Kannada News Photo gallery A special attempt to attract voters through painting: various paintings are flashing on the walls of the polling booths
ಚಿತ್ರಕಲೆ ಮೂಲಕ ಮತದಾರರ ಸೆಳೆಯುವ ವಿಶೇಷ ಪ್ರಯತ್ನ: ಮತ ಕೆಂದ್ರಗಳ ಗೋಡೆ ಮೇಲೆ ರಾರಾಜಿಸುತ್ತಿವೆ ವಿವಿಧ ಚಿತ್ರ ಕಲಾಕೃತಿಗಳು
ಚುನಾವಣಾ ಆಯೋಗದ ನಿರ್ದೇಶನದಂತೆ ಗರಿಷ್ಠ ಪ್ರಮಾಣದಲ್ಲಿ ಮತದಾನವಾಗುವಂತೆ ಮಾಡಲು, ಮತಗಟ್ಟೆಗಳಲ್ಲಿ ವಿಶೇಷವಾದ ಚಿತ್ರಗಳನ್ನು ಬರೆಸುವ ಮೂಲಕ ಮತದಾರರನ್ನು ಮತಗಟ್ಟೆಗಳತ್ತ ಸೆಳೆಯಲು ಸ್ವೀಪ್ ಸಮಿತಿ ಮುಂದಾಗಿದೆ.
ಸಾರ್ವತ್ರಿಕ ವಿಧಾನ ಸಭಾ ಚುನಾವಣೆಯಲ್ಲಿ ಮತದಾರರರನ್ನು ಸೆಳೆಯಲು, ಚುನಾವಣಾ ಆಯೋಗದ
ನಿರ್ದೇಶನದಂತೆ ಗರಿಷ್ಠ ಪ್ರಮಾಣದಲ್ಲಿ ಮತದಾನವಾಗುವಂತೆ ಮಾಡಲು, ಮತಗಟ್ಟೆಗಳಲ್ಲಿ ವಿಶೇಷವಾದ
ಚಿತ್ರಗಳನ್ನು ಬರೆಸುವ ಮೂಲಕ ಮತದಾರರನ್ನು ಮತಗಟ್ಟೆಗಳತ್ತ ಸೆಳೆಯಲು ಸ್ವೀಪ್ ಸಮಿತಿ ಮುಂದಾಗಿದೆ.
1 / 6
ವಿಧಾನಸಭಾ ಚುನಾವಣೆಯಲ್ಲಿ ಜಿಲ್ಲೆಯ ಯಾವ ಮತದಾರ ಕೂಡ ಮತದಾನದಿಂದ ವಂಚಿತರಾಗಬಾರದು.
ಕಳೆದ ವಿಧಾನಸಭಾ ಚುನಾವಣೆಗಿಂತ ಈ ಬಾರಿಯ ಚುನಾವಣೆಯಲ್ಲಿ ಹೆಚ್ಚಿನ ಮತದಾನವಗುವಂತೆ ಮಾಡಬೇಕೇಂಬ
ಸದುದ್ದೇಶದಿಂದ ಚಿಕ್ಕಮಗಳೂರು ಜಿಲ್ಲಾ ಚುನಾವಣಾ ಅಧಿಕಾರಿಗಳು ಸ್ವೀಪ್ ಕಮಿಟಿಯ ಮೂಲಕ
ಮತಗಟ್ಟೆಗಳತ್ತ ಮತದಾರರನ್ನು ಸೆಳೆಯುವ ಸಲುವಾಗಿ ಮತಗಟ್ಟೆಗನ್ನು ಆಯ್ಕೆ ಮಾಡಿಕೊಂಡು
ಗೋಡೆಯ ಮೇಲೆ ಭಿನ್ನ ವಿಭಿನ್ನ ರೀತಿಯ ಚಿತ್ರಕಲೆ ಬಿಡಿಸಿ
ಮತದಾರರನ್ನು ಸೆಳೆಯಲು ಸಿದ್ಧತೆ ಮಾಡಿಕೊಂಡಿದೆ.
2 / 6
ಚುನಾವಣಾ ಆಯೋಗದ ನಿರ್ದೇಶನದ ಪ್ರಕಾರ ಪ್ರತೀ ವಿಧಾನಸಭಾ ಕ್ಷೇತ್ರವಾರು ತಲಾ ಒಂದೆರೆಡು
ಮತಕೇಂದ್ರಗಳಲ್ಲಿ ಈ ರೀತಿಯ ಚಿತ್ರಗಳನ್ನು ಬಿಡಿಸಲು ಸೂಚನೆ ಸಿಕ್ಕಿದ್ದು, ಚಿಕ್ಕಮಗಳೂರು ಜಿಲ್ಲಾ
ಚುನಾವಣಾ ಅಧಿಕಾರಿಗಳು ವಿಶೇಷ ಆಸಕ್ತಿ ವಹಿಸಿ ಜಿಲ್ಲೆಯಲ್ಲಿ ಹತ್ತಕ್ಕೂ ಅಧಿಕ ಮತಕೇಂದ್ರಗಳನ್ನು
ಆಯ್ಕೆ ಮಾಡಿಕೊಂಡು ಒಂದೊಂದು ಮತಕೇಂದ್ರದಲ್ಲೂ ಒಂದೊಂದು ರೀತಿಯ ಚಿತ್ರಗಳನ್ನು ಬಿಡಿಸುವ
ಮೂಲಕ ಮತದಾನ ಮಾಡಲು ಬಂದವರಿಗೆ ಇನ್ನಷ್ಟು ಸಮಯ ಇಲ್ಲಿಯೇ ಇರುವಂತೆ ಭಾಸವಾಗುವ
ರೀತಿಯಲ್ಲಿ ಹೊಸ ಅನುಭವ ನೀಡಲು ಮುಂದಡಿ ಇಟ್ಟಿದೆ.
3 / 6
ಪ್ರತೀ ವಿಧಾನ ಸಭಾ ಕ್ಷೇತ್ರದಲ್ಲೂ ತಲಾ ಹತ್ತು ಥಿಮ್ ಆಧಾರಿತ ಮತದಾನ ಕೇಂದ್ರಗಳನ್ನು ಸೃಷ್ಟಿಸಿ
ಒಂದೊಂದು ಮತದಾನ ಕೇಂದ್ರದಲ್ಲೂ ಒಂದೊಂದು ಬಗೆಯ ಚಿತ್ರಗಳನ್ನು ಬಿಡಿಸುವ ಮೂಲಕ ಹೊಯ್ಸಳರ
ಕಾಲದ ಚಿತ್ರಕಲೆ, ಜಾನಪದ, ವನ್ಯಜೀವಿ, ಸೇರಿದಂತೆ ಇತರೆ ವಿಷಗಳನ್ನು ಬಿಡಿಸುವ ಮೂಲಕ ಮತದಾರರಿಗೆ
ಹೊಸ ಸಂದೇಶ ರವಾನಿಸಲು ಸಜ್ಜಾಗುತ್ತಿವೆ.
4 / 6
ಚುನಾವಣಾ ಆಯೋಗದ ನಿರ್ದೇಶನದಂತೆ ಆಯಾ ಪರಿಸರಕ್ಕೆ ಅನುಗುಣವಾಗಿ ಮತದಾನ ಕೇಂದ್ರಗಳಲ್ಲಿ
ಚಿತ್ರಗಳನ್ನು ಬಿಡಿಸುವ ಮೂಲಕ ಮತಗಟ್ಟೆಗಳಿಗೆ ಬರುವ
ಮತದಾರರಿಗೆ ಚುನಾವಣೆ ಎನ್ನುವುದು ಒಂದು ಹಬ್ಬದ ರೀತಿಯಲ್ಲಿದೆ ಎನ್ನುವ ಅನುಭವ ನೀಡಬೇಕು,
ವಿವಿಧ ಚಿತ್ರಗಳ ಮೂಲಕ ಮತದಾರರನ್ನು ಸೆಳೆಯಲು ಸಹಕಾರಿಯಾಗುತ್ತದೆ. ಗೋಡೆ ಮೇಲಿನ ಬರಹಗಳನ್ನು
ನೋಡಿ ಮತದಾರರಿಗೆ ಮತಕೇಂದ್ರದ ಬಗ್ಗೆ ಒಳ್ಳೆಯ ಅನುಭವ ಸೃಷ್ಟಿಸುವ ಮೂಲಕ ಆ ಮತಗಟ್ಟೆಯ ಹಿಂದಿನ
ಚಿತ್ರಣವನ್ನು ಮರೆಸುವಂತಿರಬೇಕು.
5 / 6
ಕೇವಲ ಮಹಿಳಾ ಸಿಬ್ಬಂದಿಗಳೇ ಕರ್ತವ್ಯ ನಿರ್ವಹಿಸುವ ಮತಕೇಂದ್ರಗಳನ್ನು ಸಖೀ ಬೂತ್ ಎಂದು ಅದಕ್ಕೆ
ಸಂಬಂಧಿಸಿದ ಚಿತ್ರಗಳನ್ನು ಬಿಡುವ ಮೂಲಕ ಎಲ್ಲರನ್ನೂ ಸೆಳೆಯುವುದು ಇದರ ಉದ್ದೇಶವಾಗಿದ್ದು,
ವಿಶೇಷವಾಗಿ ಪಿಂಕ್ ಬಣ್ಣವನ್ನೇ ಬಳಸಿ ಚಿತ್ರ ಬಿಡಿಸುವುದರಿಂದ ಇದನ್ನು ಪಿಂಕ್‌ಬೂತ್ ಎಂದು ಕೂಡ
ಕರೆಯಬಹುದಾಗಿದೆ.
