ಮಕ್ಕಳೊಂದಿಗೆ ವ್ಯವಹರಿಸುವಾಗ ಈ ಅಂಶಗಳನ್ನು ನೆನಪಿನಲ್ಲಿಡಿ
ಆಧುನಿಕ ಜಗತ್ತಿನಲ್ಲಿ ಮಕ್ಕಳು ತಂದೆ ತಾಯಿಗಳಿದ್ದೂ ಅನಾಥರಾಗುತ್ತಿದ್ದಾರೆ. ಇನ್ನೂ ಕೆಲವು ಮಕ್ಕಳಿಗೆ ಅಗತ್ಯಕ್ಕಿಂತ ಹೆಚ್ಚಿನ ಸೌಲಭ್ಯ ದೊರಕಿ ಅಡ್ಡ ದಾರಿ ಹಿಡಿಯುತ್ತದ್ದಾರೆ. ಇದಕ್ಕೆಲ್ಲ ಪರಿಹಾರ ಎಂದರೆ ಪೋಷಕರು ಮಕ್ಕಳೊಂದಿಗೆ ವ್ಯವಹರಿಸುವುದರಿಲ್ಲಿದೆ. ಹೀಗಾಗಿ ಈ ಅಂಶಗಳನ್ನು ನೆನೆಪಿನಲ್ಲಿಡಿ.
ನಿಮ್ಮ ಮಕ್ಕಳೊಂದಿಗೆ ವ್ಯವಹರಿಸುವಾಗ ಈ ಅಂಶಗಳನ್ನು ನೆನಪಿನಲ್ಲಿಡಿ.
ಪೋಷಕರಾಗುವುದು ಜಗತ್ತಿನ ಸುಂದರ ಅನುಭವಗಳಲ್ಲೊಂದು. ಆದರೆ ಅಷ್ಟೇ ಜವಾಬ್ದಾರಿಯುತ ಕೆಲಸವೂ ಆಗಿದೆ. ಮಕ್ಕಳೊಂದಿಗೆ ಅವರ ವಯಸ್ಸಿಗೆ ತಕ್ಕಹಾಗೆ ನಡೆದುಕೊಂಡು, ಜೀವನ ಪಾಠಗಳನ್ನು ಹೇಳಬೇಕು. ಹೀಗಾಗಿ ಈ ಅಂಶಗಳನ್ನು ಅಗತ್ಯವಾಗಿ ನೆನಪಿಡಿ.
ಮಕ್ಕಳ ಬಯಕೆಗಳನ್ನು ಈಡೇರಿಸುವಾಗ ಎಚ್ಚರಿಕೆವಹಿಸಿ. ಅವರ ಎಲ್ಲಾ ಆಸೆಗಳನ್ನು ಪೂರೈಸುವ ಬದಲು ಅಗತ್ಯತೆ ಮತ್ತು ಆಸೆಗಳ ನಡುವಿನ ವ್ಯತ್ಯಾಸವನ್ನು ಅರ್ಥ ಮಾಡಿಸಿ.
ಅವರ ಎಲ್ಲಾ ಬಯಕೆಗಳನ್ನು ಅವರಿಗೆ ತಕ್ಕ ಹಾಗೇ ಈಡೇರಿಸುವ ಬದಲು ಜೀವನ ಮೌಲ್ಯಗಳನ್ನು ಕಲಿಸಿ. ಜವಾಬ್ದಾರಿಯುತ ನಾಗರಿಕನಾಗಿ ಸಮಾಜದಲ್ಲಿ ಬದುಕಲು ಬೇಕಾದ ಗುಣಗಳ ಬಗ್ಗೆ ತಿಳಿಸಿ.
ಯಾವಾಗಲೂ ಮಕ್ಕಳ ಪರವಾಗಿಯೇ ಇರಬೇಡಿ. ಅದರಲ್ಲೂ ಶಾಲೆಯ ವಿಷಯಕ್ಕೆ ಬಂದಾಗ ಅವರ ಟೀಚರ್ ಮಾತನ್ನು ಕೇಳಿ. ಮಕ್ಕಳ ತಪ್ಪನ್ನು ಅವರಿಗೆ ಅರ್ಥಮಾಡಿಸಿ.
ತಪ್ಪುಗಳನ್ನು ಮಾಡುವುದು ಸಹಜ. ತಪ್ಪು ಮಾಡಿದಾಗ ಅದರಿಂದ ಬೇಸರ ಮಾಡಿಕೊಂಡು ಕುಳಿತುಕೊಳ್ಳುವ ಬದಲು ತಪ್ಪುಗಳಿಂದ ಹೊಸ ಪಾಠವನ್ನುನ ಕಲಿಯುವುದನ್ನು ಹೇಳಿಕೊಡಿ.
ಮಕ್ಕಳೊಂದಿಗೆ ಸ್ನೆಹಿತರಾಗಿರಿ. ಅವರ ಗೊಂದಲ, ತೊಳಲಾಟಗಳನ್ನು ಕೇಳಿಸಿಕೊಳ್ಳಿ. ಆಗ ಅವರಿಗೂ ಧೈರ್ಯ ಬರುತ್ತದೆ.
ಮಕ್ಕಳ ಇಷ್ಟದಂತೆ ಅವರ ನೆಚ್ಚಿನ ಆಕ್ಟಿವಿಟಿಗಳಲ್ಲಿ ತೊಡಗಿಕೊಳ್ಳುವಂತೆ ನೋಡಿಕೊಳ್ಳಿ. ಇದು ಅವರನ್ನು ಇನ್ನಷ್ಟು ಕ್ರೀಯಾಶೀಲರನ್ನಾಗಿಸುತ್ತದೆ.
ಬೇರೆಯರೊಂದಿಗೆ ಸ್ಪರ್ಧೆಗೆ ಇಳಿಯದಂತೆ ನೋಡಿಕೊಳ್ಳಿ. ಬದಲಾಗಿ ಅವರ ಸಾಮರ್ಥ್ಯವನ್ನು ಇನ್ನಷ್ಟು ಉತ್ತಮಗೊಳಿಸಿಕೊಳ್ಳಲು ಬೇಕಾದ ವಾತಾವರಣವನ್ನು ಕಲ್ಪಿಸಿಕೊಡಿ.
ಮಕ್ಕಳು ನಿಮ್ಮನ್ನು ಅನುಕರಿಸುತ್ತಾರೆ. ಹೀಗಾಗಿ ನೀವೂ ಒಳ್ಳೆಯ ಅಭ್ಯಾಸಗಳನ್ನು ರೂಢಿಸಿಕೊಳ್ಳಿ. ಇದರಿಂದ ಅವರಿಗೂ ಅದರಲ್ಲಿ ಆಸಕ್ತಿ ಬೆಳೆಯುತ್ತದೆ.
Published On - 10:16 am, Sun, 30 January 22