ಇಂದು ವಿಶ್ವ ಛಾಯಾಗ್ರಹಣ ದಿನ: ಟ್ರೆಂಡಿಂಗ್ನಲ್ಲಿರುವ ಬೆಸ್ಟ್ ಕ್ಯಾಮೆರಾ ಸ್ಮಾರ್ಟ್ಫೋನ್ಗಳು ಇಲ್ಲಿದೆ ನೋಡಿ
World Photography Day 2023: ಇಂದು ವಿಶ್ವ ಛಾಯಾಗ್ರಹಣ ದಿನ. ಯಾವುದೇ ಒಂದು ಘಟನೆಯನ್ನು ಸಂಪೂರ್ಣವಾಗಿ ವಿವರಿಸುವ ಶಕ್ತಿ ಒಂದು ಪೋಟೋಕ್ಕಿದೆ. ಈ ಸಂದರ್ಭ ಸ್ಮಾರ್ಟ್ಫೋನ್ ಪ್ರಿಯರಿಗಾಗಿ ಭಾರತದಲ್ಲಿ ಟ್ರೆಂಡಿಂಗ್ನಲ್ಲಿರುವ ಆಕರ್ಷಕ ಕ್ಯಾಮೆರಾ ಫೋನುಗಳ ಬಗ್ಗೆ ಮಾಹಿತಿಯನ್ನು ನಾವು ನೀಡುತ್ತೇವೆ.
ಇಂದು ವಿಶ್ವ ಛಾಯಾಗ್ರಹಣ ದಿನ (World Photography Day). ಪದಗಳಲ್ಲಿ ವಿವರಿಸಲಾಗದ್ದನ್ನ ಫೋಟೋ ಮೂಲಕ ಹೇಳಬಹುದಾದ ಅದ್ಬುತ ಶಕ್ತಿ ಈ ಫೋಟೋಗ್ರಫಿದಲ್ಲಿದೆ. ಛಾಯಾಚಿತ್ರದ ಮೂಲಕ ವಿಶ್ವವನ್ನು ಸಕಾರಾತ್ಮಕವಾಗಿ ಪರಿವರ್ತಿಸುವ ನಿಟ್ಟಿನಲ್ಲಿ ಆರಂಭವಾದ ವಿಶ್ವ ಛಾಯಾಗ್ರಹಣ ದಿನವನ್ನು ಪ್ರತಿ ವರ್ಷ ಆಗಸ್ಟ್ 19 ಆಚರಿಸಲಾಗುತ್ತದೆ.
ಫೊಟೋಗ್ರಫಿ ಒಂದು ಕಲೆ. ಹಿಂದಿನ ಇತಿಹಾಸದ ಸಾಕ್ಷಿ ಫೋಟೋ. ಯಾವುದೇ ಒಂದು ಘಟನೆಯನ್ನು ಸಂಪೂರ್ಣವಾಗಿ ವಿವರಿಸುವ ಸಾಧ್ಯತೆ ಒಂದು ಪೋಟೋವಿನಲ್ಲಿದೆ. ಈ ಸಂದರ್ಭ ಸ್ಮಾರ್ಟ್ಫೋನ್ ಪ್ರಿಯರಿಗಾಗಿ ಭಾರತದಲ್ಲಿ ಟ್ರೆಂಡಿಂಗ್ನಲ್ಲಿರುವ ಆಕರ್ಷಕ ಕ್ಯಾಮೆರಾ ಫೋನುಗಳ ಬಗ್ಗೆ ಮಾಹಿತಿಯನ್ನು ನಾವು ನೀಡುತ್ತೇವೆ.
ಗೂಗಲ್ ಪಿಕ್ಸೆಲ್ 7 5G: ಈ ಸ್ಮಾರ್ಟ್ಫೋನ್ನ 8GB RAM ಮತ್ತು 256GB ಇಂಟರ್ ಸ್ಟೋರೇಜ್ ಸಾಮರ್ಥ್ಯವನ್ನು 46,900 ರೂ. ಆಸುಪಾಸಿನಲ್ಲಿ ಖರೀದಿಸಬಹುದು. ಇದರಲ್ಲಿ ಮುಖ್ಯ ಕ್ಯಾಮೆರಾ 50 ಮೆಗಾಪಿಕ್ಸೆಲ್ ಸೆನ್ಸಾರ್, 10.8 ಮೆಗಾಪಿಕ್ಸೆಲ್ ಸೆನ್ಸಾರ್ ಸಾಮರ್ಥ್ಯದ ಸೆಲ್ಫಿ ಕ್ಯಾಮೆರಾ ನೀಡಲಾಗಿದೆ.
ಒಪ್ಪೊ ರೆನೋ 8T 5G: ತನ್ನ ಅತ್ಯಾಧುನಿಕ 108ಎಂಪಿ ಪೋಟ್ರೇಟ್ ಕ್ಯಾಮೆರಾ, ಪ್ರೀಮಿಯಂ ಮೈಕ್ರೋಲೆನ್ಸ್, 2ಎಂಪಿ ಡೆಪ್ತ್ ಕ್ಯಾಮೆರಾ ಮತ್ತು 32 ಎಂಪಿ ಸೆಲ್ಫಿ ಕ್ಯಾಮೆರಾದೊಂದಿಗೆ ಈ ಮೊಬೈಲ್ ಬರುತ್ತದೆ. 108 ಎಂಪಿ ಅಲ್ಟ್ರಾ-ಹೈ ರೆಸಲೂಶನ್ ಮತ್ತು ನೊನಾಪಿಕ್ಸೆಲ್ ಪ್ಲಸ್ ತಂತ್ರಜ್ಞಾನವು ಫೋಟೋವನ್ನು ಪ್ರತಿ ಕ್ಷಣವನ್ನು ಸರಿಸಾಟಿಯಿಲ್ಲದ ರೀತಿಯಲ್ಲಿ ಸೆರೆಹಿಡಿಯುತ್ತದೆ. ಬೆರಗಾಗುವಂತಹ ಫೋಟೋಗಳ ಗುಣಮಟ್ಟವನ್ನು ನೀಡುತ್ತದೆ.
ಐಫೋನ್ 13: 128GB ಸ್ಟೋರೇಜ್ ಆಯ್ಕೆಯ ಆ್ಯಪಲ್ ಐಫೋನ್ 13 ಆಫರ್ನಲ್ಲಿ ಮಾರಾಟ ಆಗುತ್ತಿದೆ. ಇದರಲ್ಲಿರುವ ಡ್ಯುಯೆಲ್ ರಿಯರ್ ಕ್ಯಾಮೆರಾ 12 ಮೆಗಾಫಿಕ್ಸೆಲ್ನಲ್ಲಿದೆ. ಸೆಲ್ಫೀ ಕ್ಯಾಮೆರಾ ಕೂಡ 12 ಮೆಗಾಫಿಕ್ಸೆಲ್ನಿಂದ ಕೂಡಿದೆ. ನೀವು ಕ್ಯಾಮೆರಾ ಫೋನ್ ಹುಡುಕುತ್ತಿದ್ದರೆ ಇದೊಂದು ಅತ್ಯುತ್ತಮ ಆಯ್ಕೆಯಾಗಿದೆ.
ಸ್ಯಾಮ್ಸಂಗ್ ಗ್ಯಾಲಕ್ಸಿ S22 ಆಲ್ಟ್ರಾ: ಈ ಫೋನಿನ 12GB RAM ಮತ್ತು 253GB ಸ್ಟೋರೇಜ್ ಆಯ್ಕೆಯ ಬೆಲೆ 1,09,999 ರೂ. ಇಷ್ಟು ಬೆಲೆ ಹೊಂದಿರುವ ಈ ಫೋನಿನ ಕ್ಯಾಮೆರಾ ಮಾತ್ರ ಅದ್ಭುತವಾಗಿದೆ. ಇದರಲ್ಲಿ 108MP+ 12MP+ 10MP+ 10MP ಸ್ಪೋರ್ಟ್ಸ್ ಕ್ವಾಡ್ ಕ್ಯಾಮೆರಾ ಸೆಟಪ್ ನೀಡಲಾಗಿದೆ. 40 ಮೆಗಾಫಿಕ್ಸೆಲ್ನ ಸೆಲ್ಫೀ ಕ್ಯಾಮೆರಾ ಕೂಡ ಇದೆ.
ರಿಯಲ್ ಮಿ 11 ಪ್ರೊ + 5G: ಇತ್ತೀಚೆಗಷ್ಟೆ ಬಿಡುಗಡೆ ಆದ ಈ ಸ್ಮಾರ್ಟ್ಫೋನ್ 200 ಮೆಗಾ ಪಿಕ್ಸೆಲ್ ಸೂಪರ್ ಝೂಂ ಕ್ಯಾಮೆರಾ ಹೊಂದಿದೆ. ಮೊಟ್ಟ ಮೊದಲ 4X ಲಾಸ್ ಲೆಸ್ ಝೂಂ, 2X ಪೋಟ್ರೇಟ್ ಮೋಡ್ ಮತ್ತು ಆಟೋ ಝೂಂ ತಂತ್ರಜ್ಞಾನದಂತಹ ಅತ್ಯುತ್ಕೃಷ್ಠವಾದ ವೈಶಿಷ್ಟ್ಯತೆಗಳನ್ನು ಹೊಂದಿದೆ. ಇದಲ್ಲದೇ, ಸೂಪರ್ OIS, ಸ್ಟ್ರೀಟ್ ಫೋಟೋಗ್ರಾಫಿ ಮೋಡ್, ನೈಟ್ ಮೋಡ್ ನಂತಹ ವೈಶಿಷ್ಟ್ಯತೆಗಳನ್ನು ಹೊಂದಿದೆ.
ವಿವೋ V27 5G: ಈ ಸ್ಮಾರ್ಟ್ಫೋನ್ ರಾತ್ರಿ ವೇಳೆಯಲ್ಲಿ ಫೋಟೋಗಳನ್ನು ಉನ್ನತ ಗುಣಮಟ್ಟದಲ್ಲಿ ತೆಗೆದುಕೊಳ್ಳುವಂತಹ ವೈಶಿಷ್ಟ್ಯತೆಗಳನ್ನು ಹೊಂದಿದೆ. ಔರಾ ಲೈಟ್ ನಿಂದ ಮೇಲ್ದರ್ಜೆಗೇರಿಸಲ್ಪಟ್ಟಿರುವ ನೈಟ್ ಪೋಟ್ರೇಟ್ ವೈಶಿಷ್ಟ್ಯತೆಯೊಂದಿಗೆ ನಿಮ್ಮ ಫೋಟೋಗಳನ್ನು ಹಗಲಿನ ವೇಳೆಯಲ್ಲಿ ತೆಗೆದ ರೀತಿಯಲ್ಲಿಯೇ ಪ್ರಖರವಾಗಿ ಮತ್ತು ಸ್ಪಷ್ಟವಾಗಿ ಕಾಣಿಸುವಂತೆ ಮಾಡುತ್ತದೆ. ಸೋನಿ ಐಎಂಎಕ್ಸ್766ವಿ ಸೆನ್ಸಾರ್ ಅಳವಡಿಸಲಾಗಿದೆ.