ತನಗೆ ಹಾವು ಕಚ್ಚಿದೆ ಅಂತಾ ಸೂಟು-ಬೂಟು ಧರಿಸಿ ಆಸ್ಪತ್ರೆಗೆ ಬಂದ ಯುವಕನ ನೋಡಿ ದಂಗಾದ ವೈದ್ಯರು, ಆತನ ಕೈಯಲ್ಲಿ ಏನಿತ್ತು ಗೊತ್ತಾ?

ಮಿರ್ಜಾಪುರ (ಉತ್ತರ ಪ್ರದೇಶ) , ನವೆಂಬರ್ 22: ಉತ್ತರ ಪ್ರದೇಶದಲ್ಲಿ ಪಟುಲ್​​​ಖಿ (Patulkhi village) ಎಂಬ ಗ್ರಾಮದ ವ್ಯಕ್ತಿಗೆ ನಾಗರ ಹಾವು ಕಚ್ಚಿರುವ ( snake bite) ಆಘಾತಕಾರಿ ಘಟನೆ ಸೋಮವಾರ ನಡೆದಿದೆ. ಸೂರಜ್ ಎಂದು ಗುರುತಿಸಲಾದ ಯುವಕ ನಂತರ ಇಲ್ಲಿನ ಮಿರ್ಜಾಪುರ (Mirzapur, Uttar Pradesh) ವಿಭಾಗೀಯ ಆಸ್ಪತ್ರೆಗೆ ಬಂದು ವೈದ್ಯಕೀಯ ನೆರವು ಕೋರಿದ್ದಾನೆ ಎಂದು ಆಸ್ಪತ್ರೆ ಆಡಳಿತದ ಹಿರಿಯ ಅಧಿಕಾರಿಗಳು ತಿಳಿಸಿದ್ದಾರೆ.

ಅಧಿಕಾರಿಯ ಪ್ರಕಾರ, ಸೋಮವಾರ ಸಂಜೆ ಸೂರಜ್ ಗೆ ಅವರ ಮನೆಯಲ್ಲಿ ಹಾವು ಕಚ್ಚಿದ ಘಟನೆ ನಡೆದಿದೆ. ಅವರು ಅದೇ ದಿನ ಸಂಜೆ ತಡವಾಗಿ ಆಸ್ಪತ್ರೆಗೆ ಬಂದರು. ತುರ್ತು ಚಿಕಿತ್ಸಾ ವಿಭಾಗಕ್ಕೆ ನುಗ್ಗಿಬಂದ ಅವರು ಸೂಟು-ಬೂಟಿನೊಂದಿಗೆ ಉತ್ತಮ ಬಟ್ಟೆ ಧರಿಸಿದ್ದರು. ಅವರನ್ನು ನೋಡಿ ಅಲ್ಲಿನ ವೈದ್ಯಲೋಕ ಆಘಾತಕ್ಕೊಳಗಾಗಿದೆ.

ಏಕೆಂದರೆ ಸೂರಜ್ ತನಗೆ ಹಾವು ಕಚ್ಚಿದೆ ಎಂದು ಚೀರಾಡುತ್ತಾ ಬಹಿರಂಗಪಡಿಸಿದ್ದಾನೆ. ಜೊತೆಗೆ, ತನಗೆ ಕಚ್ಚಿರುವ ಹಾವನ್ನು ಜೀವಂತವಾಗಿ ತಂದು ಪ್ರದರ್ಶಿಸಿದ್ದಾನೆ. ಆಸ್ಪತ್ರೆ ಮತ್ತು ಸಿಬ್ಬಂದಿಯಲ್ಲಿ ಇದು ಭೀತಿಯನ್ನು ಸೃಷ್ಟಿಸಿತು ಎಂದು ಅಲ್ಲಿನ ವೈದ್ಯಾಧಿಕಾರಿ ಹೇಳಿದ್ದಾರೆ. ಹಾವನ್ನು ಕಂಡ ವೈದ್ಯರು ತಕ್ಷಣವೇ ವಿಷ ವಿರೋಧಿ ಚುಚ್ಚುಮದ್ದನ್ನು ಆ ಯುವಕನಿಗೆ ಚುಚ್ಚಿದ್ದಾರೆ. ಸೂರಜ್ ಅದರಿಂದ ಚೇತರಿಸಿಕೊಂಡಿದ್ದಾರೆ ಎಂದು ಅವರು ಹೇಳಿದರು.

ಇದನ್ನೂ ಓದಿ: Human-snake conflict: ಮಾನವ-ಹಾವಿನ ಸಂಘರ್ಷ ಕಡಿಮೆ ಮಾಡಲು ಪಿಐಟಿ ಟ್ಯಾಗ್‌ ಮೊರೆ ಹೋದ ಕರ್ನಾಟಕ ಅರಣ್ಯ ಇಲಾಖೆ

ಆಸ್ಪತ್ರೆಯ ಎಸ್‌ಐಸಿ ಪ್ರಭಾರಿ ಡಾ. ತರುಣ್ ಸಿಂಗ್ ಅವರು ಘಟನೆಯನ್ನು ದೃಢಪಡಿಸಿದರು. ಚಿಕಿತ್ಸೆಯ ನಂತರ ಸೂರಜ್ ಅವರ ಸ್ಥಿತಿ ಸುಧಾರಿಸಿದೆ. ತುರ್ತು ಚಿಕಿತ್ಸಾ ವಿಭಾಗದ ಹಾಸಿಗೆಯ ಮೇಲೆ ಹಾವನ್ನು ಪ್ರದರ್ಶಿಸಿ ಆತಂಕದ ವಾತಾವರಣ ನಿರ್ಮಿಸಿಬಿಟ್ಟಿದ್ದರು. ಇದೀಗ ಎಲ್ಲವೂ ಶಾಂತ ಸ್ಥಿತಿಗೆ ಮರಳಿದೆ. ಘಟನೆಯ ಸಂಪೂರ್ಣ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಹಾವು ಕಡಿತದ ಪ್ರಕರಣಗಳು ಭಾರತದಲ್ಲಿ ಸಾಮಾನ್ಯವಾಗಿದೆ.

ವೈರಲ್​​ ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ