Chanakya Niti: ಮಹಿಳೆಯರು ವಯಸ್ಸು, ಪುರುಷರು ತಮ್ಮ ಸಂಬಳವನ್ನು ಏಕೆ ಬಹಿರಂಗಪಡಿಸಲ್ಲ ಗೊತ್ತಾ?
ಪುರುಷರ ಸಂಬಳ ಕೇಳಬಾರದು, ಮಹಿಳೆಯರ ವಯಸ್ಸು ಕೇಳಬಾರದು ಎಂದು ಹೇಳುವಂತಹ ಮಾತನ್ನು ನೀವು ಸಹ ಕೇಳಿರಬಹುದಲ್ವಾ. ಸಾಮಾನ್ಯವಾಗಿ ಹೆಣ್ಮಕ್ಕಳ ಬಳಿ ವಯಸ್ಸು, ಗಂಡು ಮಕ್ಕಳ ಸಂಬಳ ಬಗ್ಗೆ ಕೇಳಿದಾಗ ಈ ಮಾತನ್ನು ಅವರು ಹೇಳಿಯೇ ಹೇಳುತ್ತಾರೆ. ಅಷ್ಟಗೂ ಹೀಗೆ ಹೆಣ್ಣು ತನ್ನ ವಯಸ್ಸು ಹಾಗೂ ಗಂಡು ತನ್ನ ಸಂಬಳವನ್ನು ಮರೆ ಮಾಡುವುದು ಏಕೆ ಗೊತ್ತಾ? ಈ ಬಗ್ಗೆ ಚಾಣಕ್ಯರು ತಮ್ಮ ನೀತಿ ಶಾಸ್ತ್ರದಲ್ಲಿ ಏನು ಹೇಳಿದ್ದಾರೆ ಎಂಬುದನ್ನು ನೋಡಿ.
ಹುಡುಗಿಯರ ವಯಸ್ಸು ಕೇಳಬಾರದು, ಹುಡುಗರ ಸಂಬಳದ ಬಗ್ಗೆ ಕೇಳಬಾರದು (don’t ask for man’s salary or a woman’s age) ಎಂಬ ಮಾತನ್ನು ನೀವು ಕೇಳಿರಬಹುದು. ಈ ಮಾತಿನಂತೆ ಹೆಚ್ಚಿನ ಸಂದರ್ಭಗಳಲ್ಲಿ ಹೆಣ್ಣು ಮಕ್ಕಳು ತಮ್ಮ ವಯಸ್ಸು ಹಾಗೂ ಗಂಡು ಮಕ್ಕಳು ತಮ್ಮ ಸಂಬಳ, ತಮ್ಮ ಗಳಿಕೆಯ ಬಗ್ಗೆ ಯಾರ ಬಳಿಯೂ ರಿವೀಲ್ ಮಾಡುವುದಿಲ್ಲ. ಹೀಗೆ ಏಕೆ ಈ ಎರಡು ವಿಷಯಗಳನ್ನು ರಿವೀಲ್ ಮಾಡುವುದಿಲ್ಲ ಎಂಬ ಬಗ್ಗೆ ಚಾಣಕ್ಯರು (Chanakya) ತಮ್ಮ ನೀತಿಶಾಸ್ತ್ರದಲ್ಲಿಯೂ ತಿಳಿಸಿದ್ದಾರೆ. ಹೌದು ಚಾಣಕ್ಯರು ನಮ್ಮ ಜೀವನಕ್ಕೆ ಸಂಬಂಧಿಸಿದ ಹಲವು ಸಲಹೆ, ಮಾರ್ಗದರ್ಶನಗಳನ್ನು ನೀತಿಶಾಸ್ತ್ರದಲ್ಲಿ ತಿಳಿಸಿಕೊಟ್ಟಿದ್ದಾರೆ. ಅದೇ ರೀತಿ ಗಂಡು ತನ್ನ ಸಂಬಳ ಹಾಗೂ ಹೆಣ್ಣು ತನ್ನ ವಯಸ್ಸನ್ನು ಮರೆ ಮಾಡುವುದೇಕೆ ಎಂಬ ವಿಚಾರದ ಬಗ್ಗೆಯೂ ಸಹ ಹೇಳಿದ್ದಾರೆ. ಈ ಕುರಿತ ಸಂಪೂರ್ಣ ಮಾಹಿತಿ ಇಲ್ಲಿದೆ ನೋಡಿ.
ಹೆಣ್ಣು ತನ್ನ ವಯಸ್ಸು, ಗಂಡು ತನ್ನ ಸಂಬಳವನ್ನು ಮರೆ ಮಾಡುವುದೇಕೆ?
ಮಹಿಳೆಯ ವಯಸ್ಸು, ಪುರುಷನ ಗಳಿಕೆಯ ಬಗ್ಗೆ ಎಂದಿಗೂ ಕೇಳಬಾರದು ಎಂದು ಹೇಳಲಾಗುತ್ತದೆ. ಇದಕ್ಕೆ ಕಾರಣವೆಂದರೆ ಮಹಿಳೆ ಎಂದಿಗೂ ತನಗಾಗಿ ಬದುಕುವುದಿಲ್ಲ ಮತ್ತು ಪುರುಷ ಎಂದಿಗೂ ತನಗಾಗಿ ಸಂಪಾದಿಸುವುದಿಲ್ಲ ಎಂದು ಚಾಣಕ್ಯ ಹೇಳುತ್ತಾರೆ.
ಮಹಿಳೆಯರು ತಮ್ಮ ವಯಸ್ಸನ್ನು ಏಕೆ ಬಹಿರಂಗಪಡಿಸಲ್ಲ: ಚಾಣಕ್ಯ ನೀತಿಯ ಪ್ರಕಾರ, ಸಮಾಜದಲ್ಲಿ ಗೌರವ ಮತ್ತು ವೈಯಕ್ತಿಕ ಸ್ಥಾನಮಾನವನ್ನು ಕಾಪಾಡಿಕೊಳ್ಳುವುದು ಮುಖ್ಯ. ಮಹಿಳೆಯರು ತಮ್ಮ ವಯಸ್ಸನ್ನು ಮರೆಮಾಡುವ ಉದ್ದೇಶವು ಭದ್ರತೆ ಮತ್ತು ಅವಕಾಶವನ್ನು ಕಾಪಾಡಿಕೊಳ್ಳುವುದೂ ಆಗಿದೆ. ತಮ್ಮ ನಿಜವಾದ ವಯಸ್ಸನ್ನು ಮರೆಮಾಡುವ ಮೂಲಕ, ಮಹಿಳೆಯರು ಸಮಾಜದಲ್ಲಿ ತಮ್ಮ ಮೌಲ್ಯ ಮತ್ತು ಸ್ಥಾನವನ್ನು ಕಾಪಾಡಿಕೊಳ್ಳುವುದನ್ನು ಖಚಿತಪಡಿಸಿಕೊಳ್ಳುತ್ತಾರೆ. ಅಲ್ಲದೆ ಮಹಿಳೆಯರು ವಯಸ್ಸಲ್ಲ ತಮ್ಮ ಕುಟುಂಬದ ಸಂತೋಷದಿಂದ ತಮ್ಮನ್ನು ಗುರುತಿಸಿಕೊಳ್ಳಲು ಇಷ್ಟಪಡುತ್ತಾರೆ. ಒಟ್ಟಾರೆಯಾಗಿ ಇದು ಸ್ವಯಂ ರಕ್ಷಣೆ ಮತ್ತು ಸಾಮಾಜಿಕ ನಿರೀಕ್ಷೆಗಳ ಭಾಗವಾಗಿದೆ ಎಂದು ಚಾಣಕ್ಯ ಹೇಳಿದ್ದಾರೆ.
ಇದನ್ನೂ ಓದಿ: ಚಾಣಕ್ಯ ಹೇಳ್ತಾರೆ ಹೆಂಡತಿಯಾದವಳು ತನ್ನ ಗಂಡನಿಂದ ಬಯಸೋದು ಇದನ್ನು ಮಾತ್ರವಂತೆ
ಪುರುಷರು ಸಂಬಳವನ್ನು ಮರೆ ಮಾಡುವುದೇಕೆ: ಸಂಪತ್ತು ಮತ್ತು ಅಧಿಕಾರವನ್ನು ಬಹಿರಂಗಪಡಿಸುವುದರಿಂದ ಸಂಭಾವ್ಯ ಅಪಾಯ ಮತ್ತು ಸ್ಪರ್ಧೆ ಖಂಡಿತವಾಗಿಯೂ ಎದುರಾಗುತ್ತದೆ ಎಂದು ಚಾಣಕ್ಯರು ಹೇಳುತ್ತಾರೆ. ಪುರುಷರು ಸಾಮಾಜಿಕ ಅಥವಾ ಆರ್ಥಿಕ ನಷ್ಟವನ್ನು ಅನುಭವಿಸದಂತೆ ತಮ್ಮ ನಿಜವಾದ ಆರ್ಥಿಕ ಸ್ಥಿತಿಯನ್ನು ತಮ್ಮವರ ಮುಂದೆ ಮಾತ್ರ ಬಹಿರಂಗಪಡಿಸುತ್ತಾರೆ. ಅಲ್ಲದೆ ತಮ್ಮ ಸಂಬಳದ ಬಗ್ಗೆ ಹೇಳಿದರೆ ನಮ್ಮನ್ನು ಕೀಳಾಗಿ ಕಾಣುತ್ತಾರೆ ಎಂಬ ಕಾರಣಕ್ಕೂ ತಮ್ಮ ನೈಜ ಆದಾಯವನ್ನು ಮರೆ ಮಾಡುತ್ತಾರೆ ಎಂದು ಚಾಣಕ್ಯರು ಹೇಳುತ್ತಾರೆ. ಹೀಗೆ ಇದು ಸಾಮಾಜಿಕ ಪ್ರತಿಷ್ಠೆ ಮತ್ತು ಆರ್ಥಿಕ ಕಾರ್ಯತಂತ್ರದ ಭಾಗವಾಗಿದೆ.
ಜೀವನಶೈಲಿ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ