Kachidi gold Fish: ಬಲೆಗೆ ಬಿದ್ದ ಆ ಭಾರೀ ಮೀನು ಮೀನುಗಾರರಿಗೆ ತಂದುಕೊಟ್ಟಿತು ಲಕ್ಷ ಲಕ್ಷ! ಎಲ್ಲಿ?

ಮಾರುಕಟ್ಟೆಗೆ ಹೋದರೆ.. ಮೀನನ್ನು ಎಷ್ಟು ರೂಪಾಯಿಗೆ ಅಥವಾ ಎಷ್ಟು ಕೆಜಿ ಖರೀದಿಸುತ್ತೀರಿ? ಸಣ್ಣ ಮೀನು ಐವತ್ತು ರೂಪಾಯಿ.. ದೊಡ್ಡದು 100.. ಸ್ವಲ್ಪ ಉತ್ತಮವಾದ ಮೀನು ಇನ್ನೂರು.. ದೊಡ್ಡದು ಐದು ನೂರು.. ಅಬ್ಬಬ್ಬಾ ಸಾಕು. ಆದರೆ ಅದೇ ಒಂದು ಭಾರೀ ಗಾತ್ರದ ಮೀನು ಆಗಿದ್ದರೆ.. ಅದರ ಮೌಲ್ಯವೂ ಅಷ್ಟೇ.. ಭಾರವಾಗಿರುತ್ತದೆ ಬಿಡಿ. ಇಲ್ಲೂ ಅದನ್ನೇ ಹೇಳಹೊರಟಿರುವುದು ಬರೋಬ್ಬರಿ 3.5 ಲಕ್ಷ ರೂ ಮೌಲ್ಯದ ಮೀನಿನ ಬಗ್ಗೆ ಕೇಳಿದ್ದೀರಾ? ಅಂತಹ ದುಬಾರಿ ಮೀನಿನ ವಿಶೇಷತೆಗಳನ್ನು ಇಲ್ಲಿ ನಿಮಗೆ ಹೇಳಲಿದ್ದೇವೆ. ಇದು ಅನಕಪಲ್ಲಿ (Anakapalli) ಜಿಲ್ಲೆಯ ಪೂರ್ವ ಗೋದಾವರಿ ಗಡಿ ಭಾಗದಲ್ಲಿರುವ ಪಾಯಕರೋಪೇಟ ಪೆಂಟಕೋಟ ಗ್ರಾಮ. ಅಲ್ಲಿ ಮೀನುಗಾರರು ( Fishermen) ವಾಸಿಸುತ್ತಾರೆ. ಅವರ ಜೀವನಾಧಾರ ಮೀನುಗಾರಿಕೆ. ಅವರು ಅಲೆಗಳ ವಿರುದ್ಧ ಸಾಹಸ ಮಾಡುತ್ತಾ, ಬೇಟೆಯಾಡುತ್ತಾರೆ. ಕೆಲವೊಮ್ಮೆ ಅವರ ಪ್ರಯತ್ನಗಳಿಗೆ ಪ್ರತಿಫಲ ಸಿಗುವುದಿಲ್ಲ. ಎಂದಿನಂತೆ ಪಾಶ ಮಣ್ಣಯ್ಯ ಎಂಬ ಸಾಹುಕಾರ ಬೇಟೆಗೆ ತೆರಳಿದ್ದ. ಗಂಗಮ್ಮನಿಗೆ ನಮಸ್ಕರಿಸಿ ಸಮುದ್ರದಲ್ಲಿ ಬಲೆ ಬೀಸಿದ. ನೆಟ್‌ನಲ್ಲಿ ಏನೋ ಸಿಕ್ಕಿಬಿದ್ದಿತು. ಅದು ಸ್ವಲ್ಪ ಭಾರವೂ ಅನಿಸಿತು. ಅದು ನಿಜಕ್ಕೂ ಬಲೆಯಲ್ಲಿ ಸಿಕ್ಕಿಬಿದ್ದಿರುವ ದೊಡ್ಡ ಮೀನಾ ಅಥವಾ ಇನ್ನೇನಾದರೂ ಆಗಿದೆಯಾ ಎಂಬ ಅನುಮಾನ.. ಆತನಿಗೂ ಮತ್ತು ಆತನ ಸಂಗಡಿಗರಿಗೂ ಕಾಡಿತ್ತು. ಆದರೂ ಎಲ್ಲರೂ ಸೇರಿ ಬಲೆಯನ್ನು ನಿಧಾನವಾಗಿ ಮೇಲಕ್ಕೆ ಎಳೆದರು. ನೆಟ್ ಕೊನೆಗೆ ಬರುವಾಗಿ ಅವರಲ್ಲಿ ಟೆನ್ಶನ್, ಟೆನ್ಶನ್. ಆದರೆ ಆ ಟೆನ್ಶನ್ ಹೆಚ್ಚು ಕಾಲ ಉಳಿಯಲಿಲ್ಲ. ಯಾಕೆಂದರೆ ಆ ಬಲೆಯಲ್ಲಿ ಸಿಕ್ಕಿಬಿದ್ದಿದ್ದು ಭಾರೀ ಗಾತ್ರದ ಮೀನು..! ಅದು ಸಾಮಾನ್ಯ ಮೀನು ಅಲ್ಲ;ಅದು ದೊಡ್ಡದಾಗಿಯೇ ಇತ್ತು.

ಗೋಲ್ಡನ್ ಫಿಶ್ ಜೊತೆ ಅದೃಷ್ಟದ ಅವಕಾಶ..
ಮೀನು ಬಲೆಯೊಂದಿಗೆ ಬರುತ್ತಿದ್ದಂತೆ… ಮೀನುಗಾರರ ಸಂತಸ ಅಧಿಕವಾಗಿದೆ. ಏಕೆಂದರೆ ಅದು ಸಾಮಾನ್ಯ ಮೀನು ಅಲ್ಲ. ಗೋಲ್ಡನ್ ಫಿಶ್. ಅದನ್ನು ಕಚಿಡಿ ಪೀಸ್ ಎಂದೂ ಕರೆಯುತ್ತಾರೆ. ಅವರು ಅದನ್ನು ನಿಧಾನವಾಗಿ ಎಳೆದು ತುಂಬಾ ಕಷ್ಟಪಟ್ಟು ದೋಣಿಗೆ ಹಾಕಿದರು. ಹಾಗೆಯೇ ತಿರುಗಿನೋಡದೆ ಚುರುಕಾಗಿ ದಡಕ್ಕೆ ಬಂದರು. ಆ ವೇಳೆಗೆ ಮೀನು ನೋಡಲು ಅಪಾರ ಜನಸ್ತೋಮ ನೆರೆದಿತ್ತು. ತುಂಬಾ ಉತ್ಸಾಹದಿಂದ ಆ ಮೀನನ್ನು ತಮ್ಮ ಪಾಲಾಗಿ ಹೊಂದಲು ಪೈಪೋಟಿ ನಡೆಸಿದರು. ಇದರಿಂದಾಗಿ ಮುಂದೆ ಹರಾಜು ನಡೆಸುವುದು ಅನಿವಾರ್ಯವಾಯಿತು.

ಪಾಯಕರಾವ್‌ ಪೇಟೆ ಕರಾವಳಿ ಪ್ರದೇಶದಲ್ಲಿ ಇಂತಹ ಮೀನು ಹಿಂದೆಂದೂ ಸಿಕ್ಕಿರಲಿಲ್ಲ. 22 ಕೆಜಿ ತೂಕದ ಈ ಮೀನು ಕೊನೆಗೂ ಭರ್ಜರಿಯಾಗಿ ಹರಾಜಾಗಿದೆ. ಸೂರಿ ಮಣಿ ಎಂಬ ವ್ಯಕ್ತಿ ಬಂದು ಮೀನನ್ನು ಖರೀದಿಸಿದ. ಕೆಜಿಗೆ 14.5 ಸಾವಿರ ರೂಪಾಯಿ ದರದಲ್ಲಿ ಮೀನನ್ನು ಖರೀದಿಸಿದ. ಒಟ್ಟು ಮೂರು ಲಕ್ಷದ 20 ಸಾವಿರ ರೂ. ಗೆ ಅದು ಬಿಕರಿಯಾಗಿದೆ. ಅಲ್ಲಿಗೆ ಇದರಿಂದ ಮೀನು ಮಣ್ಣಯ್ಯ ಕುಟುಂಬ ಸಂತಸದಲ್ಲಿ ಮುಳುಗಿತ್ತು. ಆ ಸಾಹುಕಾರ ಒಂದೇ ದಿನದಲ್ಲಿ ಲಕ್ಷಾಧಿಪತಿಯಾಗಿದ್ದ.

ಆ ಮೀನಿಗೆ ಯಾಕೆ ಬೇಡಿಕೆ..?
ಪುಲಸವು ಸಾಮಾನ್ಯವಾಗಿ ಗೋದಾವರಿ ನದಿ ಜಿಲ್ಲೆಗಳಲ್ಲಿ ದುಬಾರಿ ಮೀನು. ಅಪರೂಪದ ಈ ಮೀನನ್ನು ತಿನ್ನಲು ಜನ ಪೈಪೋಟಿ ನಡೆಸುತ್ತಾರೆ. ಅದರಂತೆ, ಅದರ ಬೆಲೆ ಕೂಡ ಭಾರೀ ಆಗಿರುತ್ತದೆ. ಬೇಡಿಕೆಗೆ ಅನುಗುಣವಾಗಿ ಬೆಲೆ ತೀವ್ರವಾಗಿ ಏರುತ್ತದೆ. ಏಕೆಂದರೆ ಆ ಮೀನಿನ ರುಚಿಯೇ ಹಾಗೆ. ತೊಗಲು ಮಾರಿದರೂ ಪುಲಸ ಮೀನನ್ನು ತಿನ್ನಬೇಕು ಎನ್ನುತ್ತಾರೆ. ಅಲ್ಲದೆ.. ಈ ಕಚಿಡಿ ಮೀನು ಸಮುದ್ರದ ನೀರಿನಲ್ಲಿ ಅಪರೂಪಕ್ಕೆ ಸಿಗುತ್ತದೆ.
ಮೀನುಗಾರರು ಇದನ್ನು ಚಿನ್ನದ ಮೀನು ಎಂದು ಪರಿಗಣಿಸುತ್ತಾರೆ. ಬಲೆಯಲ್ಲಿ ಸಿಕ್ಕಿಹಾಕಿಕೊಳ್ಳುವುದು ಬಹಳ ಅಪರೂಪ. ಇವು ಒಟ್ಟಿಗೆ ಸೇರಲ್ಲ.

ಈ ಮೀನಿನ ವೈಶಿಷ್ಟ್ಯವೆಂದರೆ ಅದು ಸಮುದ್ರದ ನೀರಿನಲ್ಲಿ ವಿವಿಧ ಪ್ರದೇಶಗಳಲ್ಲಿ ವಿಹರಿಸುತ್ತದೆ. ಮೀನಿನ ಮಾಂಸವು ತುಂಬಾ ರುಚಿಕರ ಮತ್ತು ಔಷಧೀಯ ಗುಣಗಳನ್ನು ಹೊಂದಿದೆ ಎಂದು ಹೇಳಲಾಗುತ್ತದೆ. ಹಾಗಾಗಿಯೇ ಆ ಮೀನಿಗೆ ತುಂಬಾ ಬೇಡಿಕೆ. ಕಚಿಡಿ ಮೀನಿನಲ್ಲಿರುವ ಗಂಡು ಮೀನು ಚಿನ್ನದ ಬಣ್ಣದ್ದಾಗಿದೆ. ಈ ಮೀನಿನ ಹೊಟ್ಟೆಯ ಭಾಗವು ಬಹಳ ಮೌಲ್ಯಯುತವಾಗಿದೆ. ಮೀನಿನ ತೂಕವನ್ನು ಅವಲಂಬಿಸಿ, ಅದರ ಹೊಟ್ಟೆಯ ಭಾಗವೇ 80 ಸಾವಿರದವರೆಗೆ ಬಿಕರಿಯಾಗುತ್ತದೆ.

ಈ ಮೀನನ್ನು ಔಷಧದಲ್ಲಿ ಬಳಸುತ್ತಾರೆ ಎಂದೂ ಮೀನುಗಾರರು ಹೇಳುತ್ತಾರೆ. ಅದಕ್ಕಾಗಿಯೇ ಮೀನುಗಾರರು ತಮ್ಮ ಜೀವನದಲ್ಲಿ ಒಮ್ಮೆಯಾದರೂ ಅಂತಹ ಮೀನುಗಳನ್ನು ಹಿಡಿಯಲು ಬಯಸುತ್ತಾರೆ. ಯಾರು ಈ ಮೀನನ್ನು ಹಿಡಿಯುತ್ತಾರೋ ಅವರಿಗದು ಸುಗ್ಗಿ. ಅದಕ್ಕೇ ಈ ಮೀನು ವಿಶೇಷ..! ಇದೀಗ ಆ ಸಾಹುಕಾರ ಮನ್ನಯ್ಯ ಪಾಯಕರಾವ್ ಪೇಟೆ ಕರಾವಳಿಯಲ್ಲಿ ಹಾಟ್ ಟಾಪಿಕ್ ಆಗಿದ್ದಾರೆ.