ತಮಿಳುನಾಡಿಗೆ ಮತ್ತೊಂದು ಆಘಾತ; ಸದ್ಯದಲ್ಲೇ ಅಬ್ಬರಿಸಲಿರುವ ಅರ್ನಬ್​..ಅರ್ನಬ್​ ಎಂದರೆ ಏನು ಗೊತ್ತಾ?

ಹಿಂದೂಮಹಾಸಾಗರದಲ್ಲಿ ವಾಯುಭಾರ ಕುಸಿತದಿಂದ ಈ ಅರ್ನಬ್​ ಚಂಡಮಾರುತ ಏಳಲಿದ್ದು, ಇದೂ ಕೂಡ ತಮಿಳುನಾಡು, ಕೇರಳಕ್ಕೆ ಅಪ್ಪಳಿಸಲಿದೆ.

  • Lakshmi Hegde
  • Published On - 10:47 AM, 7 Dec 2020
ತಮಿಳುನಾಡಿಗೆ ಮತ್ತೊಂದು ಆಘಾತ; ಸದ್ಯದಲ್ಲೇ ಅಬ್ಬರಿಸಲಿರುವ ಅರ್ನಬ್​..ಅರ್ನಬ್​ ಎಂದರೆ ಏನು ಗೊತ್ತಾ?
ಅರ್ನಬ್​ ಚಂಡಮಾರುತ

ಚೆನ್ನೈ: ನಿವಾರ್ ಹಾಗೂ ಬುರೇವಿ ಚಂಡಮಾರುತಗಳು ಒಂದರ ಬೆನ್ನಿಗೆ ಮತ್ತೊಂದು ಅಪ್ಪಳಿಸಿ, ಸಾಕಷ್ಟು ಹಾನಿ ಮಾಡಿ ಹೋದ ಬೆನ್ನಲ್ಲೇ ಇನ್ನೊಂದು ಚಂಡಮಾರುತ ಅಪ್ಪಳಿಸಲು ಸಿದ್ಧವಾಗಿದೆ. ಇದರ ಹೆಸರು ‘ಅರ್ನಬ್​’..

ಅರ್ನಬ್​ ಎಂಬುವುದು ಸಂಸ್ಕೃತದ ಅರ್ಣವ ಪದದಿಂದ ಹುಟ್ಟಿರುವುದು. ಅರ್ಣವ ಎಂದರೆ ಸಮುದ್ರ, ಎಂದರೆ ಸಮುದ್ರ ಸೀಮೋಲ್ಲಂಘನ ಮಾಡಿದ್ದ ಆಂಜನೇಯನ ಹೆಸರು. ಹೀಗಾಗಿ ಈಗ ಸಮುದ್ರಗಳಲ್ಲಿ ಅಲೆಯೇಳುವ ಚಂಡಮಾರುತಕ್ಕೆ ಅರ್ನಬ್ ಎಂದು ಹೆಸರಿಟ್ಟಿದ್ದಾರೆ.

ಹಿಂದೂಮಹಾಸಾಗರದಲ್ಲಿ ವಾಯುಭಾರ ಕುಸಿತದಿಂದ ಈ ಅರ್ನಬ್​ ಚಂಡಮಾರುತ ಏಳಲಿದ್ದು, ಇದೂ ಕೂಡ ತಮಿಳುನಾಡು, ಕೇರಳಕ್ಕೆ ಅಪ್ಪಳಿಸಲಿದೆ. ಎರಡು ವಾರದೊಳಗೆ ನಿವಾರ್ ಮತ್ತು ಬುರೇವಿ ಅಬ್ಬರಕ್ಕೆ ತತ್ತರಿಸಿದ್ದ ತಮಿಳುನಾಡು, ಕೇರಳಕ್ಕೆ ಇದು ಇನ್ನೊಂದು ಆಘಾತವಾಗಲಿದೆ. ಎರಡೂ ರಾಜ್ಯಗಳಲ್ಲಿ ಮತ್ತೆ ವಿಪರೀತ ಮಳೆಯುಂಟಾಗುವ ಸಾಧ್ಯತೆ ಇದೆ.

ಅರ್ನಬ್​ ಹೆಸರು ನಮ್ಮ ದೇಶದಲ್ಲಿ ತುಸು ಪ್ರಸಿದ್ಧವೇ.. ಕಾರಣ ಟಿವಿ ನ್ಯೂಸ್  ಆಂಕರ್ ಅರ್ನಬ್ ಗೋಸ್ವಾಮಿ. ಆದರೆ ಈಗ ಏಳಲಿರುವ ಚಂಡಮಾರುತಕ್ಕೆ ಹೆಸರು ಕೊಟ್ಟಿದ್ದು ಭಾರತವೂ ಅಲ್ಲ, ಅರ್ನಬ್​ ಗೋಸ್ವಾಮಿ ಮತ್ತು ಅರ್ನಬ್​ ಚಂಡಮಾರುತಕ್ಕೆ ಯಾವುದೇ ಸಂಬಂಧವೂ ಇಲ್ಲ.

ಹಿಂದೂ ಮಹಾಸಾಗಾರ ಮತ್ತು ಬಂಗಾಳಕೊಲ್ಲಿಯಲ್ಲಿ ಹುಟ್ಟುವ ಚಂಡಮಾರುತಗಳಿಗೆ ಹೆಸರು ಸೂಚಿಸುವ ಪ್ಯಾನಲ್​ನಲ್ಲಿರುವ 13 ದೇಶಗಳು ಈಗಾಗಲೇ 169 ಚಂಡಮಾರುತಗಳನ್ನು ಪಟ್ಟಿ ಮಾಡಿಟ್ಟಿವೆ. ಅದರಲ್ಲಿ ಬಾಂಗ್ಲಾದೇಶ ಸೂಚಿಸಿದ್ದ ಅರ್ನಬ್​ ಎಂಬ ಹೆಸರಿನ ಚಂಡಮಾರುತ ಶೀಘ್ರದಲ್ಲೇ ತಮಿಳುನಾಡು, ಕೇರಳಕ್ಕೆ ಅಪ್ಪಳಿಸಲಿದೆ. ಹಾಗೇ ಬಾಂಗ್ಲಾದೇಶ ಅರ್ನಬ್​ ಹೆಸರನ್ನು ಸಾಗರ ಎಂಬರ್ಥದಲ್ಲಿಯೇ ಸೂಚಿಸಿದೆ.

‘ಚೆಂದ ಚೆಂದದ’ ಹೆಸರು ಇಟ್ಕೊಂಡು ಅಪ್ಪಳಿಸುತ್ತವಲ್ಲ ಈ ಚಂಡಮಾರುತಗಳು! ಇವಕ್ಕೆ ಹೆಸರು ಇಡೋರು ಯಾರು?

 

ಬುರೇವಿ ಅಬ್ಬರಕ್ಕೆ ಏಳು ಬಲಿ; 300ಕ್ಕೂ ಹೆಚ್ಚು ಹಳ್ಳಿಗಳು ಮುಳುಗಡೆ, ನೀರಿನಲ್ಲಿ ತೇಲಿಸಿಕೊಂಡು ಹೋಗುತ್ತಿವೆ ಜಾನುವಾರುಗಳು

 

ಚಂಡಮಾರುತಗಳಿಂದ ನಲುಗಿದ ತಮಿಳುನಾಡಿಗೆ ಅಮ್ಮಾ ಕ್ಯಾಂಟೀನ್ ಆಸರೆ