Struggling For Sleep: ರಾತ್ರಿ ಸರಿಯಾಗಿ ನಿದ್ರೆ ಬರುತ್ತಿಲ್ಲವೇ? ಈ ಅಭ್ಯಾಸಗಳನ್ನು ತಪ್ಪಿಸಲೇಬೇಕು

ನಿದ್ರೆ ಬಾರದೇ ಇರುವುದು, ಅರೆ ನಿದ್ರೆ, ನಿದ್ರೆಯ ಮಧ್ಯೆ ಎಚ್ಚರವಾಗುವುದು, ನಿತ್ಯವೂ ಕೆಟ್ಟ ಕನಸು ಬಿದ್ದು ಎಚ್ಚರವಾಗುವುದು ಇವೆಲ್ಲದರಿಂದ ನಿದ್ರೆ ಹಾಳಾಗುತ್ತದೆ. ಸಂಡ್ ಸ್ಲೀಪ್ ಬಾರದೇ ಇದ್ದಾಗ, ನಿಮ್ಮ ಇಡೀ ದಿನವು ಆಯಾಸದಿಂದ ಕೂಡಿರುತ್ತದೆ. ಕಚೇರಿಯ ಟೆನ್ಷನ್​ಗಳು, ಮಕ್ಕಳ ಕಾಳಜಿ, ಭವಿಷ್ಯದ ಯೋಚನೆ, ಇನ್ನೂ ಕೆಲವು ಕಷ್ಟದ ಸಂದರ್ಭಗಳು ಕೂಡ ನಿದ್ರೆ ಬಾರದೇ ಇರುವುದಕ್ಕೆ ಪ್ರಮುಖ ಕಾರಣಗಳಾಗಿವೆ.

1. ರಾತ್ರಿ ಗಡಿಯಾರವನ್ನು ವೀಕ್ಷಿಸಬೇಡಿ
ಮಧ್ಯರಾತ್ರಿಯಲ್ಲಿ ಗಡಿಯಾರವನ್ನು ಪದೇ ಪದೇ ನೋಡುತ್ತಿರಬೇಡಿ. ಆಗ ಅಯ್ಯೋ ಇಷ್ಟು ಹೊತ್ತಾಗಿಬಿಡ್ತಾ ನಿದ್ರೆ ಮಾಡದೆ ಎಂದೆನಿಸಿಬಿಡುತ್ತದೆ. ಆಗ ಒತ್ತಡದಲ್ಲಿ ನಿದ್ರೆ ಬರುವುದಿಲ್ಲ. ಹಾಗಾಗಿ ರೂಮಿನಲ್ಲಿ ಗಡಿಯಾರವಿಡುವುದು ಬೇಡ.

2 ಮೊಬೈಲ್, ಲ್ಯಾಪ್​ಟಾಪ್, ಟಿವಿಯಿಂದ ದೂರವಿರಿ
ಟ್ಯಾಬ್ಲೆಟ್, ಫೋನ್ ಅಥವಾ ಲ್ಯಾಪ್‌ಟಾಪ್‌ನಿಂದ ನೀಲಿ ಬೆಳಕು ನಿಮ್ಮ ಮೆದುಳಿಗೆ ಇದು ಎಚ್ಚರಗೊಳ್ಳುವ ಸಮಯ ಎಂದು ಸಂಕೇತಿಸುತ್ತದೆ. ಮಲಗುವ ಸಮಯಕ್ಕೆ ಒಂದು ಗಂಟೆ ಮೊದಲು ಮೊಬೈಲ್​ನಿಂದ ದೂರವಿರಿ.

3 ಮತ್ತೊಂದು ಕೋಣೆಗೆ ಹೋಗಿ ಮಲಗಿ
ನೀವು 20 ನಿಮಿಷಕ್ಕಿಂತ ಹೆಚ್ಚು ನಿಮಿಷಗಳ ಕಾಲ ನಿದ್ರೆ ಬಂದಿಲ್ಲವೆಂದರೆ ಮತ್ತೊಂದು ಕೋಣೆಯಲ್ಲಿ ಹೋಗಿ ಮಲಗಿ.
ಸಣ್ಣ ಬಣ್ಣದ ಹಳದಿ ಅಥವಾ ಕೆಂಪು ಬೆಳಕನ್ನು ಮಾತ್ರ ಬೆಳಗಿಸಿ. ದೊಡ್ಡ ದೀಪಗಳನ್ನು ಬಳಸಬೇಡಿ. ಸಾಧ್ಯವಾದರೆ, ಇನ್ನೊಂದು ಕೋಣೆಗೆ ಹೋಗಿ. ಟಿವಿಯನ್ನು ಎಂದಿಗೂ ಆನ್ ಮಾಡಬೇಡಿ.

4. ಹಿಂದಕ್ಕೆ ಎಣಿಸಿ
ರಾತ್ರಿ ಎಚ್ಚರವಾದರೆ ನಾವು ಏನನ್ನಾದರೂ ಯೋಚಿಸಲು ಅಥವಾ ನೆನಪಿಸಿಕೊಳ್ಳಲು ಪ್ರಾರಂಭಿಸುತ್ತೇವೆ, ಅಂದರೆ ಹಿಂದೆ ನಡೆದ ಘಟನೆಗಳು ಅಥವಾ ಭವಿಷ್ಯದ ಯೋಜನೆ ಬಗ್ಗೆ ಚಿಂತೆ ಮಾಡುತ್ತೇವೆ. ಆಗ ನೀವು 100ರಿಂದ ಹಿಂದಕ್ಕೆ ಎಣಿಸಿ.

5.ಚಹಾ, ಕಾಫಿ ಅಥವಾ ಸೋಡಾವನ್ನು ಸೇವಿಸಬೇಡಿ
ಅದು ಕಾಫಿ, ಟೀ, ಸೋಡಾ, ಎನರ್ಜಿ ಡ್ರಿಂಕ್ಸ್ ಅಥವಾ ಚಾಕೊಲೇಟ್ ಆಗಿರಲಿ, ಕೆಫೀನ್ ನಿಮ್ಮ ಮೆದುಳನ್ನು ಎಚ್ಚರವಾಗಿರಲು ಪ್ರಚೋದಿಸುತ್ತದೆ. ಈ ರೀತಿಯ ನಿದ್ರಾಹೀನತೆ ಹೊಂದಿರುವ ವ್ಯಕ್ತಿಗಳು ಮಧ್ಯಾಹ್ನ 1 ಗಂಟೆಯ ನಂತರ ಯಾವುದೇ ರೀತಿಯ ಕೆಫೀನ್ ಅನ್ನು ತಪ್ಪಿಸಬೇಕು.

6. ಶಬ್ದ
ನಾವು ಮಲಗಿದಾಗಲೂ ಮೆದುಳು ಎಚ್ಚರವಾಗಿಯೇ ಇರುತ್ತದೆ. ಅದು ಕೇಳುವ ಶಬ್ದವು ಗಾಢ ನಿದ್ರೆಯಿಂದಲೂ ನಿಮ್ಮನ್ನು ಎಬ್ಬಿಸಬಹುದು. ಮನೆ ಜನನಿಬಿಡ ಪ್ರದೇಶದಲ್ಲಿ ಆಸ್ಪತ್ರೆ ಅಥವಾ ಪೊಲೀಸ್ ಠಾಣೆಯ ಸಮೀಪದಲ್ಲಿದ್ದರೆ, ಆಂಬ್ಯುಲೆನ್ಸ್ ಮತ್ತು/ಅಥವಾ ಪೊಲೀಸ್ ಸೈರನ್‌ಗಳ ಸದ್ದು ನಿದ್ರೆಗೆ ಭಂಗ ತರಬಹುದು. ಈ ಶಬ್ದವನ್ನು ತಪ್ಪಿಸಲು ನೀವು ಕಿವಿ ಪ್ಲಗ್​ಗಳನ್ನು ಬಳಸಬಹುದು.

7. ವೈನ್
ಮಲಗುವ ಮುನ್ನ ಒಂದು ಲೋಟ ಬಿಯರ್ ಅಥವಾ ವೈನ್ ನಿಮಗೆ ನಿದ್ರೆಗೆ ಸಹಾಯ ಮಾಡುತ್ತದೆ ಎಂದು ಸಾಮಾನ್ಯವಾಗಿ ಜನರು ಭಾವಿಸುತ್ತಾರೆ. ಆಲ್ಕೋಹಾಲ್ ನಿಮ್ಮ ದೇಹದಲ್ಲಿ ರಾಸಾಯನಿಕವನ್ನು ಹೆಚ್ಚಿಸುತ್ತದೆ ಅದು ನಿಮಗೆ ನಿದ್ರೆಗೆ ಸಹಾಯ ಮಾಡುತ್ತದೆ. ಆದರೆ ಈ ರಾಸಾಯನಿಕಗಳು ದೇಹದಿಂದ ಬೇಗನೆ ಹೊರಬರುತ್ತವೆ. ಅದರ ನಂತರ ಅದು ನಿದ್ರೆಗೆ ಅಡ್ಡಿಯಾಗುತ್ತದೆ. ಮಧ್ಯರಾತ್ರಿಯಲ್ಲಿ ಏಳಬಹುದು.

8. ಧ್ಯಾನ
ಶಾಂತವಾಗಿ ಕುಳಿತುಕೊಳ್ಳಿ ಮತ್ತು ನಿಮ್ಮ ಉಸಿರಾಟದ ಮೇಲೆ ಕೇಂದ್ರೀಕರಿಸಿ.

9. ವೇಳಾಪಟ್ಟಿಗೆ ಅಂಟಿಕೊಳ್ಳಿ
ನೀವು ರಾತ್ರಿಯಲ್ಲಿ ತುಂಬಾ ಸಮಯದವರೆಗೆ ಎದ್ದಿದ್ದರೆ, ಮರುದಿನ ಬೆಳಿಗ್ಗೆ ನೀವು ಸುಸ್ತಾಗಿರುತ್ತೀರಿ, ಆದರೆ ಅದನ್ನು ಸರಿದೂಗಿಸಲು ಹಗಲಿನಲ್ಲಿ ಮತ್ತೆ ಮಲಗಲು ಅಥವಾ ನಿದ್ರೆ ಮಾಡಲು ಪ್ರಯತ್ನಿಸಬೇಡಿ.
ಪ್ರತಿದಿನ ಒಂದೇ ಸಮಯದಲ್ಲಿ ಮಲಗುವುದು ಮತ್ತು ಏಳುವುದು ಮುಖ್ಯ. ಇದು ನಿದ್ರೆಯ ಸಮಯಕ್ಕೆ ವಿರುದ್ಧವಾಗಿ ಏಳುವ ಸಮಯವನ್ನು ತಿಳಿಯಲು ದೇಹಕ್ಕೆ ತರಬೇತಿ ನೀಡುತ್ತದೆ.

ಜೀವನಶೈಲಿಗೆ ಸಂಬಂಧಿಸಿದ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ