IPL 2023 Mini Auction: ಐಪಿಎಲ್ ಮಿನಿ ಹರಾಜು ಲೀಸ್ಟ್ ಔಟ್: ಯಾವ ದೇಶದಿಂದ ಎಷ್ಟು ಆಟಗಾರರು?
IPL 2023 Mini Auction: IPL 2023 ರ ಮಿನಿ ಹರಾಜಿಗಾಗಿ ಒಟ್ಟು 991 ಆಟಗಾರರು (714 ಭಾರತೀಯ ಮತ್ತು 277 ವಿದೇಶಿ ಆಟಗಾರರು) ಹೆಸರು ನೀಡಿದ್ದು, ಡಿಸೆಂಬರ್ 23 ರಂದು ಕೊಚ್ಚಿನ್ನಲ್ಲಿ ನಡೆಯಲಿರುವ ಹರಾಜಿನಲ್ಲಿ ಇವರಲ್ಲಿ ಯಾರಿಗೆಲ್ಲಾ ಅವಕಾಶ ಸಿಗಲಿದೆ ಕಾದು ನೋಡಬೇಕಿದೆ.
ಇಂಡಿಯನ್ ಪ್ರೀಮಿಯರ್ ಲೀಗ್ ಸೀಸನ್ 16 ಮಿನಿ ಹರಾಜು ಡಿಸೆಂಬರ್ 23 ರಂದು ಕೊಚ್ಚಿನ್ನಲ್ಲಿ ನಡೆಯಲಿದೆ. ಈ ಹರಾಜಿಗಾಗಿ ಒಟ್ಟು 991 ಆಟಗಾರರು ಹೆಸರು ನೋಂದಾಯಿಸಿಕೊಂಡಿದ್ದಾರೆ. ಅವರಲ್ಲಿ 714 ಭಾರತೀಯ ಆಟಗಾರರಿದ್ದರೆ, 277 ವಿದೇಶಿ ಆಟಗಾರರಿದ್ದಾರೆ.
ವಿದೇಶಿ ಆಟಗಾರರ ಪಟ್ಟಿಯಲ್ಲಿ ಅತ್ಯಧಿಕ ಸಂಖ್ಯೆಯಲ್ಲಿ ಆಸ್ಟ್ರೇಲಿಯಾ ಪ್ಲೇಯರ್ಸ್ ಕಾಣಿಸಿಕೊಂಡಿದ್ದಾರೆ. ನಂತರದ ಸ್ಥಾನದಲ್ಲಿ ಸೌತ್ ಆಫ್ರಿಕಾ ಇದೆ. ವಿಶೇಷ ಎಂದರೆ ಈ ಬಾರಿ ಜಿಂಬಾಬ್ವೆ, ಯುಎಇ, ನಬೀಯಾ, ಐರ್ಲೆಂಡ್ ಹಾಗೂ ಸ್ಕಾಟ್ಲೆಂಡ್ ಆಟಗಾರರು ಕೂಡ ಹೆಸರು ನೀಡಿದ್ದಾರೆ. ಹಾಗಿದ್ರೆ ಯಾವ ದೇಶದಿಂದ ಎಷ್ಟು ಆಟಗಾರರು ಹೆಸರು ನೋಂದಾಯಿಸಿಕೊಂಡಿದ್ದಾರೆ ನೋಡೋಣ...
1- ಆಸ್ಟ್ರೇಲಿಯಾ- 57 ಆಟಗಾರರು
2- ಸೌತ್ ಆಫ್ರಿಕಾ- 52 ಆಟಗಾರರು
3- ವೆಸ್ಟ್ ಇಂಡೀಸ್- 33 ಆಟಗಾರರು
4- ಇಂಗ್ಲೆಂಡ್- 31 ಆಟಗಾರರು
5- ನ್ಯೂಜಿಲೆಂಡ್- 27 ಆಟಗಾರರು
6- ಶ್ರೀಲಂಕಾ- 23 ಆಟಗಾರರು
7- ಅಫ್ಘಾನಿಸ್ತಾನ್- 14 ಆಟಗಾರರು
8- ಐರ್ಲೆಂಡ್- 8 ಆಟಗಾರರು
9- ನೆದರ್ಲ್ಯಾಂಡ್ಸ್- 7 ಆಟಗಾರರು
10- ಬಾಂಗ್ಲಾದೇಶ್- 6 ಆಟಗಾರರು
11- ಯುಎಇ- 6 ಆಟಗಾರರು
12- ಜಿಂಬಾಬ್ವೆ- 6 ಆಟಗಾರರು
13- ನಮೀಬಿಯಾ- 5 ಆಟಗಾರರು
14- ಸ್ಕಾಟ್ಲೆಂಡ್- 2 ಆಟಗಾರರು
ಈ ಪಟ್ಟಿಯಲ್ಲಿ 714 ಭಾರತೀಯ ಆಟಗಾರರಿದ್ದಾರೆ. ಇವರಲ್ಲಿ ಭಾರತದ ಪರ ಆಡಿದ 19 ಆಟಗಾರರು ಹಾಗೂ ರಾಷ್ಟ್ರೀಯ ತಂಡದ ಪರ ಆಡದ ಐಪಿಎಲ್ನಲ್ಲಿ ಆಡಿದ 91 ಭಾರತೀಯರಿದ್ದಾರೆ. ಇನ್ನು ಚೊಚ್ಚಲ ಐಪಿಎಲ್ ಅವಕಾಶಕ್ಕಾಗಿ 604 ಭಾರತೀಯ ಆಟಗಾರರು ಹೆಸರು ನೋಂದಾಯಿಸಿಕೊಂಡಿದ್ದಾರೆ.
Published On - 11:08 pm, Thu, 1 December 22