’ಭಾರತ ಐಸಿಸ್ ಉಗ್ರರ ಶಿಬಿರಗಳನ್ನು ನಡೆಸುತ್ತಿದೆ’-ಪಾಕಿಸ್ತಾನದ ಆರೋಪ, ಸ್ಥಳಗಳ ಪಟ್ಟಿ ಬಿಡುಗಡೆ
ಅಫ್ಘಾನಿಸ್ತಾನದಲ್ಲಿ ಅಧಿಕಾರಕ್ಕೆ ಬಂದ ತಾಲಿಬಾನ್ಗೆ ಪಾಕಿಸ್ತಾನ ಸಹಕಾರ ಕೊಡುತ್ತಿದೆ. ತಾಲಿಬಾನ್ ಆಡಳಿತಕ್ಕೆ ಬಂದ ನಂತರ ಪಾಕಿಸ್ತಾನದ ಗಮನ ಹೆಚ್ಚಾಗಿದೆ ಎಂಬ ವರದಿಯ ಬೆನ್ನಲ್ಲೇ ಈ ಆರೋಪ ಮಾಡಲಾಗಿದೆ.
ಕಾಶ್ಮೀರಿಗಳ ಸ್ವಾತಂತ್ರ್ಯ ಹೋರಾಟಕ್ಕೆ ಭಾರತ ಅಡ್ಡಗಾಲು ಹಾಕಲು, ತನ್ನ ನೆಲದ ಹಲವು ನಗರಗಳಲ್ಲಿ ಐಸಿಸ್ (ISIS) ಭಯೋತ್ಪಾದಕ ಕ್ಯಾಂಪ್ಗಳನ್ನು ಆಯೋಜಿಸುತ್ತಿದೆ ಎಂದು ಪಾಕಿಸ್ತಾನ ಆರೋಪ ಮಾಡಿದೆ. ಸುದ್ದಿಗೋಷ್ಠಿ ನಡೆಸಿದ ಪಾಕಿಸ್ತಾನದ ವಿದೇಶಾಂಗ ವ್ಯವಹಾರಗಳ ಸಚಿವ ಶಾ ಮಹಮ್ಮದ್ ಖುರೇಷಿ, ರಾಷ್ಟ್ರೀ ಭದ್ರತಾ ಸಲಹೆಗಾರ ಮೊಯೀದ್ ಯುಸುಫ್ ಮತ್ತು ಮಾನವ ಹಕ್ಕುಗಳ ಸಚಿವ ಶಿರೀನ್ ಮಜಾರಿ, ಈ ಆರೋಪ ಮಾಡಿದ್ದಾರೆ. ಹಾಗೇ, ಇದಕ್ಕೆ ಸಂಬಂಧಪಟ್ಟ 131 ಪುಟಗಳ ದಾಖಲೆಯನ್ನೂ ಬಿಡುಗಡೆ ಮಾಡಿದ್ದಾರೆ. ಭಾರತದ ಗುಲ್ಮಾರ್ಗ್, ರಾಯಪುರ, ಜೋಧಪುರ, ಚಕ್ರಾಟಾ, ಅನುಪ್ ಗಡ್, ಬಿಕಾನೆರ್ಗಳಲ್ಲಿ ಐಸಿಸ್ ಉಗ್ರರ ಶಿಬಿರಗಳು ಕಾರ್ಯಾಚರಣೆ ನಡೆಸುತ್ತಿವೆ ಎಂದು ಪ್ರತಿಪಾದಿಸಿದ್ದಾರೆ.
ಅಫ್ಘಾನಿಸ್ತಾನದಲ್ಲಿ ಅಧಿಕಾರಕ್ಕೆ ಬಂದ ತಾಲಿಬಾನ್ಗೆ ಪಾಕಿಸ್ತಾನ ಸಹಕಾರ ಕೊಡುತ್ತಿದೆ. ತಾಲಿಬಾನ್ ಆಡಳಿತಕ್ಕೆ ಬಂದ ನಂತರ ಪಾಕಿಸ್ತಾನದ ಗಮನ ಹೆಚ್ಚಾಗಿದೆ ಎಂಬ ಮಾತುಗಳು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಕೇಳಿಬಂದ ಬೆನ್ನಲ್ಲೇ ಪಾಕಿಸ್ತಾನ, ಭಾರತದ ವಿರುದ್ಧ ಆರೋಪ ಮಾಡಿದೆ. ಕಾಶ್ಮೀರದ ಪ್ರತ್ಯೇಕತಾವಾದಿ ನಾಯಕ ಸೈಯದ್ ಅಲಿ ಗಿಲಾನಿ ನಿಧನ ಮತ್ತು ಆ ಬಳಿಕ ಅವರ ಕುಟುಂಬವನ್ನು ಭಾರತ ನಡೆಸಿಕೊಂಡ ರೀತಿಯನ್ನು ಗಮನದಲ್ಲಿಟ್ಟುಕೊಂಡು ನಾವು ದಾಖಲೆಯನ್ನು ಸಂಕಲಿಸಿದ್ದೇವೆ. ಕಾಶ್ಮೀರದ ಪರಿಸ್ಥಿತಿಯನ್ನು ಪರಿಗಣಿಸಿಕೊಂಡು, ಅಲ್ಲಿನ ಕೇಂದ್ರ ಸರ್ಕಾರದ ನೈಜ ಮುಖವನ್ನು ಜಗತ್ತಿನ ಎದುರು ಅನಾವರಣ ಗೊಳಿಸುವ ಸಲುವಾಗಿ ನಾವು ದಾಖಲೆ ಬಿಡುಗಡೆ ಮಾಡಿದ್ದೇವೆ ಎಂದೂ ಖುರೇಷಿ ಹೇಳಿಕೊಂಡಿದ್ದಾರೆ.
ನಂತರ ಮಾತನಾಡಿದ ಮೊಯೀದ್ ಯುಸುಫ್, ಇದೀಗ ನಡೆಯುತ್ತಿರುವ ಕಾಶ್ಮೀರ ಸ್ವಾತಂತ್ರ್ಯ ಹೋರಾಟಕ್ಕೆ ಐಸಿಸ್ ಉಗ್ರರನ್ನು ಭಾರತವೇ ಸೇರಿಸಿಕೊಂಡು, ನಂತರ ಅದನ್ನು ಅಂತಾರಾಷ್ಟ್ರೀಯ ಭಯೋತ್ಪಾದನೆಗೆ ಲಿಂಕ್ ಮಾಡಬಹುದು. ಈ ಮೂಲಕ ಕಾಶ್ಮೀರ ಹೋರಾಟಕ್ಕೆ ಅಡ್ಡಗಾಲು ಹಾಕಲು ಸಿದ್ಧತೆ ನಡೆಸಿದೆ ಎಂದು ತಿಳಿಸಿದ್ದಾರೆ.
ಇದನ್ನೂ ಓದಿ: ಶತಮಾನದ ಆರಂಭದಲ್ಲಿ ಯುವಕರ ನಿದ್ರೆಗೆಡಿಸಿದ್ದ ಶ್ರೀಯಾ ಶರನ್ ಮತ್ತೇ ವಾಪಸ್ಸು ಬಂದಿದ್ದಾಳೆ!
Pegasus row ಪೆಗಾಸಸ್ ವಿವಾದ ಬಗ್ಗೆ ವಿವರವಾದ ಅಫಿಡವಿಟ್ ಸಲ್ಲಿಸುವುದಿಲ್ಲ: ಸುಪ್ರೀಂಕೋರ್ಟ್ನಲ್ಲಿ ಕೇಂದ್ರ ಹೇಳಿಕೆ
Published On - 4:31 pm, Mon, 13 September 21