ್(20) ನೀರುಪಾಲಾದ ಯುವಕ.

ನದಾಫ್ ಸ್ನೇಹಿತನ ಜೊತೆಗೆ ಈಜಲು ತೆರಳಿದ್ದ ವೇಳೆ ​ದುರ್ಘಟನೆ ಸಂಭವಿಸಿದೆ. ನದಿಯ ಆಳ ಅರಿಯದೆ, ಸ್ನೇಹಿತನೊಂದಿಗೆ ನೀರಿಗೆ ಇಳಿದ ಡೋಂಗ್ರಿಸಾಬ್‌ ನದಾಫ್​ ಅಲ್ಲೇ ಮುಳುಗಿದ್ದಾನೆ. ಸದ್ಯ, ಘಟನೆ ಬೆಳಕಿಗೆ ಬರುತ್ತಿದ್ದಂತೆ ಸ್ಥಳಕ್ಕೆ ದೌಡಾಯಿಸಿದ ಪೊಲೀಸ್ ಹಾಗೂ ಅಗ್ನಿಶಾಮಕ ದಳದ ಸಿಬ್ಬಂದಿ ಯುವಕನ ಶವಕ್ಕಾಗಿ ಶೋಧಕಾರ್ಯ ನಡೆಸಿದರು.