ಸೋಲಿನ ಬೆನ್ನಲ್ಲೇ ನ್ಯೂಝಿಲೆಂಡ್ ತಂಡದಿಂದ 5 ಆಟಗಾರರು ಔಟ್!

ಭಾರತ ಮತ್ತು ನ್ಯೂಝಿಲೆಂಡ್ ನಡುವಣ 5 ಪಂದ್ಯಗಳ ಟಿ20 ಸರಣಿಯ ಮೂರನೇ ಪಂದ್ಯಕ್ಕೂ ಮುನ್ನ ಕಿವೀಸ್ ಪಡೆಯಲ್ಲಿ ಮಹತ್ವದ ಬದಲಾವಣೆ ಮಾಡಲಾಗಿದೆ. ಫಿಟ್​ನೆಸ್ ಸಮಸ್ಯೆ ಹಾಗೂ ಕಾರ್ಯಭಾರದ ನಿರ್ವಹಣೆಗಾಗಿ ಕೆಲ ಆಟಗಾರರನ್ನು ತಂಡದಿಂದ ಕೈ ಬಿಡಲಾಗಿದ್ದು, ಅವರ ಬದಲಿಗೆ ಮೂವರನ್ನು ತಂಡಕ್ಕೆ ಸೇರಿಸಿಕೊಳ್ಳಲಾಗಿದೆ. ಅದರಂತೆ ತಂಡದಿಂದ ಹೊರಬಿದ್ದಿರುವ ಹಾಗೂ ಟೀಮ್​ಗೆ ಎಂಟ್ರಿ ಕೊಟ್ಟಿರುವ ಆಟಗಾರರ ಪಟ್ಟಿ ಈ ಕೆಳಗಿನಂತಿದೆ…

ಮ್ಯಾಟ್ ಹೆನ್ರಿ: ಎರಡನೇ ಟಿ20 ಪಂದ್ಯದ ವೇಳೆ ಮ್ಯಾಟ್ ಹೆನ್ರಿ ಕಾಲಿನ ಸ್ನಾಯು ಸೆಳೆತಕ್ಕೆ ಒಳಗಾಗಿದ್ದರು. ಈ ಹಿನ್ನೆಲೆಯಲ್ಲಿ ಇಡೀ ಟಿ20 ಸರಣಿಯಿಂದ ಇವರು ಹೊರಬಿದ್ದಿದ್ದು, ನೇರವಾಗಿ ಮುಂಬರುವ ಏಕದಿನ ಸರಣಿಗೆ ಲಭ್ಯರಿರಲಿದ್ದಾರೆ.

ಲಾಕಿ ಫರ್ಗುಸನ್: ಫಿಟ್​ನೆಸ್ ಸಮಸ್ಯೆಯಿಂದ ಬಳಲುತ್ತಿರುವ ಲಾಕಿ ಫರ್ಗುಸನ್ ಅವರಿಗೆ 3ನೇ ಟಿ20 ಪಂದ್ಯದಿಂದ ವಿಶ್ರಾಂತಿ ನೀಡಲಾಗಿದೆ. ಇವರು ಆಕ್ಲೆಂಡ್‌ಗೆ ಮರಳಲಿದ್ದು, ಸರಣಿಯ ಕೊನೆಯ ಎರಡು ಪಂದ್ಯಗಳ ವೇಳೆ ಮರಳಿ ತಂಡ ಸೇರಿಕೊಳ್ಳುವ ಸಾಧ್ಯತೆ ಇದೆ.

ಕೈಲ್ ಜೇಮಿಸನ್: ಮೂರನೇ ಟಿ20 ಪಂದ್ಯದ ಮುಕ್ತಾಯದ ನಂತರ ಇವರು ದೇಶಿ ಕ್ರಿಕೆಟ್ ಆಡಲು ವೆಲ್ಲಿಂಗ್ಟನ್‌ನಲ್ಲೇ ಉಳಿಯಲಿದ್ದು, ಸರಣಿಯ ಮುಂದಿನ ಪಂದ್ಯಗಳಲ್ಲಿ ಭಾಗವಹಿಸುವುದಿಲ್ಲ.

ಮಾರ್ಕ್ ಚಾಪ್‌ಮನ್: ಗಾಯದ ಸಮಸ್ಯೆಯಿಂದ ಬಳಲುತ್ತಿರುವ ಮಾರ್ಕ್​ ಚಾಪ್​ಮನ್ ಅವರನ್ನು ಇಡೀ ಸರಣಿಯಿಂದ ಕೈ ಬಿಡಲಾಗಿದೆ.

ಝಾಕ್ ಫೋಲ್ಕ್ಸ್: ನ್ಯೂಝಿಲೆಂಡ್ ವೇಗಿ ಝಾಕ್ ಫೋಲ್ಕ್ಸ್​ ಇನ್ನೂ ಕೂಡ ಗಾಯದ ಸಮಸ್ಯೆಯಿಂದ ಚೇತರಿಸಿಕೊಂಡಿಲ್ಲ. ಹೀಗಾಗಿ ಸರಣಿಯ ಮುಂದಿನ ಪಂದ್ಯಗಳಿಗೂ ಫೋಲ್ಕ್ಸ್​ ಅಲಭ್ಯರಾಗಲಿದ್ದಾರೆ ಎಂದು ನ್ಯೂಝಿಲೆಂಡ್ ಕ್ರಿಕೆಟ್ ಬೋರ್ಡ್ ತಿಳಿಸಿದೆ.

ಜೋಶ್ ಕ್ಲಾರ್ಕ್ಸನ್: ಅನುಭವಿ ವೇಗಿ ಜೋಶ್ ಕ್ಲಾರ್ಕ್ಸನ್ ವೆಲ್ಲಿಂಗ್ಟನ್ ಪಂದ್ಯದ ಭಾಗವಾಗಿರುವುದಿಲ್ಲ. ಬದಲಿಗೆ ಆಕ್ಲೆಂಡ್‌ನಲ್ಲಿ ನಡೆಯಲಿರುವ 4ನೇ ಮತ್ತು 5ನೇ ಟಿ20 ಪಂದ್ಯಗಳಿಗೆ ಮಾತ್ರ ನ್ಯೂಝಿಲೆಂಡ್ ತಂಡವನ್ನು ಸೇರಿಕೊಳ್ಳಲಿದ್ದಾರೆ

ಬ್ಲೇರ್ ಟಿಕ್ನರ್:  ಮ್ಯಾಟ್ ಹೆನ್ರಿ ಅವರ ಅನುಪಸ್ಥಿತಿಯಲ್ಲಿ ಮೂರನೇ ಪಂದ್ಯಕ್ಕೂ ಮುನ್ನ ಬ್ಲೇರ್ ಟಿಕ್ನರ್ ನ್ಯೂಝಿಲೆಂಡ್ ತಂಡವನ್ನು ಕೂಡಿಕೊಳ್ಳಲಿದ್ದಾರೆ.

ಮ್ಯಾಟ್ ಫಿಶರ್:  ಲಾಕಿ ಫರ್ಗುಸನ್ ಹೊರಗುಳಿದಿರುವ ಕಾರಣ 3ನೇ ಟಿ20 ಪಂದ್ಯಕ್ಕಾಗಿ ಬ್ಯಾಕ್-ಅಪ್ ಆಟಗಾರನಾಗಿ ಮ್ಯಾಟ್ ಫಿಶರ್ ಅವರನ್ನು ತಂಡಕ್ಕೆ ಸೇರಿಸಿಕೊಳ್ಳಲಾಗಿದೆ.

ಇದನ್ನೂ ಓದಿ: ಟೀಮ್ ಇಂಡಿಯಾಗೆ ಯುವ ಆಟಗಾರ ಎಂಟ್ರಿ: ಯಾರು ಈ ಕುಮಾರ್ ಕುಶಾಗ್ರ?

ಒಟ್ಟಾರೆಯಾಗಿ, ಸರಣಿಯಲ್ಲಿ 0-2 ಹಿನ್ನಡೆಯಲ್ಲಿರುವ ನ್ಯೂಝಿಲೆಂಡ್ ತಂಡಕ್ಕೆ, ಈ 5 ಆಟಗಾರರ ಬದಲಾವಣೆ ಮತ್ತು ಕಾರ್ಯಭಾರ ನಿರ್ವಹಣೆಯ ತ್ರವು ಸರಣಿಯಲ್ಲಿ ಪುನರಾಗಮನ ಮಾಡಲು ಎಷ್ಟು ನೆರವಾಗಲಿದೆ ಎಂಬುದನ್ನು ಕಾದು ನೋಡಬೇಕಿದೆ.

Published On - 7:39 am, Sun, 25 October 26