Team India: ಟೀಮ್ ಇಂಡಿಯಾದ ಸರ್ವಶ್ರೇಷ್ಠ ಆರಂಭಿಕ ಆಟಗಾರ ಯಾರು ಗೊತ್ತಾ?
Team India Records: ಕೆಲವರು ಆರಂಭಿಕರಾಗಿಯೇ ದಾಖಲೆಗಳನ್ನು ನಿರ್ಮಿಸಿದ್ದಾರೆ. ಹಾಗಿದ್ರೆ ಭಾರತ ಕಂಡಂತಹ ಬೆಸ್ಟ್ ಓಪನರ್ ಯಾರು ಎಂಬುದನ್ನು ನೋಡೋಣ...
ಭಾರತ ತಂಡವು ತನ್ನ ಮೊದಲ ಏಕದಿನ ಪಂದ್ಯವನ್ನು ಆಡಿದ್ದು 1974 ರಲ್ಲಿ. ಇದಾಗಿ ಹತ್ತು ವರ್ಷಗಳಲ್ಲೇ ಟೀಮ್ ಇಂಡಿಯಾ ಚೊಚ್ಚಲ ವಿಶ್ವಕಪ್ (1983) ಗೆದ್ದುಕೊಂಡಿದ್ದು ವಿಶೇಷ. ಇನ್ನು ಟೀಮ್ ಇಂಡಿಯಾ ಪರ ಇದುವರೆಗೆ ಏಕದಿನ ಕ್ರಿಕೆಟ್ನಲ್ಲಿ 244 ಆಟಗಾರರು ಕಣಕ್ಕಿಳಿದಿದ್ದಾರೆ.
ಈ ವೇಳೆ 50 ಆಟಗಾರರು ಟೀಮ್ ಇಂಡಿಯಾ ಪರ ಇನಿಂಗ್ಸ್ ಆರಂಭಿಸಿದ್ದಾರೆ. ಅದರಲ್ಲಿ ಕೆಲವರು ಕೆಲ ಪಂದ್ಯಗಳಿಗೆ ಸೀಮಿತವಾದರೆ, ಮತ್ತೆ ಕೆಲವರು ಆರಂಭಿಕರಾಗಿಯೇ ದಾಖಲೆಗಳನ್ನು ನಿರ್ಮಿಸಿದ್ದಾರೆ. ಹಾಗಿದ್ರೆ ಭಾರತ ಕಂಡಂತಹ ಬೆಸ್ಟ್ ಓಪನರ್ ಯಾರು ಎಂಬುದನ್ನು ನೋಡೋಣ...
5- ಶಿಖರ್ ಧವನ್: ಗಬ್ಬರ್ ಖ್ಯಾತಿಯ ಶಿಖರ್ ಧವನ್ ಟೀಮ್ ಇಂಡಿಯಾ ಪರ 154 ಏಕದಿನ ಪಂದ್ಯಗಳನ್ನಾಡಿದ್ದಾರೆ. ವಿಶೇಷ ಎಂದರೆ ಆರಂಭಿಕನ ಸ್ಥಾನದಲ್ಲಿ ಮಾತ್ರ ಧವನ್ ಕಣಕ್ಕಿಳಿದಿದ್ದಾರೆ. ಅದರಂತೆ 154 ಇನಿಂಗ್ಸ್ ಆಡಿರುವ ಶಿಖರ್ 6607 ರನ್ ಕಲೆಹಾಕುವ ಮೂಲಕ ಟೀಮ್ ಇಂಡಿಯಾದ 5ನೇ ಯಶಸ್ವಿ ಆರಂಭಿಕ ಎನಿಸಿಕೊಂಡಿದ್ದಾರೆ.
4- ರೋಹಿತ್ ಶರ್ಮಾ: ಟೀಮ್ ಇಂಡಿಯಾ ನಾಯಕ ರೋಹಿತ್ ಶರ್ಮಾ 226 ಏಕದಿನ ಪಂದ್ಯಗಳಲ್ಲಿ 147 ಇನಿಂಗ್ಸ್ಗಳನ್ನು ಆರಂಭಿಕರಾಗಿ ಬ್ಯಾಟ್ ಬೀಸಿದ್ದಾರೆ. ಈ ವೇಳೆ ಒಟ್ಟು 7409 ರನ್ ಕಲೆಹಾಕಿದ್ದಾರೆ.
3- ವೀರೇಂದ್ರ ಸೆಹ್ವಾಗ್: ಡ್ಯಾಶಿಂಗ್ ಓಪನರ್ ಸೆಹ್ವಾಗ್ ಟೀಮ್ ಇಂಡಿಯಾ ಪರ 245 ಏಕದಿನ ಪಂದ್ಯಗಳನ್ನಾಡಿದ್ದಾರೆ. ಈ ವೇಳೆ 212 ಇನಿಂಗ್ಸ್ಗಳಲ್ಲಿ ಆರಂಭಿಕರಾಗಿ ಕಣಕ್ಕಿಳಿದು ಒಟ್ಟು 7518 ರನ್ ಕಲೆಹಾಕಿದ್ದಾರೆ.
2- ಸೌರವ್ ಗಂಗೂಲಿ: ಟೀಮ್ ಇಂಡಿಯಾದ ಮಾಜಿ ನಾಯಕ ಸೌರವ್ ಗಂಗೂಲಿ ಭಾರತ ಪರ 236 ಬಾರಿ ಇನಿಂಗ್ಸ್ ಆರಂಭಿಸಿದ್ದಾರೆ. ಈ ವೇಳೆ 9146 ರನ್ ಕಲೆಹಾಕುವ ಮೂಲಕ ಈ ಪಟ್ಟಿಯಲ್ಲಿ 2ನೇ ಸ್ಥಾನ ಅಲಂಕರಿಸಿದ್ದಾರೆ.
1- ಸಚಿನ್ ತೆಂಡೂಲ್ಕರ್: ಮಾಸ್ಟರ್ ಬ್ಲಾಸ್ಟರ್ ಖ್ಯಾತಿಯ ಸಚಿನ್ ತೆಂಡೂಲ್ಕರ್ ಟೀಮ್ ಇಂಡಿಯಾದ ಬೆಸ್ಟ್ ಓಪನರ್ ಎಂಬ ದಾಖಲೆ ಹೊಂದಿದ್ದಾರೆ. ಏಕೆಂದರೆ ಭಾರತದ ಪರ ಆರಂಭಿಕರಾಗಿ 340 ಇನಿಂಗ್ಸ್ ಆಡಿರುವ ಸಚಿನ್ ಕಲೆಹಾಕಿರುವುದು ಬರೋಬ್ಬರಿ 15310 ರನ್ಗಳು.
ಅಂದರೆ ಸಚಿನ್ ತೆಂಡೂಲ್ಕರ್ ಏಕದಿನ ಕ್ರಿಕೆಟ್ನಲ್ಲಿ ಒಟ್ಟಾರೆ ಕಲೆಹಾಕಿರುವ 18426 ರನ್ಗಳಲ್ಲಿ 15 ಸಾವಿರಕ್ಕೂ ಅಧಿಕ ರನ್ ಮೂಡಿಬಂದಿರುವುದು ಆರಂಭಿಕರಾಗಿ ಕಣಕ್ಕಿಳಿದಾಗ ಎಂಬುದು ವಿಶೇಷ.