ದಕ್ಷಿಣ ಭಾರತದ ನಟಿಗೆ ಚೆನ್ನೈನಲ್ಲಿ ದೇವಾಲಯ ಕಟ್ಟಿ, ಹಾಲಿನ ಅಭಿಷೇಕ ಮಾಡಿದ ಅಭಿಮಾನಿಗಳು!
ದಕ್ಷಿಣ ಭಾರತದಲ್ಲಿ ಸಿನಿಮಾ ಇಂಡಸ್ಟ್ರಿಗೂ- ಜನ ಸಾಮಾನ್ಯರಿಗೂ ಅನ್ಯೋನ್ಯಭಾವ. ನಟ-ನಟಿಯರನ್ನು ತೆರೆಮೇಲೆ ನೋಡಿ ಅನೇಕರು ಸ್ಫೂರ್ತಿ ಪಡೆಯುತ್ತಾರೆ. ಅಷ್ಟೇ ಅಲ್ಲ, ಅವರನ್ನು ಆರಾಧಿಸುತ್ತಾರೆ.
ದಕ್ಷಿಣ ಭಾರತದಲ್ಲಿ ಸಿನಿಮಾ ಇಂಡಸ್ಟ್ರಿಗೂ- ಜನ ಸಾಮಾನ್ಯರಿಗೂ ಅನ್ಯೋನ್ಯಭಾವ. ನಟ-ನಟಿಯರನ್ನು ತೆರೆಮೇಲೆ ನೋಡಿ ಅನೇಕರು ಸ್ಫೂರ್ತಿ ಪಡೆಯುತ್ತಾರೆ. ಅಷ್ಟೇ ಅಲ್ಲ, ಅವರನ್ನು ಆರಾಧಿಸುತ್ತಾರೆ. ಖುಶ್ಬೂ, ನಮಿತಾ ಮತ್ತು ಹನ್ಸಿಕಾಗೆ ಈಗಾಗಲೇ ಅಭಿಮಾನಿಗಳು ದೇವಾಲಯ ಕಟ್ಟಿ ಪೂಜೆ ಮಾಡಿದ್ದಾರೆ.
ಈ ಸಾಲಿಗೆ ಈಗ ಹೊಸ ನಟಿ ಸೇರ್ಪಡೆ ಆಗಿದ್ದಾರೆ. ಅವರು ಬೇರಾರು ಅಲ್ಲ, ತೆಲುಗು-ತಮಿಳು ನಟಿ ನಿಧಿ ಅಗರ್ವಾಲ್. ಹೌದು, ಈ ನಟಿಗೆ ಚೆನ್ನೈನಲ್ಲಿ ಅಭಿಮಾನಿಗಳು ದೇವಾಲಯ ಕಟ್ಟಿದ್ದಾರೆ.
ಚೆನ್ನೈನ ಒಂದು ಕೊಠಡಿಯಲ್ಲಿ ನಿಧಿ ಅವರ ಮೂರ್ತಿಯನ್ನು ಅಭಿಮಾನಿಗಳು ಉದ್ಘಾಟನೆ ಮಾಡಿದ್ದಾರೆ. ಈ ಕೊಠಡಿಯನ್ನು ಮಂದಿರದಂತೆ ಕಂಡಿರುವ ಅವರು, ಮೂರ್ತಿಗೆ ಹಾಲಿನ ಅಭಿಷೇಕ ಮಾಡಿದ್ದಾರೆ.
ಅಷ್ಟೇ ಅಲ್ಲ, NationalCrushNidhhi ಅಡಿಯಲ್ಲಿ ಫೋಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.
ಈ ವಿಚಾರ ನಿಧಿ ಅಗರ್ವಾಲ್ಗೆ ಶಾಕ್, ಅಚ್ಚರಿ ಹಾಗೂ ಖುಷಿಯನ್ನು ಒಟ್ಟೊಟ್ಟಿಗೆ ತಂದಿದೆ. ಈ ಬಗ್ಗೆ ಮಾತನಾಡಿರುವ ಅವರು, ನಾನು ಈ ವಿಚಾರ ಕೇಳಿ ಒಮ್ಮೆ ಶಾಕ್ ಆದೆ. ಇದೇ ವೇಳೆ ನನಗೆ ಖುಷಿ ಕೂಡ ಆಗಿದೆ. ನನಗೆ ಒಂದು ದೇವಾಲಯ ನಿರ್ಮಾಣವಾಗುತ್ತದ ಎಂದು ನಾನು ಭಾವಿಸಿರಲಿಲ್ಲ ಎಂದು ಹೇಳಿದ್ದಾರೆ.
ಹೈದರಾಬಾದ್ನಲ್ಲಿ ಹುಟ್ಟಿ, ಬೆಂಗಳೂರಲ್ಲಿ ಬೆಳೆದನಟಿ ನಿಧಿ ತೆಲುಗು ಹಾಗೂ ತಮಿಳು ಸಿನಿಮಾಗಳಲ್ಲಿ ನಟಿಸಿದ್ದಾರೆ. 2019ರಲ್ಲಿ ತೆಲುಗು ಬಿಗ್ಬಾಸ್ಗೆ ಅತಿಥಿಯಾಗಿ ಕೂಡ ಅವರು ತೆರಳಿದ್ದರು.
ನಿಧಿ ಅಗರ್ವಾಲ್
Published On - 6:40 pm, Mon, 15 February 21