IND vs SA 2nd ODI Highlights: 2ನೇ ಏಕದಿನ ಪಂದ್ಯ ಗೆದ್ದ ದಕ್ಷಿಣ ಆಫ್ರಿಕಾ

ದಕ್ಷಿಣ ಆಫ್ರಿಕಾ 8 ವಿಕೆಟ್‌ಗಳ ಜಯ

ಎರಡನೇ ಏಕದಿನ ಪಂದ್ಯವನ್ನು 8 ವಿಕೆಟ್‌ಗಳಿಂದ ಗೆಲ್ಲುವ ಮೂಲಕ ದಕ್ಷಿಣ ಆಫ್ರಿಕಾ ಸರಣಿಯನ್ನು 1-1 ರಿಂದ ಸಮಬಲಗೊಳಿಸಿದೆ. ಆತಿಥೇಯ ತಂಡದ ಆರಂಭಿಕ ಬ್ಯಾಟ್ಸ್ ಮನ್ ಟೋನಿ ಡಿ ಜಾರ್ಜಿ 119 ರನ್ ಗಳ ಅಜೇಯ ಇನ್ನಿಂಗ್ಸ್ ಆಡಿ ತಂಡಕ್ಕೆ 8 ವಿಕೆಟ್ ಗಳ ಸುಲಭ ಜಯ ತಂದುಕೊಟ್ಟರು.

ರಿಂಕು ಸಿಂಗ್​ಗೆ ಮೊದಲ ವಿಕೆಟ್

ರಿಂಕು ಸಿಂಗ್ ತಮ್ಮ ಚೊಚ್ಚಲ ಏಕದಿನ ಪಂದ್ಯದಲ್ಲೇ ಮೊದಲ ಅಂತಾರಾಷ್ಟ್ರೀಯ ವಿಕೆಟ್ ಪಡೆದಿದ್ದಾರೆ. ಅವರು ಸೆಟ್ ಬ್ಯಾಟ್ಸ್‌ಮನ್ ರಾಸ್ಸಿ ವ್ಯಾನ್ ಡೆರ್ ಡಸ್ಸೆನ್ ಅವರನ್ನು ಪೆವಿಲಿಯನ್‌ಗೆ ವಾಪಸ್ ಕಳುಹಿಸಿದರು.

ಡಿ ಜಾರ್ಜಿ ಶತಕ

ದಕ್ಷಿಣ ಆಫ್ರಿಕಾದ ಟೋನಿ ಡಿಜಾರ್ಜ್ ಅವರು ತಮ್ಮ ಎರಡನೇ ಅಂತಾರಾಷ್ಟ್ರೀಯ ಪಂದ್ಯದಲ್ಲಿ ತಮ್ಮ ಮೊದಲ ಏಕದಿನ ಶತಕವನ್ನು ಗಳಿಸಿದರು. 109 ಎಸೆತಗಳಲ್ಲಿ ಶತಕ ಪೂರೈಸಿದರು.

ಭಾರತಕ್ಕೆ ಗೆಲುವು ಕಷ್ಟ

ದಕ್ಷಿಣ ಆಫ್ರಿಕಾದ ಬ್ಯಾಟ್ಸ್‌ಮನ್‌ಗಳು ಸಂಪೂರ್ಣ ಹಿಡಿತ ಸಾಧಿಸಿದ್ದಾರೆ. ದಕ್ಷಿಣ ಆಫ್ರಿಕಾ 100 ರನ್ ಪೂರೈಸಿದೆ, ಆದರೆ ಭಾರತಕ್ಕೆ ಒಂದು ವಿಕೆಟ್ ಸಿಕ್ಕಿಲ್ಲ. ಭಾರತ ತಂಡಕ್ಕೆ ವಿಕೆಟ್‌ಗಳ ಅವಶ್ಯಕತೆಯಿದೆ. ಟೋನಿ ಡಿ ಜಾರ್ಜಿ ಅರ್ಧಶತಕ ಪೂರೈಸಿದ್ದಾರೆ.

ಭಾರತಕ್ಕೆ ವಿಕೆಟ್ ಸಿಗುತ್ತಿಲ್ಲ

ಭಾರತ ತಂಡ ವಿಕೆಟ್‌ಗಳ ನಿರೀಕ್ಷೆಯಲ್ಲಿದೆ. ದಕ್ಷಿಣ ಆಫ್ರಿಕಾ ಗೆಲ್ಲಲು 212 ರನ್ ಗಳಿಸಬೇಕಿದೆ, ಇಂತಹ ಪರಿಸ್ಥಿತಿಯಲ್ಲಿ ಭಾರತಕ್ಕೆ ಆದಷ್ಟು ಬೇಗ ವಿಕೆಟ್ ಬೇಕು, ಆದರೆ ಭಾರತಕ್ಕೆ ವಿಕೆಟ್ ಸಿಗುತ್ತಿಲ್ಲ.

5 ಓವರ್ ಮುಕ್ತಾಯ

ಆಫ್ರಿಕಾ ತಂಡದ 5 ಓವರ್​ ಮುಗಿದಿದೆ. ಆತಿಥೇಯರು ಈ ಐದು ಓವರ್​ಗಳಲ್ಲಿ ಯಾವುದೇ ವಿಕೆಟ್ ಕಳೆದುಕೊಳ್ಳದೆ 17 ರನ ಕಲೆಹಾಕಿದೆ.

ಆಫ್ರಿಕಾ ಬ್ಯಾಟಿಂಗ್ ಆರಂಭ

ಆಫ್ರಿಕಾ ತಂಡದ ಬ್ಯಾಟಿಂಗ್ ಆರಂಭವಾಗಿದೆ. ಆರಂಭಿಕರಾಗಿ ರೀಜಾ ಹೆಂಡ್ರಿಕ್ಸ್ ಹಾಗೂ ಡಿ ಜೋರ್ಜಿ ಬ್ಯಾಟಿಂಗ್ ಆರಂಭಿಸಿದ್ದಾರೆ.

ಭಾರತ 211 ರನ್​ಗಳಿಗೆ ಆಲೌಟ್

ಭಾರತ ತಂಡ 211 ರನ್‌ಗೆ ಆಲೌಟ್ ಆಗಿದೆ. ಹೀಗಾಗಿ ದಕ್ಷಿಣ ಆಫ್ರಿಕಾ ಪಂದ್ಯ ಗೆಲ್ಲಲು 212 ರನ್ ಗಳಿಸಬೇಕಿದೆ. ಈ ಗುರಿ ತುಂಬ ಸುಲಭ ಎಂದು ತೋರಬಹುದು, ಆದರೆ ಈ ಮೈದಾನವು ಬ್ಯಾಟಿಂಗ್‌ಗೆ ತುಂಬಾ ಕಷ್ಟಕರವಾಗಿದೆ. ಇಂತಹ ಪರಿಸ್ಥಿತಿಯಲ್ಲಿ ದಕ್ಷಿಣ ಆಫ್ರಿಕಾಕ್ಕೂ ಈ ಗುರಿ ಸುಲಭವಲ್ಲ.

9ನೇ ವಿಕೆಟ್ ಪತನ

ಭಾರತದ ಒಂಬತ್ತನೇ ವಿಕೆಟ್ ಪತನವಾಯಿತು, 18 ರನ್ ಗಳಿಸಿದ ನಂತರ ಅರ್ಶ್ದೀಪ್ ಔಟಾದರು.

ಕುಲ್ದೀಪ್ ಔಟ್

ಕುಲ್ದೀಪ್ ಯಾದವ್ ರೂಪದಲ್ಲಿ ಕೇಶವ್ ಮಹಾರಾಜ್ ಅವರ ಎರಡನೇ ವಿಕೆಟ್ ಪಡೆಯುವ ಮೂಲಕ ಭಾರತದ ಇನ್ನಿಂಗ್ಸ್​ಗೆ ಶಾಕ್ ನೀಡಿದ್ದಾರೆ.

6ನೇ ವಿಕೆಟ್ ಪತನ

ಚೊಚ್ಚಲ ಏಕದಿನ ಪಂದ್ಯವನ್ನಾಡಿದ ರಿಂಕು ಸಿಂಗ್ ಕೇವಲ 17 ರನ್ ಬಾರಿಸಿ ಪೆವಿಲಿಯನ್ ಸೇರಿಕೊಂಡಿದ್ದಾರೆ.

ರಾಹುಲ್ ಅರ್ಧಶತಕ ಸಿಡಿಸಿ ಔಟ್

ಟೀಂ ಇಂಡಿಯಾ ನಾಯಕ ರಾಹುಲ್ ಅರ್ಧಶತಕ ಸಿಡಿಸಿದ ಬೆನ್ನಲ್ಲೇ ವಿಕೆಟ್ ಒಪ್ಪಿಸಿದ್ದಾರೆ.

ರಾಹುಲ್ ಅರ್ಧಶತಕ ಪೂರ್ಣ

ಟೀಂ ಇಂಡಿಯಾ ನಾಯಕ ಕೆಎಲ್ ರಾಹುಲ್ 59 ಎಸೆತಗಳಲ್ಲಿ ತಮ್ಮ ಅರ್ಧಶತಕ ಪೂರೈಸಿದ್ದಾರೆ. ಭಾರತ 35 ಓವರ್​ಗಳಲ್ಲಿ 163 ರನ್ ಕಲೆಹಾಕಿದೆ.

ನಾಲ್ಕನೇ ವಿಕೆಟ್ ಪತನ

ಬ್ಯೂರಾನ್ ಹೆಂಡ್ರಿಕ್ಸ್ ಅವರ ಬೌಲಿಂಗ್‌ನಲ್ಲಿ ಸಂಜು ಸ್ಯಾಮ್ಸನ್ ಕೇವಲ 12 ರನ್ ಗಳಿಸಿ ಕ್ಲೀನ್ ಬೌಲ್ಡ್ ಆದರು. ಇದೀಗ ಭಾರತ 136 ರನ್​ಗಳಿಗೆ ನಾಲ್ಕು ವಿಕೆಟ್ ಕಳೆದುಕೊಂಡಿದೆ.

ಸುದರ್ಶನ್ ಔಟ್

83 ಎಸೆತಗಳಲ್ಲಿ 62 ರನ್ ಬಾರಿಸಿದ್ದ ಭಾರತದ ಆರಂಭಿಕ ಸಾಯಿ ಸುದರ್ಶನ್ ವಿಕೆಟ್ ಕೀಪರ್​ಗೆ ಕ್ಯಾಚಿತ್ತು ಔಟಾಗಿದ್ದಾರೆ.ಭಾರತದ ಮೂರನೇ ವಿಕೆಟ್ ಪತನವಾಗಿದೆ.

ಭಾರತದ ಶತಕ ಪೂರ್ಣ

ಭಾರತ 24ನೇ ಓವರ್​ನಲ್ಲಿ 100 ರನ್​ಗಳ ಗಡಿ ದಾಟಿದೆ.

50 ರನ್ ಜೊತೆಯಾಟ

ಭಾರತ 22 ಓವರ್​ಗಳಲ್ಲಿ 96 ರನ್ ಕಲೆಹಾಕಿದೆ. ಇದರೊಂದಿಗೆ ನಾಯಕ ರಾಹುಲ್ ಹಾಗೂ ಸಾಯಿ ಸುದರ್ಶನ್ ನಡುವೆ 50 ರನ್​ಗಳ ಜತೆಯಾಟ ಕೂಡ ಮೂಡಿದೆ.

ಸಾಯಿ ಸುದರ್ಶನ್ ಅರ್ಧಶತಕ

ಭಾರತದ ಯುವ ಆರಂಭಿಕ ಆಟಗಾರ ಸಾಯಿ ಸುದರ್ಶನ್ ಸತತ ಎರಡನೇ ಏಕದಿನ ಪಂದ್ಯದಲ್ಲಿ ಅರ್ಧಶತಕ ಬಾರಿಸಿದ್ದಾರೆ. ಸುದರ್ಶನ್ 20ನೇ ಓವರ್​ನಲ್ಲಿ 50 ರನ್​ಗಳ ಗಡಿ ದಾಟಿದರು.

ಭಾರತದ 50 ರನ್ ಪೂರ್ಣ

ಭಾರತ 14ನೇ ಓವರ್​ನಲ್ಲಿ ತನ್ನ ಅರ್ಧಶತಕವನ್ನು ಪೂರೈಸಿದೆ. ಇದಕ್ಕಾಗಿ ತಂಡ ಪ್ರಮುಖ 2 ವಿಕೆಟ್​ಗಳನ್ನು ಕಳೆದುಕೊಂಡಿದೆ.

ತಿಲಕ್ ಔಟ್, ಭಾರತ 46/2

12ನೇ ಓವರ್​ನಲ್ಲಿ ಭಾರತ ಎರಡನೇ ವಿಕೆಟ್ ಕಳೆದುಕೊಂಡಿದೆ. ತಿಲಕ್ ವರ್ಮಾ ಕೇವಲ 10 ರನ್​ಗಳಿಸಿ ಕ್ಯಾಚಿತ್ತು ಔಟಾದರು.

10 ಓವರ್ ಪೂರ್ಣ

ಭಾರತ ಮೊದಲ ಪವರ್ ಪ್ಲೇ ಮುಗಿಸಿದೆ. ಈ 10 ಓವರ್​ಗಳಲ್ಲಿ ತಂಡ 1 ವಿಕೆಟ್ ಕಳೆದುಕೊಂಡು 46 ರನ್ ಕಲೆಹಾಕಿದೆ. ಸಾಯಿ ಸುದರ್ಶನ್ ಹಾಗೂ ತಿಲಕ್ ವರ್ಮಾ ಕ್ರೀಸ್​​ನಲ್ಲಿದ್ದಾರೆ.

ರುತುರಾಜ್ ಔಟ್

The Proteas strike early and get the opener Ruturaj Gaikwad on just 4 runs 🏏

📸:- Disney+ Hotstar #SAvIND #Insidesport #CricketTwitter pic.twitter.com/rrmIdZMZdt

— InsideSport (@InsideSportIND) December 19, 2023

5 ಓವರ್ ಮುಕ್ತಾಯ

ಭಾರತದ ಇನ್ನಿಂಗ್ಸ್​ನ 5 ಓವರ್​ ಮುಕ್ತಾಯಗೊಂಡಿದೆ. ಈ 5 ಓವರ್​ಗಳಲ್ಲಿ ಭಾರತ 1 ವಿಕೆಟ್ ಕಳೆದುಕೊಂಡು ಕೇವಲ 17 ರನ್ ಕಲೆಹಾಕಿದೆ.

ರುತುರಾಜ್ ಔಟ್

ಭಾರತದ ಇನ್ನಿಂಗ್ಸ್​ನ ಮೊದಲ ಓವರ್​ನ ಎರಡನೇ ಎಸೆತದಲ್ಲಿ ಭಾರತಕ್ಕೆ ಮೊದಲ ಹೊಡೆತ ಬಿದ್ದಿದೆ. ಆರಂಭಿಕ ರುತುರಾಜ್ ಗಾಯಕ್ವಾಡ್ ಪೆವಿಲಿಯನ್‌ಗೆ ಮರಳಿದರು.

ಭಾರತ ತಂಡ

ಕೆಎಲ್ ರಾಹುಲ್ (ವಿಕೆಟ್ ಕೀಪರ್/ನಾಯಕ), ರುತುರಾಜ್ ಗಾಯಕ್ವಾಡ್, ಸಾಯಿ ಸುದರ್ಶನ್, ತಿಲಕ್ ವರ್ಮಾ, ಸಂಜು ಸ್ಯಾಮ್ಸನ್, ರಿಂಕು ಸಿಂಗ್, ಅಕ್ಸರ್ ಪಟೇಲ್, ಅರ್ಷದೀಪ್ ಸಿಂಗ್, ಅವೇಶ್ ಖಾನ್, ಕುಲ್ದೀಪ್ ಯಾದವ್, ಮುಖೇಶ್ ಕುಮಾರ್.

ದಕ್ಷಿಣ ಆಫ್ರಿಕಾ ತಂಡ

ಟೋನಿ ಡಿ ಜೋರ್ಜಿ, ರೀಜಾ ಹೆಂಡ್ರಿಕ್ಸ್, ರಾಸ್ಸಿ ವ್ಯಾನ್ ಡೆರ್ ಡಸ್ಸೆನ್, ಐಡೆನ್ ಮಾರ್ಕ್ರಾಮ್(ನಾಯಕ), ಹೆನ್ರಿಚ್ ಕ್ಲಾಸೆನ್, ಡೇವಿಡ್ ಮಿಲ್ಲರ್, ವಿಯಾನ್ ಮುಲ್ಡರ್, ಕೇಶವ್ ಮಹಾರಾಜ್, ನಾಂಡ್ರೆ ಬರ್ಗರ್, ಲಿಜಾದ್ ವಿಲಿಯಮ್ಸ್, ಬ್ಯೂರಾನ್ ಹೆಂಡ್ರಿಕ್ಸ್

ಆಫ್ರಿಕಾ ಮೊದಲು ಬೌಲಿಂಗ್

ಟಾಸ್ ಗೆದ್ದ ಆಫ್ರಿಕಾ ನಾಯಕ ಐಡೆನ್ ಮಾರ್ಕ್ರಾಮ್ ಮೊದಲು ಬೌಲಿಂಗ್ ಮಾಡಲು ನಿರ್ಧರಿಸಿದ್ದಾರೆ. ಹೀಗಾಗಿ ಟೀಂ ಇಂಡಿಯಾ ಇಂದಿನ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಲಿದೆ.