ದೇಶದಲ್ಲಿ ತೀವ್ರ ಅಪೌಷ್ಟಿಕತೆಯಿಂದ ಬಳಲುತ್ತಿದ್ದಾರೆ 9,27,606 ಮಕ್ಕಳು: ಕೇಂದ್ರ ಸರ್ಕಾರ

ದೆಹಲಿ: ಆರು ತಿಂಗಳಿಂದ ಆರು ವರ್ಷದೊಳಗಿನ ತೀವ್ರ ಅಪೌಷ್ಟಿಕತೆಯಿಂದ ಬಳಲುತ್ತಿರುವ ಒಂಬತ್ತು ಲಕ್ಷ ಮಕ್ಕಳನ್ನು ದೇಶದಲ್ಲಿ ಗುರುತಿಸಲಾಗಿದ್ದು, ಅವರಲ್ಲಿ 3,98,359 ಮಂದಿ ಉತ್ತರ ಪ್ರದೇಶದವರು ಎಂದು ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಸಚಿವಾಲಯ ತಿಳಿಸಿದೆ.

ರಾಜ್ಯಸಭೆಯಲ್ಲಿ ಪ್ರಶ್ನೆಯೊಂದಕ್ಕೆ ಉತ್ತರಿಸಿದ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಸಚಿವೆ ಸ್ಮೃತಿ ಇರಾನಿ, 2017-18 ರಿಂದ 2020-21ರವರೆಗೆ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಿಗೆ ಸಚಿವಾಲಯವು  ₹5,312.79 ಕೋಟಿಗಳನ್ನು ಬಿಡುಗಡೆ ಮಾಡಿದೆ. ಅದರಲ್ಲಿ ₹ 2,985.56 ಕೋಟಿಗಳನ್ನು ಮಾರ್ಚ್ 31, 2021ವರೆಗೆ ಬಳಸಿಕೊಳ್ಳಲಾಗಿದೆ.

“ಐಸಿಡಿಎಸ್ -ಆರ್‌ಆರ್‌ಎಸ್ ಪೋರ್ಟಲ್ (30 ನೇ ನವೆಂಬರ್, 2020 ರ ಪ್ರಕಾರ), ದೇಶದಲ್ಲಿ ₹9,27,606 ತೀವ್ರ ಅಪೌಷ್ಟಿಕ (ಎಸ್‌ಎಎಂ) ಮಕ್ಕಳನ್ನು (6 ತಿಂಗಳು – 6 ವರ್ಷ) ಗುರುತಿಸಲಾಗಿದೆ. ಅದರಲ್ಲಿ 3,98,359 ರಾಜ್ಯದಿಂದ ಸಮಗ್ರ ಮಕ್ಕಳ ಅಭಿವೃದ್ಧಿ ಸೇವೆಗಳ ಅಡಿಯಲ್ಲಿ, 6 ತಿಂಗಳ -6 ವರ್ಷದೊಳಗಿನ ತೀವ್ರ ಅಪೌಷ್ಟಿಕತೆಯಿಂದ ಬಳಲುತ್ತಿರುವ ಮಕ್ಕಳು ಸೇರಿದಂತೆ ಮಕ್ಕಳಿಗೆ ಪೂರಕ ಪೌಷ್ಠಿಕಾಂಶವನ್ನು ಒದಗಿಸಲಾಗಿದೆ “ಎಂದು ಸ್ಮೃತಿ ಇರಾನಿ ಲಿಖಿತ ಉತ್ತರದಲ್ಲಿ ತಿಳಿಸಿದ್ದಾರೆ.

ಜೂನ್‌ನಲ್ಲಿ ಆರ್‌ಟಿಐ ಪ್ರತಿಕ್ರಿಯೆಯ ಆಧಾರದ ಮೇಲೆ ಪಿಟಿಐ ಈ ಡೇಟಾವನ್ನು ವರದಿ ಮಾಡಿತ್ತು.
ವಿಶ್ವ ಆರೋಗ್ಯ ಸಂಸ್ಥೆ (WHO) ” ತೀವ್ರವಾದ ಅಪೌಷ್ಟಿಕತೆ ” (SAM) ಅನ್ನು ಎತ್ತರಕ್ಕೆ ಕಡಿಮೆ ತೂಕದಿಂದ ಅಥವಾ 115 ಮಿ.ಮೀ ಗಿಂತ ಕಡಿಮೆ ಇರುವ ಮಧ್ಯದ ಮೇಲ್ಭಾಗದ ತೋಳಿನ ಸುತ್ತಳತೆಯಿಂದ ಅಥವಾ ಪೌಷ್ಠಿಕಾಂಶದ ಎಡಿಮಾದ ಉಪಸ್ಥಿತಿಯಿಂದ ವ್ಯಾಖ್ಯಾನಿಸುತ್ತದೆ.

ಇದನ್ನೂ ಓದಿ: ಕೃಷ್ಣಮೃಗಗಳ ಹಿಂಡು ಪಾರ್ಕಿನಲ್ಲಿ ಜಿಗಿಯುತ್ತಾ ರಸ್ತೆ ದಾಟುವ ದೃಶ್ಯ ನೋಡಿ ಮೋಡಿಗೊಳಗಾದ ಪ್ರಧಾನಿ ಮೋದಿ, ‘ಅದ್ಭುತ’ ಅಂತ ಉದ್ಗರಿಸಿದರು!

ಇದನ್ನೂ ಓದಿ: Uttara Kannada Flood: ಭೂಕುಸಿತಕ್ಕೊಳಗಾದ ಕಳಚೆ ಗ್ರಾಮದ ಸಂಪೂರ್ಣ ಸ್ಥಳಾಂತರ, ನೊಂದವರಿಗೆ ಶೀಘ್ರ ಪರಿಹಾರ: ಸಿಎಂ ಬಸವರಾಜ ಬೊಮ್ಮಾಯಿ ಸೂಚನೆ

(Over nine lakh severely acute malnourished children aged between six months and six years in India says Centre)