ಭಾರತದಲ್ಲಿ ತಾಲಿಬಾನ್​​ನ ಹೊಸ ಉಸ್ತುವಾರಿ ಅಧಿಕಾರಿ ನೇಮಕ ವರದಿ ತಿರಸ್ಕರಿಸಿದ ಅಫ್ಘಾನಿಸ್ತಾನ ರಾಯಭಾರ ಕಚೇರಿ

ತಾಲಿಬಾನ್, ಹೊಸ ಉಸ್ತುವಾರಿ ರಾಯಭಾರಿ ಅಧಿಕಾರಿಯನ್ನು ಅನ್ನು ಭಾರತದಲ್ಲಿ ನೇಮಿಸಿದೆ ಎಂಬ ಮಾಧ್ಯಮ ವರದಿಗಳನ್ನು ಭಾರತದಲ್ಲಿರುವ ಅಫ್ಘಾನಿಸ್ತಾನ (Afghanistan) ರಾಯಭಾರ ಕಚೇರಿ ತಿರಸ್ಕರಿಸಿದೆ. ಮಿಷನ್‌ನ ಅಧಿಕಾರಿಗಳ ವಿರುದ್ಧ ತಪ್ಪು ಮತ್ತು ಆಧಾರರಹಿತ ಮಾಹಿತಿ ಪ್ರಚಾರ ಮಾಡಲಾಗುತ್ತಿದೆ ಎಂದು ತಾಲಿಬಾನ್ (Taliban )ಅಧಿಕಾರಿ ಹೇಳಿದ್ದಾರೆ. ಭಾರತದ ಅಫ್ಘಾನಿಸ್ತಾನದ ರಾಯಭಾರಿಯಾಗಿರುವ ಫರೀದ್ ಮಮುಮ್‌ಜಯ್, ಅಫ್ಘಾನಿಸ್ತಾನದ ಜನರ ಹಿತಾಸಕ್ತಿಗಳಿಗೆ ಮತ್ತು ತಾಲಿಬಾನ್ ಆಡಳಿತದ ಬಗ್ಗೆ ಅದರ ನಿಲುವಿಗೆ ಭಾರತದ ಬೆಂಬಲವನ್ನು ಶ್ಲಾಘಿಸಿದರು. ಇಸ್ಲಾಮಿಕ್ ರಿಪಬ್ಲಿಕ್ ಆಫ್ ಅಫ್ಘಾನಿಸ್ತಾನದ ರಾಯಭಾರ ಕಚೇರಿಯು ತಾಲಿಬಾನ್‌ನ ಆಜ್ಞೆಯ ಮೇರೆಗೆ ದೆಹಲಿಯಲ್ಲಿ ಮಿಷನ್‌ನ ಜವಾಬ್ದಾರಿಯನ್ನು ವಹಿಸಿಕೊಂಡಿರುವುದಾಗಿ ಹೇಳಿಕೊಳ್ಳುವ ವ್ಯಕ್ತಿಯ ವಾದಗಳನ್ನು ಸ್ಪಷ್ಟವಾಗಿ ತಿರಸ್ಕರಿಸುತ್ತದೆ ಎಂದು ಮಮುಮ್‌ಜಯ್ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.

ಅಫ್ಘಾನ್ ಜನರ ಹಿತಾಸಕ್ತಿಗಳನ್ನು ಬೆಂಬಲಿಸಲು ಭಾರತೀಯ ಸರ್ಕಾರದ ಸ್ಥಿರವಾದ ಸ್ಥಾನವನ್ನು ರಾಯಭಾರ ಕಚೇರಿ ಪ್ರಶಂಸಿಸುತ್ತದೆ. ಅದೇ ಸಮಯದಲ್ಲಿ ಕಾಬೂಲ್‌ನಲ್ಲಿ ತಾಲಿಬಾನ್ ಆಡಳಿತವನ್ನು ಗುರುತಿಸುವುದಿಲ್ಲ, ಇದು ಪ್ರಪಂಚದಾದ್ಯಂತದ ಪ್ರಜಾಪ್ರಭುತ್ವ ಸರ್ಕಾರಗಳಂತೆಯೇ ಇದೆ ಎಂದು ಅವರು ಹೇಳಿದರು.

ಅಫ್ಘಾನಿಸ್ತಾನದ ಆಡಳಿತಾರೂಢ ತಾಲಿಬಾನ್ ತನ್ನ ಪ್ರಸ್ತುತ ವ್ಯಾಪಾರ ಸಲಹೆಗಾರ ಖಾದಿರ್ ಶಾ ಅವರನ್ನು ಭಾರತದಲ್ಲಿ ಕಾರ್ಯನಿರ್ವಾಹಕ ರಾಯಭಾರಿ ಆಗಿ ನೇಮಿಸಿದೆ ಎಂದು ಹಲವಾರು ಮಾಧ್ಯಮ ವರದಿಗಳು ಹೇಳಿವೆ. ಟೋಲೋ ನ್ಯೂಸ್ “ಭಾರತದಲ್ಲಿ ನೆಲೆಸಿರುವ ಆಫ್ಘನ್ ನಿರಾಶ್ರಿತರ” ಸಹಿ ಮಾಡದ ಪತ್ರದ ನಕಲನ್ನು ಟ್ವೀಟ್ ಮಾಡಿದೆ, ಅದು ಮಮುಮ್‌ಜಯ್ ಸೇರಿದಂತೆ ಮೂವರು ರಾಜತಾಂತ್ರಿಕರ ಹೆಸರನ್ನು ಹೆಸರಿಸಿದ್ದು, ಭಾರತೀಯ ಕಂಪನಿಯೊಂದಿಗೆ ಕೆಲವು ಬಾಡಿಗೆ ಒಪ್ಪಂದಕ್ಕೆ ಸಂಬಂಧಿಸಿದ ಭ್ರಷ್ಟಾಚಾರದ ಆರೋಪವನ್ನೂ ಮಾಡಿದೆ.

ಇದನ್ನೂ ಓದಿ: ತನ್ನನ್ನು 10 ವರ್ಷಗಳ ಕಾಲ ಜೈಲಿನಲ್ಲಿಡಲು ಸೇನೆ ಸಂಚು: ಪಾಕ್ ಮಾಜಿ ಪ್ರಧಾನಿ ಇಮ್ರಾನ್ ಖಾನ್ ಆರೋಪ

ಅಫ್ಘಾನ್ ಪ್ರಜೆಗಳ ನಿಜವಾದ ಹಿತಾಸಕ್ತಿಗಳನ್ನು ರಕ್ಷಿಸಲು ಮಿಷನ್ ಬದ್ಧವಾಗಿದೆ. ವಿಶೇಷವಾಗಿ ಈ ಪ್ರಯತ್ನದ ಸಮಯದಲ್ಲಿ ಮತ್ತು ಕೋವಿಡ್ -19 ಲಸಿಕೆಗಳು, ಔಷಧಿಗಳು ಮತ್ತು ಆಹಾರ ಸರಬರಾಜು ಸೇರಿದಂತೆ ಮಾನವೀಯ ಪ್ರಯತ್ನಗಳಲ್ಲಿ ಭಾರತೀಯ ಅಧಿಕಾರಿಗಳೊಂದಿಗೆ ನಿಕಟವಾಗಿ ಕೆಲಸ ಮಾಡಿದೆ ಎಂದು ರಾಯಭಾರಿ ಹೇಳಿದ್ದಾರೆ.

ಮಿಷನ್ ಸಾಮಾನ್ಯ ರೀತಿಯಲ್ಲಿ ಕಾರ್ಯನಿರ್ವಹಿಸುತ್ತಿದೆ ಮತ್ತು ಭಾರತದಲ್ಲಿ ಅವರ ಹಿತಾಸಕ್ತಿಗಳಿಗಾಗಿ ಕೆಲಸ ಮಾಡುತ್ತದೆ ಎಂಬುದನ್ನು ರಾಯಭಾರ ಕಚೇರಿಯು ಅಫ್ಘಾನ್ ಪ್ರಜೆಗಳಿಗೆ ತಿಳಿಸಲು ಬಯಸುತ್ತದೆ ಎಂದು ಮಮುಮ್ಡ್ಜಾಯ್ ಹೇಳಿದ್ದಾರೆ.

ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ