Relationship Tips : ಈ ಗುಣಗಳಿರುವ ಮಹಿಳೆಯರಿಗೆ ಪುರುಷರ ಅಗತ್ಯವೇ ಇರಲ್ವಂತೆ

ಅಡುಗೆ ಮನೆಗೆ ಸೀಮಿತವಾಗಿದ್ದ ಹೆಣ್ಣೊಬ್ಬಳು ಇಂದು ಎಲ್ಲಾ ಕ್ಷೇತ್ರದಲ್ಲಿಯೂ ಕೈಯಾಡಿಸುತ್ತಿದ್ದಾಳೆ. ಪುರುಷ ಪ್ರಧಾನ ವ್ಯವಸ್ಥೆಯ ಕಟ್ಟುಪಾಡುಗಳನ್ನು ಮೀರಿ ಬದುಕನ್ನು ಕಟ್ಟಿಕೊಂಡಿದ್ದಾಳೆ. ಅದಲ್ಲದೇ,ಮನಸ್ಸು ಒಪ್ಪದ ವ್ಯಕ್ತಿಯೊಂದಿಗೆ ಇರಲು ಇಷ್ಟಪಡದೇ, ಆ ಸಂಬಂಧದಿಂದ ದೂರಾಗಿ ಒಂಟಿ ಜೀವನ ನಡೆಸುವ ಮಹಿಳೆಯರನ್ನು ನೋಡಿರಬಹುದು. ಸಣ್ಣ ವಯಸ್ಸಿನಲ್ಲಿ ಪತಿಯನ್ನು ಕಳೆದುಕೊಂಡು ಯಾವ ಪುರುಷನ ನೆರಳಿಲ್ಲದೇ ಕುಟುಂಬದ ಜವಾಬ್ದಾರಿಯನ್ನು ನಿಭಾಯಿಸುವವರು ಹೆಣ್ಣು ಮಕ್ಕಳು ಇದ್ದಾರೆ. ಆದರೆ ಈ ರೀತಿಯ ಗುಣವಿರುವ ಹೆಣ್ಣು ಮಕ್ಕಳು ಮಾತ್ರ ಒಂಟಿಯಾಗಿ ಈ ಸಮಾಜದಲ್ಲಿ ಜೀವನ ಕಟ್ಟಿಕೊಳ್ಳಲು ಸಾಧ್ಯ.

ಸಾಹಸಮಯ ಹಾಗೂ ಧೈರ್ಯವಂತ ವ್ಯಕ್ತಿತ್ವ :

ಒಂಟಿಯಾಗಿ ಬದುಕುವ ಹೆಚ್ಚಿನ ಮಹಿಳೆಯರು ಸ್ವತಂತ್ರ ಜೀವನವನ್ನು ನಡೆಸಲು ಮುಖ್ಯ ಕಾರಣವೇ ಅವರಲ್ಲಿರುವ ಧೈರ್ಯವಂತ ವ್ಯಕ್ತಿತ್ವ. ಜೀವನದಲ್ಲಿ ಏನೇ ಎದುರಾದರೂ ಸಾಹಸಮಯಿ ಗುಣದ ಮೂಲಕ ಎಲ್ಲವನ್ನು ನಿಭಾಯಿಸಿಕೊಂಡು ಹೋಗುತ್ತಾರೆ. ಹೀಗಾಗಿ ಈ ಗುಣವಿರುವ ಮಹಿಳೆಯರು ಪುರುಷರಿಲ್ಲದೇ ಜೀವನವನ್ನು ಮುನ್ನಡೆಸಿಕೊಂಡು ಹೋಗಲು ಸಾಧ್ಯ.

ಸ್ವಯಂ ಜವಾಬ್ದಾರಿ ತೆಗೆದುಕೊಳ್ಳುವುದು :

ಯಾವ ಮಹಿಳೆಯೂ ತನ್ನ ಕುಟುಂಬ ಹಾಗೂ ಮಕ್ಕಳ ಜವಾಬ್ದಾರಿಯನ್ನು ತೆಗೆದುಕೊಳ್ಳುತ್ತಾಳೆಯೋ ಆಕೆಯೂ ಯಾವುದೇ ಪುರುಷನ ಮೇಲೆ ಅವಲಂಬಿತವಾಗಿರುವುದಿಲ್ಲ. ಒಂಟಿಯಾಗಿಯೇ ಎಲ್ಲಾ ಜವಾಬ್ದಾರಿ ಹಾಗೂ ಹೊಣೆಗಾರಿಕೆಗಳನ್ನು ನಿಭಾಯಿಸುತ್ತಾಳೆ. ಏನೇ ಸಮಸ್ಯೆಗಳಿದ್ದರೂ ಅದನ್ನು ಸುಲಭವಾಗಿ ಪರಿಹರಿಸಿಕೊಂಡು ಹೋಗುತ್ತಾಳೆ.

ಸದಾ ಸಂತೋಷದಿಂದಿರುವುದು :

ಒಂಟಿಯಾಗಿರಲಿ ಅಥವಾ ಕುಟುಂಬದ ಸದಸ್ಯರೊಂದಿಗಿರಲಿ ಸದಾ ಸಂತೋಷವಾಗಿರುವ ಮಹಿಳೆಗೆ ಪುರುಷನ ಅಗತ್ಯವೇ ಇರುವುದಿಲ್ಲ. ತಮ್ಮಲ್ಲಿ ತಾವು ಸಂತೋಷವನ್ನು ಕಾಣುವ ಮೂಲಕ ಕುಟುಂಬ, ಮನೆ ಮಕ್ಕಳನ್ನು ನಿಭಾಯಿಸುತ್ತಾಳೆ. ಯಾರಾದರೂ ಸಹಾಯ ಮಾಡಿದರೆ ಈ ಮಹಿಳೆಯರಲ್ಲಿ ಕೃತಜ್ಞತೆ ಭಾವವೊಂದು ಇರುತ್ತದೆ.

ಸ್ವತಂತ್ರ ಮನೋಭಾವ :

ಸ್ವತಂತ್ರ ಮನೋಭಾವವನ್ನು ಹೊಂದಿರುವ ಮಹಿಳೆಯರೂ ಯಾರ ಮೇಲು ಅವಲಂಬಿತರಾಗಿರುವುದಿಲ್ಲ. ಸ್ವತಂತ್ರ ನಿರ್ಧಾರದೊಂದಿಗೆ ತಮ್ಮ ಇಷ್ಟದಂತೆ ಬದುಕುತ್ತಾರೆ. ಸದಾ ಆರಾಮದಾಯಕವಾಗಿದ್ದು ಕೊಂಡೆ ತಾವು ಅಂದುಕೊಂಡಂತೆ ಜೀವನ ನಡೆಸುತ್ತಾರೆ. ಜೀವನದ ಪ್ರತಿ ಕ್ಷಣವನ್ನು ಆಸ್ವಾದಿಸುತ್ತಾರೆ. ಹೀಗಾಗಿ ಈ ಗುಣವಿರುವ ಹೆಣ್ಣು ಮಕ್ಕಳಿಗೆ ಗಂಡಸರ ಅವಶ್ಯಕತೆಯೇ ಇರಲ್ಲ.

ಧನಾತ್ಮಕ ದೃಷ್ಟಿಕೋನ :

ಪುರುಷನ ಅಗತ್ಯವಿಲ್ಲದ ಮಹಿಳೆಯರಲ್ಲಿ ಸಕಾರಾತ್ಮಕ ದೃಷ್ಟಿಕೋನವು ಸಾಮಾನ್ಯವಾಗಿರುತ್ತದೆ. ಜೀವನದಲ್ಲಿ ಏನೇ ಏರಿಳಿತಗಳಾದರೂ ಅದನ್ನು ಪಾಸಿಟಿವ್ ಆಗಿಯೇ ಸ್ವೀಕರಿಸುತ್ತಾರೆ. ಈ ವೇಳೆಯಲ್ಲಿ ಸಮಸ್ಯೆಗಳನ್ನು ನಿರ್ಲಕ್ಷಿಸುವುದಿಲ್ಲ, ಬದಲಾಗಿ ಆ ಸಮಸ್ಯೆಗಳನ್ನು ಒಪ್ಪಿಕೊಂಡು ಅದರೊಂದಿಗೆ ವ್ಯವಹರಿಸುವ ಗುಣವಿರುತ್ತದೆ.

ಇದನ್ನೂ ಓದಿ: Chanakya Niti : ಇಂತಹ ಜಾಗದಲ್ಲಿ ತಾಳ್ಮೆ ವಹಿಸಿದರೆ ನಿಮಗೆ ನೆಮ್ಮದಿ ಸಿಗುವುದು ಖಂಡಿತ

ಸಮತೋಲನ ಕಾಯ್ದುಕೊಳ್ಳುವುದು :

ಜೀವನದಲ್ಲಿ ಸಮತೋಲನವನ್ನು ಕಾಯ್ದುಕೊಳ್ಳುವ ವ್ಯಕ್ತಿತ್ವವು ಎಲ್ಲರಲ್ಲಿಯೂ ಇರುವುದಿಲ್ಲ. ತಮ್ಮ ಸ್ವಂತ ನಿರ್ಧಾರದಲ್ಲಿ ನಿಖರತೆ ಹಾಗೂ ದೃಢತೆ ಇರುವ ಮಹಿಳೆಯರ ಪುರುಸಷರ ಮೇಲೆ ಅವಲಂಬಿತರಾಗುವುದು ಕಡಿಮೆಯೇ. ಈ ಹೆಂಗಳೆಯರು ಜೀವನದಲ್ಲಿ ಪ್ರತಿಯೊಂದು ಅಂಶದಲ್ಲಿಯೂ ಸಮತೋಲನವನ್ನು ಕಾಯ್ದುಕೊಳ್ಳುತ್ತಾರೆ.

ಜೀವನಶೈಲಿ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ