ಭಾರತೀಯ ನೌಕಾಪಡೆಗೆ ಮತ್ತಷ್ಟು ಬಲ: ನಾಲ್ಕನೇ ಪರಮಾಣು ಜಲಾಂತರ್ಗಾಮಿ ನೌಕೆ ಬಿಡುಗಡೆ

ಕೆನಡಾದೊಂದಿಗಿನ ರಾಜತಾಂತ್ರಿಕ ಉದ್ವಿಗ್ನತೆ ಒಂದೆಡೆ ಹೆಚ್ಚುತ್ತಿದ್ದರೆ ಮತ್ತೊಂದೆಡೆ ಭಾರತವು ತನ್ನ ನಾಲ್ಕನೇ ಪರಮಾಣು ಚಾಲಿತ ಬ್ಯಾಲಿಸ್ಟಿಕ್ ಕ್ಷಿಪಣಿ ಜಲಾಂತರ್ಗಾಮಿ ನೌಕೆಯನ್ನು ಸದ್ದಿಲ್ಲದೆ ಬಿಡುಗಡೆ ಮಾಡಿದೆ. ಈ ಜಲಾಂತರ್ಗಾಮಿ ನೌಕೆಯನ್ನು ಈ ವಾರ ಅಕ್ಟೋಬರ್ 16 ರಂದು ವಿಶಾಖಪಟ್ಟಣಂನ ಹಡಗು ನಿರ್ಮಾಣ ಕೇಂದ್ರದಲ್ಲಿ ಬಿಡುಗಡೆ ಮಾಡಲಾಯಿತು. ಈ ಜಲಾಂತರ್ಗಾಮಿ ನೌಕೆಯ ಕೋಡ್ ಹೆಸರು S4. ಈ ಜಲಾಂತರ್ಗಾಮಿ ಉಡಾವಣೆ ಕುರಿತು ಹೆಚ್ಚಿನ ಅಧಿಕೃತ ಮಾಹಿತಿ ಬಹಿರಂಗವಾಗಿಲ್ಲ ಏಕೆಂದರೆ ಸರ್ಕಾರವು ಅದರ ಬಗ್ಗೆ ಮೌನವನ್ನು ವಹಿಸಿದೆ.

S4 ನ ವೈಶಿಷ್ಟ್ಯಗಳು ಮತ್ತು ಸಾಮರ್ಥ್ಯಗಳು
ಹಿಂದೂಸ್ತಾನ್ ಟೈಮ್ಸ್​ ವರದಿ ಪ್ರಕಾರ, K-4 ಪರಮಾಣು ಬ್ಯಾಲಿಸ್ಟಿಕ್ ಕ್ಷಿಪಣಿಗಳನ್ನು ಹೊಂದಿದ್ದು, 3,500 ಕಿ.ಮೀ. ಲಂಬ ಉಡಾವಣಾ ವ್ಯವಸ್ಥೆಯ ಮೂಲಕ ಇದನ್ನು ಹಾರಿಸಬಹುದು. ಈ ವರ್ಗದ ಮೊದಲನೆಯ ಐಎನ್‌ಎಸ್ ಅರಿಹಂತ್ 750 ಕಿಮೀ ವ್ಯಾಪ್ತಿಯ ಕೆ-15 ಪರಮಾಣು ಕ್ಷಿಪಣಿಗಳನ್ನು ಹೊತ್ತೊಯ್ಯಬಲ್ಲದು.

ಅಕ್ಟೋಬರ್ 9 ರಂದು, ಭದ್ರತಾ ಕ್ಯಾಬಿನೆಟ್ ಸಮಿತಿ (CCS) ಎರಡು ಪರಮಾಣು ಚಾಲಿತ ದಾಳಿ ಜಲಾಂತರ್ಗಾಮಿ ನೌಕೆಗಳನ್ನು ನಿರ್ಮಿಸುವ ಭಾರತೀಯ ನೌಕಾಪಡೆಯ ಯೋಜನೆಯನ್ನು ಅನುಮೋದಿಸಿತು. ರಷ್ಯಾದ ಅಕುಲಾ ವರ್ಗದ ಪರಮಾಣು-ಚಾಲಿತ ದಾಳಿ ಜಲಾಂತರ್ಗಾಮಿ ನೌಕೆಯು 2028 ರಲ್ಲಿ ಗುತ್ತಿಗೆಗೆ ಸೈನ್ಯಕ್ಕೆ ಸೇರಲಿದೆ.

ಮತ್ತಷ್ಟು ಓದಿ: ದ್ವಾರಕದಲ್ಲಿ ದೇಶದ ಮೊದಲ ಜಲಾಂತರ್ಗಾಮಿ ಪ್ರವಾಸೋದ್ಯಮ

ಚೀನಾದಂತಹ ಪ್ರಬಲ ವಿರೋಧಿಗಳ ವಿರುದ್ಧ ಜಲಾಂತರ್ಗಾಮಿ ನೌಕೆಗಳಿಗೆ ಕೇಂದ್ರ ಸರ್ಕಾರ ವಿಶೇಷ ಗಮನ ನೀಡುತ್ತಿದೆ. ಇದಕ್ಕಾಗಿಯೇ ಸರ್ಕಾರವು ಭಾರತೀಯ ನೌಕಾಪಡೆಗೆ ಮೂರನೇ ವಿಮಾನವಾಹಕ ನೌಕೆಗಿಂತ ಪರಮಾಣು ದಾಳಿ ಮತ್ತು ಬ್ಯಾಲಿಸ್ಟಿಕ್ ಕ್ಷಿಪಣಿ ಜಲಾಂತರ್ಗಾಮಿ ನೌಕೆಗಳಿಗೆ ಆದ್ಯತೆ ನೀಡಿದೆ.

ಭಾರತವು ಗುತ್ತಿಗೆ ಪಡೆದ ಮೊದಲ ಪರಮಾಣು ದಾಳಿ ಜಲಾಂತರ್ಗಾಮಿ ನೌಕೆಗೆ ಐಎನ್‌ಎಸ್ ಚಕ್ರವನ್ನು ಎಸ್ 1 ಎಂದು ಹೆಸರಿಸಲಾಯಿತು. ಐಎನ್‌ಎಸ್ ಅರಿಹಂತ್‌ಗೆ ಎಸ್‌2, ಐಎನ್‌ಎಸ್ ಅರಿಘಾಟ್‌ಗೆ ಎಸ್3, ಐಎನ್‌ಎಸ್ ಅರಿಧಮನ್‌ಗೆ ಎಸ್4 ಎಂದು ಹೆಸರಿಡಲಾಗಿದೆ. ಹೊಸದಾಗಿ ಪ್ರಾರಂಭಿಸಲಾದ ಜಲಾಂತರ್ಗಾಮಿ ನೌಕೆಗೆ ಎಸ್​4 ಹೆಸರಿಡಲಾಗಿದೆ.

ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ