MS Dhoni: ಆಡಿದ 8 ಇನ್ನಿಂಗ್ಸ್ಗಳಲ್ಲಿ 8 ಅರ್ಧ ಶತಕ; ನಿವೃತ್ತಿಯಾಗಿದ್ದರೂ ಇಂಗ್ಲೆಂಡ್ ನೆಲದಲ್ಲಿ ಧೋನಿಯೇ ಕಿಂಗ್
MS Dhoni: ಧೋನಿ ಇಂಗ್ಲೆಂಡ್ನಲ್ಲಿ ನಡೆದ 7 ಟೆಸ್ಟ್ ಪಂದ್ಯಗಳಲ್ಲಿ 8 ಇನ್ನಿಂಗ್ಸ್‌ಗಳನ್ನು ಆಡಿದ್ದು, ಪ್ರತಿ ಬಾರಿಯೂ 50 ಕ್ಕೂ ಹೆಚ್ಚು ರನ್ ಗಳಿಸಿದ್ದಾರೆ.
ಭಾರತೀಯ ಕ್ರಿಕೆಟ್ ತಂಡವು ಇಂಗ್ಲೆಂಡ್‌ನಲ್ಲಿದೆ ಮತ್ತು ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ ಫೈನಲ್ (ಡಬ್ಲ್ಯುಟಿಸಿ ಫೈನಲ್) ಜೊತೆಗೆ, ಆತಿಥೇಯ ಇಂಗ್ಲೆಂಡ್ ವಿರುದ್ಧ 5 ಪಂದ್ಯಗಳ ಟೆಸ್ಟ್ ಸರಣಿಯನ್ನು ಸಹ ಆಡಲಿದೆ. ಸರಣಿ ಪ್ರಾರಂಭವಾಗಲು ಇನ್ನೂ ಸಮಯವಿದೆ, ಆದರೆ ಅದಕ್ಕೂ ಮೊದಲು ಇಂಗ್ಲೆಂಡ್ನಲ್ಲಿ ಭಾರತೀಯ ಆಟಗಾರರ ಸಾಧನೆ ಬಗ್ಗೆ ತಿಳಿದುಕೊಳ್ಳುವುದು ಸಹ ಮುಖ್ಯವಾಗಿದೆ. ಪ್ರಸ್ತುತ, ಭಾರತದ ಮಾಜಿ ನಾಯಕ ಎಂ.ಎಸ್. ಧೋನಿಯ ದಾಖಲೆಯ ಬಗ್ಗೆ ನಿಮಗೆ ತಿಳಿಯದ ವಿಚಾರ ಇಲ್ಲಿದೆ. ವಿಶೇಷವೆಂದರೆ ಧೋನಿ ನಿವೃತ್ತಿ ಹೊಂದಿದ 6 ವರ್ಷಗಳ ನಂತರವೂ ಈ ದಾಖಲೆ ಹಾಗೇ ಉಳಿದಿದೆ.
ಇಂಗ್ಲೆಂಡ್ನಲ್ಲಿ ಇಂಗ್ಲೆಂಡ್ ವಿರುದ್ಧದ ಟೆಸ್ಟ್ ಪಂದ್ಯಗಳಲ್ಲಿ ಅರ್ಧ ಶತಕ ಗಳಿಸಿದ ದಾಖಲೆಯನ್ನು ಭಾರತದ ಪ್ರಸಿದ್ಧ ನಾಯಕ ಮತ್ತು ವಿಕೆಟ್ ಕೀಪರ್ ಧೋನಿ ಹೊಂದಿದ್ದಾರೆ. ಧೋನಿ ಇಂಗ್ಲೆಂಡ್ನಲ್ಲಿ ನಡೆದ 7 ಟೆಸ್ಟ್ ಪಂದ್ಯಗಳಲ್ಲಿ 8 ಇನ್ನಿಂಗ್ಸ್‌ಗಳನ್ನು ಆಡಿದ್ದು, ಪ್ರತಿ ಬಾರಿಯೂ 50 ಕ್ಕೂ ಹೆಚ್ಚು ರನ್ ಗಳಿಸಿದ್ದಾರೆ. ಆದರೆ, ಧೋನಿಗೆ ಎಂದಿಗೂ ಒಂದು ಶತಕ ಗಳಿಸಲು ಸಾಧ್ಯವಾಗಲಿಲ್ಲ. ಜೊತೆಗೆ ಧೋನಿಯ ಅತ್ಯುತ್ತಮ ಸ್ಕೋರ್ 92 ರನ್ ಆಗಿದೆ. ಈ 8 ಇನ್ನಿಂಗ್ಸ್ಗಳಲ್ಲಿ ಧೋನಿ 604 ರನ್ ಗಳಿಸಿದ್ದು, ಸರಾಸರಿ 100.66 ಇದೆ. 2014 ರಲ್ಲಿ ನಿವೃತ್ತಿಯಾದ ನಂತರವೂ ಧೋನಿಯ ಈ ದಾಖಲೆ ಹಾಗೇ ಉಳಿದಿದೆ.
ಈ ಪಟ್ಟಿಯಲ್ಲಿ ಎರಡನೆಯವರು ದಕ್ಷಿಣ ಆಫ್ರಿಕಾದ ಮಾಜಿ ವಿಕೆಟ್ ಕೀಪರ್ ಜಾನ್ ವೈಟ್. 1950 ರ ದಶಕದ ಈ ವಿಕೆಟ್ ಕೀಪರ್ ಇಂಗ್ಲೆಂಡ್ನಲ್ಲಿ 7 ಇನ್ನಿಂಗ್ಸ್ ಆಡಿದ್ದು ಎಲ್ಲಾ 7 ಇನ್ನಿಂಗ್ಸ್ಗಳಲ್ಲಿ 50 ಪ್ಲಸ್ ರನ್ ಗಳಿಸಿದ್ದಾರೆ. ಜೊತೆಗೆ ಒಂದು ಶತಕ ಕೂಡ ಬಾರಿಸಿದ್ದಾರೆ. ಅವರ ಅತ್ಯುತ್ತಮ ಸ್ಕೋರ್ 113.
ಆಸ್ಟ್ರೇಲಿಯಾದ ಪೌರಾಣಿಕ ವಿಕೆಟ್ ಕೀಪರ್ ರಾಡ್ ಮಾರ್ಷ್ ಮೂರನೇ ಸ್ಥಾನದಲ್ಲಿದ್ದಾರೆ. ಮಾರ್ಷ್ 6 ಪಂದ್ಯಗಳ 6 ಇನ್ನಿಂಗ್ಸ್ಗಳಲ್ಲಿ ಪ್ರತಿ ಬಾರಿಯೂ 50 ಕ್ಕಿಂತ ಹೆಚ್ಚು ರನ್ ಗಳಿಸಿದ್ದಾರೆ. ಈ 6 ಅರ್ಧಶತಕಗಳಲ್ಲಿ ಅವರ ಅತ್ಯುತ್ತಮ ಸ್ಕೋರ್ 91ರನ್ ಆಗಿತ್ತು.
ದಕ್ಷಿಣ ಆಫ್ರಿಕಾದ ಜಾಕ್ ಕ್ಯಾಮರೂನ್ ನಾಲ್ಕನೇ ಸ್ಥಾನದಲ್ಲಿದ್ದಾರೆ. ಅವರು 1929 ಮತ್ತು 1935 ರ ನಡುವೆ ಇಂಗ್ಲೆಂಡ್ನಲ್ಲಿ ಆಡಿದ 5 ಇನ್ನಿಂಗ್ಸ್ಗಳಲ್ಲಿ 5 ಅರ್ಧಶತಕಗಳನ್ನು ಗಳಿಸಿದರು. ಅವರ ದೊಡ್ಡ ಇನ್ನಿಂಗ್ಸ್ 90 ರನ್ ಆಗಿದೆ.
ಅಗ್ರ 5 ರಲ್ಲಿ, ಶ್ರೇಷ್ಠ ವೆಸ್ಟ್ ಇಂಡೀಸ್ ವಿಕೆಟ್ ಕೀಪರ್ ಜೆಫ್ ಡುಜಾನ್ ಸ್ಥಾನ ಪಡೆದಿದ್ದಾರೆ. ಅವರು 5 ಇನ್ನಿಂಗ್ಸ್ಗಳಲ್ಲಿ 5 ಬಾರಿ ಅರ್ಧ ಶತಕ ಬಾರಿಸಿದ್ದಾರೆ. ಇದರಲ್ಲಿ ಅವರ ಬ್ಯಾಟ್‌ನಿಂದ ಒಂದು ಶತಕ (101) ಕೂಡ ಬಂದಿತು.
Published On - 9:19 pm, Sat, 5 June 21