Google Maps: ಭಾರತದ ಬಳಕೆದಾರರಿಗಿಲ್ಲ ಗೂಗಲ್ ಮ್ಯಾಪ್ನ ಈ ಅದ್ಭುತ ಫೀಚರ್ಗಳು: ಯಾವುವು ನೋಡಿ
ಅನೇಕ ಫೀಚರ್ಗಳನ್ನು ಪ್ರಕಟಿಸಿವ ಗೂಗಲ್ ಮ್ಯಾಪ್ ಅನ್ನು ಭಾರತದಲ್ಲೂ ಅತಿ ಹೆಚ್ಚಿನ ಜನರು ಬಳಸುತ್ತಿದ್ದಾರೆ. ಆದರೆ, ಇತರೆ ದೇಶಗಳಿಗೆ ಹೋಲಿಸಿದರೆ ಗೂಗಲ್ ಮ್ಯಾಪ್ನಲ್ಲಿರುವ ಫೀಚರ್ಸ್ ಭಾರತದಲ್ಲಿ ಕಡಿಮೆ. ಬೇರೆ ದೇಶಗಳಲ್ಲಿ ಇನ್ನಷ್ಟು ಆಕರ್ಷಕವಾದ ಆಯ್ಕೆಗಳಿವೆ. ಅವುಗಳಲ್ಲಿ ಪ್ರಮುಖವಾದವು ಯಾವುದು ಎಂಬುದನ್ನು ನೋಡೋಣ.
ಇಂದು ಗೂಗಲ್ ಮ್ಯಾಪ್ ಅನ್ನು ಹೆಚ್ಚಿನವರು ಬಳಸುತ್ತಿದ್ದು ಸಾಕಷ್ಟು ಪ್ರಸಿದ್ಧಿ ಪಡೆದುಕೊಂಡಿದೆ. 220 ಕ್ಕೂ ಅಧಿಕ ದೇಶಗಳಲ್ಲಿ ಇದನ್ನು ಉಪಯೋಗಿಸುತ್ತಿದ್ದಾರೆ. ನಮಗೆ ತಲುಪಬೇಕಾದ ಸ್ಥಳವನ್ನು ಇದರ ಮೂಲಕ ತಿಳಿಯಬಹುದು. ಟ್ರಾಫಿಕ್ ಬಗ್ಗೆ ಮಾಹಿತಿ, ಅಂಗಡಿಗಳ ಕುರಿತ ಮಾಹಿತಿ ಜೊತೆಗೆ ಆಫ್ಲೈನ್ನಲ್ಲಿ ಕೂಡ ಗೂಗಲ್ ಮ್ಯಾಪ್ ಉಪಯೋಗಿಸಬಹುದು.
ಅನೇಕ ಫೀಚರ್ಗಳನ್ನು ಪ್ರಕಟಿಸಿವ ಗೂಗಲ್ ಮ್ಯಾಪ್ ಅನ್ನು ಭಾರತದಲ್ಲೂ ಅತಿ ಹೆಚ್ಚಿನ ಜನರು ಬಳಸುತ್ತಿದ್ದಾರೆ. ಆದರೆ, ಇತರೆ ದೇಶಗಳಿಗೆ ಹೋಲಿಸಿದರೆ ಗೂಗಲ್ ಮ್ಯಾಪ್ನಲ್ಲಿರುವ ಫೀಚರ್ಸ್ ಭಾರತದಲ್ಲಿ ಕಡಿಮೆ. ಬೇರೆ ದೇಶಗಳಲ್ಲಿ ಇನ್ನಷ್ಟು ಆಕರ್ಷಕವಾದ ಆಯ್ಕೆಗಳಿವೆ. ಅವುಗಳಲ್ಲಿ ಪ್ರಮುಖವಾದವು ಯಾವುದು ಎಂಬುದನ್ನು ನೋಡೋಣ.
ಲೈವ್ ವೀವ್: ಗೂಗಲ್ ಈ ಲೈವ್ ವೀವ್ ಆಯ್ಕೆಯನ್ನು ಕಳೆದ ಸಪ್ಟೆಂಬರ್ನಲ್ಲಿ ಬಿಡುಗಡೆ ಮಾಡಿತ್ತು. ನಿಮ್ಮ ಸ್ಮಾರ್ಟ್ಫೋನ್ನಲ್ಲಿ ಕ್ಯಾಮೆರಾವನ್ನು ತೆರೆದು ಇದನ್ನು ಉಪಯೋಗಿಸಬಹುದು. ಈ ವೈಶಿಷ್ಟ್ಯವು ಲಂಡನ್, ಲಾಸ್ ಏಂಜಲೀಸ್, ನ್ಯೂಯಾರ್ಕ್, ಸ್ಯಾನ್ ಫ್ರಾನ್ಸಿಸ್ಕೋ, ಪ್ಯಾರಿಸ್ ಮತ್ತು ಟೋಕಿಯೊದಲ್ಲಿ ಲಭ್ಯವಿದೆ. ಮುಂಬರುವ ತಿಂಗಳುಗಳಲ್ಲಿ ಬಾರ್ಸಿಲೋನಾ, ಡಬ್ಲಿನ್ ಮತ್ತು ಮ್ಯಾಡ್ರಿಡ್ನಲ್ಲಿ ಬರಲಿದೆಯಂತೆ.
ಇಂಡೋರ್ ಲೈವ್ ವೀವ್: ಒಳಾಂಗಣ ಲೈವ್ ವ್ಯೂ ಇದು ಥೇಟ್ ಹೊರಾಂಗಣ ಲೈವ್ನಂತೆಯೆ ಕಾರ್ಯನಿರ್ವಹಿಸುತ್ತದೆ. ಮಾಲ್‌ಗಳು, ವಿಮಾನ ನಿಲ್ದಾಣಗಳು ಮತ್ತು ರೈಲು ನಿಲ್ದಾಣಗಳ ಒಳಗೆ ಟರ್ನ್-ಬೈ-ಟರ್ನ್ ನ್ಯಾವಿಗೇಷನ್ ಅನ್ನು ಇದು ತೋರಿಸುತ್ತದೆ. ಈ ವೈಶಿಷ್ಟ್ಯವು ಮುಂಬರುವ ತಿಂಗಳುಗಳಲ್ಲಿ ಬಾರ್ಸಿಲೋನಾ, ಬರ್ಲಿನ್, ಫ್ರಾಂಕ್‌ಫರ್ಟ್, ಲಂಡನ್, ಮ್ಯಾಡ್ರಿಡ್, ಮೆಲ್ಬೋರ್ನ್, ಪ್ಯಾರಿಸ್, ಪ್ರೇಗ್, ಸಾವೊ ಪಾಲೊ, ಸಿಂಗಾಪುರ, ಸಿಡ್ನಿ ಮತ್ತು ತೈಪೆಯಲ್ಲಿ 1,000 ಕ್ಕೂ ಹೆಚ್ಚು ಹೊಸ ವಿಮಾನ ನಿಲ್ದಾಣಗಳು, ರೈಲು ನಿಲ್ದಾಣಗಳು ಮತ್ತು ಮಾಲ್‌ಗಳಲ್ಲಿ ಕಾರ್ಯನಿರ್ವಹಿಸುತ್ತದೆ.
ಇಂಪ್ರೆಸಿವ್ ವೀವ್: ಇದರ ಮೂಲಕ ಹವಾಮಾನ, ಟ್ರಾಫಿಕ್ ಅಥವಾ ಒಂದು ಸ್ಥಳದ ಕುರಿತು ಸಂಪೂರ್ಣ ಮಾಹಿತಿ ಪಡೆಯಬಹುದು. ಉದಾಹರಣೆಗೆ, ನೀವು ಬೆಂಗಳೂರಿನ ಇಸ್ಕಾನ್ ಟೆಂಪಲ್ಗೆ ಭೇಟಿ ನೀಡುತ್ತಿದ್ದರೆ ಅಲ್ಲಿನ ಟ್ರಾಫಿಕ್, ಪ್ರವೇಶ ದ್ವಾರ, ಸುತ್ತಮುತ್ತಲಿನ ರೆಸ್ಟೋರೆಂಟ್‌ ಹಾಗೂ ವಿವಿಧ ಸಮಯಗಳಲ್ಲಿ ಈ ಪ್ರದೇಶ ಹೇಗೆ ಕಾಣುತ್ತದೆ ಎಂಬುದನ್ನು ನೋಡಬಹುದು.
ಸೈಕ್ಲಿಸ್ಟ್‌ಗಳಿಗೆ ಲೈಟ್ ನ್ಯಾವಿಗೇಷನ್: ಸೈಕ್ಲಿಂಗ್ ಮಾಡುವಾಗ ಅವರು ತಮ್ಮ ಫೋನನ್ನು ಕೈಯಲ್ಲಿ ಹಿಡಿದುಕೊಂಡಿರಲು ಸಾಧ್ಯವಿಲ್ಲ. ಹೀಗಾಗಿ ಈ ವೈಶಿಷ್ಟ್ಯವನ್ನು ಗೂಗಲ್ ಸೈಕ್ಲಿಸ್ಟ್‌ಗಳಿಗಾಗಿ ಪರಿಚಯಿಸಿತು. ಇದರ ಮೂಲಕ ಡಿಸ್ ಪ್ಲೇ ಆನ್‌ನಲ್ಲಿ ಇರುವ ಅಗತ್ಯವಿಲ್ಲ. ಟರ್ನ್-ಬೈ-ಟರ್ನ್ ನ್ಯಾವಿಗೇಷನ್ ಅನ್ನು ನಮೂದಿಸದೆಯೇ ಅವರ ಮಾರ್ಗದ ಕುರಿತು ETA ಅಪ್‌ಡೇಟ್ ನೀಡುತ್ತಿರುತ್ತದೆ.
ಸ್ಥಳೀಯ ಜಾಗವನ್ನು ಪರಿಶೀಲಿಸುವ ಆಯ್ಕೆ: ನೀವು ಒಂದು ಸ್ಥಳಕ್ಕೆ ಭೇಟಿ ನೀಡುವ ಮೊದಲು ಆ ಸ್ಥಳದ ಪರಿಸ್ಥಿತಿಯನ್ನು ಅನ್ನು ಪರಿಶೀಲಿಸಲು ಈ ಆಯ್ಕೆ ನೀಡಲಾಗಿದೆ. ಉದಾಹರಣೆಗೆ, ನೀವು ಒಂದು ಮಾರುಕಟ್ಟೆಗೆ ಭೇಟಿ ನೀಡುತ್ತಿದ್ದರೆ, ಆ ಜನಪ್ರಿಯ ತಾಣಗಳನ್ನು ನೋಡಲು ಈ ವೈಶಿಷ್ಟ್ಯವನ್ನು ಬಳಸಬಹುದು. ಈ ಜಾಗದ ರಿವ್ಯೂ, ಫೋಟೋಗಳು ಮತ್ತು ವೀಡಿಯೊಗಳನ್ನು ಒಳಗೊಂಡಂತೆ ಗೂಗಲ್ ಮ್ಯಾಪ್ ಬಳಕೆದಾರರಿಗೆ ಎಲ್ಲ ಮಾಹಿತಿ ನೀಡುತ್ತದೆ.