ODI World Cup 2023: ಮೋದಿ ಮೈದಾನದಲ್ಲಿ ಭಾರತ- ಪಾಕ್ ಫೈಟ್; ಲಕ್ಷ ದಾಟಿದ ಹೋಟೆಲ್ ರೂಂ ದರ..!
India vs Pakistan World Cup 2023 match: ಭಾರತ- ಪಾಕ್ ಪಂದ್ಯಕ್ಕೆ ಆಥಿತ್ಯವಹಿಸಿರುವ ಅಹಮದಾಬಾದ್‌ನಲ್ಲಿ ಹೋಟೆಲ್ ರೂಮ್ಗಳ ಬೆಲೆಗಳು ಗಗನಕ್ಕೇರಿವೆ. ಅಲ್ಲದೆ ಅನೇಕ ಹೋಟೆಲ್‌ಗಳು ರೂಮ್ ಬೆಲೆಯನ್ನು ಹತ್ತು ಪಟ್ಟು ಹೆಚ್ಚಿಸಿವೆ ಎಂದು ವರದಿಯಾಗಿದೆ.
ಭಾರತದಲ್ಲಿ ನಡೆಯಲಿರುವ ಏಕದಿನ ವಿಶ್ವಕಪ್ ಕ್ರಿಕೆಟ್ ವೇಳಾಪಟ್ಟಿಯನ್ನು ಜೂನ್ 27 ರಂದು ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿ ಪ್ರಕಟಿಸಿದೆ. ಏಕದಿನ ವಿಶ್ವಕಪ್ ವೇಳಾಪಟ್ಟಿಯ ಪ್ರಕಾರ, ಅಕ್ಟೋಬರ್ 15 ರಂದು ಅಹಮದಾಬಾದ್‌ನ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ಭಾರತ ಮತ್ತು ಪಾಕಿಸ್ತಾನ ನಡುವಿನ ಪಂದ್ಯ ನಡೆಯಲಿದೆ.
ಬಹಳ ವರ್ಷಗಳ ಬಳಿಕ ಪಾಕ್ ತಂಡ ಭಾರತದಲ್ಲಿ ಪಂದ್ಯವನ್ನಾಡುತ್ತಿದೆ. ಅದು ವಿಶ್ವಕಪ್ನಲ್ಲಿ ಭಾರತ- ಪಾಕ್ ಹೈವೋಲ್ಟೇಜ್ ಪಂದ್ಯವನ್ನು ನೋಡುವ ಮಜವೇ ಬೇರೆ. ಹೀಗಾಗಿ ಭಾರತ- ಪಾಕ್ ಪಂದ್ಯಕ್ಕೆ ಆಥಿತ್ಯವಹಿಸಿರುವ ಅಹಮದಾಬಾದ್‌ನಲ್ಲಿ ಹೋಟೆಲ್ ರೂಮ್ಗಳ ಬೆಲೆಗಳು ಗಗನಕ್ಕೇರಿವೆ. ಅಲ್ಲದೆ ಅನೇಕ ಹೋಟೆಲ್‌ಗಳು ರೂಮ್ ಬೆಲೆಯನ್ನು ಹತ್ತು ಪಟ್ಟು ಹೆಚ್ಚಿಸಿವೆ ಎಂದು ವರದಿಯಾಗಿದೆ.
ವಿವಿಧ ಹೋಟೆಲ್ ಬುಕಿಂಗ್ ವೆಬ್‌ಸೈಟ್‌ಗಳಲ್ಲಿ ಕಂಡುಬಂದ ಹೋಟೆಲ್ ರೂಮ್ಗಳ ಬೆಲೆಯ ಪ್ರಕಾರ, ಅಕ್ಟೋಬರ್ 15 ರಂದು ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ಭಾರತ-ಪಾಕಿಸ್ತಾನ ಪಂದ್ಯ ನಡೆಯಲ್ಲಿದೆ. ಹೀಗಾಗಿ ಆ ದಿನದಂದು ಹೋಟೆಲ್ ರೂಮ್ಗಳಿಗೆ ಭಾರಿ ಬೇಡಿಕೆ ಬಂದಿದೆ. ಹೀಗಾಗಿ ಹೋಟೆಲ್ ರೂಂ ದರವನ್ನು ಹತ್ತು ಪಟ್ಟು ಹೆಚ್ಚಿಸಲಾಗಿದ್ದು, ಹಲವು ಹೋಟೆಲ್ ಗಳು ಆ ದಿನಕ್ಕೆ ಒಂದು ಲಕ್ಷ ರೂಪಾಯಿ ದರ ನಿಗದಿಪಡಿಸಿವೆ. ಅನೇಕ ಹೋಟೆಲ್ ಕೊಠಡಿಗಳು ಈಗಾಗಲೇ ಬುಕ್ ಆಗಿವೆ.
ಸಾಮಾನ್ಯವಾಗಿ ಐಷಾರಾಮಿ ಹೋಟೆಲ್ಗಳಲ್ಲಿ ಒಂದು ದಿನದ ಬಾಡಿಗೆ ಐದರಿಂದ ಎಂಟು ಸಾವಿರ ರೂಪಾಯಿ ಇರುತ್ತದೆ. ಆದರೆ ಅಕ್ಟೋಬರ್ 15ರಂದು ಈ ಹೋಟೆಲ್ಗಳ ದರವನ್ನು 40 ಸಾವಿರದಿಂದ ಒಂದು ಲಕ್ಷ ರೂಪಾಯಿಗೆ ಏರಿಸಲಾಗಿದೆ. Booking.com ಪ್ರಕಾರ, ITC ವೆಲ್‌ಕಮ್ ಹೋಟೆಲ್ ದರವು ಜುಲೈ 2 ರಂದು ದಿನಕ್ಕೆ 5,699 ರೂಪಾಯಿಗಳಿದ್ದರೆ, ಅದೇ ಹೋಟೆಲ್ ರೂಮ್ನ ಬೆಲೆ ಅಕ್ಟೋಬರ್ 15 ರಂದು 71,999 ರೂಪಾಯಿಗಳಾಗಿದೆ.
ನವೋದಯ ಅಹಮದಾಬಾದ್ ಹೋಟೆಲ್ ಬಾಡಿಗೆ ಪ್ರಸ್ತುತ ದಿನಕ್ಕೆ ಎಂಟು ಸಾವಿರ ರೂಪಾಯಿಗಳಾಗಿದ್ದು, ಅಕ್ಟೋಬರ್ 15 ಕ್ಕೆ 90679 ರೂಪಾಯಿಗಳನ್ನು ತೋರಿಸುತ್ತಿದೆ. ಅದೇ ರೀತಿ ಎಸ್ ಜಿ ಹೆದ್ದಾರಿಯಲ್ಲಿರುವ ಪ್ರೈಡ್ ಪ್ಲಾಜಾ ಹೋಟೆಲ್ನ ಆ ದಿನದ ಬಾಡಿಗೆಯನ್ನು 36180 ರೂ.ಗೆ ನಿಗದಿಪಡಿಸಲಾಗಿದೆ. ಹೀಗೆ ಹಲವು ಹೋಟೆಲ್‌ಗಳು ಅಕ್ಟೋಬರ್ 15 ಕ್ಕೆ ತಮ್ಮ ರೂಮ್ಗಳ ಬೆಲೆಯನ್ನು ಸಾಕಷ್ಟು ಏರಿಸಿವೆ ಎಂದು ವರದಿಯಾಗಿದೆ.