GT vs PBKS Highlights IPL 2023: ಮತ್ತೆ ಮ್ಯಾಚ್ ಗೆಲ್ಲಿಸಿದ ತೇವಾಟಿಯಾ; ಪಂಜಾಬ್​ಗೆ ಸೋಲು

ಕಳೆದ ಆವೃತ್ತಿಯಲ್ಲಿ ಇದೇ ಪಂಜಾಬ್ ವಿರುದ್ಧ ಕೊನೆಯ ಎರಡು ಎಸೆತಗಳಲ್ಲಿ 2 ಸಿಕ್ಸರ್ ಬಾರಿಸಿ, ಗುಜರಾತ್​ಗೆ ಗೆಲುವು ತಂದುಕೊಟ್ಟಿದ್ದ ತೇವಾಟಿಯಾ, ಈ ಪಂದ್ಯದಲ್ಲೂ ಕೊನೆಯ ಓವರ್​ನ 5ನೇ ಎಸೆತದಲ್ಲಿ ಬೌಂಡರಿ ಬಾರಿಸಿ ತಂಡವನ್ನು ಗೆಲುವಿನ ದಡ ಸೇರಿಸಿದ್ದಾರೆ.

ಗಿಲ್ 67 ರನ್ ಗಳಿಸಿ ಔಟಾದರು, ಐಪಿಎಲ್ ಇತಿಹಾಸದಲ್ಲೇ ಅತ್ಯಂತ ದುಬಾರಿ ಆಟಗಾರ ಸ್ಯಾಮ್ ಕರನ್ ಅಂತಿಮ ಓವರ್‌ನ ರೋಚಕತೆಯನ್ನು ಹೆಚ್ಚಿಸಿದ್ದಾರೆ.

ರಬಾಡ ಎಸೆದ 18ನೇ ಓವರ್​ನಲ್ಲಿ ಗಿಲ್ 1 ಬೌಂಡರಿ ಬಾರಿಸಿದರೆ, ಕೊನೆಯ ಎಸೆತದಲ್ಲಿ ಮಿಲ್ಲರ್ ಬೌಂಡರಿ ಬಾರಿಸಿದರು. ಗುಜರಾತ್ ಗೆಲುವಿಗೆ 12 ಎಸೆತಗಳಲ್ಲಿ 13 ರನ್ ಬೇಕಿದೆ.

ಶುಭಮನ್ ಗಿಲ್ ತಮ್ಮ ಐಪಿಎಲ್ ವೃತ್ತಿಜೀವನದ 16ನೇ ಅರ್ಧಶತಕ ಬಾರಿಸಿದ್ದಾರೆ. 16ನೇ ಓವರ್‌ನಲ್ಲಿ ರಾಹುಲ್ ಚಾಹರ್ ಅವರ ಚೆಂಡನ್ನು ಕವರ್‌ ಮೇಲೆ ಆಡುವ ಮೂಲಕ ಅವರು 40 ಎಸೆತಗಳಲ್ಲಿ ಅರ್ಧಶತಕ ಪೂರೈಸಿದರು. ಗುಜರಾತ್ ಟೈಟಾನ್ಸ್ 16 ಓವರ್‌ಗಳಲ್ಲಿ 120/3 ಸ್ಕೋರ್ ಮಾಡಿದೆ.

ಗುಜರಾತ್​ನ ಮೂರನೇ ವಿಕೆಟ್ ಕೂಡ ಪತನಗೊಂಡಿದೆ. ಹಾರ್ದಿಕ್ ಪಾಂಡ್ಯ 8 ರನ್​ಗಳಿಸಿ ಔಟಾದರು. ಸದ್ಯ ಗುಜರಾತ್ ಗೆಲುವಿಗೆ 30 ಎಸೆತಗಳಲ್ಲಿ 43 ರನ್ ಅಗತ್ಯವಿದೆ.

ರಬಾಡ ಎಸೆದ 14ನೇ ಓವರ್​ನಲ್ಲಿ ಲೆಗ್ ಬೈ ಮೂಲಕ ಬೌಂಡರಿ ಬಂತು ಇದರೊಂದಿಗೆ ಗುಜರಾತ್ ಶತಕ ಕೂಡ ಪೂರ್ಣಗೊಳಿಸಿತು. ಇದೇ ಓವರ್​ನ ಅಂತಿಮ ಎಸೆತದಲ್ಲಿ ಹಾರ್ದಿಕ್ ಬೌಂಡರಿ ಬಾರಿಸಿದರು.

ಪಂಜಾಬ್ ಕಿಂಗ್ಸ್‌ಗೆ ಮತ್ತೊಂದು ಯಶಸ್ಸು ಸಿಕ್ಕಿದೆ. ಸಾಯಿ ಸುದರ್ಶನ್, ಅರ್ಷದೀಪ್ ಅವರ ಓವರ್‌ನಲ್ಲಿ 19 ರನ್ ಗಳಿಸಿ ಔಟಾದರು. ಗುಜರಾತ್ ಟೈಟಾನ್ಸ್ ಸ್ಕೋರ್ 11.3 ಓವರ್‌ಗಳಲ್ಲಿ 89/2

ಶಾರ್ಟ್​ ಬೌಲ್ ಮಾಡಿದ್ದ 11ನೇ ಓವರ್​ನ 3ನೇ ಎಸೆತವನ್ನು ಸ್ಟ್ರೈಟ್ ಹಿಟ್ ಮಾಡಿದ ಸುದರ್ಶನ್ ಬೌಂಡರಿ ಪಡೆದರು. ಗಿಲ್ 38 ಮತ್ತು ಸಾಯಿ ಸುದರ್ಶನ್ 19 ರನ್‌ಗಳಿಸಿ ಆಡುತ್ತಿದ್ದಾರೆ.

2 ಓವರ್​ಗಳ ನಂತರ ಅಂದರೆ 9ನೇ ಓವರ್​ನಲ್ಲಿ 2 ಬೌಂಡರಿ ಬಂದವು. ಈ ಬೌಂಡರಿಗಳನ್ನು ಗಿಲ್ ಬಾರಿಸಿದರು. ಶುಭಮನ್ ಗಿಲ್ 35 ಮತ್ತು ಸಾಯಿ ಸುದರ್ಶನ್ 12 ರನ್‌ಗಳಿಸಿ ಆಡುತ್ತಿದ್ದಾರೆ.

ಶುಭಮನ್ ಗಿಲ್ 22 ಮತ್ತು ಸಾಯಿ ಸುದರ್ಶನ್ 8 ರನ್‌ ಗಳಿಸಿ ಆಡುತ್ತಿದ್ದಾರೆ. 7 ಓವರ್‌ಗಳ ನಂತರ ಗುಜರಾತ್ ಟೈಟಾನ್ಸ್ ಸ್ಕೋರ್ 61/1

ಗುಜರಾತ್ ತಂಡದ ಪವರ್ ಪ್ಲೇ ಅಂತ್ಯವಾಗಿದೆ. ಈ 6 ಓವರ್​ಗಳಲ್ಲಿ ಪಾಂಡ್ಯ ಪಡೆ 1 ವಿಕೆಟ್ ಕಳೆದುಕೊಂಡು 56 ರನ್ ಗಳಿಸಿದೆ.

ಗುಜರಾತ್ ಟೈಟಾನ್ಸ್‌ನ ಮೊದಲ ವಿಕೆಟ್ ಪತನಗೊಂಡಿದ್ದು, ವೃದ್ಧಿಮಾನ್ ಸಹಾ 30 ರನ್ ಗಳಿಸಿ ಔಟಾದರು. ಈ ವಿಕೆಟ್​ನೊಂದಿಗೆ ರಬಾಡ ಐಪಿಎಲ್‌ನಲ್ಲಿ 100 ನೇ ವಿಕೆಟ್ ಪಡೆದ ದಾಖಲೆ ಬರೆದರು. 5 ಓವರ್‌ಗಳ ನಂತರ ಗುಜರಾತ್ ಟೈಟಾನ್ಸ್ ಸ್ಕೋರ್ 52/1

ಶುಭಮನ್ ಗಿಲ್ 17 ಮತ್ತು ಸಹಾ 26 ರನ್ ಗಳಿಸಿ ಆಡುತ್ತಿದ್ದಾರೆ. 4ನೇ ಓವರ್‌ನಲ್ಲಿ 1 ಬೌಂಡರಿ ಕೂಡ ಬಂತು.4 ಓವರ್‌ಗಳ ನಂತರ ಗುಜರಾತ್ ಟೈಟಾನ್ಸ್ ಸ್ಕೋರ್ 43/0

ಅರ್ಷದೀಪ್ ಎಸೆದ 4ನೇ ಓವರ್​ನಲ್ಲಿ ಬರೋಬ್ಬರಿ 4 ಬೌಂಡರಿ ಬಿಟ್ಟುಕೊಟ್ಟರು. ಈ ಓವರ್​ನಲ್ಲಿ 4 ಬೌಂಡರಿ ಭಾರಿಸಿದ ಸಹಾ 3ನೇ ಎಸೆತದಲ್ಲಿ ಡಬಲ್ ರನ್ ಕೂಡ ಕದ್ದರು.

ಶುಭಮನ್ ಗಿಲ್ 11 ಮತ್ತು ಸಹಾ 6 ರನ್‌ಗಳಿಸಿ ಆಡುತ್ತಿದ್ದಾರೆ. ಮೊದಲ 2 ಓವರ್‌ಗಳಲ್ಲಿ 3 ಬೌಂಡರಿಗಳು ಬಂದವು. 2 ಓವರ್‌ಗಳ ನಂತರ ಗುಜರಾತ್ ಟೈಟಾನ್ಸ್ ಸ್ಕೋರ್ 18/0

ಶುಭಮನ್ ಗಿಲ್ ಮತ್ತು ವೃದ್ಧಿಮಾನ್ ಸಹಾ ಗುಜರಾತ್ ಇನ್ನಿಂಗ್ಸ್ ಆರಂಭಿಸಿದ್ದಾರೆ. ಮೊದಲ ಓವರ್‌ನಲ್ಲಿ, ಅರ್ಷದೀಪ್ ಸಿಂಗ್ ಅವರ ಎರಡನೇ ಎಸೆತದಲ್ಲಿ ಶುಭಮನ್ ಅತ್ಯುತ್ತಮ ಬೌಂಡರಿ ಬಾರಿಸಿದರು.

ನಿಗಧಿತ 20 ಓವರ್​ಗಳಲ್ಲಿ ಪಂಜಾಬ್ ತಂಡ 8 ವಿಕೆಟ್ ಕಳೆದುಕೊಂಡು 154 ರನ್ ಗಳಿಸಿದೆ. 20 ನೇ ಓವರ್​ನಲ್ಲಿ ಬ್ರಾರ್ ಲಾಂಗ್​ ಆಫ್​ನಲ್ಲಿ ಭರ್ಜರಿ ಸಿಕ್ಸರ್ ಬಾರಿಸಿದರು.

ಗುಜರಾತ್ ಪರ ಮೊದಲ ಪಂದ್ಯವನ್ನಾಡುತ್ತಿರುವ ಮೋಹಿತ್ ಶರ್ಮಾ ಅವರ ಓವರ್​ನಲ್ಲಿ ಪಂಜಾಬ್​ನ ಆರನೇ ವಿಕೆಟ್ ಪತನವಾಯಿತು. ಈ ಬಾರಿಯ ಐಪಿಎಲ್​ನ ದುಬಾರಿ ಆಟಗಾರ ಕರನ್ ಕ್ಯಾಚಿತ್ತು ಔಟಾದರು. 19 ಓವರ್‌ಗಳಲ್ಲಿ ಪಂಜಾಬ್ ಕಿಂಗ್ಸ್ ಸ್ಕೋರ್ 142/6.

ರಾಜಪಕ್ಸ ವಿಕೆಟ್ ಬಳಿಕ ಬಂದ ಶಾರುಖ್ ಓವರ್​ನ ಕೊನೆಯ ಎಸೆತದಲ್ಲಿ ಸಿಕ್ಸರ್ ಬಾರಿಸಿದರೆ, 18ನೇ ಓವರ್​ನಲ್ಲಿ ಕರನ್ ಒಂದು ಬೌಂಡರಿ ಬಾರಿಸಿದರು. ಆ ಬಳಿಕ ಕೊನೆಯ ಎಸೆತದಲ್ಲಿ ಶಾರುಖ್ ಅದ್ಭುತ ಸಿಕ್ಸರ್ ಬಾರಿಸಿದರು.

17ನೇ ಓವರ್​ನಲ್ಲಿ ಜೋಸೆಪ್, ರಾಜಪಕ್ಸ ವಿಕೆಟ್ ಪಡೆದಿದ್ದಾರೆ. ಆರಂಭದಿಂದಲೂ ರನ್ ಗಳಿಸಲು ಪರದಾಡುತ್ತಿದ್ದ ರಾಜಪಕ್ಸ 26 ಎಸೆತಗಳಲ್ಲಿ 20 ರನ್ ಗಳಿಸಿ ವಿಕೆಟ್ ಒಪ್ಪಿಸಿದರು.

ಕರನ್ 4 ಮತ್ತು ಭಾನುಕಾ ರಾಜಪಕ್ಸೆ 18 ರನ್‌ಗಳಿಸಿ ಆಡುತ್ತಿದ್ದಾರೆ. ಗುಜರಾತ್‌ನಲ್ಲಿ ಬೌಲರ್‌ಗಳ ಅದ್ಭುತ ಪ್ರದರ್ಶನದಿಂದಾಗಿ ಪಂಜಾಬ್ ಕಿಂಗ್ಸ್ ಬ್ಯಾಟರ್​ಗಳು ಬಿಗ್ ಶಾಟ್ ಹೊಡೆಯುವಲ್ಲಿ ವಿಫಲರಾಗುತ್ತಿದ್ದಾರೆ.15 ಓವರ್‌ಗಳ ನಂತರ ಪಂಜಾಬ್ ಕಿಂಗ್ಸ್ ಸ್ಕೋರ್ 99/4.

ಭಾನುಕಾ ರಾಜಪಕ್ಸೆ 17 ರನ್ ಹಾಗೂ ಕರನ್ 1 ರನ್ ಗಳಿಸಿ ಆಡುತ್ತಿದ್ದಾರೆ. 13 ಓವರ್‌ಗಳಲ್ಲಿ ಪಂಜಾಬ್ ಕಿಂಗ್ಸ್ ಸ್ಕೋರ್ 94/4

ಪಂಜಾಬ್ ಇನ್ನಿಂಗ್ಸ್ ನಿಭಾಯಿಸುತ್ತಿದ್ದ ಜಿತೇಶ್ ಶರ್ಮಾ ಕೀಪರ್​ ಕೈಗೆ ಕ್ಯಾಚಿತ್ತು ಔಟಾಗಿದ್ದಾರೆ.

12ನೇ ಓವರ್ ಎಸೆದ ಶಮಿ ಕೊಂಚ ದುಬಾರಿಯಾದರು. ಈ ಓವರ್​ನಲ್ಲಿ ಜಿತೇಶ್ 2 ಬೌಂಡರಿ ಬಾರಿಸಿದರು.

ಪಂಜಾಬ್ ಕಿಂಗ್ಸ್ ಪರ ರಾಜಪಕ್ಸೆ 9 ರನ್ ಮತ್ತು ಜಿತೇಶ್ ಶರ್ಮಾ 15 ರನ್ ಗಳಿಸಿ ಆಡುತ್ತಿದ್ದಾರೆ.10 ಓವರ್‌ಗಳ ನಂತರ ಪಂಜಾಬ್ ಸ್ಕೋರ್ 75/3.

ರಶೀದ್ ಬೌಲ್ ಮಾಡಿದ 8ನೇ ಓವರ್​ನ ಮೊದಲೇ ಮತ್ತು 4ನೇ ಎಸೆತದಲ್ಲಿ ಜಿತೇಶ್ ಶರ್ಮಾ ಬೌಂಡರಿ ಬಾರಿಸಿದರು.

7ನೇ ಓವರ್ ಎಸೆಯಲು ಬಂದ ಮಿಸ್ಟರಿ ಸ್ಪಿನ್ನರ್ ರಶೀದ್ 5ನೇ ಎಸೆತದಲ್ಲಿ ಗೂಗ್ಲಿ ಮೂಲಕ ಶಾರ್ಟ್​ರನ್ನು ಬೌಲ್ಡ್ ಮಾಡಿದರು. . 7 ಓವರ್‌ಗಳ ನಂತರ ಪಂಜಾಬ್ ಕಿಂಗ್ಸ್ ಸ್ಕೋರ್ 59/3

ಲಿಟಲ್ ಎಸೆದ 6ನೇ ಓವರ್​ನಲ್ಲಿ 10 ರನ್ ಬಂದವು. ಈ ಓವರ್​ನಲ್ಲೂ ಶಾರ್ಟ್​ 1 ಬೌಂಡರಿ ಬಾರಿಸಿದರು. ಇದರೊಂದಿಗೆ ಪಂಜಾಬ್ ತಂಡ 50 ರನ್ ಗಡಿ ದಾಟಿದ್ದು, ಇದಕ್ಕಾಗಿ 2 ವಿಕೆಟ್ ಕೂಡ ಕಳೆದುಕೊಂಡಿದೆ.

ಜೋಸೆಪ್ ಎಸೆದ 5ನೇ ಓವರ್​ನಲ್ಲಿ ಶಾರ್ಟ್​ 1 ಸಿಕ್ಸರ್ ಹಾಗೂ 1 ಬೌಂಡರಿ ಬಾರಿಸಿದರು.

4ನೇ ಓವರ್​ ಎಸೆದ ಲಿಟಲ್ ಪಂಜಾಬ್ ನಾಯಕನ ವಿಕೆಟ್ ಕಬಳಿಸಿದ್ದಾರೆ. ಬಿಗ್ ಶಾಟ್ ಹೊಡೆಯುವ ಯತ್ನದಲ್ಲಿ ಧವನ್ ಮಿಡ್ ಆಫ್​ನಲ್ಲಿ ಕ್ಯಾಚಿತ್ತು ಔಟಾಗಿದ್ದಾರೆ.

ಶಮಿ ಎಸೆದ ಮೂರನೇ ಓವರ್​ನಲ್ಲಿ ಶಾರ್ಟ್​ ಮತ್ತೆ 2 ಬೌಂಡರಿ ಬಾರಿಸಿದರು. ಈ ಓವರ್​ನಲ್ಲಿ 11 ರನ್ ಬಂತು.

2 ಓವರ್‌ಗಳ ನಂತರ ಪಂಜಾಬ್ ಸ್ಕೋರ್ 16/1. ಎರಡನೇ ಓವರ್‌ನಲ್ಲಿ ಧವನ್ 2 ಬೌಂಡರಿ ಬಾರಿಸಿದರು. ಐಪಿಎಲ್ 2023ರಲ್ಲಿ ಅತಿ ಹೆಚ್ಚು ಬೌಂಡರಿಗಳನ್ನು ಬಾರಿಸಿದ ಆಟಗಾರರ ಪಟ್ಟಿಯಲ್ಲಿ ಧವನ್ ಪ್ರಸ್ತುತ ನಂಬರ್ 1 ಸ್ಥಾನದಲ್ಲಿದ್ದಾರೆ.

ಮೊದಲ ವಿಕೆಟ್ ಬಳಿಕ ಬಂದ ಶಾರ್ಟ್​, ಮೊದಲ ಓವರ್​ನ 4 ಮತ್ತು 5ನೇ ಎಸೆತವನ್ನು ಬೌಂಡರಿಗಟ್ಟಿದರು.

ಪಂಜಾಬ್ ತಂಡ ಬ್ಯಾಟಿಂಗ್ ಆರಂಭಿಸಿದೆ. ತಂಡದ ಪರ ಪ್ರಭ್​ಸಿಮ್ರಾನ್ ಹಾಗೂ ನಾಯಕ ಧವನ್ ಕಣಕ್ಕಿಳಿದಿದ್ದಾರೆ. ಶಮಿ ಎಸೆದ ಮೊದಲ ಓವರ್​ನ ಎರಡನೇ ಎಸೆತದಲ್ಲೇ ಪ್ರಭ್​ಸಿಮ್ರಾನ್ ಕ್ಯಾಚಿತ್ತು ಔಟಾಗಿದ್ದಾರೆ.

ಪ್ರಭ್‌ಸಿಮ್ರಾನ್ ಸಿಂಗ್, ಶಿಖರ್ ಧವನ್ (ನಾಯಕ), ಮ್ಯಾಥ್ಯೂ ಶಾರ್ಟ್, ಭಾನುಕಾ ರಾಜಪಕ್ಸೆ, ಜಿತೇಶ್ ಶರ್ಮಾ (ಕೀಪರ್), ಸ್ಯಾಮ್ ಕರನ್, ಶಾರುಖ್ ಖಾನ್, ಹರ್‌ಪ್ರೀತ್ ಬ್ರಾರ್, ಕಗಿಸೊ ರಬಾಡ, ರಿಷಿ ಧವನ್, ಅರ್ಶ್‌ದೀಪ್ ಸಿಂಗ್.

ವೃದ್ಧಿಮಾನ್ ಸಹಾ (ಕೀಪರ್), ಶುಭ್​ಮನ್ ಗಿಲ್, ಸಾಯಿ ಸುದರ್ಶನ್, ಹಾರ್ದಿಕ್ ಪಾಂಡ್ಯ (ನಾಯಕ), ಡೇವಿಡ್ ಮಿಲ್ಲರ್, ರಾಹುಲ್ ತೆವಾಟಿಯಾ, ರಶೀದ್ ಖಾನ್, ಅಲ್ಜಾರಿ ಜೋಸೆಫ್, ಮೊಹಮ್ಮದ್ ಶಮಿ, ಮೋಹಿತ್ ಶರ್ಮಾ, ಜೋಶುವಾ ಲಿಟಲ್.

ಟಾಸ್ ಗೆದ್ದ ಗುಜರಾತ್ ನಾಯಕ ಹಾರ್ದಿಕ್ ಪಾಂಡ್ಯ ಮೊದಲು ಬೌಲಿಂಗ್ ಮಾಡಲು ನಿರ್ಧರಿಸಿದ್ದಾರೆ.