GT vs MI Highlights, IPL 2022: ಗೆಲುವಿನ ಸನಿಹದಲ್ಲಿ ಎಡವಿದ ಗುಜರಾತ್; ಮುಂಬೈಗೆ ರೋಚಕ ಗೆಲುವು

ಕೊನೆಯ ಓವರ್‌ನ ಥ್ರಿಲ್, ರಾಹುಲ್ ಟಿಯೋಟಿಯಾ ಓವರ್‌ನ ಮೂರನೇ ಎಸೆತದಲ್ಲಿ ರನೌಟ್ ಆದರು. ಇದಾದ ನಂತರ ರಶೀದ್ ಖಾನ್ ಸಿಂಗಲ್ ತೆಗೆದುಕೊಂಡು ಮಿಲ್ಲರ್ ಗೆ ಸ್ಟ್ರೈಕ್ ನೀಡಿದರು. ಮಿಲ್ಲರ್ ಕೊನೆಯ ಎರಡು ಎಸೆತಗಳಲ್ಲಿ ಒಂದೇ ಒಂದು ರನ್ ಗಳಿಸಲು ಸಾಧ್ಯವಾಗಲಿಲ್ಲ. ಅಂರತಿಮವಾಗಿ ಮುಂಬೈ 5 ರನ್​ಗಳಿಂದ ಪಂದ್ಯ ಗೆದ್ದುಕೊಂಡಿತು.

ಜಸ್ಪ್ರೀತ್ ಬುಮ್ರಾ ಬೌಲ್ ಮಾಡಿದ 19 ನೇ ಓವರ್‌ನಲ್ಲಿ ಗುಜರಾತ್ 160 ರನ್ ಪೂರೈಸಿತು. ಓವರ್‌ನ ಐದನೇ ಬಾಲ್‌ನಲ್ಲಿ, ಮಿಲ್ಲರ್ ಪುಲ್ ಮಾಡಿ 93 ಮೀಟರ್‌ಗಳ ಸಿಕ್ಸರ ಹೊಡೆದರು. ಇನ್ನು ಗುಜರಾತ್ ಗೆಲುವಿಗೆ 6 ಎಸೆತಗಳಲ್ಲಿ ಒಂಬತ್ತು ರನ್​ಗಳ ಅಗತ್ಯವಿದೆ

ಮೆರೆಡಿತ್ ಬೌಲ್ ಮಾಡಿದ 18ನೇ ಓವರ್‌ನಲ್ಲಿ ಅವರು ಒಂಬತ್ತು ರನ್‌ಗಳನ್ನು ಬಿಟ್ಟುಕೊಟ್ಟರು. ಓವರ್‌ನ ನಾಲ್ಕನೇ ಎಸೆತದಲ್ಲಿ, ಮಿಲ್ಲರ್ ಕಟ್ ಮಾಡಿ ಸಿಂಗಲ್ ಕದಿಯಲು ಪ್ರಯತ್ನಿಸಿದರು ಆದರೆ ಚೆಂಡು ವಿಕೆಟ್ ಕೀಪರ್ ಇಶಾನ್ ಕಿಶನ್ ಕೈಗೆ ಹೋಯಿತು, ಅವರು ನೇರವಾಗಿ ಹಾರ್ದಿಕ್ ಪಾಂಡ್ಯ ಅವರನ್ನು ಔಟ್ ಮಾಡಿದರು.

17ನೇ ಓವರ್‌ನಲ್ಲಿ ಜಸ್ಪ್ರೀತ್ ಬುಮ್ರಾ 11 ರನ್ ನೀಡಿದರು. ಹಾರ್ದಿಕ್ ಫೋರ್ ನೊಂದಿಗೆ ಓವರ್ ಆರಂಭಿಸಿದರು. ಓವರ್‌ನ ನಾಲ್ಕನೇ ಎಸೆತದಲ್ಲಿ ಮಿಲ್ಲರ್ ಫೈನ್ ಲೆಗ್‌ನಲ್ಲಿ ಬೌಂಡರಿ ಬಾರಿಸಿದರು. ಬುಮ್ರಾಗೆ ಒಂದು ಓವರ್ ಉಳಿದಿದೆ.

16ನೇ ಓವರ್‌ನ ಕೊನೆಯ ಎಸೆತದಲ್ಲಿ ಸಾಯಿ ಸುದರ್ಶನ್ ಹಿಟ್ ವಿಕೆಟ್ ಆದರು. ಸಾಯಿ ಈ ಇನ್ನಿಂಗ್ಸ್‌ನಲ್ಲಿ ಅವರು 11 ಎಸೆತಗಳನ್ನು ಆಡಿ 14 ರನ್ ಗಳಿಸಿದರು. ಅವರ ಇನ್ನಿಂಗ್ಸ್‌ನಲ್ಲಿ ಅವರು ಒಂದು ಬೌಂಡರಿ ಮತ್ತು ಸಿಕ್ಸರ್ ಬಾರಿಸಿದರು.

ಮೆರೆಡಿತ್ 14ನೇ ಓವರ್‌ನಲ್ಲಿ 10 ರನ್ ನೀಡಿದರು. ಸಾಯಿ ಸುದರ್ಶನ್ ಓವರ್‌ನ ಮೂರನೇ ಎಸೆತದಲ್ಲಿ ಬೌಂಡರಿ ಬಾರಿಸಿದರು. ಕೊನೆಯ ಎಸೆತದಲ್ಲಿ ಹಾರ್ದಿಕ್ ಪಾಂಡ್ಯ ಬೌಂಡರಿ ಬಾರಿಸಿದರು. 15ನೇ ಓವರ್‌ನಲ್ಲಿ ಕುಮಾರ್ ಕಾರ್ತಿಕೇಯ ಒಂಬತ್ತು ರನ್ ನೀಡಿದರು.

ಮುರುಗನ್ ಅಶ್ವಿನ್ ಮುಂಬೈಗೆ ಡಬಲ್ ಯಶಸ್ಸು ತಂದಿದ್ದಾರೆ. ಅರ್ಧಶತಕ ಗಳಿಸಿದ್ದ ಸಹಾ ಡೇನಿಯಲ್ ಕೈಗೆ ಕ್ಯಾಚಿತ್ತು ಔಟಾದರು.

13ನೇ ಓವರ್‌ನಲ್ಲಿ ಮುಂಬೈ ಮೊದಲ ವಿಕೆಟ್ ಪಡೆದರು. ಮುರುಗನ್ ಅಶ್ವಿನ್ ಮುಂಬೈಗೆ ಗಿಲ್ ರೂಪದಲ್ಲಿ ಮೊದಲ ವಿಕೆಟ್‌ ತಂದುಕೊಟ್ಟರು. ಗಿಲ್ 52 ರನ್‌ಗಳ ಇನಿಂಗ್ಸ್‌ ಆಡಿದರು.

12ನೇ ಓವರ್‌ನಲ್ಲಿ ಶುಭಮನ್ ಗಿಲ್ ಅರ್ಧಶತಕ ಪೂರೈಸಿದರು. ಓವರ್‌ನ ಎರಡನೇ ಎಸೆತದಲ್ಲಿ ಗಿಲ್ ಒಂದೇ ರನ್‌ನೊಂದಿಗೆ ಅರ್ಧಶತಕ ಪೂರೈಸಿದರು. ಗಿಲ್ 33 ಎಸೆತಗಳಲ್ಲಿ 50 ರನ್ ಪೂರೈಸಿದರು. ಗಿಲ್ ಇಂದು ಉತ್ತಮ ಲಯದಲ್ಲಿ ಕಾಣುತ್ತಿದ್ದಾರೆ. ಇಲ್ಲಿಯವರೆಗೆ ಅವರು ಆರು ಬೌಂಡರಿ ಮತ್ತು ಎರಡು ಸಿಕ್ಸರ್‌ಗಳನ್ನು ಬಾರಿಸಿದ್ದಾರೆ.

10ನೇ ಓವರ್‌ನಲ್ಲಿ ಎಂ ಅಶ್ವಿನ್ ಏಳು ರನ್ ನೀಡಿದರು. ಓವರ್‌ನ ಮೂರನೇ ಎಸೆತದಲ್ಲಿ ಗಿಲ್ ಕವರ್‌ನಲ್ಲಿ ಬೌಂಡರಿ ಬಾರಿಸಿದರು. ಅದೇ ಸಮಯದಲ್ಲಿ, ಮೆರೆಡಿತ್ ಐದು ರನ್ ನೀಡಿದರು. ಸಹಾ ಓವರ್‌ನ ಕೊನೆಯ ಎಸೆತದಲ್ಲಿ ಸಿಂಗಲ್ ರನ್ ಗಳಿಸಿ ಅರ್ಧಶತಕ ಪೂರೈಸಿದರು. ಈ ಋತುವಿನಲ್ಲಿ ಇದು ಅವರ ಎರಡನೇ ಅರ್ಧಶತಕವಾಗಿದೆ. ಅವರು 34 ಎಸೆತಗಳಲ್ಲಿ ಆರು ಬೌಂಡರಿ ಮತ್ತು ಎರಡು ಸಿಕ್ಸರ್‌ಗಳ ನೆರವಿನಿಂದ 50 ರನ್ ಪೂರೈಸಿದರು.

9ನೇ ಓವರ್‌ ಎಸೆದ ಕುಮಾರ್ ಕಾರ್ತಿಕೇಯ ಓವರ್‌ ಕೂಡ ದುಬಾರಿಯಾಗಿತ್ತು. ಸಹಾ ಮೊದಲ ಎಸೆತದಲ್ಲಿ ಬೌಂಡರಿ ಬಾರಿಸಿದರೆ, ನಾಲ್ಕನೇ ಎಸೆತದಲ್ಲಿ ಸಿಕ್ಸರ್ ಬಾರಿಸಿದರು. ಅಂತಿಮ ಚೆಂಡಿನಲ್ಲೂ ಫೋರ್ ಬಂತು. ಹೀಗಾಗಿ ಓವರ್‌ನಲ್ಲಿ 15 ರನ್‌ಗಳು ಬಂದವು.

ಕುಮಾರ್ ಕಾರ್ತಿಕೇಯ ಅವರು ತಮ್ಮ ಮೊದಲ ಓವರ್ ಬೌಲ್ ಮಾಡಿ ಕೇವಲ ಐದು ರನ್ ನೀಡಿದರು. ಇದಾದ ನಂತರ ಡೇನಿಯಲ್ ಸಾಮ್ಸ್ ಎಂಟನೇ ಓವರ್‌ನಲ್ಲಿ 14 ರನ್ ನೀಡಿದರು. ಗಿಲ್ ಓವರ್‌ನ ಕೊನೆಯ ಮೂರು ಎಸೆತಗಳಲ್ಲಿ ಹ್ಯಾಟ್ರಿಕ್ ಬೌಂಡರಿಗಳನ್ನು ಬಾರಿಸಿದರು. ಓವರ್‌ನ ನಾಲ್ಕನೇ ಎಸೆತದಲ್ಲಿ, ಕವರ್‌ನಲ್ಲಿ, ಐದನೇ ಎಸೆತದಲ್ಲಿ ಡೀಪ್ ಮಿಡ್ ವಿಕೆಟ್‌ನಲ್ಲಿ ಮತ್ತು ಕೊನೆಯ ಎಸೆತದಲ್ಲಿ ಮತ್ತೆ ಕವರ್‌ಗಳ ಕಡೆಗೆ ಬೌಂಡರಿ ಬಾರಿಸಿದರು.

ಪವರ್ ಪ್ಲೇನ ಕೊನೆಯ ಓವರ್‌ನಲ್ಲಿ ಮುರುಗನ್ ಅಶ್ವಿನ್ 13 ರನ್ ನೀಡಿದರು. ಆ ಓವರ್‌ನ ಮೊದಲ ಎಸೆತದಲ್ಲಿ ಗಿಲ್ ಡೀಪ್ ಮಿಡ್ ವಿಕೆಟ್ ಮೇಲೆ ಸಿಕ್ಸರ್ ಬಾರಿಸಿದರು. ಓವರ್‌ನ ಮೂರನೇ ಎಸೆತದಲ್ಲಿ, ಗಿಲ್ ಮಿಡ್‌ನಲ್ಲಿ ಬೌಂಡರಿ ಬಾರಿಸಿದರು, ಇದರೊಂದಿಗೆ ಆರಂಭಿಕ ಜೋಡಿಯ ಅರ್ಧಶತಕದ ಜೊತೆಯಾಟವು ಪೂರ್ಣಗೊಂಡಿತು. ಪವರ್‌ಪ್ಲೇಯಲ್ಲಿ ಗುಜರಾತ್ ಯಾವುದೇ ವಿಕೆಟ್ ನಷ್ಟವಿಲ್ಲದೆ 54 ರನ್ ಗಳಿಸಿದೆ. ಸಹಾ 37 ಮತ್ತು ಗಿಲ್ 13 ರನ್ ಗಳಿಸಿ ಆಡುತ್ತಿದ್ದಾರೆ.

ಶುಭಮನ್ ಗಿಲ್ ಆರನೇ ಓವರ್‌ನ ಮೊದಲ ಎಸೆತವನ್ನು ಸಿಕ್ಸರ್‌ಗೆ ಕಳುಹಿಸಿದರು.ನಂತರ ಮೂರನೇ ಎಸೆತದಲ್ಲಿ ಬೌಂಡರಿ ಬಾರಿಸಿದರು, ಹೀಗೆ ಓವರ್‌ನಲ್ಲಿ 13 ರನ್ ಗಳಿಸಿದರು.

ಎಂ ಮುರುಗನ್ ಬೌಲ್ ಮಾಡಿದ ಮೂರನೇ ಓವರ್‌ನಲ್ಲಿ ಅವರು ಕೇವಲ ನಾಲ್ಕು ರನ್‌ಗಳನ್ನು ಬಿಟ್ಟುಕೊಟ್ಟರು. ಅದೇ ಸಮಯದಲ್ಲಿ, ಮೆರೆಡಿತ್ 5ನೇ ಓವರ್​ನಲ್ಲಿ 10 ರನ್ ನೀಡಿದರು. ಓವರ್‌ನ ಮೂರನೇ ಎಸೆತದಲ್ಲಿ ಶಾರ್ಟ್ ಥರ್ಡ್ ಮ್ಯಾನ್‌ನಲ್ಲಿ ಸಹಾ ಬೌಂಡರಿ ಬಾರಿಸಿದರು. ನಂತರ ಐದನೇ ಎಸೆತದಲ್ಲಿ, ಮಿಡ್-ವಿಕೆಟ್‌ನಲ್ಲಿ ಬೌಂಡರಿ ಬಂತು.

ಮುಂಬೈನ ಸ್ಟಾರ್ ಬೌಲರ್ ಜಸ್ಪ್ರೀತ್ ಬುಮ್ರಾ ಎರಡನೇ ಓವರ್‌ನಲ್ಲಿ 14 ರನ್ ನೀಡಿದರು. ಈ ಓವರ್‌ನಲ್ಲಿ ಸಹಾ ಎರಡು ಬೌಂಡರಿ ಹಾಗೂ ಒಂದು ಸಿಕ್ಸರ್ ಬಾರಿಸಿದರು. ಸಹಾ ಓವರ್‌ನ ಮೊದಲ ಎಸೆತದಲ್ಲಿ ಕವರ್ ಪಾಯಿಂಟ್‌ನಲ್ಲಿ ಬೌಂಡರಿ ಬಾರಿಸಿದರು. ನಂತರ ನಾಲ್ಕನೇ ಎಸೆತದಲ್ಲಿ ಡೀಪ್ ಮಿಡ್ ವಿಕೆಟ್ ನಲ್ಲಿ ಅದ್ಭುತ ಸಿಕ್ಸರ್ ಬಾರಿಸಿದರು. ಓವರ್‌ನ ಕೊನೆಯ ಎಸೆತದಲ್ಲಿ ಸಹಾ ಬೌಲರ್‌ನ ತಲೆಯ ಮೇಲೆ ಬೌಂಡರಿ ಬಾರಿಸಿದರು.

ಮುಂಬೈ ಇಂಡಿಯನ್ಸ್‌ಗೆ ಡೇನಿಯಲ್ ಸಾಮ್ಸ್ ಮೊದಲ ಓವರ್‌ಗೆ ಒಂದು ರನ್ ನೀಡಿದರು. ಶುಭಮನ್ ಗಿಲ್ ಮತ್ತು ಸಹಾ ಓಪನಿಂಗ್ ಮಾಡಿದರು. ಈ ಓವರ್‌ನ ಐದನೇ ಎಸೆತದಲ್ಲಿ ಸಹಾ ಕವರ್‌ ಮೇಲೆ ಚೆಂಡನ್ನು ಆಡಿ ಸಿಂಗಲ್ ಕದ್ದರು

ಮೊದಲು ಬ್ಯಾಟಿಂಗ್ ಮಾಡಿದ ಮುಂಬೈ ಇಂಡಿಯನ್ಸ್ ಇಶಾನ್ ಕಿಶನ್ (45) ಮತ್ತು ನಾಯಕ ರೋಹಿತ್ ಶರ್ಮಾ (43) ಅವರ ನೆರವಿನಿಂದ 6 ವಿಕೆಟ್ ನಷ್ಟಕ್ಕೆ 177 ರನ್ ಗಳಿಸಿತು. ಇವರಿಬ್ಬರನ್ನು ಹೊರತು ಪಡಿಸಿ ಟಿಮ್ ಡೇವಿಡ್ 44 ರನ್ ಗಳ ಅಜೇಯ ಇನ್ನಿಂಗ್ಸ್ ಆಡಿದರು. ಗುಜರಾತ್ ಟೈಟಾನ್ಸ್ ಪರ ರಶೀದ್ ಖಾನ್ 24 ರನ್ ನೀಡಿ ಎರಡು ವಿಕೆಟ್ ಪಡೆದರು. ಅಲ್ಜಾರಿ ಜೋಸೆಫ್, ಲಾಕಿ ಫರ್ಗುಸನ್ ಮತ್ತು ಪ್ರದೀಪ್ ಸಾಂಗ್ವಾನ್ ತಲಾ ಒಂದು ವಿಕೆಟ್ ಪಡೆದರು.

ಕೊನೆಯ ಓವರ್‌ನಲ್ಲಿ ಮೊಹಮ್ಮದ್ ಶಮಿ 13 ರನ್ ನೀಡಿದರು. ಟಿಮ್ ಡೇವಿಡ್ ಓವರ್‌ನಲ್ಲಿ ಎರಡು ಸಿಕ್ಸರ್ ಬಾರಿಸಿದರು. ಮೊದಲು ಅವರು ಮೂರನೇ ಎಸೆತದಲ್ಲಿ ಸಿಕ್ಸರ್ ಹೊಡೆದರು ಮತ್ತು ನಂತರ ಸಿಕ್ಸರ್ನೊಂದಿಗೆ ಇನ್ನಿಂಗ್ಸ್ ಅನ್ನು ಕೊನೆಗೊಳಿಸಿದರು. ಇವರಿಂದಾಗಿ ಮುಂಬೈ ತಂಡದ ಸ್ಕೋರ್ 177 ರನ್ ತಲುಪಿತು.

19ನೇ ಓವರ್‌ನಲ್ಲಿ ಬಂದ ಲೋಕಿ ಫರ್ಗುಸನ್ ನೋ ಬಾಲ್ ಎಸೆದರು, ಅದರಲ್ಲಿ ಟಿಮ್ ಡೇವಿಡ್ ಫ್ರೀ ಹಿಟ್‌ನ ಲಾಭ ಪಡೆದು ಸಿಕ್ಸರ್ ಬಾರಿಸಿದರು.

ಮೊಹಮ್ಮದ್ ಶಮಿ ಎಸೆದ 16ನೇ ಓವರ್‌ನಲ್ಲಿ ಟಿಮ್ ಡೇವಿಡ್ ಎರಡು ಬೌಂಡರಿ ಬಾರಿಸಿದರು. ಇದಾದ ಬಳಿಕ ರಶೀದ್ ಖಾನ್ 17ನೇ ಓವರ್ ನಲ್ಲಿ ಕೇವಲ 8 ರನ್ ನೀಡಿದರು. ತಿಲಕ್ ವರ್ಮಾ ಮತ್ತು ಟಿಮ್ ಡೇವಿಡ್ ಈ ಕೊನೆಯ ಓವರ್‌ಗಳಲ್ಲಿ ಗರಿಷ್ಠ ರನ್ ಗಳಿಸುವ ಒತ್ತಡದಲ್ಲಿದ್ದಾರೆ.

ಮುಂಬೈನ ಬ್ಯಾಟ್ಸ್​ಮನ್​ಗಳ ಮೇಲೆ ರನ್ ರೇಟ್ ಹೆಚ್ಚು ಮಾಡುವ ಒತ್ತಡ ಗೋಚರವಾಗಿತ್ತು. ನಾಲ್ಕು ಡಾಟ್ ಬಾಲ್‌ಗಳ ನಂತರ ಪೊಲಾರ್ಡ್ ಬೌಲ್ಡ್ ಆದರು. 14 ಎಸೆತಗಳಲ್ಲಿ ನಾಲ್ಕು ರನ್ ಗಳಿಸಿ ಮರಳಿದರು.

14ನೇ ಓವರ್‌ನಲ್ಲಿ ಲಾಕಿ ಫರ್ಗುಸನ್ ಮೂರು ರನ್ ನೀಡಿದರು. ಕೊನೆಯ ನಾಲ್ಕು ಓವರ್‌ಗಳಲ್ಲಿ ಮುಂಬೈ ಗಳಿಸಿದ್ದು 22 ರನ್ ಮಾತ್ರ. ಈ ಪಂದ್ಯದಲ್ಲಿ ಗುಜರಾತ್ ತನ್ನ ಬೌಲಿಂಗ್ ಬಲದಿಂದ ತಿರುಗೇಟು ನೀಡಿದೆ.

ಸೂರ್ಯಕುಮಾರ್ ನಂತರ ಇಶಾನ್ ಕಿಶನ್ ಕೂಡ 12ನೇ ಓವರ್ ನಲ್ಲಿ ಔಟಾದರು. ಇಶಾನ್ ಕೂಡ ಮಿಡ್ ವಿಕೆಟ್‌ನಲ್ಲಿ ರಶೀದ್ ಖಾನ್‌ಗೆ ಕ್ಯಾಚ್ ನೀಡಿದರು. ಇಶಾನ್ 29 ಎಸೆತಗಳಲ್ಲಿ 45 ರನ್ ಗಳಿಸಿ ಮರಳಬೇಕಾಯಿತು. ಅವರು ಇನ್ನಿಂಗ್ಸ್‌ನಲ್ಲಿ ಐದು ಬೌಂಡರಿ ಮತ್ತು ಒಂದು ಸಿಕ್ಸರ್ ಬಾರಿಸಿದರು.

ಅಲ್ಜಾರಿ ಜೋಸೆಫ್ ಎಸೆದ 12ನೇ ಓವರ್ ನ ಮೊದಲ ಎಸೆತದಲ್ಲಿ ಇಶಾನ್ ಬೌಂಡರಿ ಬಾರಿಸಿದರು. ಸ್ಕ್ವೇರ್ ಡ್ರೈವ್ ಮೂಲಕ ಬೌಂಡರಿ ಪಡೆದರು.

11ನೇ ಓವರ್‌ನಲ್ಲಿ ಸೂರ್ಯಕುಮಾರ್ ಯಾದವ್ ಅವರನ್ನು ಔಟ್ ಮಾಡುವ ಮೂಲಕ ಪ್ರದೀಪ್ ಸಾಂಗ್ವಾನ್ ತಮ್ಮ ತಂಡಕ್ಕೆ ದೊಡ್ಡ ಯಶಸ್ಸು ನೀಡಿದರು. ಆ ಓವರ್‌ನ ಮೂರನೇ ಎಸೆತದಲ್ಲಿ ಸೂರ್ಯಕುಮಾರ್‌ ಮಿಡ್ ವಿಕೆಟ್‌ನಲ್ಲಿ ರಶೀದ್ ಖಾನ್‌ಗೆ ಕ್ಯಾಚ್ ನೀಡಿದರು.

ರಾಹುಲ್ ತೆವಾಟಿಯಾ ಒಂಬತ್ತನೇ ಓವರ್ ನಲ್ಲಿ 11 ರನ್ ಬಿಟ್ಟುಕೊಟ್ಟರು. ಓವರ್‌ನ ಮೂರನೇ ಎಸೆತದಲ್ಲಿ ಇಶಾನ್ ಕಿಶನ್ ಮಿಡ್ ವಿಕೆಟ್ ಮೇಲೆ 104 ಮೀಟರ್ ಉದ್ದದ ಸಿಕ್ಸರ್ ಬಾರಿಸಿದರು.

ಪ್ರದೀಪ್ ಸಂಗ್ವಾನ್ ಏಳನೇ ಓವರ್ ಬೌಲ್ ಮಾಡಿ 11 ರನ್ ನೀಡಿದರು. ರೋಹಿತ್ ಶರ್ಮಾ ರಶೀದ್ 8ನೇ ಓವರ್‌ನ ಮೂರನೇ ಎಸೆತದಲ್ಲಿ ಎಲ್ಬಿಡಬ್ಲ್ಯೂ ಆದರು. ರೋಹಿತ್‌ ರಿವರ್ಸ್‌ ಸ್ವೀಪ್‌ ರಿಸ್ಕ್‌ ತೆಗೆದುಕೊಂಡರೂ ಯಶಸ್ವಿಯಾಗಲಿಲ್ಲ. ಅಂಪೈರ್ ಔಟ್ ನೀಡದ ಕಾರಣ ರಶೀದ್ ರಿವ್ಯೂ ತೆಗೆದುಕೊಂಡರು. ತೀರ್ಪು ಗುಜರಾತ್ ಪರವಾಗಿತ್ತು. 28 ರಲ್ಲಿ 43 ರನ್ ಗಳಿಸಿದ ನಂತರ ರೋಹಿತ್ ಮರಳಬೇಕಾಯಿತು

7ನೇ ಓವರ್‌ನಲ್ಲಿ ಪ್ರದೀಪ್ ಸಾಂಗ್ವಾನ್ ಮೂರನೇ ಎಸೆತದಲ್ಲಿ ರೋಹಿತ್ ಬೌಂಡರಿ ಗಳಿಸಿದರು. ಮುಂಬೈ ಓವರ್‌ನಲ್ಲಿ 11 ರನ್ ಗಳಿಸಿತು.

ಆರನೇ ಓವರ್‌ನಲ್ಲಿ ಲಾಕಿ ಫರ್ಗುಸನ್ 10 ರನ್ ನೀಡಿದರು. ಈ ಓವರ್‌ನಲ್ಲಿ ರೋಹಿತ್ ಮತ್ತು ಇಶಾನ್ ಕಿಶನ್ ತಲಾ ಒಂದು ಬೌಂಡರಿ ಬಾರಿಸಿದರೆ, ಪವರ್ ಪ್ಲೇನಲ್ಲಿ ಮುಂಬೈ ಯಾವುದೇ ವಿಕೆಟ್ ನಷ್ಟವಿಲ್ಲದೆ 63 ರನ್ ಗಳಿಸಿತು. ಪವರ್ ಪ್ಲೇನಲ್ಲಿ ಇದು ಮುಂಬೈನ ಗರಿಷ್ಠ ಸ್ಕೋರ್ ಆಗಿದೆ.

ರಶೀದ್ ಖಾನ್ ಅವರು ದಿನದ ಮೊದಲ ಓವರ್ ಬೌಲ್ ಮಾಡಿ 13 ರನ್ ಬಿಟ್ಟುಕೊಟ್ಟರು. ಇಶಾನ್ ಕಿಶನ್ ಓವರ್‌ನ ಕೊನೆಯ ಎರಡು ಎಸೆತಗಳಲ್ಲಿ ಎರಡು ಬೌಂಡರಿಗಳನ್ನು ಬಾರಿಸಿದರು. ರೋಹಿತ್ ನಂತರ ಈಗ ಇಶಾನ್ ಕೂಡ ಉತ್ತಮ ಲಯದಲ್ಲಿ ಕಾಣಿಸಿಕೊಂಡಿದ್ದಾರೆ. ಮುಂಬೈ 5 ಓವರ್‌ಗಳಲ್ಲಿ 50 ರನ್ ಗಳಿಸಿತು

ಅಲ್ಜಾರಿ ಜೋಸೆಫ್ ಅವರಿಂದ ಮತ್ತೊಂದು ದುಬಾರಿ ಓವರ್. ರೋಹಿತ್ ಓವರ್‌ನ ಮೊದಲ ಎರಡು ಎಸೆತಗಳಲ್ಲಿ ಎರಡು ಬೌಂಡರಿಗಳನ್ನು ಬಾರಿಸಿದರು. ಮೊದಲು ಕವರ್ ಪಾಯಿಂಟ್‌ನಲ್ಲಿ ಬೌಂಡರಿ ಬಾರಿಸಿ, ನಂತರ ಪಾಯಿಂಟ್ ಕಡೆಗೆ ಮುಂದಿನ ಎಸೆತದಲ್ಲಿ ಬೌಂಡರಿ ಬಾರಿಸಿದರು.

ಮೂರನೇ ಓವರ್ ಮಾಡುವ ಜವಾಬ್ದಾರಿಯನ್ನು ಮೊಹಮ್ಮದ್ ಶಮಿಗೆ ನೀಡಲಾಯಿತು. ಇದರಲ್ಲಿ ಶಮಿ 10 ರನ್ ನೀಡಿದರು. ಓವರ್‌ನ ಮೂರನೇ ಎಸೆತದಲ್ಲಿ ರೋಹಿತ್ ಫೈನ್ ಲೆಗ್‌ನಲ್ಲಿ ಸಿಕ್ಸರ್ ಬಾರಿಸಿದರು. 14 ಎಸೆತಗಳಲ್ಲಿ 24 ರನ್ ಗಳಿಸಿರುವ ರೋಹಿತ್ ಇಂದು ಉತ್ತಮ ಲಯದಲ್ಲಿದ್ದಾರೆ.

ಎರಡನೇ ಓವರ್‌ನಲ್ಲಿ ಅಲ್ಜಾರಿ ಜೋಸೆಫ್ ಎಸೆತಕ್ಕೆ ರೋಹಿತ್ ಶರ್ಮಾ ಎರಡು ಬೌಂಡರಿಗಳನ್ನು ರೋಹಿತ್ ಗಳಿಸಿದರು. ಓವರ್‌ನ ಅಂತಿಮ ಎಸೆತದಲ್ಲಿ ರೋಹಿತ್ ಮಿಡ್ ವಿಕೆಟ್‌ನಲ್ಲಿ ಸಿಕ್ಸರ್ ಬಾರಿಸಿದರು.

ಮುಂಬೈ ಇಂಡಿಯನ್ಸ್ ಬ್ಯಾಟಿಂಗ್ ಆರಂಭವಾಗಿದೆ. ಇಶಾನ್ ಕಿಶನ್ ಮತ್ತು ರೋಹಿತ್ ಶರ್ಮಾ ಆರಂಭಿಕರಾಗಿ ಹೊರಬಂದಿದ್ದಾರೆ. ಮತ್ತೊಂದೆಡೆ, ಮೊಹಮ್ಮದ್ ಶಮಿ ಗುಜರಾತ್‌ ಪರ ಬೌಲಿಂಗ್ ಆರಂಭಿಸಿದ್ದಾರೆ. ಮೊದಲ ಓವರ್​ನಲ್ಲಿ ಕೇವಲ ಸಿಂಗಲ್ಸ್ ಮಾತ್ರ ಬಂದವು.

ರೋಹಿತ್ ಶರ್ಮಾ (ನಾಯಕ), ಇಶಾನ್ ಕಿಶನ್, ತಿಲಕ್ ವರ್ಮಾ, ಸೂರ್ಯಕುಮಾರ್ ಯಾದವ್, ಟಿಮ್ ಡೇವಿಡ್, ಕೀರಾನ್ ಪೊಲಾರ್ಡ್, ಡೇನಿಯಲ್ ಸಾಮ್ಸ್, ಮುರುಗನ್ ಅಶ್ವಿನ್, ಜಸ್ಪ್ರೀತ್ ಬುಮ್ರಾ, ಕುಮಾರ್ ಕಾರ್ತಿಕೇಯ ಸಿಂಗ್, ರಿಲೆ ಮೆರೆಡಿತ್

ವೃದ್ಧಿಮಾನ್ ಸಹಾ, ಶುಭಮನ್ ಗಿಲ್, ಹಾರ್ದಿಕ್ ಪಾಂಡ್ಯ, ಡೇವಿಡ್ ಮಿಲ್ಲರ್, ರಾಹುಲ್ ತೆವಾಟಿಯಾ, ಸಾಯಿ ಸುದರ್ಶನ್, ರಶೀದ್ ಖಾನ್, ಅಲ್ಜಾರಿ ಜೋಸೆಫ್, ಲಾಕಿ ಫರ್ಗುಸನ್, ಪ್ರದೀಪ್ ಸಾಂಗ್ವಾನ್ ಮತ್ತು ಮೊಹಮ್ಮದ್ ಶಮಿ.

ಗುಜರಾತ್ ಟೈಟಾನ್ಸ್ ತನ್ನ ಕೊನೆಯ ಪಂದ್ಯದಲ್ಲಿ ಪಂಜಾಬ್ ಕಿಂಗ್ಸ್ ವಿರುದ್ಧ ಎಂಟು ವಿಕೆಟ್‌ಗಳಿಂದ ಸೋತಿತು. ಇಂದಿನ ಪಂದ್ಯದಲ್ಲಿ ಗೆಲುವಿನೊಂದಿಗೆ 18 ಅಂಕ ಗಳಿಸಿ ಅರ್ಹತೆ ಪಡೆಯಲಿದ್ದಾರೆ.

ಟಾಸ್ ಗೆದ್ದ ಗುಜರಾತ್ ಟೈಟಾನ್ಸ್ ನಾಯಕ ಹಾರ್ದಿಕ್ ಪಾಂಡ್ಯ ಮೊದಲು ಬೌಲಿಂಗ್ ಮಾಡಲು ನಿರ್ಧರಿಸಿದ್ದಾರೆ. ಮುಂಬೈ ಇಂಡಿಯನ್ಸ್ ತಂಡ ಮೊದಲು ಬ್ಯಾಟ್ ಮಾಡಲು ಹೊರಡಲಿದೆ.