ನೀಟ್​ ಪ್ರಶ್ನೆ ಪತ್ರಿಕೆ ಸೋರಿಕೆ ಪ್ರಕರಣ; ಶಶಿ ತರೂರ್ ಹೇಳಿಕೆ ವಿರುದ್ಧ ಬಿಜೆಪಿಯ ಜಿತಿನ್ ಪ್ರಸಾದ್​ ವಾಗ್ದಾಳಿ

ನವದೆಹಲಿ, ಜೂ.23: ನ್ಯಾಷನಲ್ ಟೆಸ್ಟಿಂಗ್ ಏಜೆನ್ಸಿ (NTA) 2024 ರ ಮೇ 5 ರಂದು ಒಎಂಆರ್​ ಮೋಡ್‌ನಲ್ಲಿ NEET (UG) ಪರೀಕ್ಷೆಯನ್ನು ನಡೆಸಿತ್ತು. ಇದರಲ್ಲಿ ಕೆಲವು ಅಕ್ರಮ ಪ್ರಕರಣಗಳು ಬೆಳಕಿಗೆ ಬಂದಿತ್ತು ಈ ಹಿನ್ನಲೆ ಕಾಂಗ್ರೆಸ್ ಸಂಸದ ಶಶಿ ತರೂರ್(Shashi Tharoor) ಅವರು ತಮ್ಮ ಎಕ್ಸ್​ ಖಾತೆಯಲ್ಲಿ ‘ಅವಮಾನಕರ’ ಪೋಸ್ಟ್‌ ಹಾಕಿದ್ದರು. ಇದಕ್ಕೆ  ಕೇಂದ್ರ ಬಿಜೆಪಿ ನಾಯಕರು ಕಿಡಿಕಾರಿದ್ದು, ಈ ಕುರಿತು ಕೇಂದ್ರ ಸಚಿವ ಜಿತಿನ್ ಪ್ರಸಾದ್(Jitin Prasada)​ ಅವರು ಇಂದು (ಭಾನುವಾರ) ತೀಕ್ಷ್ಣವಾಗಿ ಪ್ರತಿಕ್ರಿಯಿಸಿದ್ದಾರೆ.

ಹೌದು, ಕಾಂಗ್ರೆಸ್ ಸಂಸದ ಶಶಿ ತರೂರ್ ಅವರು ತಮ್ಮ ಎಕ್ಸ್​ ಖಾತೆಯಲ್ಲಿ ನಿನ್ನೆ ತಡರಾತ್ರಿ, ಪ್ರಶ್ನೆ ಮತ್ತು ಉತ್ತರವನ್ನು ಹೊಂದಿರುವ ಚಿತ್ರವನ್ನು ಹಂಚಿಕೊಂಡಿದ್ದರು. ಅದರಲ್ಲಿ “ಉತ್ತರ ಪ್ರದೇಶ ಎಂದು ಏನನ್ನು ಕರೆಯುತ್ತಾರೆ?” ಎಂಬ ಪ್ರಶ್ನೆ ಹಿಂದಿಯಲ್ಲಿತ್ತು. ಇದಕ್ಕೆ ಉತ್ತರವಾಗಿ, ‘ಪರೀಕ್ಷೆಯ ಮೊದಲು ಉತ್ತರ ತಿಳಿದಿರುವ ರಾಜ್ಯ ಎಂದು ವಿದ್ಯಾರ್ಥಿ ವಿವರಿಸಿದ್ದ. ಇದಕ್ಕೆ ತೀವ್ರ ವಿರೋಧ ವ್ಯಕ್ತವಾಗಿದೆ.

ಶಶಿ ತರೂರ್ ಟ್ವೀಟ್​

ಇದನ್ನೂ ಓದಿ:NEET-PG Exam: ನೀಟ್-ಪಿಜಿ ಪರೀಕ್ಷೆಯಲ್ಲಿ ಅಕ್ರಮ; ಭಾನುವಾರ ನಡೆಯಬೇಕಿದ್ದ ಎಕ್ಸಾಂ ಮುಂದೂಡಿಕೆ

ಜಿತಿನ್ ಪ್ರಸಾದ್​ ಟ್ವೀಟ್​

ಇಂತಹ ಖಂಡನೀಯ ಟೀಕೆಗಳ ಮೂಲಕ ನನ್ನ ರಾಜ್ಯ ಮತ್ತು ಅದರ ಜನರನ್ನು ಸ್ಟೀರಿಯೊಟೈಪ್ ಮಾಡುವ ಮೂಲಕ ಅವರನ್ನು ಓಡಿಸುವುದರಲ್ಲಿ ಅವರು ಹಾಸ್ಯವನ್ನು ನೋಡಲಿಲ್ಲ ಎಂದು ಪ್ರಸಾದ ಹೇಳಿದ್ದಾರೆ. ಜೊತೆಗೆ ಉತ್ತರ ಪ್ರದೇಶಕ್ಕೆ ಇಂತಹ ಅವಮಾನವು “ಖಂಡನೀಯವಾಗಿದೆ. ಇದನ್ನು ಖಂಡಿಸಬೇಕು” ಎಂದು ಅವರು ಹೇಳಿದ್ದಾರೆ.

ಮಾಜಿ ಕೇಂದ್ರ ಸಚಿವ ರಾಜೀವ್ ಚಂದ್ರಶೇಖರ್ ಟ್ವೀಟ್​

ಮಾಜಿ ಕೇಂದ್ರ ಸಚಿವ ರಾಜೀವ್ ಚಂದ್ರಶೇಖರ್ ಕೂಡ ವಾಗ್ದಾಳಿ ನಡೆಸಿದ್ದು, ಈ ಪೋಸ್ಟ್ ” ಭಾರತೀಯರನ್ನು ನಾಚಿಕೆಗೇಡಿನ ರಾಜಕಾರಣ” ಪ್ರದರ್ಶಿಸುತ್ತದೆ ಎಂದು ಹೇಳಿದ್ದಾರೆ. “ಇದು ಭಾರತೀಯರನ್ನು ನಾಚಿಸುವ ನಾಚಿಕೆಯಿಲ್ಲದ ಕ್ರೌರ್ಯ ರಾಜಕೀಯ. ಇದು ಕಾಂಗ್ರೆಸ್ ಮಾರ್ಗವಾಗಿದೆ. ಈ ಸ್ವಯಂ-ಶೀರ್ಷಿಕೆಯ ಜಾಗತಿಕ ನಾಗರಿಕರಿಂದ ಸಮರ್ಥವಾಗಿ ಪ್ರದರ್ಶಿಸಲ್ಪಟ್ಟಿದೆ. ಇದು ಕೆಲವೇ ತಿಂಗಳುಗಳ ಹಿಂದೆ, ಕಾಂಗ್ರೆಸ್​ನ ಮತ್ತೊಬ್ಬ ‘ಜಾಗತಿಕ ನಾಗರಿಕ’ ಪಿತ್ರೋಡಾ ಭಾರತೀಯರನ್ನು ಆಫ್ರಿಕನ್ನರು, ಚೈನೀಸ್, ಮಧ್ಯಪ್ರಾಚ್ಯದವರು ಎಂದು ಬಣ್ಣಿಸಿದ್ದರು. ಈ ರೀತಿಯ ಶ್ರೇಷ್ಠತೆಯ ಸಂಕೀರ್ಣವಾದ ಕಾಂಗ್ರೆಸ್ ಡಿಎನ್‌ಎಯಲ್ಲಿ ಆಳವಾಗಿ ಸಾಗುತ್ತದೆ” ಎಂದು ಈ ಚುನಾವಣೆಯಲ್ಲಿ ಶ್ರೀ ತರೂರ್ ವಿರುದ್ಧ ಸೋತ ಶ್ರೀ ಚಂದ್ರಶೇಖರ್ ಪೋಸ್ಟ್ ಮಾಡಿದ್ದಾರೆ.

ಬಿಜೆಪಿಯ ರಾಷ್ಟ್ರೀಯ ವಕ್ತಾರ ಸಿಆರ್ ಕೇಶವನ್ ಟ್ವೀಟ್​

ಬಿಜೆಪಿಯ ರಾಷ್ಟ್ರೀಯ ವಕ್ತಾರ ಸಿಆರ್ ಕೇಶವನ್, ‘ಶ್ರೀ ತರೂರ್ ಅವರನ್ನು ಪುನರಾವರ್ತಿತ ಅಪರಾಧಿ ಎಂದು ಕರೆದರು. ಅವರು ಈ ಹಿಂದೆ ನಮ್ಮ ಈಶಾನ್ಯ ಸಹೋದರ-ಸಹೋದರಿಯರನ್ನು ತೀವ್ರವಾಗಿ ಅವಮಾನಿಸಿದ್ದರು. ಅವರ ಸಾಂಪ್ರದಾಯಿಕ ಉಡುಗೆಯನ್ನು ವಿಲಕ್ಷಣ ಎಂದು ಲೇವಡಿ ಮಾಡಿದ್ದರು. ಇದೀಗ ಯುಪಿ ರಾಜ್ಯವು ಮೋಸಗಾರರ ರಾಜ್ಯವಾಗಿದೆ ಎಂದು ಸೂಚಿಸುವುದು ಅಸಮರ್ಥನೀಯ ಮತ್ತು ಕ್ಷಮಿಸಲಾಗದು ಎಂದರು

ರಾಜಸ್ಥಾನದ ಸಚಿವ ರಾಜ್ಯವರ್ಧನ್ ಸಿಂಗ್ ರಾಥೋಡ್ ಟ್ವೀಟ್​

ಕಾಂಗ್ರೆಸ್ ಸಂಸದರ ವಿರುದ್ಧ ವಾಗ್ದಾಳಿ ನಡೆಸಿದ ಮತ್ತೊಬ್ಬ ಬಿಜೆಪಿ ನಾಯಕ ರಾಜಸ್ಥಾನದ ಸಚಿವ ರಾಜ್ಯವರ್ಧನ್ ಸಿಂಗ್ ರಾಥೋಡ್, “ಶಶಿ, ನೀವು ಕ್ಷುಲ್ಲಕತೆಯನ್ನು ಆಶ್ರಯಿಸಬೇಕಾಗಿದೆ. ಮತ್ತು ಹಾಗೆ ಮಾಡುವುದರಿಂದ ಇಡೀ ರಾಜ್ಯದ ಜನರನ್ನು ಖಂಡಿಸುತ್ತೀರಾ? ನೀವು ಯುಪಿಯನ್ನು ನಿಮ್ಮದಾಗಿ ನೋಡುತ್ತಿಲ್ಲ, ಏಕೆಂದರೆ ನೀವು ಅದನ್ನು ಅಪಹಾಸ್ಯ ಮಾಡುತ್ತಿದ್ದೀರಿ” ಎಂದು ಅವರು ಪೋಸ್ಟ್ ಮಾಡಿದ್ದಾರೆ.‘

ಅಸ್ಸಾಂ ಮುಖ್ಯಮಂತ್ರಿ ಹಿಮಂತ ಬಿಸ್ವಾ ಶರ್ಮಾ ಟ್ವೀಟ್​

ಅಸ್ಸಾಂ ಮುಖ್ಯಮಂತ್ರಿ ಹಿಮಂತ ಬಿಸ್ವಾ ಶರ್ಮಾ ಅವರು “ಈ ಸಂಭಾವಿತ ವ್ಯಕ್ತಿ ಆಗಾಗ್ಗೆ ವಿವಿಧ ಸಂಸ್ಕೃತಿಗಳನ್ನು (ಮೊದಲ ಈಶಾನ್ಯ ಮತ್ತು ಈಗ ಯುಪಿ) ಗಮನಾರ್ಹವಾದ ಕಾಸ್ಟಿಕ್ ಪದಗಳಿಂದ ವಿಡಂಬನೆ ಮಾಡುತ್ತಾನೆ. ಅವನ ಮನಸ್ಸು ವಿಕಾರತೆಯ ಅಲೌಕಿಕ ಮಂಜಿನಲ್ಲಿ ಮುಳುಗಿದೆ” ಎಂದು ಅಸ್ಸಾಂ ಮುಖ್ಯಮಂತ್ರಿ ಪೋಸ್ಟ್ ಮಾಡಿದ್ದಾರೆ.

ಸಧ್ಯ ಕಾಂಗ್ರೆಸ್ ಸಂಸದ ಶಶಿ ತರೂರ್ ಹೇಳಿಕೆ ಬಿಜೆಪಿ ನಾಯಕರು ತೀವ್ರ ವಿರೋಧ ವ್ಯಕ್ತಪಡಿಸಿದ್ದು, ಶಶಿ ತರೂರ್ ವಿರುದ್ದ ಟ್ವೀಟ್​ ಮೂಲಕ ಕಿಡಿಕಾರುತ್ತಿದ್ದಾರೆ.

ರಾಷ್ಟೀಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ