ಮನೆಯ ಹೊರಗೆ ಅಷ್ಟೇ ಅಲ್ಲ ಮನೆಯೊಳಗೆ ಕೂಡ ವಾಯು ಮಾಲಿನ್ಯ ಉಂಟಾಗಬಹುದು; ಅಗತ್ಯ ಕ್ರಮದ ಬಗ್ಗೆ ಎಚ್ಚರ ವಹಿಸಿ

ಮಾಲಿನ್ಯವು ಮನೆಯ ಹೊರಗೆ ಮಾತ್ರ. ಮನೆಯೊಳಗೆ ಸಂಪೂರ್ಣವಾಗಿ ಸುರಕ್ಷಿತ ಎಂದು ನೀವು ಭಾವಿಸಿದರೆ ಅದು ತಪ್ಪು. ಎಲೆಕ್ಟ್ರಾನಿಕ್ ವಸ್ತುಗಳಿಂದ ಹೊರಬರುವ ಅನಿಲ ಮತ್ತು ಅಡುಗೆ ಮಾಡುವಾಗ ಬರುವ ಹೊಗೆಯಿಂದ ಮನೆಯೊಳಗಿನ ಗಾಳಿಯ ಗುಣಮಟ್ಟವೂ ಹದಗೆಡುತ್ತದೆ. ಹೊರಾಂಗಣ ವಾಯು ಮಾಲಿನ್ಯಕ್ಕಿಂತ ಒಳಾಂಗಣ ಮಾಲಿನ್ಯ ಹೆಚ್ಚು ಮಾರಕ ಎಂದು ತಜ್ಞರು ಹೇಳುತ್ತಾರೆ. ಪ್ರತಿ ವರ್ಷ ಲಕ್ಷಾಂತರ ಜನರು ಈ ಮಾಲಿನ್ಯದಿಂದ ಅನಾರೋಗ್ಯಕ್ಕೆ ಒಳಗಾಗುತ್ತಾರೆ. ಅನೇಕ ಸಂದರ್ಭಗಳಲ್ಲಿ ಜನರು ಗಂಭೀರ ಶ್ವಾಸಕೋಶದ ಕಾಯಿಲೆಯಿಂದ ಬಳಲುತ್ತಾರೆ.

ಮಾಲಿನ್ಯವು ಮನೆಯ ಒಳಗೆ ಮತ್ತು ಹೊರಗೆ ಸಂಭವಿಸುತ್ತದೆ. ಆದರೆ ಜನರ ಗಮನವು ಯಾವಾಗಲೂ ಹೊರಗಿನ ಮಾಲಿನ್ಯದ ಮೇಲೆ ಇರುತ್ತದೆ. ನವದೆಹಲಿಯ ಡಾ. ಅಮರಿಂದರ್ ಸಿಂಗ್ ಅವರು ಚಳಿಗಾಲದಲ್ಲಿ ಜನರು ಮನೆಗಳ ಬಾಗಿಲು ಮತ್ತು ಕಿಟಕಿಗಳನ್ನು ಮುಚ್ಚುತ್ತಾರೆ. ಆಗ ಮನೆಗಳಲ್ಲಿ ಇಟ್ಟಿರುವ ಇನ್ವರ್ಟರ್ ಬ್ಯಾಟರಿ, ರೆಫ್ರಿಜರೇಟರ್​ನಿಂದ ಹೊರಬರುವ ಗ್ಯಾಸ್ ಹೊರಗೆ ಹೋಗುವುದಿಲ್ಲ. ಇದರಿಂದಾಗಿ ಮನೆಯ ಗಾಳಿ ತುಂಬಾ ಕಲುಷಿತವಾಗುತ್ತದೆ ಮತ್ತು ಎಲ್ಲರೂ ಅದೇ ಕೆಟ್ಟ ಗಾಳಿಯನ್ನು ತೆಗೆದುಕೊಳ್ಳುತ್ತಾರೆ. ಈ ಕಾರಣದಿಂದಾಗಿ ಜನರು ಅಸ್ತಮಾ ಮತ್ತು ಉಸಿರಾಟದ ತೊಂದರೆಯನ್ನುಅನುಭವಿಸುತ್ತಾರೆ. ಮನೆಯೊಳಗಿನ ಮಾಲಿನ್ಯದ ಬಗ್ಗೆ ಜನರಿಗೆ ತಿಳಿದಿಲ್ಲ. ಅನೇಕ ಮನೆಗಳಲ್ಲಿ ಗಾಳಿ ಹೊರ ಹೋಗಲು ಜಾಗವನ್ನು ಸಹ ಬಿಡುವುದಿಲ್ಲ, ಆದರೆ ಈ ಬಗ್ಗೆ ಎಚ್ಚರ ಇರಲಿ ಎಂದು ಹೇಳಿದ್ದಾರೆ.

ಇದು ಪರಿಹಾರವಾಗಿದೆ
ಮನೆಯಲ್ಲಿ ಉಂಟಾಗುವ ಮಾಲಿನ್ಯವನ್ನು ತಪ್ಪಿಸಲು ಮನೆಯಲ್ಲಿ ಸರಿಯಾದ ಗಾಳಿಯನ್ನು ಹೊಂದಿರುವುದು ಪರಿಹಾರವಾಗಿದೆ ಎಂದು ತಜ್ಞರು ಹೇಳುತ್ತಾರೆ. ಹಾಗಾಗದಿದ್ದರೆ ಮನೆಯಲ್ಲಿ ಚಿಕ್ಕ ಚಿಕ್ಕ ಗಿಡಗಳನ್ನು ಇಡಿ. ಏಕೆಂದರೆ ಈ ಸಸ್ಯಗಳು ಆಮ್ಲಜನಕವನ್ನು ಬಿಡುಗಡೆ ಮಾಡುತ್ತವೆ ಮತ್ತು ಗಾಳಿಯನ್ನು ಸ್ವಚ್ಛಗೊಳಿಸುತ್ತವೆ. ಆದ್ದರಿಂದ, ಮನೆಯ ಅಲಂಕಾರದಲ್ಲಿ ಹೆಚ್ಚು ಸಸ್ಯಗಳನ್ನು ಸೇರಿಸಿ. ಸ್ವಲ್ಪ ಸಮಯದವರೆಗೆ ಕಿಟಕಿಗಳನ್ನು ತೆರೆದಿಡಲು ಪ್ರಯತ್ನಿಸಿ. ಇದಲ್ಲದೆ, ಮನೆಯೊಳಗೆ ಧೂಮಪಾನ ಮಾಡದಿರುವುದು ಸಹ ಮುಖ್ಯವಾಗಿದೆ. ಮನೆಯಲ್ಲಿ ರೆಫ್ರಿಜರೇಟರ್, ಬ್ಯಾಟರಿ, ಓವನ್ ಮುಂತಾದ ಉಪಕರಣಗಳನ್ನು ಮುಚ್ಚಿದ ಕೋಣೆಯಲ್ಲಿ ಇಡುವುದನ್ನು ಕಡಿಮೆ ಮಾಡಿ.

ಮನೆಯ ಕರ್ಟನ್ ಮತ್ತು ಕಾರ್ಪೆಟ್ ಅನ್ನು ಸ್ವಚ್ಛವಾಗಿಡಿ
ಕೆಲವೊಮ್ಮೆ ಧೂಳಿನ ಕಣಗಳು ಮನೆಯ ಪರದೆಗಳು ಮತ್ತು ಕಾರ್ಪೆಟ್‌ಗಳ ಮೇಲೆ ಸಂಗ್ರಹವಾಗುತ್ತವೆ. ಈ ಕಣಗಳು ಜನರಲ್ಲಿ ಅಲರ್ಜಿ ಮತ್ತು ಉಸಿರಾಟದ ಸಮಸ್ಯೆಗಳನ್ನು ಉಂಟುಮಾಡಬಹುದು. ಅದಕ್ಕಾಗಿಯೇ ಅವುಗಳನ್ನು ನಿಯಮಿತವಾಗಿ ಸ್ವಚ್ಛಗೊಳಿಸಲು ಪ್ರಯತ್ನಿಸಿ. ಇವುಗಳ ಹೊರತಾಗಿ ಹಾಸಿಗೆ ಮತ್ತು ಸೋಫಾವನ್ನು ನಿಯಮಿತವಾಗಿ ಸ್ವಚ್ಛಗೊಳಿಸುವ ಅಭ್ಯಾಸವನ್ನು ಮಾಡಿಕೊಳ್ಳಿ.

ಇದನ್ನೂ ಓದಿ:
ಕಡಿಮೆ ನೀರು ಕುಡಿಯುತ್ತಿದ್ದೀರಾ? ಆರೋಗ್ಯದಲ್ಲಿನ ಈ ಬದಲಾವಣೆ ಬಗ್ಗೆ ಇರಲಿ ಎಚ್ಚರ

ಹೃದಯಾಘಾತ ಮತ್ತು ಹೃದಯ ಸ್ತಂಭನ ಒಂದೇ ಅಲ್ಲ; ಇವುಗಳ ನಡುವೆ ಇರುವ ವ್ಯತ್ಯಾಸ ತಿಳಿಯಿರಿ