ಭಾರತಕ್ಕೆ ಬಂದಿಳಿಯಿತು ಇನ್ನೂ 3 ರಫೇಲ್ ಯುದ್ಧ ವಿಮಾನ
7000 ಕಿ.ಮೀ. ಕ್ರಮಿಸಿ ಇಂದು ಭಾರತಕ್ಕೆ 3 ರಫೇಲ್ ಜೆಟ್ಗಳು ಬಂದಿಳಿದಿವೆ. ಈ ಕುರಿತು ಭಾರತೀಯ ವಾಯುಸೇನೆ ಮಾಹಿತಿ ನೀಡಿದೆ.
ನವದೆಹಲಿ: ನೆರೆಯ ಚೀನಾ ದೇಶವು ಗಡಿಯಲ್ಲಿ ಕಾಲ್ಕೆರೆದುಕೊಂಡು ಜಗಳಕ್ಕೆ ಬರುತ್ತಿರುವಾಗಲೇ ಭಾರತದ ವಾಯುಸೇನೆ ಬಲ ಹೆಚ್ಚುತ್ತಿದೆ. ಫ್ರಾನ್ಸ್ನಿಂದ 3ನೇ ಹಂತದಲ್ಲಿ 3 ರಫೇಲ್ ವಿಮಾನಗಳು ಭಾರತಕ್ಕೆ ಬಂದಿವೆ.
7000 ಕಿ.ಮೀ. ಕ್ರಮಿಸಿ ಇಂದು ಭಾರತಕ್ಕೆ 3 ರಫೇಲ್ ಜೆಟ್ಗಳು ಬಂದಿಳಿದಿವೆ. ಈ ಕುರಿತು ಭಾರತೀಯ ವಾಯುಸೇನೆ ಮಾಹಿತಿ ನೀಡಿದೆ. ಗಡಿಯಲ್ಲಿ ಪರಿಸ್ಥಿತಿ ಉದ್ವಿಗ್ನವಾಗಿರುವಾಗಲೇ ದೇಶದ ವಾಯುಪಡೆಗೆ ಹೊಸ ಬಲ ನೀಡಿದಂತಾಗಿದೆ.
ರಫೇಲ್ ಬಂದ ಬಗ್ಗೆ ವಾಯುಪಡೆ ಟ್ವೀಟ್ ಇಲ್ಲಿದೆ
The third batch of three Rafale aircraft landed at an IAF base a short while ago. They flew over 7000Km with in-flight refuelling. The aircraft got airborne earlier in the day from #IstresAirBase in France. IAF deeply appreciates the tanker support provided by UAE Air Force. pic.twitter.com/tykLthzVlx
— Indian Air Force (@IAF_MCC) January 27, 2021
ಭಾರತ ಸರ್ಕಾರವು ಒಟ್ಟು 36 ರಫೇಲ್ ಜೆಟ್ಗಳನ್ನು ತರಿಸಿಕೊಳ್ಳುತ್ತಿದೆ. ಅದರಲ್ಲಿ 5 ವಿಮಾನಗಳು ಅಂಬಾಲಾ ವಾಯುನೆಲೆಯಲ್ಲಿ ಜುಲೈ 29ರಂದು ಬಂದಿಳಿದಿದ್ದವು. ಈ ಜೆಟ್ಗಳ ಸೇರ್ಪಡೆಯಿಂದ ಭಾರತದ ವಾಯುಸೇನೆಯ ಬಲ ಇಮ್ಮಡಿಸಿದೆ.
ಮೊದಲ ಹಂತದಲ್ಲಿ ರಫೇಲ್ ಯುದ್ಧವಿಮಾನಗಳು ಅಂಬಾಲಾಗೆ ಬಂದಿಳಿದಾಗ ವಾಯುಪಡೆ ಮುಖ್ಯಸ್ಥ ಏರ್ ಚೀಫ್ ಮಾರ್ಷಲ್ ಆರ್.ಕೆ.ಎಸ್. ಭದೌರಿಯಾ ಮತ್ತು ಇತರ ಹಿರಿಯ ಅಧಿಕಾರಿಗಳು ಉಪಸ್ಥಿತರಿದ್ದರು. ಇದಾದ ನಂತರ ಮತ್ತೊಂದು ಬ್ಯಾಚ್ನಲ್ಲಿ ಇನ್ನೂ 3 ರಫೇಲ್ ಜೆಟ್ಗಳು ಬಂದಿಳಿದಿದ್ದವು. ಇದೀಗ ಮತ್ತೊಂದು ಬ್ಯಾಚ್ನಲ್ಲಿ 3 ರಫೇಲ್ ವಿಮಾನಗಳು ಬಂದಿವೆ.