Fruit Juice Vs Fruit : ಇವೆರಡರಲ್ಲಿ ತೂಕ ಇಳಿಸಲು ಯಾವುದು ಬೆಸ್ಟ್? ಇಲ್ಲಿದೆ ಮಾಹಿತಿ

ಬೇಸಿಗೆ ಆರಂಭವಾಗಿದೆ, ಈ ಬಿಸಿಲಿನ ಝಳ ತಡೆಯಲು ಆಗುತ್ತಿಲ್ಲ, ಹೀಗಾಗಿ ಹೆಚ್ಚಿನವರು ಹಣ್ಣಿನ ಜ್ಯೂಸ್ (Fruit Juice) ಸೇವಿಸುತ್ತಿದ್ದಾರೆ. ಕೆಲವರು ರಸಭರಿತ ಹಣ್ಣನ್ನು ಸೇವಿಸಿದರೆ, ಇನ್ನು ಕೆಲವರು ಮನೆಯಲ್ಲೇ ಜ್ಯೂಸ್ ತಯಾರಿಸಿ ಸೇವಿಸುತ್ತಿದ್ದಾರೆ. ಈ ಹಣ್ಣುಗಳು ಆರೋಗ್ಯಕ್ಕೆ ತುಂಬಾ ಪ್ರಯೋಜನಕಾರಿಯಾಗಿದೆ. ಅದಲ್ಲದೇ, ಹಣ್ಣಿನ ರಸದ ಸೇವನೆಯಿಂದ ಆರೋಗ್ಯಕ್ಕೆ ಹಲವಾರು ಪ್ರಯೋಜನಗಳಿವೆ. ತೂಕ ಇಳಿಸಿಕೊಳ್ಳುವ (Weight Loss) ಬಗ್ಗೆ ಯೋಚಿಸುವವರಿಗೆ ಹಣ್ಣು ಹಾಗೂ ಹಣ್ಣಿನ ಜ್ಯೂಸ್ ಇದರಲ್ಲಿ ಯಾವುದು ಉತ್ತಮ?, ಇವೆರಡರಲ್ಲಿ ಯಾವುದನ್ನು ಸೇವಿಸಿದರೆ ತೂಕವನ್ನು ಸುಲಭವಾಗಿ ಇಳಿಸಿಕೊಳ್ಳಬಹುದು.

ಹಣ್ಣು ತಿನ್ನುವುದರಿಂದಾಗುವ ಪ್ರಯೋಜನಗಳು

ಇಡೀ ಹಣ್ಣುಗಳನ್ನು ತಿನ್ನುವುದರಿಂದ ನಿಮ್ಮ ದೇಹಕ್ಕೆ ಸಾಕಷ್ಟು ಫೈಬರ್ ದೊರೆಯುತ್ತದೆ, ಇದು ಜೀರ್ಣಕ್ರಿಯೆ, ತೂಕ ನಿರ್ವಹಣೆ ಮತ್ತು ರಕ್ತದಲ್ಲಿನ ಸಕ್ಕರೆ ನಿಯಂತ್ರಣವನ್ನು ಸುಧಾರಿಸಲು ಸಹಾಯ ಮಾಡುತ್ತದೆ. ಅಷ್ಟೇ ಅಲ್ಲದೇ ತಾಜಾ ಹಣ್ಣುಗಳ ಸೇವನೆಯೂ ದೇಹಕ್ಕೆ ಸಾಕಷ್ಟು ಜೀವಸತ್ವಗಳು, ಖನಿಜಗಳು, ಉತ್ಕರ್ಷಣ ನಿರೋಧಕಗಳು ಮತ್ತು ಫೈಟೊಕೆಮಿಕಲ್‌ಗಳನ್ನು ಒದಗಿಸುತ್ತದೆ. ನಿಯಮಿತವಾಗಿ ಹಣ್ಣುಗಳ ಆಹಾರದ ಭಾಗವಾಗಿಸುವುದರಿಂದ ಬೊಜ್ಜು ಹಾಗೂ ದೀರ್ಘಕಾಲದ ಕಾಯಿಲೆಗಳ ಅಪಾಯ ಕಡಿಮೆಯಾಗಿಸಬಹುದು. ಆದರೆ, ಹಣ್ಣುಗಳನ್ನು ತಿನ್ನುವುದು ತೂಕ ಇಳಿಸಿಕೊಳ್ಳಲು ಸಹಾಯ ಮಾಡುತ್ತದೆ ಎನ್ನಲಾಗಿದೆ. ಹಣ್ಣುಗಳಲ್ಲಿ ಕ್ಯಾಲೋರಿಗಳು ಕಡಿಮೆಯಿದ್ದು,ಫೈಬರ್ ಅಧಿಕವಾಗಿದೆ. ಹೀಗಾಗಿ ಈ ಹಣ್ಣುಗಳನ್ನು ಹೆಚ್ಚು ಸೇವಿಸದೆಯೇ ತ್ವರಿತವಾಗಿ ತಾಜಾತನವನ್ನು ಪಡೆಯಬಹುದಾಗಿದೆ. ತೂಕ ಇಳಿಸಿಕೊಳ್ಳಲು ಸಹಾಯ ಮಾಡುವ ಹಣ್ಣುಗಳಲ್ಲಿ ಹಣ್ಣುಗಳಲ್ಲಿ , ಸೇಬು, ಪೇರಳೆ, ಸಿಟ್ರಸ್ ಹಣ್ಣುಗಳು ಮತ್ತು ದ್ರಾಕ್ಷಿಗಳು ಸೇರಿಕೊಂಡಿದ್ದು, ಇವುಗಳನ್ನು ಹೆಚ್ಚೆಚ್ಚು ಸೇವಿಸುವುದು ಉತ್ತಮ.

ಹಣ್ಣಿನ ರಸದ ಪ್ರಯೋಜನಗಳು

ಹಣ್ಣಿನ ರಸವನ್ನು ಒಂದು ಅಥವಾ ಹೆಚ್ಚಿನ ಹಣ್ಣುಗಳನ್ನು ಬೆರೆಸಿ ತಯಾರಿಸಲಾಗುತ್ತದೆ. ಹಣ್ಣುಗಳನ್ನು ನೇರವಾಗಿ ತಿನ್ನುವುದಕ್ಕಿಂತ ಪರ್ಯಾಯವಾಗಿ ಸೇವಿಸಲು ಇದು ಸುಲಭವಾದ ಮಾರ್ಗ ಎನ್ನಬಹುದು. ಹಣ್ಣಿನ ರಸದಲ್ಲಿ ಇಡೀ ಹಣ್ಣಿನಲ್ಲಿರುವಷ್ಟು ಫೈಬರ್ ಇರುವುದಿಲ್ಲ. ಹಣ್ಣಿನ ಜ್ಯೂಸ್ ಇಡೀ ಹಣ್ಣಿನಲ್ಲಿರುವ ಎಲ್ಲಾ ಪೋಷಕಾಂಶಗಳು ಮತ್ತು ಉತ್ಕರ್ಷಣ ನಿರೋಧಕಗಳನ್ನು ಉಳಿಸಿಕೊಳ್ಳುವುದಿಲ್ಲ. ಮಾರುಕಟ್ಟೆಯಲ್ಲಿ ಪ್ಯಾಕ್ ಮಾಡಿದ ಜ್ಯೂಸ್ ಖರೀದಿಸಿ ಕುಡಿಯುವುದು ಒಳ್ಳೆಯದಲ್ಲ, ಇದರಲ್ಲಿ ಸಕ್ಕರೆಯ ಅಂಶ ಹಾಗೂ ಕ್ಯಾಲೋರಿಗಳು ಅಧಿಕವಾಗಿಸುತ್ತದೆ. ಇದು ತೂಕ ನಷ್ಟವನ್ನು ಕಷ್ಟಕರವಾಗಿಸಬಹುದು.

ಇದನ್ನೂ ಓದಿ: ಮಕ್ಕಳಿಗೆ ಈ ಬೇಸಿಗೆಯಲ್ಲಿ ಈ ರೀತಿಯ ಬಟ್ಟೆ ಖರೀದಿಸಿ

ತೂಕ ಇಳಿಸಿಕೊಳ್ಳಲು ಹಣ್ಣಿನ ಜ್ಯೂಸ್ ಉತ್ತಮವೇ?

ಹಣ್ಣಿನ ರಸವನ್ನು ಕುಡಿಯುವುದನ್ನು ‘ಆರೋಗ್ಯಕರ’ ಎಂದು ಪರಿಗಣಿಸಿದ್ದರೂ ಕೂಡ ತೂಕ ಇಳಿಸಿಕೊಳ್ಳಲು ಸಹಾಯ ಮಾಡುತ್ತದೆ ಎನ್ನಲಾಗದು. ಹೌದು, ಇಡೀ ಹಣ್ಣನ್ನು ತಿನ್ನುವ ಬದಲು ಜ್ಯೂಸ್ ಕುಡಿಯುವುದರಿಂದ ಒಟ್ಟಾರೆಯಾಗಿ ಹೆಚ್ಚಿನ ಕ್ಯಾಲೋರಿ ಸೇವನೆಗೆ ಕಾರಣವಾಗಬಹುದು. ಇದು ತೂಕ ಇಳಿಕೆಗೆ ಸಹಾಯ ಮಾಡುವ ಬದಲು ಬದಲು ತೂಕ ಇಳಿಕೆಯನ್ನು ಕಷ್ಟಕರವಾಗಿಸುತ್ತದೆ. ತೂಕ ಇಳಿಕೆಗೆ ಸಂಪೂರ್ಣ ಹಣ್ಣುಗಳನ್ನು ಉತ್ತಮ ಆಯ್ಕೆಯೆಂದು ಪರಿಗಣಿಸಲಾಗುತ್ತದೆ. ಒಂದು ವೇಳೆ ಹಣ್ಣಿನ ರಸವನ್ನು ಸೇವಿಸಲು ಆಯ್ಕೆ ಮಾಡಿಕೊಂಡರೆ ಸಕ್ಕರೆ ಸೇರಿಸದ ತಾಜಾ ರಸವನ್ನು ಆರಿಸಿಕೊಳ್ಳಿ, ಇದು ಆರೋಗ್ಯಕ್ಕೆ ಒಳ್ಳೆಯದು.

ಸೂಚನೆ : ಇಲ್ಲಿರುವ ವಿಷಯಗಳು ಮಾಹಿತಿಗಾಗಿ ಮಾತ್ರ, ಯಾವುದೇ ರೀತಿಯ ಸಂದೇಹಗಳಿದ್ದಲ್ಲಿ ವೈದ್ಯಕೀಯ ವೃತ್ತಿಪರರನ್ನು ಸಂಪರ್ಕಿಸುವುದು ಉತ್ತಮ.

ಜೀವನಶೈಲಿ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ