ನೇಪಾಳ ಆಟಗಾರನ ಕನಸನ್ನು ನನಸು ಮಾಡಿದ ಕೊಹ್ಲಿ: ನೇಪಾಳ ಡ್ರೆಸ್ಸಿಂಗ್ ರೂಮ್ನಲ್ಲಿ ಏನೆಲ್ಲ ಆಯ್ತು ನೋಡಿ
Virat Kohli in Nepal Dressing Room: ಕೊಹ್ಲಿ ಅವರು ನೇಪಾಳ ಡ್ರೆಸ್ಸಿಂಗ್ ರೂಮ್ನಲ್ಲಿ ಕೆಲ ಸಮಯ ಕಳೆದರು. ಎಲ್ಲ ಆಟಗಾರರ ಜೊತೆ ಮಾತನಾಡಿ ಕೆಲ ಟಿಪ್ಸ್ ನೀಡಿದರು. ಮುಖ್ಯವಾಗಿ ಕೊಹ್ಲಿ ನೋಡಬೇಕು, ಮಾತನಾಡಬೇಕು ಎಂದು ಕಾದು ಕುಳಿತಿದ್ದ ನೇಪಾಳ ಆಟಗಾರ ಸೋಂಪಾಲ್ ಕಾಮಿ ಅವರ ಶೂಗೆ ಸಹಿ ಮಾಡಿ ಅವರ ಕನಸನ್ನು ನನಸು ಮಾಡಿದರು.
ಏಷ್ಯಾಕಪ್ 2023 ರಲ್ಲಿ ನೇಪಾಳ ವಿರುದ್ಧ ಡಕ್ವರ್ತ್ ಯೂಯಿಸ್ ನಿಯಮದ ಅನ್ವಯ 10 ವಿಕೆಟ್ಗಳ ಅಮೋಘ ಜಯ ಸಾಧಿಸಿದ ಭಾರತ (India vs Nepal) ತಂಡ ಸೂಪರ್ -4 ಹಂತಕ್ಕೆ ಪ್ರವೇಶಿಸಿದೆ. ಮಳೆ ಬಾಧಿತ ಪಂದ್ಯದಲ್ಲಿ ಭರ್ಜರಿ ಬ್ಯಾಟಿಂಗ್ ಮಾಡಿದ ನಾಯಕ ರೋಹಿತ್ ಶರ್ಮಾ ಹಾಗೂ ಶುಭ್ಮನ್ ಗಿಲ್ ಅಜೇಯ ಅರ್ಧಶತಕ ಸಿಡಿಸಿ ಗೆಲುವು ತಂದಿಟ್ಟರು. ಪಂದ್ಯ ಮುಗಿದ ಬಳಿಕ ಭಾರತ ತಂಡದ ಆಟಗಾರರು ನೇಪಾಳ ತಂಡದ ಡ್ರೆಸ್ಸಿಂಗ್ ರೂಮ್ಗೆ ತೆರಳಿ ಮಾತುಕತೆ ನಡೆಸಿದರು. ಅದರಲ್ಲೂ ವಿರಾಟ್ ಕೊಹ್ಲಿ ನೇಪಾಳ ಆಟಗಾರನಿಗೆ ಮರೆಯಲಾಗದ ಒಡುಗೊರೆ ನೀಡಿದರು.
ಕೊಹ್ಲಿ ಅವರು ನೇಪಾಳ ಡ್ರೆಸ್ಸಿಂಗ್ ರೂಮ್ನಲ್ಲಿ ಕೆಲ ಸಮಯ ಕಳೆದರು. ಎಲ್ಲ ಆಟಗಾರರ ಜೊತೆ ಮಾತನಾಡಿ ಬ್ಯಾಟಿಂಗ್ ಟಿಪ್ಸ್ ನೀಡಿದರು. ಮುಖ್ಯವಾಗಿ ಕೊಹ್ಲಿಯನ್ನು ನೋಡಬೇಕು, ಮಾತನಾಡಬೇಕು ಎಂದು ಕಾದು ಕುಳಿತಿದ್ದ ನೇಪಾಳ ಆಟಗಾರ ಸೋಂಪಾಲ್ ಕಾಮಿ ಅವರ ಶೂಗೆ ಸಹಿ ಮಾಡಿ ಅವರ ಕನಸನ್ನು ನನಸು ಮಾಡಿದರು. ಕೊಹ್ಲಿ ಅವರು ಸೋಂಪಾಲ್ ಅವರ ಶೂಗೆ ಹಸ್ತಾಕ್ಷರ ಹಾಕಿದ ಫೋಟೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ. ನೇಪಾಳಿ ವೇಗಿ ಇದು ನನ್ನ ಕನಸು ನನಸಾದ ಕ್ಷಣ ಎಂದು ಹೇಳಿದ್ದಾರೆ.
ಸೋಂಪಾಲ್ ಕಾಮಿ ಅವರ ಶೂಗೆ ಸಹಿ ಮಾಡುತ್ತಿರುವ ವಿರಾಟ್ ಕೊಹ್ಲಿ:
Nepal’s pacer Sompal Kami on getting Virat Kohli’s autograph on his shoes:
“it’s an emotional moment for me, a dream come true to have Virat’s autograph on my shoes”. pic.twitter.com/lpfxeQlkfz
— Anjana (@Ananjana30) September 5, 2023
ಭಾರತ ವಿರುದ್ಧದ ಪಂದ್ಯದ ಹಿಂದಿನ ದಿನ ಮಾತನಾಡಿದ ನೇಪಾಳ ನಾಯಕ ರೋಹಿತ್ ಪೌಡೆಲ್, “ನಾವೆಲ್ಲರೂ ಭಾರತ ವಿರುದ್ಧ ಆಡಲು ತುಂಬಾ ಉತ್ಸುಕರಾಗಿದ್ದೇವೆ. ಅಂತಹ ಅವಕಾಶಗಳು ನಮಗೆ ಹೆಚ್ಚಾಗಿ ಸಿಗುವುದಿಲ್ಲ. ಆದ್ದರಿಂದ, ನಮ್ಮ ದೇಶವನ್ನು ದೊಡ್ಡ ವೇದಿಕೆಯಲ್ಲಿ ಪ್ರತಿನಿಧಿಸಲು ನಮಗೆಲ್ಲರಿಗೂ ಇದು ಉತ್ತಮ ಅವಕಾಶವಾಗಿದೆ. ಪಾಕಿಸ್ತಾನ ಮತ್ತು ಭಾರತ ವಿರುದ್ಧ ಎರಡು ಬ್ಯಾಕ್ ಟು ಬ್ಯಾಕ್ ಪಂದ್ಯಗಳನ್ನು ಆಡುವ ಅವಕಾಶ ಸಿಗುತ್ತದೆ ಎಂದು ನಾವು ಅಂದುಕೊಂಡಿರಲಿಲ್ಲ. ನಾವು ಅಂತಹ ಅವಕಾಶಗಳನ್ನು ಬಳಸಿಕೊಳ್ಳಲು ಬಯಸುತ್ತೇವೆ ಇದರಿಂದ ಕ್ರಿಕೆಟ್ ಜಗತ್ತು ನಮ್ಮತ್ತ ಗಮನ ಹರಿಸಲಿದೆ,” ಎಂದು ಹೇಳಿದ್ದರು.
VIDEO: ವಿರಾಟ್ ಕೊಹ್ಲಿ ಅಭಿಮಾನಿಗಳಿಗೆ ಮಧ್ಯದ ಬೆರಳು ತೋರಿಸಿದ ಗೌತಮ್ ಗಂಭೀರ್
ಸೂಪರ್-4 ನಲ್ಲಿ ಭಾರತ-ಪಾಕಿಸ್ತಾನ ಮುಖಾಮುಖಿ:
ನೇಪಾಳ ವಿರುದ್ಧ ಗೆಲ್ಲುವ ಮೂಲಕ ಟೀಮ್ ಇಂಡಿಯಾ ಸೂಪರ್-4 ಹಂತಕ್ಕೆ ತಲುಪಿದೆ. ಇದಕ್ಕೂ ಮುನ್ನ ಪಾಕಿಸ್ತಾನ ಮುಂದಿನ ಸುತ್ತಿಗೆ ಪ್ರವೇಶಿಸಿತ್ತು. ಇದೀಗ ಸೂಪರ್-4 ಹಂತದಲ್ಲಿ ಒಟ್ಟು 4 ತಂಡಗಳು ಪರಸ್ಪರ ಸೆಣಸಲಿದೆ. ಇಲ್ಲಿ ಭಾರತ ಹಾಗೂ ಪಾಕಿಸ್ತಾನ ತಂಡಗಳು ಸೆಪ್ಟೆಂಬರ್ 10 ರಂದು ಮುಖಾಮುಖಿಯಾಗುವುದು ಖಚಿತವಾಗಿದೆ. ಕೊಲಂಬೊದ ಆರ್. ಪ್ರೇಮದಾಸ ಮೈದಾನದಲ್ಲಿ ನಡೆಯಲಿರುವ ಈ ಪಂದ್ಯದಲ್ಲಿ ಹೈವೋಲ್ಟೇಜ್ ಪೈಪೋಟಿಯನ್ನು ನಿರೀಕ್ಷಿಸಬಹುದು. ಇದಕ್ಕೂ ಮುನ್ನ ನಡೆದ ಮೊದಲ ಮುಖಾಮುಖಿಯು ಮಳೆಗೆ ಅಹುತಿಯಾಗಿತ್ತು.
ಇನ್ನಷ್ಟು ಕ್ರೀಡಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
