AUS vs PAK: ಪಾಕಿಸ್ತಾನ ಪರ ವಿಶಿಷ್ಠ ದಾಖಲೆ ಬರೆದ ಬಾಬರ್ ಆಝಂ..!
AUS vs PAK Babar Azam: ಎರಡೂ ಇನ್ನಿಂಗ್ಸ್ಗಳಲ್ಲೂ ಬಾಬರ್ ವಿಫಲರಾದರೂ ತಮ್ಮ ಹೆಸರಿನಲ್ಲಿ ದೊಡ್ಡ ದಾಖಲೆಯೊಂದನ್ನು ನಿರ್ಮಿಸಿದ್ದಾರೆ. ಈ ಅಲ್ಪ ರನ್ಗಳ ಇನ್ನಿಂಗ್ಸ್ ಮೂಲಕ ಬಾಬರ್, ಅಂತರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ವೇಗವಾಗಿ 13000 ರನ್ ಗಳಿಸಿದ ಪಾಕಿಸ್ತಾನದ ಮೊದಲ ಬ್ಯಾಟ್ಸ್‌ಮನ್ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.
ಆಸ್ಟ್ರೇಲಿಯಾ ಮತ್ತು ಪಾಕಿಸ್ತಾನ ನಡುವೆ ಪರ್ತ್‌ನಲ್ಲಿ ನಡೆಯುತ್ತಿರುವ ಮೂರು ಪಂದ್ಯಗಳ ಟೆಸ್ಟ್ ಸರಣಿಯ ಮೊದಲ ಪಂದ್ಯದಲ್ಲಿ ಪಾಕಿಸ್ತಾನ ತಂಡ 360 ರನ್ಗಳ ಸೋಲನುಭವಿಸಿದೆ.
ಇನ್ನು ಈ ಪಂದ್ಯದ ಎರಡೂ ಇನ್ನಿಂಗ್ಸ್ಗಳಲ್ಲಿ ತಂಡದ ಮಾಜಿ ನಾಯಕ ಬಾಬರ್ ಆಝಂ ವಿಶೇಷವಾದ ಪ್ರದರ್ಶನವನ್ನೇನು ನೀಡಲಿಲ್ಲ. ಮೊದಲ ಇನ್ನಿಂಗ್ಸ್ನಲ್ಲಿ 21 ರನ್ಗಳಿಗೆ ವಿಕೆಟ್ ಒಪ್ಪಿಸಿದ್ದ ಬಾಬರ್, 2ನೇ ಇನ್ನಿಂಗ್ಸ್ನಲ್ಲಿ 14 ರನ್ಗಳಿಗೆ ಸುಸ್ತಾದರು.
ಎರಡೂ ಇನ್ನಿಂಗ್ಸ್ಗಳಲ್ಲೂ ಬಾಬರ್ ವಿಫಲರಾದರೂ ತಮ್ಮ ಹೆಸರಿನಲ್ಲಿ ದೊಡ್ಡ ದಾಖಲೆಯೊಂದನ್ನು ನಿರ್ಮಿಸಿದ್ದಾರೆ. ಈ ಅಲ್ಪ ರನ್ಗಳ ಇನ್ನಿಂಗ್ಸ್ ಮೂಲಕ ಬಾಬರ್, ಅಂತರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ವೇಗವಾಗಿ 13000 ರನ್ ಗಳಿಸಿದ ಪಾಕಿಸ್ತಾನದ ಮೊದಲ ಬ್ಯಾಟ್ಸ್‌ಮನ್ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.
29ರ ಹರೆಯದ ಬಾಬರ್ ಆಝಂಗೂ ಮೊದಲು ಈ ವಿಶೇಷ ದಾಖಲೆ ಪಾಕಿಸ್ತಾನದ ಮಾಜಿ ದಿಗ್ಗಜ ನಾಯಕ ಜಾವೇದ್ ಮಿಯಾಂದಾದ್ ಹೆಸರಿನಲ್ಲಿತ್ತು. ಮಿಯಾಂದಾದ್ 304 ಇನ್ನಿಂಗ್ಸ್ಗಳಲ್ಲಿ 13000 ರನ್ಗಳ ಮ್ಯಾಜಿಕ್ ಫಿಗರ್ ಅನ್ನು ಮುಟ್ಟಿದ್ದರು.
ಆದರೆ ಬಾಬರ್ ಕೇವಲ 301 ಇನ್ನಿಂಗ್ಸ್ಗಳಲ್ಲಿ ಈ ವಿಶೇಷ ಸಾಧನೆಯನ್ನು ಮಾಡಿದ್ದಾರೆ. ಈ ಇಬ್ಬರು ಬ್ಯಾಟ್ಸ್‌ಮನ್‌ಗಳ ನಂತರ ಮಾಜಿ ಕ್ರಿಕೆಟಿಗ ಮೊಹಮ್ಮದ್ ಯೂಸುಫ್ ಹೆಸರು ಮೂರನೇ ಸ್ಥಾನದಲ್ಲಿದೆ. ಯೂಸುಫ್ 322 ಇನ್ನಿಂಗ್ಸ್ಗಳಲ್ಲಿ ಈ ವಿಶೇಷ ಸಾಧನೆ ಮಾಡಿದ್ದರು.
ಇಂಜಮಾಮ್ ಉಲ್ ಹಕ್ ಹೆಸರು ನಾಲ್ಕನೇ ಸ್ಥಾನದಲ್ಲಿದ್ದರೆ, ಯೂನಿಸ್ ಖಾನ್ ಹೆಸರು ಐದನೇ ಸ್ಥಾನದಲ್ಲಿದೆ. ಈ ಇಬ್ಬರೂ ಮಾಜಿ ನಾಯಕರು ಕ್ರಮವಾಗಿ 352 ಮತ್ತು 372 ಇನ್ನಿಂಗ್ಸ್ಗಳಲ್ಲಿ ಪಾಕಿಸ್ತಾನದ ಪರ 13000 ರನ್ ಗಳಿಸಿದ್ದಾರೆ.
ಬಾಬರ್ ಆಝಂ ಇದುವರೆಗೆ ಪಾಕಿಸ್ತಾನ ಪರ ಒಟ್ಟು 271 ಅಂತಾರಾಷ್ಟ್ರೀಯ ಪಂದ್ಯಗಳನ್ನು ಆಡಿದ್ದಾರೆ. ಏತನ್ಮಧ್ಯೆ, ಅವರ ಬ್ಯಾಟ್‌ನಿಂದ 307 ಇನ್ನಿಂಗ್ಸ್ಗಳಲ್ಲಿ 13007 ರನ್ ಸಿಡಿದಿವೆ. ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಬಾಬರ್ 31 ಶತಕ ಮತ್ತು 88 ಅರ್ಧ ಶತಕಗಳನ್ನು ಬಾರಿಸಿದ್ದಾರೆ.
ಬಾಬರ್ ಟೆಸ್ಟ್ ಮಾದರಿಯ 89 ಇನ್ನಿಂಗ್ಸ್ಗಳಲ್ಲಿ 47.41 ಸರಾಸರಿಯಲ್ಲಿ 3793 ರನ್ ಗಳಿಸಿದ್ದಾರೆ. ಇದಲ್ಲದೆ, ಅವರು ಏಕದಿನದ 114 ಇನ್ನಿಂಗ್ಸ್ಗಳಲ್ಲಿ 56.72 ಸರಾಸರಿಯಲ್ಲಿ 5729 ರನ್ ಮತ್ತು 98 ಟಿ20 ಇನ್ನಿಂಗ್ಸ್ಗಳಲ್ಲಿ 41.49 ಸರಾಸರಿಯಲ್ಲಿ 3485 ರನ್ ಸಿಡಿಸಿದ್ದಾರೆ.