Srivari Navaratri Brahmotsav: ಅ.15 ರಿಂದ ತಿರುಪತಿ ತಿಮ್ಮಪ್ಪನ ಸನ್ನಿಧಿಯಲ್ಲಿ ನವರಾತ್ರಿ ಬ್ರಹ್ಮೋತ್ಸವ ಈ ಬಾರಿ 2 ಬಾರಿ! ಯಾವ ದಿನ, ಹೇಗೆ ದರ್ಶನ ವಿವರ ಇಲ್ಲಿದೆ

ಅಖಿಲಾಂಡಕೋಟಿ ಬ್ರಹ್ಮಾಂಡ ನಾಯಕ ತಿರುಪತಿ ವೇಂಕಟರಮಣಸ್ವಾಮಿ ಸನ್ನಿಧಿಯಲ್ಲಿ ಈ ಬಾರಿಯ ನವರಾತ್ರಿ ಬ್ರಹ್ಮೋತ್ಸವಗಳು ಅಕ್ಟೋಬರ್ 15 ರಿಂದ 23 ನೇ ತಾರೀಖಿನವರೆಗೆ ವೈಭವವಾಗಿ ನಡೆಯಲಿದೆ. ಚಂದ್ರಮಾನದ ಪ್ರಕಾರ.. ಈ ಬಾರಿ ಅಧಿಕಮಾಸ ಬಂದಿರುವುದರಿಂದ ಎರಡು ಬಾರಿ ಬ್ರಹ್ಮೋತ್ಸವಗಳು ನಡೆಯುತ್ತವೆ. ಹೀಗೆ ಬಂದ ಸಂದರ್ಭಗಳಲ್ಲಿ ಕನ್ಯಾಮಾಸ ಭಾದ್ರಪದದಲ್ಲಿ ವಾರ್ಷಿಕ ಬ್ರಹ್ಮೋತ್ಸವಗಳು, ಆಶ್ವಯುಜಂಗಳಲ್ಲಿ ದಸರಾ ನವರಾತ್ರಿಗಳಲ್ಲಿ ನವರಾತ್ರಿ ಬ್ರಹ್ಮೋತ್ಸವಗಳನ್ನು ನಡೆಸುವುದು ಅನಿವಾರ್ಯವಾಗುತ್ತದೆ.

ಇದರ ಅಂಗವಾಗಿ ನಡೆಯುವ ನವರಾತ್ರಿ ಬ್ರಹ್ಮೋತ್ಸವದಲ್ಲಿ ಧ್ವಜಾರೋಹಣ ನಡೆಯಲಿರುವ ಅಕ್ಟೋಬರ್​ 19ನೇ ತಾರೀಕು ಗರುಡ ವಾಹನ, 20ನೇ ಪುಷ್ಪಕವಿಮಾನಂ, ಅಕ್ಟೋಬರ್​ 22ರಂದು ಸ್ವರ್ಣರಥ, 23ರಂದು ಚಕ್ರಸ್ನಾನ ನಡೆಯಲಿದೆ. ಬೆಳಿಗ್ಗೆ ವಾಹನ ಸೇವೆ 8 ರಿಂದ 10 ಗಂಟೆಗಳವರೆಗೆ, ರಾತ್ರಿ ವಾಹನ ಸೇವೆ 7- 9 ಗಂಟೆಯವರೆಗೆ ನಡೆಯುತ್ತದೆ. ಗರುಡವಾಹನ ಸೇವೆ ರಾತ್ರಿ 7 ರಿಂದ 12 ಗಂಟೆಗಳವರೆಗೆ ನಡೆಯುತ್ತದೆ. ಈ ಬ್ರಹ್ಮೋತ್ಸವದಲ್ಲಿ ವಾಹನ ಸೇವೆ ವೈಶಿಷ್ಟ್ಯ ಹೀಗೆ ಇರಲಿದೆ. ನವರಾತ್ರಿ ಬ್ರಹ್ಮೋತ್ಸವಗಳಿಗೆ 14 ರಂದು ರಾತ್ರಿ 7 ಗಂಟೆಯಿಂದ 9 ಗಂಟೆಗಳವರೆಗೆ ಅಂಕುರಾರ್ಪಣ ನಡೆಯಲಿದೆ.

ವೈಶಾಖ ಆಗಮದಲ್ಲಿರುವ ಕ್ರತುವುಗಳಲ್ಲಿ ಅಂಕುರಾರ್ಪಣ ಅಥವಾ ಬೀಜವಾಪನಂ ಅತ್ಯಂತ ಪ್ರಮುಖವಾದುದು. ಯಾವುದಾದರೂ ಉತ್ಸವವನ್ನು ನಡೆಸುವ ಮೊದಲು ಅದು ಯಶಸ್ವಿಯಾಗಬೇಕೆಂದು ಬಯಸಿ ಸ್ವಾಮಿಯನ್ನು ಪ್ರಾರ್ಥಿಸಲು ಅಂಕುರಾರ್ಪಣೆ ಮಾಡಲಾಗುತ್ತೆ. ಈ ಸಂದರ್ಭದಲ್ಲಿ ಶ್ರೀವಾರಿ ಸೇನಾಧಿಪತಿಯಾದ ಶ್ರೀವಿಶ್ವಕ್ಸೇನನನ್ನು ದೇವಸ್ಥಾನದ ಮಹಡಿ ಬೀದಿಯಲ್ಲಿ ಕರಾತರಲಾಗುತ್ತದೆ. ಆ ನಂತರ ಅಂಕುರಾರ್ಪಣ, ಯಾಗಶಾಲೆಯಲ್ಲಿ ವೈದಿಕ ಕಾರ್ಯಕ್ರಮಗಳನ್ನು ನಡೆಸಲಾಗುತ್ತದೆ.

ಅಕ್ಟೋಬರ್ 15 ರಂದು ಬೆಳಿಗ್ಗೆ 9 ಗಂಟೆಗೆ ಚಿನ್ನದ ತಿರುಚ್ಚಿ ಉತ್ಸವ

ಶ್ರೀವಾರಿ ನವರಾತ್ರಿ ಬ್ರಹ್ಮೋತ್ಸವದಲ್ಲಿ ಮೊದಲ ದಿನ ಬೆಳಗ್ಗೆ ಶ್ರೀದೇವಿ ಭೂದೇವಿ ಸಮೇತ ಶ್ರೀ ಮಲಯಪ್ಪಸ್ವಾಮಿಗಳು ಬಂಗಾರದ ತಿರುಚ್ಚಿ ಮೇಲಿನ ಆಲಯದಲ್ಲಿ ನಾಲ್ಕು ಮಹಡಿ ಬೀದಿಗಳಲ್ಲಿ ವಿಹರಿಸಿ ಭಕ್ತರಿಗೆ ದರ್ಶನ ನೀಡುತ್ತಾರೆ. ಇನ್ನು 15ರಂದು ನವರಾತ್ರಿ ಬ್ರಹ್ಮೋತ್ಸವದಲ್ಲಿ ಮೊದಲ ದಿನ ರಾತ್ರಿ 7ಕ್ಕೆ ದೊಡ್ಡಶೇಷವಾಹನದಲ್ಲಿ ಶ್ರೀದೇವಿ ಭೂದೇವಿ ಸಮೇತ ಶ್ರೀ ಮಲಯಪ್ಪಸ್ವಾಮಿ ಏಳು ತೊಲೆಯ ಸ್ವರ್ಣ ಶೇಷವಾಹನದ ಮೇಲೆ ತಿರುಮಲದ ಬೀದಿಯಲ್ಲಿ ಭಕ್ತರನ್ನು ಅನುಗ್ರಹಿಸುತ್ತಾರೆ. ಆದಿಶೇಷು ಶ್ರೀಹರಿಗೆ ಆತ್ಮೀಯರಾದ ರಾಮಾವತಾರದಲ್ಲಿ ಲಕ್ಷಣ, ದ್ವಾಪರಯುಗದಲ್ಲಿ ಬಲರಾ, ಶ್ರೀಮನ್ನಾರಾಯಣನಿಗೆ ಆತ್ಮೀಯವಾಗಿ ಇರುವವನು ಶೇಷನಾರಾಯಣ. ಶ್ರೀವೈಕುಂಠದಲ್ಲಿರುವ ನಿತ್ಯಸೂರುಗಳಲ್ಲಿ ಭೂಭಾರವನ್ನು ವಹಿಸುವುದು ಶೇಷನಾರಾಯನೇ. ಶೇಷವಾಹನ ವಿಶೇಷವಾಗಿ ದಾಸ್ಯಭಕ್ತಿಗೆ ನಿದರ್ಶನವಾಗಿದೆ. ಆ ಭಕ್ತಿಯಿಂದ ಪಶುತ್ವವು ತೊಲಗಿ ಮಾನವತ್ವ, ಅದರಿಂದ ದೈವತ್ವ, ತದನಂತರ ಪರಮಪದ ಸಿದ್ಧಿಸುತ್ತದೆ ಎಂದು ಭಕ್ತರು ನಂಬುತ್ತಾರೆ.

ಅಕ್ಟೋಬರ್ 16 ರಂದು ಬೆಳಿಗ್ಗೆ 8 ಗಂಟೆಗೆ..

ಶ್ರೀವಾರಿ ಬ್ರಹ್ಮೋತ್ಸವಗಳಲ್ಲಿ 2ನೇ ದಿನ ಬೆಳಗ್ಗೆ ಶ್ರೀ ಮಲಯಪ್ಪಸ್ವಾಮಿಗಳು ಐದು ತಲೆಯ ಚಿಕ್ಕಶೇಷ ವಾಹನದಲ್ಲಿ ವಿಜೃಂಭಿಸುತ್ತ ಭಕ್ತರಿಗೆ ದರ್ಶನ ನೀಡುತ್ತಾರೆ. ಪುರಾಣ ಪ್ರಾಶಸ್ತ್ಯದ ಪ್ರಕಾರ ಚಿಕ್ಕಶೇಷನನ್ನು ವಾಸುಕಿಗೆ ಹೋಲಿಸಿದ್ದಾರೆ. ಶ್ರೀವೈಷ್ಣವ ಸಂಪ್ರದಾಯಾನುಸಾರ ಭಗವಂತ ಶೇಷನಾರಾಯಣ, ಪ್ರಪಂಚ ಶೇಷಭೂತ, ಶೇಷವಾಹನ ಈ ಶೇಷಿಭಾವವನ್ನು ಸೂಚಿಸುತ್ತದೆ. ಚಿಕ್ಕಶೇಷ ವಾಹನವನ್ನು ದರ್ಶಿಸಿದರೆ ಭಕ್ತರಿಗೆ ಕುಂಡಲಿನೀಯೋಗ ಸಿದ್ಧಿಫಲವಿದೆ ಎಂದು ನಂಬುವ ಭಕ್ತರು ಮಲಯಪ್ಪ ಸ್ವಾಮಿಯ ದರ್ಶನಕ್ಕೆ ಬರುತ್ತಾರೆ.

ರಾತ್ರಿ ವೇಳೆ.. 16ನೇ ಶ್ರೀವಾರಿ ಬ್ರಹ್ಮೋತ್ಸವದಲ್ಲಿ 2ನೇ ದಿನ ರಾತ್ರಿ ಶ್ರೀಮಲಯಪ್ಪಸ್ವಾಮಿಗಳು ವೀಣಾಪಾಣಿಯಾಗಿ ಹಂಸವಾಹನದಲ್ಲಿ ಸರಸ್ವತಿದೇವಿ ಅವತಾರದಲ್ಲಿ ದರ್ಶನ ನೀಡುತ್ತಾರೆ. ಬ್ರಹ್ಮ ವಾಹನವಾದ ಹಂಸ ಪರಮಹಂಸದ ಪ್ರತೀಕ. ಹಂಸಕ್ಕೆ ಒಂದು ವಿಶೇಷತೆ ಇದೆ. ಅದು ಹಾಲು ಮತ್ತು ನೀರನ್ನು ಬೇರ್ಪಡಿಸುತ್ತದೆ. ಅಂದರೆ ಒಳ್ಳೆಯದನ್ನು, ಕೆಟ್ಟದ್ದನ್ನು ಗ್ರಹಿಸಬಲ್ಲ ಅಪುರೂಪವಾದ ಶಕ್ತಿಗಳದ ಅರ್ಥ ಅದಕ್ಕಿದೆ. ಆದ್ದರಿಂದ ಉಪನಿಷತ್ತುಗಳು ಹಂಸವು ಪರಮೇಶ್ವರನಿಗೆ ಅಭಿವರ್ಣಿಯಾಗಿದೆ. ಶ್ರೀಗಳು ಹಂಸ ವಾಹನವನ್ನು ಅಧಿರೋಹಿಸಿ ದರ್ಶನ ಕೊಡುವ ಮೂಲಕ ಭಕ್ತರಲ್ಲಿ ಅಹಂಭಾವವನ್ನು ತೊಡೆದು ಹಾಕಿ ಶರಣಾಗತಿ ಭಾವ ಹೊಂದುತ್ತಾರೆ ಎಂದು ಭಕ್ತರು ನಂಬಿಕೆಗೆ ಪಾತ್ರರಾಗುತ್ತಾರೆ.

ಅಕ್ಟೋಬರ್ 17 ರಂದು ಬೆಳಿಗ್ಗೆ..

ಶ್ರೀವಾರಿ ಬ್ರಹ್ಮೋತ್ಸವದಲ್ಲಿ 3ನೇ ದಿನ ಶ್ರೀ ಮಲಯಪ್ಪಸ್ವಾಮಿಗಳು ಸಿಂಹವಾಹನದಲ್ಲಿ ವಿಜೃಂಬಿಸುತ್ತಾ ಭಕ್ತರಿಗೆ ದರ್ಶನ ನೀಡುತ್ತಾರೆ. ಶ್ರೀವಾರಿ ಹಂಸಾವತಾರದಲ್ಲಿ ನಾಲ್ಕನೇ ಅವತಾರವಾಗುವುದು. ಯೋಗಶಾಸ್ತ್ರದಲ್ಲಿ ಸಿಂಹ ಬಲ ವೇಗಕ್ಕೆ ಆದರ್ಶಪ್ರಾಯವಾಗಿದೆ. ಭಕ್ತರು ಸಿಂಹ ಬಲದಷ್ಟು ಭಕ್ತಿ ಬಲ ಹೊಂದಿರುವಾಗ ಭಗವಂತನು ಅನುಗ್ರಹಸುತ್ತಾನೆ. ವಾಹನ ಸೇವೆಯಲ್ಲಿಯೇ ಇದನ್ನ ಅಂತರಾರ್ಥವಾಗಿ ಭಾವಿಸಿದರೆ ಭಕ್ತರ ಮನೋಕೋರಿಕೆಗಳನ್ನು ತೀರಿಸುತ್ತಾನೆ ಆ ಭಗವಂತ.

17ರಂದು ರಾತ್ರಿ.. ಶ್ರೀವಾರಿ ಬ್ರಹ್ಮೋತ್ಸವದಲ್ಲಿ 3ನೇ ದಿನ ಶ್ರೀ ಮಲಯಪ್ಪಸ್ವಾಮಿಗಳು ಮುತ್ತಿನ ವಾಹನದ ಮೇಲೆ ವಿಜೃಂಭಿಸುತ್ತಾ ಬಂದು ಭಕ್ತರಿಗೆ ದರ್ಶನ ನೀಡುತ್ತಾರೆ. ಜ್ಯೋತಿಷಶಾಸ್ತ್ರದ ಪ್ರಕಾರ ಚಂದ್ರನಿಗೆ ಪ್ರತೀಕವಾಗಿ ಮುತ್ತುಗಳನ್ನು ಸೂಚಿಸುತ್ತದೆ. ಶ್ರೀಕೃಷ್ಣನು ಮೂಗಿನ ಮೆಲೆ, ಮೈಮೇಲೆ ಮುತ್ತುಗಳನ್ನು ಅಲಂಕಾರವಾಗಿ ಧರಿಸಿದ್ದನಂತೆ ಎಂಬುದು ಪುರಾಣಗಳಲ್ಲಿದೆ. ಮುತ್ತಿನ ವಾಹನದಲ್ಲಿ ಸ್ವಾಮಿಗಳ ದರ್ಶನ, ಸ್ತೋತ್ರಂ ಮಾಡಿದರೆ ಸಕಲ ಶುಭಗಳು ಲಭ್ಯವಾಗುತ್ತದೆ ಎಂದು ಪುರಾಣಗಳಲ್ಲಿ ಹೇಳಲಾಗಿದೆ.

ಅಕ್ಟೋಬರ್ 18 ರಂದು ಬೆಳಿಗ್ಗೆ..

ಶ್ರೀವಾರಿ ಬ್ರಹ್ಮೋತ್ಸವದ ಭಾಗವಾಗಿ 4ನೇ ದಿನ ಶ್ರೀಮಲಯಪ್ಪ ಸ್ವಾಮಿಗಳು ಉಭಯ ದೇವರುಗಳೊಂದಿಗೆ ಕಲ್ಪವೃಕ್ಷ ವಾಹನದ ಮೇಲೆ ನಾಲ್ಕು ಮಹಡಿ ಬೀದಿಗಳಲ್ಲಿ ವಿಹರಿಸಿ ಭಕ್ತರಿಗೆ ದರ್ಶನ ನೀಡುತ್ತಾರೆ. ಕ್ಷೀರಸಾಗರ ಮಥನದಲ್ಲಿ ಉದ್ಭವವಾದ ಅಮೂಲ್ಯ ವಸ್ತುಗಳಲ್ಲಿ ಕಲ್ಪವೃಕ್ಷವೂ ಒಂದು. ಕಲ್ಪವೃಕ್ಷ ವಾಹನ ದರ್ಶನದಿಂದ ಕೋರಿದ ವರಗಳನ್ನು ಶ್ರೀಗಳು ಅನುಗ್ರಹಿಸುತ್ತಾರೆ ಎಂದು ಭಕ್ತರು ನಂಬಿದ್ದಾರೆ.

ಅಕ್ಟೋಬರ್ 18ರ ರಾತ್ರಿ.. ಶ್ರೀವಾರಿ ಬ್ರಹ್ಮೋತ್ಸವ

18ನೇ ರಾತ್ರಿ.. ಶ್ರೀವಾರಿ ಬ್ರಹ್ಮೋತ್ಸವದ ಭಾಗವಾಗಿ 4ನೇ ದಿನ ಶ್ರೀದೇವಿ, ಭೂದೇವಿ ಸಮೇತ ಮಲಯಪ್ಪ ಸ್ವಾಮಿಗಳು ಸರ್ವಭೂಪಾಲ ವಾಹನದಲ್ಲಿ ಭಕ್ತರಿಗೆ ಅಭಯ ನೀಡುತ್ತಾರೆ. ಸರ್ವಭೂಪಾಲ ಎಂದರೆ ವಿಶ್ವಕ್ಕೇ ರಾಜ ಎಂದು ಅರ್ಥ. ಅಂದರೆ ಶ್ರೀವಾರು ಸಕಲ ದಿಕ್ಪಾಲಕರಿಗೆ ರಾಜಾಧಿರಾಜ. ಪೂರ್ವದಿ ಕ್ಕಿಗೆ ಇಂದ್ರ, ಆಗ್ನೇಯಕ್ಕೆ ಅಗ್ನಿ, ದಕ್ಷಿಣಕ್ಕೆ ಯಮ, ನೈಋತ್ಯಕ್ಕೆ ನಿರುತಿ ಅಧಿಪತಿ, ಪಶ್ಚಿಮಕ್ಕೆ ವರುಣ ವಾಯವ್ಯಕ್ಕೆ ಅನಿಲ, ಉತ್ತರಕ್ಕೆ ಕುಬೇರ, ಈಶಾನ್ಯಕ್ಕೆ ಪರಮೇಶ್ವರ ಅಷ್ಟದಿಕ್ಪಾಲಕರುಗಳಾಗಿ ವಿರಾಜಿಸುತ್ತಾರೆ. ಎಲ್ಲರೂ ಸ್ವಾಮಿಗಳನ್ನು ತಮ್ಮ ಭುಜಸ್ಕಂಧಗಳ ಮೇಲೆ, ಹೃದಯದಲ್ಲಿ ಇರಿಸಿಕೊಂಡು ಸೇವೆ ಮಾಡುತ್ತಾರೆ. ಅಲ್ಲಿ ಅವರ ಆಳ್ವಿಕೆಯಲ್ಲಿ ಜನರು ಧನ್ಯತಾಭಾವದ ಸಂದೇಶ ಸಾರುತ್ತಾರೆ.

19 ರಂದು ಬೆಳಿಗ್ಗೆ..

ಶ್ರೀವಾರಿ ಬ್ರಹ್ಮೋತ್ಸವಗಳಲ್ಲಿ 5ನೆ ದಿನ ಶ್ರೀವಾರಿ ಮೋಹಿನಿ ರೂಪದಲ್ಲಿ ಶೃಂಗಾರರಸಾದಿ ದೇವರಾಗಿ ದರ್ಶನ ನೀಡುತ್ತಾರೆ. ಪಕ್ಕದಲ್ಲಿ ಸ್ವಾಮಿ ದಂತ ಪಲ್ಲಕ್ಕಿ ಮೇಲೆ ಬೆಣ್ಣೆ ಕೃಷ್ಣನಾಗಿ ಇನ್ನೊಂದು ರೂಪದಲ್ಲಿ ಅಭಯ ನೀಡುತ್ತಾನೆ. ಪ್ರಪಂಚದಾದ್ಯಂತ ತನ್ನ ಮಾಯಾವಿಲಾಸವೆಂದು, ತನಗೆ ಭಕ್ತರಾದವರು ಆ ಮಾಯೆಯನ್ನು ಸುಲಭವಾಗಿ ದಾಟಲಾರರು ಎಂದು ಮೋಹಿನಿ ರೂಪದಲ್ಲಿ ಕಾಣಿಸಿಕೊಂಡಿದ್ದಾನೆ.

19 ರಂದು ರಾತ್ರಿ.. ಶ್ರೀವಾರಿ ಬ್ರಹ್ಮೋತ್ಸವಗಳಲ್ಲಿ 5ನೇ ದಿನ ಪ್ರಮುಖ ಘಟ್ಟ. ಗರುಡವಾಹನದಲ್ಲಿ ಜಗನ್ನಾಟಕ ಸೂತ್ರಧಾರಿಯಾದ ಶ್ರೀ ಮಲಯಪ್ಪಸ್ವಾಮಿ ತಿರುಮಹಡಿ ಬೀದಿಯಲ್ಲಿ ಸಂಭ್ರಮದಿಂದಿರುವ ಭಕ್ತರೆಲ್ಲರಿಗೂ ತನ್ನ ದಿವ್ಯಮಂಗಳ ರೂಪದರ್ಶನ ಮಾಡುತ್ತಾರೆ. ಪೌರಾಣಿಕವಾಗಿ 108 ವೈಷ್ಣವ ದಿವ್ಯದಶಗಳಲ್ಲಿಯೂ ಗರುಡಸೇವೆ ಅತ್ಯಂತ ಮಹತ್ವದ್ದೆಂದು ಸಾರುತ್ತದೆ. ಇದರಿಂದ ಲಕ್ಷಾಂತರ ಜನರು ಈ ವಾಹನ ಸೇವೆಯಲ್ಲಿ ಪಾಲ್ಗೊಳ್ಳುತ್ತಾರೆ.

20 ರಂದು ಬೆಳಿಗ್ಗೆ..
ಶ್ರೀವಾರಿ ಬ್ರಹ್ಮೋತ್ಸವದಲ್ಲಿ ಭಾಗವಾಗಿ 6ವ ದಿನ ಶೇಷಾಚಲಧೀಶ ರಾಮನ ಅವತಾರದಲ್ಲಿ ತನ್ನ ಭಕ್ತನಾದ ಹನುಮಂತನ ಮೇಲೆ ವಿಜೃಂಬಿಸುತ್ತಾ ಭಕ್ತರಿಗೆ ದರ್ಶನ ನೀಡುತ್ತಾನೆ. ಹನುಮಂತನು ಭಗವಂತನ ಭಕ್ತರಲ್ಲಿ ಅಗ್ರಗಣ್ಯನು. ಗುರುಶಿಷ್ಯನಾಗಿ ಶ್ರೀ ಹನುಮಂತ ತತ್ತ್ವವಿವೇಚನೆ ತಿಳಿದ ಮಹನೀಯರಿಗೆ ಆಶೀರ್ವಿಸುತ್ತಾನೆ ಎಂಬುದು ಭಕ್ತರ ನಂಬಿಕೆ.

ಹೆಚ್ಚಿನ ಆಧ್ಯಾತ್ಮಿಕ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ