New Year 2023: ಆರೋಗ್ಯಕರ ಆಹಾರ ಪದ್ದತಿಯೊಂದಿಗೆ ಹೊಸ ವರ್ಷ ಆರಂಭಿಸಿ
ನೀವು ಸೇವಿಸುವ ಆಹಾರ ನಿಮ್ಮ ಆರೋಗ್ಯದ ಮೇಲೆ ನೇರವಾಗಿ ಪರಿಣಾಮ ಬೀರುತ್ತದೆ. ಆದ್ದರಿಂದ ನೀವು ಸೇವಿಸುವ ಆಹಾರ ಬಗ್ಗೆ ಎಚ್ಚರದಿಂದಿರುವುದು ಅಗತ್ಯ.
ನೀವು ಸೇವಿಸುವ ಆಹಾರ ನಿಮ್ಮ ಆರೊಗ್ಯದ ಮೇಲೆ ನೇರವಾಗಿ ಪರಿಣಾಮ ಬೀರುತ್ತದೆ. ಆದ್ದರಿಂದ ನೀವು ಸೇವಿಸುವ ಆಹಾರ ಬಗ್ಗೆ ಎಚ್ಚರದಿಂದಿರುವುದು ಅಗತ್ಯ.
ಆಹಾರ ಬಿಸಾಡದಿರಿ. ನಿಮಗೆ ಎಷ್ಟು ಬೇಕು ಅಷ್ಟೇ ಸೇವಿಸಿ. ಸಾಕಷ್ಟು ಜನರು ಅಗತ್ಯಕ್ಕಿಂತ ಹೆಚ್ಚಿನ ಆಹಾರವನ್ನು ತೆಗೆದುಕೊಂಡು ಆಹಾರಗಳನ್ನು ಬಿಸಾಡುತ್ತಾರೆ. ಇಂತಹ ಅಭ್ಯಾಸ ನಿಮ್ಮಲ್ಲಿದ್ದರೆ ಈ ಕೂಡಲೇ ಬಿಟ್ಟು ಬಿಡಿ.
ನೀವು ತಿನ್ನುವ ಆಹಾರದ ಬಗ್ಗೆ ಅಸಮಾಧಾನ ಇಟ್ಟುಕೊಳ್ಳದಿರಿ. ಪ್ರತಿ ಬಾರಿ ನೀವು ಆಹಾರವನ್ನು ಸೇವಿಸುವಾಗ ಆನಂದದಿಂದ ತಿನ್ನಿ. ಅಸಮಾಧಾನದ ಮನಸ್ಥಿತಿಯನ್ನಿಟ್ಟುಕೊಂಡು ಸೇವಿಸುವ ಆಹಾರವು ನಿಮ್ಮ ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮ ಬೀರಬಹುದು.
ಹಸಿವಾಗಿದ್ದರೆ ಮಾತ್ರ ತಿನ್ನಿ. ಅತಿಯಾಗಿ ಸೇವಿಸುವುದು ನಿಮ್ಮ ಆರೋಗ್ಯದ ಮೇಲೆ ಕೆಟ್ಟ ಪರಿಣಾಮವನ್ನು ಬೀರಬಹುದು. ಆದ್ದರಿಂದ ಹಸಿವಾದಾಗ ಮಾತ್ರ ತಿನ್ನಿ. ಪದೇ ಪದೇ ತಿನ್ನುವ ಅಭ್ಯಾಸ ಇಟ್ಟುಕೊಳ್ಳಬೇಡಿ.
ನಿಧಾನವಾಗಿ ಸೇವಿಸಿ. ನೀವು ಪ್ರತಿ ಬಾರಿ ಆಹಾರ ಸೇವಿಸುವಾಗ ನಿಧಾನವಾಗಿ ತಿನ್ನುವ ಅಭ್ಯಾಸ ಇಟ್ಟುಕೊಳ್ಳಿ. ಪ್ರತಿ ಬಾರಿ ಸೇವಿಸುವಾಗ ಚೆನ್ನಾಗಿ ಜಗಿದು ತಿನ್ನಿ.
ಉತ್ತಮ ಗುಣಮಟ್ಟದ ಆಹಾರಗಳ ಬಗ್ಗೆ ಗಮನ ಹರಿಸಿ. ನೀವು ಖರೀದಿಸುವ ಹಣ್ಣು ತರಕಾರಿಗಳು ಉತ್ತಮ ಗುಣಮಟ್ಟವನ್ನು ಹೊಂದಿದೆಯೇ ಎಂದು ಪರೀಕ್ಷಿಸಿ ಖರೀದಿಸಿ.
ಒಂದು ವಾರದ ಆಹಾರದ ಬಗ್ಗೆ ಪಟ್ಟಿ ಮಾಡಿ. ಪ್ರತಿ ದಿನ ಯಾವ ರೀತಿಯ ಅಂದರೆ ಇವತ್ತಿನ ಉಪಹಾರ ಎನು? ನಾಳೆ ಎನು ತಿಂದರೆ ಉತ್ತಮ ಎಂದು ಒಂದು ವಾರದ ಆಹಾರ ಕ್ರಮಗಳ ಬಗ್ಗೆ ಮೊದಲೇ ಪಟ್ಟಿ ಮಾಡಿ ಇಡಿ.
ನೀವು ಸೇವಿಸುವ ಆಹಾರ ಕ್ರಮದ ಬಗ್ಗೆ ಎಚ್ಚರವಹಿಸಿ. ಹೆಚ್ಚಿನ ಮಟ್ಟದ ಕ್ಯಾಲೋರಿ ಇರುವ ಆಹಾರವನ್ನು ಸೇವಿಸದಿರಿ. ಜೊತೆಗೆ ಪೋಷಕಾಂಶ ಸಮೃದ್ದವಾಗಿರುವ ಆಹಾರವನ್ನು ಆಯ್ಕೆ ಮಾಡಿ.
Published On - 12:43 pm, Thu, 5 January 23