Shiva Mahamrityunjaya Mantra: ಶಿವನ ಆರಾಧಿಸುವ ಮಹಾಮೃತ್ಯುಂಜಯ ಮಂತ್ರದ ಮಹತ್ವ ಏನು?

ಮಹಾ ಮೃತ್ಯುಂಜಯ ಮಂತ್ರವನ್ನು (Mahamrityunjaya Mantra) ದೀರ್ಘಾಯುಷ್ಯಕ್ಕಾಗಿ ಜಪಿಸಲಾಗುತ್ತದೆ, ಹಠಾತ್ ಮರಣವನ್ನು ತಪ್ಪಿಸಲು ಮತ್ತು ದೈಹಿಕ ಮತ್ತು ಮಾನಸಿಕ ಶಾಂತಿಯನ್ನು ನೀಡುತ್ತದೆ. ಯಮನಿಂದ (Yama) ರಕ್ಷಿಸಿದ ನಂತರ ಶಿವನು ಮಾರ್ಕೆಂಡೇಯನಿಗೆ ಈ ಮಂತ್ರವನ್ನು ನೀಡಿದನು. ಪ್ರತಿಯೊಂದು ಮಂತ್ರಕ್ಕೂ ಶಕ್ತಿಯಿದೆ. ಅಗ್ರಗಣ್ಯವಾಗಿ, ನೀವು ಯಾವುದೇ ಮಂತ್ರವನ್ನಾಗಲಿ ನಂಬಬೇಕು. ನಂತರ ಅದು ಖಂಡಿತವಾಗಿಯೂ ಕೆಲಸ ಮಾಡುತ್ತದೆ. ಮಹಾ ಮೃತ್ಯುಂಜಯ ಮಂತ್ರವು ಯಾವುದೇ ಅಡ್ಡ ಪರಿಣಾಮಗಳನ್ನು ಉಂಟು ಮಾಡುವುದಿಲ್ಲ. ನೀವು ಯಾವಾಗ ಬೇಕಾದರೂ ಮಂತ್ರವನ್ನು ಪಠಿಸಬಹುದು, ಆದರೆ ನಿಮ್ಮ ಚಿತ್ತದಿಂದ ಸಂಪೂರ್ಣ ಗೌರವ ಮತ್ತು ವಿಶ್ವಾಸದಿಂದ ಪಠಿಸಬೇಕು.

ಮುಂಜಾನೆ ಅಥವಾ ಸ್ನಾನ ಮಾಡಿ ದೈನಂದಿನ ಕೆಲಸಗಳನ್ನು ಮುಗಿಸಿದ ನಂತರ ಮಂತ್ರವನ್ನು ಪಠಿಸಬೇಕು ಎಂದು ನಮ್ಮ ಹಿರಿಯರು ಹೇಳಿದ್ದಾರೆ.
ರುದ್ರಾಕ್ಷ ಮಣಿ ಮಾಲೆಯನ್ನು ಕೈಯಲ್ಲಿ ಹಿಡಿದುಕೊಂಡು ಮಂತ್ರವನ್ನು ಪಠಿಸಬೇಕು. ಶಿವಲಿಂಗದ ಮುಂದೆ ಕುಳಿತು ಮಂತ್ರವನ್ನು ಜಪಿಸಬೇಕು.

ಒಂದು ವೇಳೆ ಮೇಲೆ ಹೇಳಿದವುಗಳು ಸಾಧ್ಯವಾಗದೇ ಇದ್ದಲ್ಲಿ, ನಿಮ್ಮ ಚಿತ್ತದಿಂದ ಮಂತ್ರವನ್ನು ಜಪಿಸಿ, ಶಿವನಿಗೆ ಹೇಳಿ, “ನನ್ನ ಪ್ರಭು ಶಿವನೇ, ಕೆಲವು ಅನಿವಾರ್ಯ ಕಾರಣಗಳಿಂದ, ನಾನು ಜಪ ಮಾಡುವ ನಿಯಮಗಳನ್ನು ಅನುಸರಿಸಲು ಸಾಧ್ಯವಾಗುತ್ತಿಲ್ಲ. ಮಹಾ ಮೃತ್ಯುಂಜಯ ಮಂತ್ರ, ದಯವಿಟ್ಟು ನನ್ನನ್ನು ಕ್ಷಮಿಸಿ. ನಾನು ಪೂರ್ಣ ಗೌರವ ಮತ್ತು ನಂಬಿಕೆಯಿಂದ ಮಂತ್ರವನ್ನು ಜಪಿಸುತ್ತಿದ್ದೇನೆ, ಆದ್ದರಿಂದ ದಯವಿಟ್ಟು ನನಗೆ ಸಹಾಯ ಮಾಡಿ ಮತ್ತು ನನ್ನನ್ನು ಆಶೀರ್ವದಿಸು ಶಿವ”. ಶಿವ ಖಂಡಿತವಾಗಿಯೂ ನಮಗೆ ಸಹಾಯ ಮಾಡುತ್ತಾರೆ ಮತ್ತು ನಮ್ಮನ್ನು ಕ್ಷಮಿಸುತ್ತಾರೆ. (ಸಂಗ್ರಹ: ಗೋಪಾಲ ಕೃಷ್ಣ ಎಂ ಎನ್)

ಮಹಾಮೃತ್ಯುಂಜಯ ಮಂತ್ರ :

ॐ त्र्यम्बकं यजामहे सुगन्धिं पुष्टिवर्धनम् |
उर्वारुकमिव बन्धनान्मृत्योर्मुक्षीय माऽमृतात् ||

ಓಂ ತ್ರ್ಯಂಬಕಂ ಯಜಾಮಹೆ ಸುಗಂಧಿಂ ಪುಷ್ಟಿವರ್ಧನಂ
ಉರ್ವಾರುಕಮಿವ ಬಂಧನಾನ್ಮೃತ್ಯೋರ್ಮುಕ್ಷೀಯ ಮಾಮೃತಾತ್

ಮಂತ್ರದ ಅರ್ಥ: ಓ ಮೃತ್ಯುಂಜಯನೇ, ಬಳ್ಳಿಯಿಂದ ತಾನಾಗಿ ಕಳಚಿಕೊಳ್ಳುವ ಹಣ್ಣಿನಂತೆ ನಾನು ನಶ್ವರವಾದ ಸಂಸಾರದಿಂದ ಕಳಚಿಕೊಳ್ಳುವಂತೆ ನನ್ನಲ್ಲಿ ಪುಷ್ಟಿಯನ್ನು ತಂದು ನಾನು ಪಕ್ವವಾಗುವಂತೆ ಮಾಡು.

ಸ್ಥಿರವಾದುದು, ಶಾಶ್ವತವಾದುದು, ಅನಂತವಾದುದರ ಕಡೆಗೆ ಹೋಗುವ ನನ್ನ ಯತ್ನದಿಂದ ನನ್ನನ್ನು ಬಿಡಿಸಬೇಡ.

Sacred Thread: ಯಜ್ಞೋಪವೀತ ಸಂಸ್ಕಾರ -ಏನಿದು ಯಜ್ಞೋಪವೀತದ ನಿಯಮಗಳು? ಯಜ್ಞೋಪವೀತದ ವೈಜ್ಞಾನಿಕ ಮಹತ್ವ ವಿವರ ಇಲ್ಲಿದೆ

ಲೋಕಾ ಸಮಸ್ತಾ ಸುಖಿನೋ ಭವಂತು ।
ಸಮಸ್ತ ಸನ್ಮಂಗಳಾನಿ ಭವಂತು.
ಸರ್ವೇ ಜನಃ ಸುಖಿನೋ ಭವಂತು ।