India vs Australia: ಟೀಮ್ ಇಂಡಿಯಾಗೆ ಸೋಲುಣಿಸಿ ನಂಬರ್ 1 ಸ್ಥಾನಕ್ಕೇರಿದ ಆಸ್ಟ್ರೇಲಿಯಾ
ICC ODI Team Rankings: ವಿಶೇಷ ಎಂದರೆ ಈ ಸೋಲಿನ ಪರಿಣಾಮ ಏಕದಿನ ತಂಡಗಳ ಶ್ರೇಯಾಂಕ ಪಟ್ಟಿಯಲ್ಲಿ ಟೀಮ್ ಇಂಡಿಯಾ ಕುಸಿತ ಕಂಡಿದೆ.
ICC ODI Team Rankings: ಚೆನ್ನೈನ ಎಂಎ ಚಿದಂಬರಂ (ಚೆಪಾಕ್) ಸ್ಟೇಡಿಯಂನಲ್ಲಿ ನಡೆದ ಏಕದಿನ ಸರಣಿಯ ನಿರ್ಣಾಯಕ ಪಂದ್ಯದಲ್ಲಿ ಟೀಮ್ ಇಂಡಿಯಾವನ್ನು 21 ರನ್ಗಳಿಂದ ಬಗ್ಗು ಬಡಿದಿದೆ. ಈ ಗೆಲುವಿನೊಂದಿಗೆ 3 ಪಂದ್ಯಗಳ ಸರಣಿಯನ್ನು ಆಸ್ಟ್ರೇಲಿಯಾ 2-1 ಅಂತರದಿಂದ ಗೆದ್ದುಕೊಂಡಿದೆ.
ವಿಶೇಷ ಎಂದರೆ ಈ ಸೋಲಿನ ಪರಿಣಾಮ ಏಕದಿನ ತಂಡಗಳ ಶ್ರೇಯಾಂಕ ಪಟ್ಟಿಯಲ್ಲಿ ಟೀಮ್ ಇಂಡಿಯಾ ಕುಸಿತ ಕಂಡಿದೆ. ಅಂದರೆ ಭಾರತ ತಂಡವನ್ನು ಮಣಿಸಿ ಇದೀಗ ಆಸ್ಟ್ರೇಲಿಯಾ ತಂಡವು ಏಕದಿನ ತಂಡಗಳ ರ್‍ಯಾಂಕಿಂಗ್ನಲ್ಲಿ ಅಗ್ರಸ್ಥಾನ ಅಲಂಕರಿಸಿದೆ.
ಇಲ್ಲಿ ಉಭಯ ತಂಡಗಳ ಅಂಕಗಳು ಸಮವಾಗಿದ್ದರೂ, ಅಂತಿಮ ಪಂದ್ಯದಲ್ಲಿ ಭರ್ಜರಿ ಜಯ ಸಾಧಿಸಿರುವ ಸ್ಟೀವ್ ಸ್ಮಿತ್ ಪಡೆಯು ಅಗ್ರಸ್ಥಾನಕ್ಕೇರುವಲ್ಲಿ ಯಶಸ್ವಿಯಾಗಿದೆ. ಇದರೊಂದಿಗೆ ಏಕದಿನ ಹಾಗೂ ಟೆಸ್ಟ್ ತಂಡಗಳ ರ್‍ಯಾಂಕಿಂಗ್ನಲ್ಲಿ ಆಸ್ಟ್ರೇಲಿಯಾ ನಂಬರ್ 1 ತಂಡ ಎನಿಸಿಕೊಂಡಿದೆ.
ಇನ್ನು ಟಿ20 ತಂಡಗಳ ಶ್ರೇಯಾಂಕದಲ್ಲಿ ಟೀಮ್ ಇಂಡಿಯಾ ಅಗ್ರಸ್ಥಾನದಲ್ಲಿದೆ. ಪ್ರಸ್ತುತ ಏಕದಿನ ತಂಡಗಳ ರ್‍ಯಾಂಕಿಂಗ್ನಲ್ಲಿ ಟಾಪ್-10 ನಲ್ಲಿರುವ ತಂಡಗಳು ಈ ಕೆಳಗಿನಂತಿದೆ...
1- ಆಸ್ಟ್ರೇಲಿಯಾ- 113 ಅಂಕಗಳು
2- ಭಾರತ- 113 ಅಂಕಗಳು
3- ನ್ಯೂಜಿಲೆಂಡ್- 111 ಅಂಕಗಳು
4- ಇಂಗ್ಲೆಂಡ್- 111 ಅಂಕಗಳು
5- ಪಾಕಿಸ್ತಾನ್- 106 ಅಂಕಗಳು
6- ಸೌತ್ ಆಫ್ರಿಕಾ- 101 ಅಂಕಗಳು
7- ಬಾಂಗ್ಲಾದೇಶ್- 95 ಅಂಕಗಳು
8- ಶ್ರೀಲಂಕಾ- 88 ಅಂಕಗಳು
9- ವೆಸ್ಟ್ ಇಂಡೀಸ್- 72 ಅಂಕಗಳು
10- ಅಫ್ಘಾನಿಸ್ತಾನ್- 71 ಅಂಕಗಳು