Deepavali 2024: ಬೆಳಕಿನ ಹಬ್ಬಕ್ಕೆ ಝಗಮಗಿಸುವ ದೀಪಾಲಂಕಾರ ಹೀಗಿರಲಿ

ನವರಾತ್ರಿ ಹಬ್ಬವೇನೋ ಮುಗಿದಾಯಿತು, ಇನ್ನೇನು ಕೆಲವೇ ದಿನಗಳಲ್ಲಿ ದೀಪಗಳ ಹಬ್ಬ ದೀಪಾವಳಿ ಬರುತ್ತದೆ. ಈ ಹಬ್ಬದ ಹೆಸರು ಕೇಳಿದ ಕೂಡಲೇ ಮೊದಲು ನೆನಪಾಗುವುದೇ ಈ ದೀಪಗಳು. ಈ ಬೆಳಕಿನ ಹಬ್ಬ ದೀಪಾವಳಿಯು ಸಂತೋಷ, ಸಮೃದ್ಧಿ ಮತ್ತು ಸಂಪತ್ತಿನ ಹಬ್ಬವಾಗಿದೆ. ಮನೆಮಂದಿಯೆಲ್ಲಾ ಸಂಭ್ರಮದಿಂದ ಆಚರಿಸುವ ಈ ಹಬ್ಬದಲ್ಲಿ ದೀಪಗಳೇ ಹೆಚ್ಚು ಪ್ರಾಮುಖ್ಯವಾದುದು. ಮಣ್ಣಿನ ದೀಪಗಳನ್ನು ಮನೆಯ ಸುತ್ತಲೂ ಹಚ್ಚಿ ಬೆಳಕಿನ ಹಬ್ಬವನ್ನು ಸ್ವಾಗತಿಸುತ್ತಾರೆ. ಆದರೆ ಈ ರೀತಿಯ ಝಗಮಗಿಸುವ ದೀಪಗಳಿಂದ ಮನೆಯನ್ನು ಅಲಂಕರಿಸಿಕೊಳ್ಳಬಹುದು.

• ಗೂಡುದೀಪಗಳು : ದೀಪಗಳ ಹಬ್ಬಕ್ಕೆ ಗೂಡುದೀಪಗಳಿಲ್ಲದೇ ಹೋದರೆ ಹೇಗೆ ಹೇಳಿ, ಮಾರುಕಟ್ಟೆಯಲ್ಲಿ ವಿವಿಧ ವಿನ್ಯಾಸದ ಗೂಡುದೀಪಗಳು ಲಭ್ಯವಿದ್ದು, ಇವುಗಳನ್ನು ಖರೀದಿಸಿ ಮನೆಯನ್ನು ಅಲಂಕರಿಸಬಹುದು. ಇಲ್ಲದಿದ್ದರೆ ಸಮಯವಿದ್ದರೆ ನಿಮ್ಮ ಕೈಯಾರೆ ಈ ದೀಪಗಳನ್ನು ತಯಾರಿಸಿ ಅಲಂಕಾರಕ್ಕೆ ಬಳಸಿಕೊಳ್ಳಿ.
• ಹ್ಯಾಂಗಿಂಗ್ ದೀಪಗಳು : ದೀಪಾವಳಿಗೆ ನಿಮ್ಮಮನೆಯಲ್ಲಿ ದೀಪಗಳಿಂದ ಝಗಮಗಿಸಬೇಕಾದರೆ ತೂಗಾಡುವ ಹ್ಯಾಂಗಿಂಗ್ ದೀಪಗಳಿಂದ ಅಲಂಕರಿಸಿ. ಮನೆಯಲ್ಲೇ ಪೇಪರ್ ಅಥವಾ ಪ್ಲಾಸ್ಟಿಕ್ ಬಾಟಲಿಗಳ ಬಳಸಿ ಗೂಡುದೀಪವನ್ನು ತಯಾರಿಸಿ ಅಲಂಕಾರಕ್ಕೆ ಬಳಸಿಕೊಳ್ಳಿ.
• ಸ್ಟ್ರಿಂಗ್ ದೀಪಗಳು : ಸ್ಟ್ರಿಂಗ್ ದೀಪಗಳು ಮಾರುಕಟ್ಟೆಯಲ್ಲಿ ಕಡಿಮೆ ಬೆಲೆಗೆ ದೊರೆಯುತ್ತದೆ. ಈ ದೀಪಗಳನ್ನಿ ಬೇರೆ ಬೇರೆ ರೂಪಗಳಲ್ಲಿ ಅಲಂಕಾರಕ್ಕಾಗಿ ಬಳಸಬಹುದು. ಮನೆಯ ಪ್ರತಿ ಮೂಲೆಯಲ್ಲಿ ಈ ದೀಪಗಳನ್ನು ಇಟ್ಟು ಹಬ್ಬದ ಕಳೆಯನ್ನು ಹೆಚ್ಚಿಸಬಹುದು.
• ಲೋಟಸ್ ಲ್ಯಾಂಪ್ಸ್: ಮನೆಯ ವೆರಾಂಡವನ್ನು ಅಲಂಕಾರಕ್ಕಾಗಿ ಈ ದೀಪವನ್ನು ಬಳಸಿಕೊಳ್ಳಬಹುದು. ಈ ಲ್ಯಾಂಪ್‌ಗಳನ್ನು ನೀರಿನಲ್ಲಿ ಹರಿಬಿಡಬಹುದಾಗಿದ್ದು, ಈ ದೀಪಗಳು ನಿಮ್ಮ ಮನೆಯ ಅಂದವನ್ನು ಹೆಚ್ಚಿಸುತ್ತದೆ.
• ರಂಗೋಲಿಯಿಂದ ಕೂಡಿದ ದೀಪಾಲಂಕಾರ : ಹಬ್ಬದ ಕಳೆ ಯನ್ನು ತಂದುಕೊಡುವುದೇ ಈ ರಂಗೋಲಿ. ಈ ದೀಪಗಳ ಹಬ್ಬಕ್ಕೆ ರಂಗೋಲಿಯನ್ನು ಬಿಡಿಸಿ ಅದರ ನಡುವೆ ದೀಪಗಳನ್ನಿಟ್ಟು ಅಲಂಕರಿಸಬಹುದು. ಇಲ್ಲದಿದ್ದರೆ ಹೂವಿನ ಎಸಳುಗಳಿಂದ ರಂಗೋಲಿ ಬಿಡಿಸಿ ಅಲಂಕಾರಕ್ಕಾಗಿ ಮಣ್ಣಿನ ದೀಪಗಳನ್ನು ಬಳಸಬಹುದು. ಈ ರೀತಿಯ ಅಲಂಕಾರಗಳು ಸಾಂಪ್ರದಾಯಿಕ ನೋಟವನ್ನು ನೀಡುತ್ತದೆ.

ಜೀವನಶೈಲಿ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ