Cowin: ಕೊವಿನ್ ಪೋರ್ಟಲ್ ಬಳಕೆದಾರರನ್ನು ಬ್ಲಾಕ್ ಮಾಡುತ್ತಿದೆಯೇ? ಇಲ್ಲಿದೆ ಸಂಪೂರ್ಣ ಮಾಹಿತಿ

ಕೊವಿನ್ ಎಂಬುದು ಕೊವಿಡ್-19 ಲಸಿಕೆ ಪಡೆಯಲು ಸ್ಲಾಟ್ ನೋಂದಾವಣೆ ಮಾಡಿಕೊಳ್ಳಲು ಬಳಸುವ ಸರ್ಕಾರದ ಅಧಿಕೃತ ವೆಬ್​ಸೈಟ್ ಆಗಿದೆ. ಇದೀಗ ಈ ವೆಬ್​ಸೈಟ್ ದಿನಕ್ಕೆ 50 ಕ್ಕೂ ಅಧಿಕ ಒಟಿಪಿ ಜನರೇಟ್ ಮಾಡುತ್ತಿರುವ ಬಳಕೆದಾರರನ್ನು ಬ್ಲಾಕ್ ಮಾಡುತ್ತಿದೆ ಎಂದು ಹೇಳಲಾಗುತ್ತಿದೆ. ಹಲವು ಮಂದಿ ಈ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಕೂಡ ಸ್ಕ್ರೀನ್​ಶಾಟ್ ಹಂಚಿಕೊಂಡಿದ್ದಾರೆ.

ಜೂನ್ 21ರಿಂದ ಲಸಿಕೆಗೆ ಆನ್​ಸೈಟ್ ರಿಜಿಸ್ಟ್ರೇಷನ್ ಆರಂಭವಾಗಲಿದೆ. ಅದರಿಂದ ಕೊವಿನ್ ಪೋರ್ಟಲ್​ಗೆ ಒತ್ತಡ ಉಂಟಾಗಬಹುದು ಎಂದು ಹೇಳಲಾಗುತ್ತಿದೆ. ಈ ಹಿನ್ನೆಲೆಯಲ್ಲಿ, ಕೊರೊನಾ ವಿರುದ್ಧದ ಲಸಿಕೆಗೆ ಕೊವಿನ್ ಪೋರ್ಟಲ್ ಮೂಲಕ ನೋಂದಣಿ ಮಾಡಿಸಿಕೊಳ್ಳುವವರು ತಿಳಿದಿರಬೇಕಾದ ಒಂದಷ್ಟು ವಿಚಾರಗಳು ಇಲ್ಲಿದೆ.

• ಕೊವಿನ್ ಬಳಕೆದಾರರನ್ನು ಬ್ಲಾಕ್ ಮಾಡುತ್ತಿದೆ ಎಂಬ ವಿಚಾರದಲ್ಲಿ ನೀವು ಈ ಅಂಶಗಳನ್ನು ತಿಳಿದಿರಬೇಕು
• ಹಲವು ಮಾಧ್ಯಮಗಳ ವರದಿಯ ಪ್ರಕಾರ, ಕೊವಿನ್ ವೆಬ್​ಸೈಟ್ ಅಸಮರ್ಪಕವಾಗಿ ಪೋರ್ಟಲ್ ಬಳಕೆ ಮಾಡುವವರನ್ನು ಬ್ಲಾಕ್ ಮಾಡುತ್ತಿದೆ
• ಲಸಿಕೆಯ ಸ್ಲಾಟ್​ಗಾಗಿ 1,000ಕ್ಕೂ ಅಧಿಕ ಹುಡುಕಾಟ ನಡೆಸುವ, ಒಂದೇ ಸಮಯಕ್ಕೆ ಮತ್ತೆ ಮತ್ತೆ ಹುಡುಕಾಟ ನಡೆಸುವವರನ್ನು ಬ್ಲಾಕ್ ಮಾಡುತ್ತಿದೆ
• ಒಂದು ದಿನದಲ್ಲಿ, ಅಂದರೆ 24 ಗಂಟೆಯ ಅವಧಿಯಲ್ಲಿ 50ಕ್ಕಿಂತ ಹೆಚ್ಚು ಒಟಿಪಿ ಜನರೇಟ್ ಮಾಡುತ್ತಿರುವ ಬಳಕೆದಾರರನ್ನು ಕೊವಿನ್ ಪೋರ್ಟಲ್ ಬ್ಲಾಕ್ ಮಾಡುತ್ತಿದೆ
• 15 ನಿಮಿಷದ ಅವಧಿಯ ಒಳಗಾಗಿ 20ಕ್ಕೂ ಹೆಚ್ಚು ಹುಡುಕಾಟ (ಸರ್ಚ್ ರಿಕ್ವೆಸ್ಟ್) ಕೊಡುತ್ತಿರುವ ಬಳಕೆದಾರರನ್ನು ಪೋರ್ಟಲ್ ಬ್ಲಾಕ್ ಮಾಡುತ್ತಿದೆ. ಅಥವಾ ಕೊವಿನ್​ನಿಂದ ಲಾಗ್​ಔಟ್ ಮಾಡುತ್ತಿದೆ
• ಮುಂದಿನ 24 ಗಂಟೆಗಳ ವರೆಗೆ ಬ್ಲಾಕಿಂಗ್ ಚಾಲ್ತಿಯಲ್ಲಿ ಇರುತ್ತದೆ
• ಕಳೆದ ಮೇ 1ರಂದು ಕೊರೊನಾ ವಿರುದ್ಧದ ಲಸಿಕೆಯು 18 ವರ್ಷ ವಯಸ್ಸು ಮೇಲ್ಪಟ್ಟ ಎಲ್ಲರಿಗೂ ತೆರೆದಿತ್ತು. ಅದರಿಂದಾಗಿ ಕೊವಿನ್ ಮೇಲೆ ಅಧಿಕ ಒತ್ತಡ ಉಂಟಾಗಿತ್ತು
• ಕೊವಿನ್ ಪೋರ್ಟಲ್​ನ ಅಪ್ಡೇಟ್ ಆಗಿರುವ ಸೇವೆಯ ಪ್ರಕಾರ, ಅಪಾಯಿಂಟ್​ಮೆಂಟ್ ಪಡೆಯಲು ಬಳಸುವ ಯಾವುದೇ ಆಟೊಮ್ಯಾಟಿಕ್ ಸಾಫ್ಟ್​ವೇರ್ ಒಪ್ಪಿತವಲ್ಲ
• ಮೂರು ಸೆಕೆಂಡ್​ಗಳ ಒಳಗೆ, ಒಂದಕ್ಕೂ ಹೆಚ್ಚು ಬಾರಿ ಪುಟವನ್ನು ರಿಫ್ರೆಶ್ ಕೊಡುವುದು ಕೂಡ ಒಪ್ಪಿತವಲ್ಲ
• ದಿನವೊಂದಕ್ಕೆ 1000ಕ್ಕೂ ಅಧಿಕ ಸರ್ಚ್ ರಿಕ್ವೆಸ್ಟ್ ಕೊಡುವುದು (ಒಬ್ಬರ ಹೆಸರಿಗೆ ಅಥವಾ ಗುಂಪಿಗೆ) ಮಾಡತಕ್ಕದ್ದಲ್ಲ

ಇದನ್ನೂ ಓದಿ: Corona Vaccine: ಕೊರೊನಾ ಲಸಿಕೆ ಪಡೆಯುವ ಮೊದಲು ಮತ್ತು ನಂತರ ಪಾಲಿಸಬೇಕಾದ ಅಂಶಗಳೇನು? ಇಲ್ಲಿದೆ ವಿವರ

ಕೊರೊನಾ ಲಸಿಕೆ ಎರಡನೇ ಡೋಸ್​ ಪಡೆಯುವವರ ಗಮನಕ್ಕೆ: ನಿಮಗೆ ನಿಗದಿಪಡಿಸಿರುವ ದಿನಾಂಕವನ್ನು ಹೆಚ್ಚು ಮುಂದೂಡಬೇಡಿ