ಮಂಗಳೂರು: ಕಾಲೇಜಿನ ಸಾಂಸ್ಕೃತಿಕ ಹಬ್ಬದಲ್ಲಿ ನವ ವಧುವರರಾಗಿ ಮಿಂಚಿದ ವಿದ್ಯಾರ್ಥಿಗಳು; ಅದರ ಝಲಕ್ ಇಲ್ಲಿದೆ ನೋಡಿ
ಇವರೆಲ್ಲರೂ ಒಂದೇ ಕಾಲೇಜಿನಲ್ಲಿ ಒಟ್ಟಾಗಿ ಕಲಿಯೋ ವಿದ್ಯಾರ್ಥಿಗಳು. ಆದ್ರೆ ಇವತ್ತು ಒಂದು ದಿನದ ಮಟ್ಟಿಗೆ ಆ ಸ್ಟೂಡೆಂಟ್ಸ್ ಸಾಂಸ್ಕೃತಿಕ ವೇದಿಕೆಯಲ್ಲಿ ನವ ವಧು-ವರರಾಗಿ ಬದಲಾಗಿದ್ರು. ವಿಭಿನ್ನ ವೇಷ-ಭೂಷಣ ತೊಟ್ಟು ಸ್ಟೇಜ್ ಮೇಲೆ ಕೈಕೈ ಹಿಡಿದು ಹೆಜ್ಜೆ ಹಾಕಿದ್ರು.
ಕಾಲೇಜು ಅಂದ್ಮೇಲೆ ವರ್ಷಕ್ಕೊಮ್ಮೆ ಬರೋ ಸಾಂಸ್ಕೃತಿಕ ಹಬ್ಬಗಳು ಸಾಮಾನ್ಯ. ಈ ವೇಳೆ ಪ್ರತೀನಿತ್ಯ ಪಠ್ಯ ಚಟುವಟಿಕೆಗಳಲ್ಲೇ ಕಾಲ ಕಳೆಯೋ ವಿದ್ಯಾರ್ಥಿಗಳು ವೇದಿಕೆ ಹತ್ತಿ ಪ್ರತಿಭೆಗಳನ್ನ ಪ್ರದರ್ಶಿಸೋದು ಸಹಜ. ಮಂಗಳೂರಿನ ಕೊಟ್ಟಾರ ಚೌಕಿಯಲ್ಲಿರುವ ಕರಾವಳಿ ಗ್ರೂಪ್ ಆಫ್ ಕಾಲೇಜು ಮಾತ್ರ ತನ್ನ ಸಾಂಸ್ಕೃತಿಕ ಹಬ್ಬದಲ್ಲಿ ವಿಶಿಷ್ಟ ಪ್ರಯೋಗಕ್ಕೆ ಸಾಕ್ಷಿಯಾಗಿದೆ.
ಕಾಲೇಜಿನಲ್ಲಿ ಫೆ.25 ರಂದು ಆಯೋಜಿಸಿದ್ದ ಕೈಜನ್ 2023 ಅನ್ನೋ ಸಾಂಸ್ಕತಿಕ ಹಬ್ಬದಲ್ಲಿ ಕಾಲೇಜು ಸ್ಟೂಡೆಂಟ್ಸ್ ನವ ವಧುವರರಾಗಿ ಬದಲಾಗಿದ್ರು. ಹೀಗಾಗಿ ಕಾಲೇಜಿನ ಒಂದಷ್ಟು ವಿದ್ಯಾರ್ಥಿಗಳು ತಮ್ಮ ಜೋಡಿಯನ್ನ ಆಯ್ಕೆ ಮಾಡಿಕೊಂಡು ವಿಭಿನ್ನ ವೇಷ ಭೂಷಣ ತೊಟ್ಟು ವೇದಿಕೆಯೇರಿದ್ರು.
ನವ ವಧುವರರನ್ನೂ ನಾಚಿಸೋವಂತೆ ರೆಡಿಯಾಗಿದ್ದ ಜೋಡಿಗಳು ಕೈ ಕೈ ಹಿಡಿದು ವೇದಿಕೆ ಮೇಲೆ ಹೆಜ್ಜೆ ಹಾಕಿದ್ರು. ವಿದ್ಯಾರ್ಥಿಗಳ ಫ್ಯಾಶನ್ ಪ್ರತಿಭೆಯನ್ನ ಅನಾವರಣಗೊಳಿಸೋ ಉದ್ದೇಶದಿಂದ ಕಾಲೇಜಿನಲ್ಲಿ ಇಂಥದ್ದೊಂದು ವಿಭಿನ್ನತೆಗೆ ವೇದಿಕೆ ಕಲ್ಪಿಸಲಾಗಿತ್ತು.
ಫ್ಯಾಶನ್ ಅಂದ್ರೆ ಆಶ್ಲೀಲತೆ ಅನ್ನೋದನ್ನ ತೊಡೆದು ಹಾಕಿ, ಅಪ್ಪಟ ಸಂಸ್ಕಾರವಂತರಾಗಿ ವಿದ್ಯಾರ್ಥಿಗಳನ್ನ ಕಾಲೇಜು ರೆಡಿ ಮಾಡಿತ್ತು. ಹೀಗಾಗಿ ದೇಶದ ನಾನಾ ಕಡೆಗಳ ವಧು-ವರರು ಹೇಗಿರ್ತಾರೆ ಅನ್ನೋದು ವಿದ್ಯಾರ್ಥಿಗಳು ವೇದಿಕೆ ಮೇಲೆ ಸಾದರಪಡಿಸಿ ಖುಷಿ ಪಟ್ರು.
ಭಾರತೀಯ ಸಂಸ್ಕೃತಿಯಂತೆ ಹಿಂದೂ, ಮುಸ್ಲಿಂ ಮತ್ತು ಕ್ರೈಸ್ಥ ನವ ವಧು-ವರರ ವೇಷಭೂಷಣ, ಕೇರಳ, ಗುಜರಾತ್, ನೇಪಾಳಿ ಸೇರಿದಂತೆ ದೇಶದ ಅನೇಕ ಭಾಗಗಳಲ್ಲಿನ ವಧುವರರ ವೇಷ ಭೂಷಣ ತೊಟ್ಟು ವಿದ್ಯಾರ್ಥಿಗಳು ವೇದಿಕೆ ಏರಿದ್ರು.
ಈ ಮಧ್ಯೆ ಕೈ ಕೈ ಹಿಡಿದು ವೇದಿಕೆ ಮೇಲೆ ಹೆಜ್ಜೆ ಹಾಕಿದ ಜೋಡಿಗಳು ಪಕ್ಕಾ ಗಂಡ-ಹೆಂಡತಿಯಂತೆ ನಾಚಿ ನೀರಾಗಿದ್ದು ವಿಶೇಷವಾಗಿತ್ತು. ಅದ್ರಲ್ಲೂ ಇವ್ರ ಈ ವಿಭಿನ್ನ ವೇಷ ಭೂಷಣ ಕಂಡು ಕಾರ್ಯಕ್ರಮಕ್ಕೆ ಬಂದಿದ್ದ ಪ್ರೇಕ್ಷಕರ ಜೊತೆ ಕಾಲೇಜಿನ ಉಳಿದ ವಿದ್ಯಾರ್ಥಿಗಳು ಕೂಡ ಸಖತ್ ಎಂಜಾಯ್ ಮಾಡಿದ್ರು.
ಇನ್ನು ಈ ಮಕ್ಕಳು ವೇದಿಕೆ ಮೇಲೆ ಪ್ರದರ್ಶಿಸಿದ ನವ ವಧುವರರ ಅಷ್ಟೂ ವೇಷ ಭೂಷಣಗಳನ್ನ ಸಿದ್ದಪಡಿಸಿರೋದು ಕೂಡ ಇದೇ ಕರಾವಳಿ ಕಾಲೇಜಿನ ಫ್ಯಾಶನ್ ವಿಭಾಗದ ವಿದ್ಯಾರ್ಥಿಗಳು. ಈ ಮಧ್ಯೆ ಬೇರೆ ತರಹೇವಾರಿ ವಸ್ತ್ರ ತೊಟ್ಟ ಹೆಣ್ಮಕ್ಕಳು ಕೂಡ ವೇದಿಕೆ ಮೇಲೆ ಕ್ಯಾಟ್ ವಾಕ್ ಮಾಡಿ ರಂಜಿಸಿದ್ರು.
ಇನ್ನು ಈ ಮಕ್ಕಳು ವೇದಿಕೆ ಮೇಲೆ ಪ್ರದರ್ಶಿಸಿದ ನವ ವಧುವರರ ಅಷ್ಟೂ ವೇಷ ಭೂಷಣಗಳನ್ನ ಸಿದ್ದಪಡಿಸಿರೋದು ಕೂಡ ಇದೇ ಕರಾವಳಿ ಕಾಲೇಜಿನ ಫ್ಯಾಶನ್ ವಿಭಾಗದ ವಿದ್ಯಾರ್ಥಿಗಳು. ಈ ಮಧ್ಯೆ ಬೇರೆ ತರಹೇವಾರಿ ವಸ್ತ್ರ ತೊಟ್ಟ ಹೆಣ್ಮಕ್ಕಳು ಕೂಡ ವೇದಿಕೆ ಮೇಲೆ ಕ್ಯಾಟ್ ವಾಕ್ ಮಾಡಿ ರಂಜಿಸಿದ್ರು.