Beauty Tips: ಮಾಸ್ಕ್ ಧರಿಸಿದಾಗಲೂ ಲಿಪ್​ ಸ್ಟಿಕ್​ ಹೆಚ್ಚು ಕಾಲ ಉಳಿಯಲು ಹೀಗೆ ಮಾಡಿ

ತುಟಿಗಳ ಅಂದ ಹೆಚ್ಚಿಸಲು ಹೆಂಗಳೆಯರ ನೆಚ್ಚಿನ ಕೆಲಸವೆಂದರೆ ಅದು ಲಿಪ್​ಸ್ಟಿಕ್​ ಹಚ್ಚಿಕೊಳ್ಳುವುದು. ಮಾರುಕಟ್ಟೆಯಲ್ಲಿ ಸಿಗುವ ಹತ್ತಾರು ಬಣ್ಣಗಳ ಲಿಪ್​ಸ್ಟಿಕ್​ಗಳು ಹೆಣ್ಣುಮಕ್ಕಳ ತುಟಿಯ ಮೇಲೇರಿ ಕಣ್ಣು ಕುಕ್ಕುವಂತೆ ಮಾಡುತ್ತದೆ. ಡ್ರೆಸ್​ಗಳಿಗೆ ಸೂಟ್​ ಆಗುವ ಹಲವು ಬಣ್ಣಗಳ ಲಿಪ್​ಸ್ಟಿಕ್​. ಅಬ್ಬಬ್ಬಾ ಅದೆಷ್ಟು ಬಣ್ಣಗಳು ಅಂತೀರಾ. ಶಾಪಿಂಗ್​ ಗೆ ಹೋದರೆ ಯಾವ ಡ್ರೆಸ್​ ತೆಗೆದುಕೊಳ್ಳುವುದು ಎನ್ನುವ ಗೊಂದಲ ಉಂಟಾದ ಹಾಗೇ ಯಾವ ಬಣ್ಣದ ಲಿಪ್​ಸ್ಟಿಕ್​ ತೆಗೆದುಕೊಳ್ಳಬಹುದು ಎನ್ನುವುದು ಹೆಣ್ಣು ಮಕ್ಕಳಿಗೆ ಕಾಡುವ ದೊಡ್ಡ ಪ್ರಶ್ನೆಯಾಗಿರುತ್ತದೆ. ಆದರೆ ಕೊರೋನಾ ಬಂದ ಮೇಲೆ ಲಿಪ್​ಸ್ಟಿಕ್​ ಕತೆ ಅಯೋಮಯವಾಗಿದೆ ಯಾಕೇ ಅಂತೀರಾ ಮಾಸ್ಕ್​ ಹಾಕಿದ ಮೇಲೆ ಲಿಪ್ಸ್ಟಿಕ್​ ಕಾಣುವುದೇ ಇಲ್ಲ. ಅದೂ ಅಲ್ಲದೆ ಅರ್ಧ ಲಿಪ್ಸ್ಟಿಕ್​ ಮಾಸ್ಕ್​ಗೇ ಅಂಟಿಕೊಳ್ಳುತ್ತದೆ. ಹೀಗಾಗಿ ಮಾಸ್ಕ್ ಹೆಣ್ಣುಮಕ್ಕಳ ಲಿಪ್ಸ್ಟಿಕ್​ ಪ್ರೀತಿಗೆ ಅಡ್ಡವಾಗಿದೆ. ಆದರೆ ಕೆಲವೊಂದು ಹಂತಗಳನ್ನು ಅನುಸರಿಸಿದರೆ ನಿಮ್ಮ ಲಿಪ್ಸ್ಟಿಕ್ ಮಾಸ್ಕ್​ಗೆ ಅಂಟಿಕೊಳ್ಳುವುದನ್ನು ತಡೆಯಬಹುದು. ಇಲ್ಲಿದೆ ನೋಡಿ ಸಿಂಪಲ್​ ಟಿಪ್ಸ್​

ಲಿಪ್​ ಬಾಮ್​ ಹಚ್ಚಿಕೊಳ್ಳಿ ನೀವು ನಿಮ್ಮ ತುಟಿಗೆ ಲಿಪ್ಸ್ಟಿಕ್ ಹಚ್ಚುವ ಮೊದಲು ಲಿಪ್​ ಬಾಮ್​ ಹಚ್ಚಿಕೊಳ್ಳಿ. ನಿಮ್ಮ ತುಟಿ ಡ್ರೈ ಆಗಿದ್ದರೆ ಹೆಚ್ಚು ಕಾಲ ಲಿಪ್ಸ್ಟಿಕ್ ಉಳಿಯುವುದಿಲ್ಲ. ಹೀಗಾಗಿ ಲಿಪ್​ ಬಾಮ್​ಹಚ್ಚಿದರೆ ನಿಮ್ಮ ತುಟಿ ಮೃದುವಾಗಿ ಹೆಚ್ಚು ಸಮಯ ತುಟಿಯ ಮೇಲೆ ಲಿಪ್ಸ್ಟಿಕ್ ಹಾಗೆಯೇ ಇರುತ್ತದೆ. ಮಾಸ್ಕ್​ ಧರಿಸಿದಾಗಲೂ ನೀವು ಹಚ್ಚಿದ ಲಿಪ್ಸ್ಟಿಕ್ ಸೇಫ್​ ಆಗಿಯೇ ಇರುತ್ತದೆ.

ಲಿಪ್​ ಲೈನರ್ ಬಳಸಿ ನಿಮ್ಮ ತುಟಿಗಳಿಗೆ ಆಕಾರ ನೀಡಲು ಈ ಲಿಪ್​ ಲೈನರ್​ ಬಳಸಬಹುದು. ಇದು ನಿಮ್ಮ ಲಿಪ್ಸ್ಟಿಕ್ ಅನ್ನು ಹೆಚ್ಚು ಕಾಲ ಇರುವಂತೆ ಮಾಡುತ್ತದೆ. ಅಲ್ಲದೆ ಮಾಸ್ಕ್​ ಧರಿಸಿದಾಗ ಲಿಪ್ಸ್ಟಿಕ್ ಹರಡದಂತೆ ತಡೆಯುತ್ತದೆ. ಹೀಗಾಗಿ ಲಿಪ್ಸ್ಟಿಕ್ ಹಚ್ಚುವ ಮೊದಲು ಮರೆಯದೇ ಲಿಪ್​ ಲೈನರ್​ ಬಳಸಿ.

ಲಿಪ್​ ಸ್ಟಿಕ್​ ಹಚ್ಚಿ ಲಿಪ್​ ಲೈನರ್​ ಹಚ್ಚಿದ ಬಳಿಕ ನಿಮ್ಮ ತುಟಿಗೆ ಲಿಪ್​ ಸ್ಟಿಕ್​ ಹಚ್ಚಿರಿ. ಮ್ಯಾಟ್​ ಅಥವಾ ಹೊಳಪುಳ್ಳ ಲಿಪ್ಸ್ಟಿಕ್ ಯಾವುದನ್ನಾದರೂ ಬಳಸಿ. ಆದರೆ ಮ್ಯಾಟ್​ ಲಿಪ್ಸ್ಸ್ಟಿಕ್​ ಹೆಚ್ಚು ಸೂಕ್ತ. ಇದು ದೀರ್ಘಕಾಲ ನಿಮ್ಮ ತುಟಿಯ ಮೇಲೆ ಇರುತ್ತದೆ.

ಲೂಸ್​ ಪೌಡರ್​ ಬಳಸಿ ಲಿಪ್​ ಸ್ಟಿಕ್​ ಮೇಲೆ ಲೈಟ್​ ಆಗಿ ಲೂಸ್​ ಪೌಡರ್​ ಹಾಕಿರಿ. ಇದು ನಿಮ್ಮ ಲಿಪ್ಸ್ಟಿಕ್ ಅನ್ನು ದೀರ್ಘಕಾಲ ಉಳಿಯುವಂತೆ ಮಾಡುತ್ತದೆ. ಬ್ರಷ್​ನಲ್ಲಿ ನಿಧಾನವಾಗಿ ಲೂಸ್​ ಪೌಡರ್​ ಪುಡಿಯನ್ನು ತೆಗೆದುಕೊಂಡು ತುಟಿಯ ಮೇಲೆ ಚಿಮುಕಿಸಿ. ಆಗ ನಿಮ್ಮ ಲಿಪ್​ಸ್ಟಿಕ್​ ಲಾಕ್​ ಆಗಿ ಹೆಚ್ಚು ಕಾಲ ಹಾಗೆಯೇ ಉಳಿಯುತ್ತದೆ. ಈ ಎಲ್ಲಾ ಹಂತಗಳ ಬಳಿಕ ನಿಮ್ಮ ಫೇಸ್​ ಮಾಸ್ಕ್ ಹಾಕಿಕೊಳ್ಳಿ. ಆಗ ಲಿಪ್​ ಸ್ಟಿಕ್​ ಮಾಸ್ಕ್​ಗೂ ತಾಗದೆ ಹೆಚ್ಚು ಕಾಲ ಅಂದವಾಗಿ ಕಾಣುತ್ತದೆ.