Spicy Orange Cocktail: ಚಳಿಗಾಲದಲ್ಲಿ ಮಸಾಲೆಯುಕ್ತ ಕಿತ್ತಳೆ ಕಾಕ್ಟೈಲ್ ಸವಿಯಿರಿ

ಚಳಿಗಾಲದಲ್ಲಿ ನಿಮ್ಮ ಕುಟುಂಬದವರೊಂದಿಗೆ ಅಥವಾ ಸ್ನೇಹಿತರೊಂದಿಗೆ ಸಂಜೆಯ ಪಾರ್ಟಿ ಮಾಡಲು ಬಯಸುತ್ತೀರಾ? ಹಾಗಿದ್ದರೆ ಮನೆಯಲ್ಲಿಯೇ ಮಸಾಲೆಯುಕ್ತ ಕಿತ್ತಳೆ ಕಾಕ್ಟೈಲ್ (Cocktail) ತಯಾರಿಸಿ. ಇದು ಯಾವುದೇ ಕಲಬೆರಕೆ ಹಾಗೂ ಕೃತಕ ಬಣ್ಣಗಳನ್ನು ಬಳಸದೇ ಮಾಡುವುದರಿಂದ ಚಳಿಗಾಲದಲ್ಲಿ ನಿಮ್ಮ ಆರೋಗ್ಯವನ್ನು ಕಾಪಾಡುವಲ್ಲಿ ಕೂಡ ಸಹಕಾರಿಯಾಗಿದೆ. ತ್ವರಿತವಾಗಿ ಹಾಗೂ ಸುಲಭವಾಗಿ ತಯಾರಿಸಬಹುದಾದ ಈ ಕಿತ್ತಳೆ ಕಾಕ್ಟೈಲ್ ಒಮ್ಮೆ ಪ್ರಯತ್ನಿಸಿ.

ಬೇಕಾಗುವ ಪದಾರ್ಥಗಳು:

3 ಕಪ್ ಕಿತ್ತಳೆ ರಸ
90 ಮಿಲಿ ವೋಡ್ಕಾ
2 ಚಮಚ ಪುಡಿ ಸಕ್ಕರೆ
3 ಹಸಿರು ಮೆಣಸಿನಕಾಯಿ
1 ಕಪ್ ನೀರು
1/4 ಕಪ್ ನಿಂಬೆ ರಸ
8 ಐಸ್ ಕ್ಯೂಬ್ ಗಳು
1/2 ಚಮಚ ಕರಿಮೆಣಸು
1/2 ಚಮಚ ಕೋಷರ್ ಉಪ್ಪು
5 ನಿಂಬೆ ತುಂಡುಗಳು

ಮಾಡುವ ವಿಧಾನ:

ಹಂತ 1 ಸಿಟ್ರಸ್ ರಸವನ್ನು ಮಿಶ್ರಣ ಮಾಡಿ:

ದೊಡ್ಡ ಗಾಜಿನ ಜಾರ್ ಅನ್ನು ತೆಗೆದುಕೊಂಡು ಕಿತ್ತಳೆ ರಸ, ನಿಂಬೆ ರಸ ಮತ್ತು ವೋಡ್ಕಾವನ್ನು ಒಟ್ಟಿಗೆ ಸೇರಿಸಿ.

ಹಂತ 2 ಮಸಾಲೆ ಮತ್ತು ಸಕ್ಕರೆ ಸೇರಿಸಿ:

ನಂತರ ಇದಕ್ಕೆ ಸಕ್ಕರೆ, ಕರಿಮೆಣಸು, ಹಸಿರು ಮೆಣಸಿನಕಾಯಿ, ಉಪ್ಪು ಮತ್ತು ಐಸ್ ಕ್ಯೂಬ್ ಗಳನ್ನು ಸೇರಿಸಿ. ಇದಾದ ನಂತರ ಸ್ವಲ್ಪ ನೀರು, ಉದ್ದಕ್ಕೆ ಕತ್ತರಿಸಿ ನಿಂಬೆ ಚೂರುಗಳನ್ನು ಸೇರಿಸಿ ಮತ್ತು ಆಕರ್ಷಕವಾಗಿ ಅಲಂಕರಿಸಿ. ನಂತರ ನಿಮ್ಮ ಪಾರ್ಟಿಯಲ್ಲಿ ಬಂದ ಸ್ನೇಹಿತರು ಅಥವಾ ಕುಟುಂಬದವರಿಗೆ ಸರ್ವ್​ ಮಾಡಿ.

ಇದನ್ನು ಓದಿ:

ಇದು ಈ ಚಳಿಗಾಲದಲ್ಲಿ ನಿಮ್ಮ ಆರೋಗ್ಯಕ್ಕೂ ಒಳ್ಳೆಯದು. ಕಿತ್ತಳೆಯನ್ನು ಚಳಿಗಾಲದಲ್ಲಿ ಸೇವಿಸುವುದರಿಂದ ನಿಮ್ಮ ದೇಹಕ್ಕೆ ಅಗತ್ಯವಿರುವ ತೇವಾಂಶವನ್ನು ಒದಗಿಸುತ್ತದೆ. ಇದರಿಂದಾಗಿ ಚಳಿಗಾಲದಲ್ಲಿ ಒಡೆಯುವ ಅಥವಾ ಬಿರುಕು ಬಿಡುವ ಚರ್ಮದ ಸಮಸ್ಯೆಯಿಂದ ನಿಮ್ಮನ್ನು ರಕ್ಷಿಸಿಕೊಳ್ಳಬಹುದು.

ಜೀವನಶೈಲಿಗೆ ಸಂಬಂಧಿಸಿದ ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ: