ತೂಕ ಹೆಚ್ಚಾದಷ್ಟು ‘ಕೊರೊನಾ’ ಅಪಾಯ ಜಾಸ್ತಿ!

ದೆಹಲಿ: ಕೊರೊನಾ ಕೊರೊನಾ ಕೊರೊನಾ. ಹೀಗೆ ಎಲ್ಲಿ ಕೇಳಿದ್ರು ಕಿವಿಗೆ ಪ್ರತಿಧ್ವನಿಸುವ ಒಂದೇ ಪದವೆಂದ್ರೆ ಡೆಡ್ಲಿ ಕೊರೊನಾ. ಚೀನಿಯರ ಗಿಫ್ಟ್ ‘ಕೊರೊನಾ’ ಸೋಂಕಿನ ಸಂಕಟದಿಂದ ಇಡೀ ಜಗತ್ತು ಕುಸಿದು ಬಿದ್ದಿದೆ. ಈ ಹೊತ್ತಲ್ಲೇ ಕೊರೊನಾ ಬಗ್ಗೆ ಧೈರ್ಯ ತುಂಬುವ ಮಾತುಗಳು ಆಗಾಗ ಕೇಳಿಬರ್ತಿವೆ. ಆದರೆ ತಜ್ಞರು ಈಗ ಹೊಸದಾಗಿ ನೀಡಿರುವ ಮಾಹಿತಿ ನಿಮ್ಮನ್ನು ಬೆಚ್ಚಿಬೀಳಿಸುವಂತಿದೆ.

ಕೊರೊನಾ ಸಾಮಾನ್ಯ ಸೋಂಕು, ಬಂದು ಹೋಗುತ್ತೆ. ಆದರೆ ಸ್ವಲ್ಪ ಎಚ್ಚರವಾಗಿದ್ದರೆ ಸಾಕು ಅಂತಾ ಎಲ್ಲರೂ ಧೈರ್ಯ ತುಂಬುತ್ತಿದ್ದಾರೆ. ಆದರೆ ಈ ನಡುವೆ ಬಯಲಾಗುತ್ತಿರುವ ಹೊಸ ಅಧ್ಯಯನಗಳ ರಿಪೋರ್ಟ್​ಗಳು ಬೇರೆಯ ಕಥೆಯನ್ನೇ ಹೇಳುತ್ತಿವೆ. ಈಗ ಕೂಡ ದಪ್ಪಗಿರುವ ಜನರಿಗೆ ಸಂಶೋಧಕರು ಬ್ಯಾಡ್ ನ್ಯೂಸ್ ಕೊಟ್ಟಿದ್ದಾರೆ.

ತೂಕ ಹೆಚ್ಚಾದಷ್ಟು ‘ಕೊರೊನಾ’ ಅಪಾಯ ಜಾಸ್ತಿ!
ಕೊರೊನಾ ಸೋಂಕಿಗೆ ಸಂಬಂಧಿಸಿ ಹಲವು ಆಯಾಮದಲ್ಲಿ ತಜ್ಞರು ಅಧ್ಯಯನಗಳನ್ನ ನಡೆಸ್ತಿದ್ದಾರೆ. ಈ ಬಾರಿ ಅಧಿಕ ತೂಕ ಮತ್ತು ಅತಿಯಾದ ಬೊಜ್ಜಿರುವ ವ್ಯಕ್ತಿಗಳ ಸರದಿ. ಅತಿಯಾದ ಬೊಜ್ಜಿರುವ ವ್ಯಕ್ತಿಗಳಿಗೆ ಈ ವೈರಸ್​ನಿಂದ ಅಪಾಯ ಹೆಚ್ಚೆಂದು ಹೊಸ ಅಧ್ಯಯನ ತಿಳಿಸಿದೆ. ಬ್ರಿಟಿಷ್ ಆರೋಗ್ಯ ಇಲಾಖೆಯ ಕಾರ್ಯನಿರ್ವಾಹಕ ಸಂಸ್ಥೆಯ ಪಬ್ಲಿಕ್ ಹೆಲ್ತ್ ವಿಭಾಗ ಈ ಅಧ್ಯಯನ ವರದಿ ಬಿಡುಗಡೆ ಮಾಡಿದೆ.

ತೂಕ ಹೆಚ್ಚಾಗಿದ್ರೆ ಡೇಂಜರ್!
ಅಧಿಕ ತೂಕ ಇರುವವರಲ್ಲಿ ಹೆಚ್ಚಿನವರಿಗೆ ಐಸಿಯು ಬೇಕು ಬೇಕು ಅಂತಾ ವರದಿಯಲ್ಲಿ ಹೇಳಲಾಗಿದೆ. ಇನ್ನು ತೂಕ ಹೆಚ್ಚಾಗಿದ್ದರೆ ಕೊರೊನಾ ವಿರುದ್ಧ ಗೆಲುವು ಕೂಡ ಅಸಾಧ್ಯವಾಗಿರುತ್ತದೆ. 94 ಸೆಂಟಿ ಮೀಟರ್​ಗೂ ಹೆಚ್ಚು ಸೊಂಟದ ಸುತ್ತಳತೆ ಇರುವ ಪುರುಷರು ಹಾಗೂ 80 ಸೆಂಟಿ ಮೀಟರ್​ಗೂ ಹೆಚ್ಚು ಸುತ್ತಳತೆ ಇರುವ ಮಹಿಳೆಯರಿಗೆ ಕೊರೊನಾ ಸಮಸ್ಯೆ ಎದುರಾಗಬಹುದು. ಇನ್ನು ಇವರಲ್ಲಿ ಉಸಿರಾಟದ ಸಮಸ್ಯೆ ಎದುರಾದರೆ ಅಪಾಯ ಕಟ್ಟಿಟ್ಟ ಬುತ್ತಿ ಅಂತಾ ವರದಿಯಲ್ಲಿ ಉಲ್ಲೇಖಿಸಲಾಗಿದೆ.

ಒಟ್ನಲ್ಲಿ ದಪ್ಪಗೆ ಇರುವವರು ಈ ವರದಿಯಿಂದಲಾದರೂ ಎಚ್ಚೆತ್ತುಕೊಳ್ಳಬೇಕಿದೆ. ಕೊರೊನಾ ಹರಡದಂತೆ ತಮ್ಮ ಜೀವ ರಕ್ಷಣೆಗೆ ಮುನ್ನೆಚ್ಚರಿಕಾ ಕ್ರಮಗಳನ್ನ ಕೈಗೊಳ್ಳಬೇಕಿದೆ. ಯಾಕಂದ್ರೆ ಡೆಡ್ಲಿ ‘ಕೊರೊನಾ’ ಈಗ ಹಳ್ಳಿ ಹಳ್ಳಿಗಳಲ್ಲೂ ಎಂಟ್ರಿಕೊಟ್ಟು ಸ್ಥಳೀಯರ ಎದೆಬಡಿತ ಏರುಪೇರಾಗುವಂತೆ ಮಾಡಿದೆ.