ಆರ್ಸಿಬಿ ಮಾರಾಟದಿದ ವಿಜಯ್ ಮಲ್ಯಗೆ ಸಿಕ್ಕ ಹಣ ಎಷ್ಟು?
ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್ಸಿಬಿ) ತಂಡ ಇತ್ತೀಚೆಗೆ 16,600 ಕೋಟಿ ರೂ.ಗಳಿಗೆ ಆದಿತ್ಯ ಬಿರ್ಲಾ ಗ್ರೂಪ್ ಒಕ್ಕೂಟಕ್ಕೆ ಮಾರಾಟವಾಗಿದೆ. ಈ ಹಿಂದೆ ವಿಜಯ್ ಮಲ್ಯ 446 ಕೋಟಿ ರೂ.ಗೆ ತಂಡವನ್ನು ಖರೀದಿಸಿದ್ದರು. ಈಗ ಅವರು ಲಂಡನ್ ಅಲ್ಲಿದ್ದಾರೆ. ಅವರು ಮಾರಾಟದ ಬಳಿಕ ಟ್ವೀಟ್ ಕೂಡ ಮಾಡಿದ್ದರು.
Updated on: Mar 27, 2026 | 12:05 PM
ಐಪಿಎಲ್ನಲ್ಲಿ ಸಾಕಷ್ಟು ಹೆಸರು ಮಾಡಿರೋ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB) ತಂಡದ ಮಾರಾಟ ಇತ್ತೀಚೆಗೆ ನಡೆದಿದೆ. 16,600 ಕೋಟಿ ರೂಪಾಯಿಗೆ ಈ ಡೀಲ್ ನಡೆದಿದೆ. ಆದಿತ್ಯ ಬಿರ್ಲಾ ಗ್ರೂಪ್ ನೇತೃತ್ವದ ಒಕ್ಕೂಟವು ಇದನ್ನು ಖರೀದಿ ಮಾಡಿದೆ. ಬಿಸಿಸಿಐ ಒಪ್ಪಿಗೆ ಬಳಿಕ ತಂಡ ಅಧಿಕೃತವಾಗಿ ಆದಿತ್ಯ ಬಿರ್ಲಾ ಗ್ರೂಪ್ ತೆಕ್ಕೆಗೆ ಸೇರಲಿದೆ. ಈ ತಂಡವನ್ನು ಮೊದಲು ಖರೀದಿ ಮಾಡಿದ್ದು ಮಲ್ಯ. ಹಾಗಾದರೆ, ಆರ್ಸಿಬಿ ತಂಡದ ಮಾರಾಟದಿಂದ ಅವರಿಗೆ ಸಿಕ್ಕ ಹಣ ಎಷ್ಟು? ಆ ಬಗ್ಗೆ ಇಲ್ಲಿದೆ ವಿವರ.
ಮಲ್ಯ ಅವರು ಯುನೈಟೆಡ್ ಸ್ಪಿರಿಟ್ಸ್ ಲಿಮಿಟೆಡ್ (ಯುಎಸ್ಎಲ್) ಒಡೆತನ ಹೊಂದಿದ್ದರು. ರಾಯಲ್ ಚಾಲೆಂಜ್ ವಿಸ್ಕಿ ಬ್ರ್ಯಾಂಡ್ ಪ್ರಚಾರಕ್ಕಾಗಿ ವಿಜಯ್ ಮಲ್ಯ ಅವರು 2008ರಲ್ಲಿ 446 ಕೋಟಿ ರೂಪಾಯಿ ಕೊಟ್ಟು ಐಪಿಎಲ್ ತಂಡವನ್ನು ಖರೀದಿ ಮಾಡಿದರು. ಈ ತಂಡಕ್ಕೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಎಂದೇ ಹೆಸರಿಟ್ಟರು. ಕ್ರಿಕೆಟ್ ಕ್ಷೇತ್ರಕ್ಕೂ, ವಿಸ್ಕಿ ಬ್ರ್ಯಾಂಡ್ ಪ್ರಚಾರಕ್ಕೂ ಏನು ಸಂಬಂಧ ಎಂದು ಎಲ್ಲರೂ ನಕ್ಕರು. ಆದರೆ, ಊಹೆ ತಪ್ಪಾಗಿತ್ತು. ಆರ್ಸಿಬಿ ತಂಡ ಬಹುಬೇಗನೆ ತನ್ನ ಮೌಲ್ಯವನ್ನು ಹೆಚ್ಚಿಸಿಕೊಂಡಿತು.
2012ರಲ್ಲಿ ಬ್ರಿಟಿಷ್ ಮೂಲದ ಡಿಯಾಜಿಯೋ ಕಂಪನಿ ಮಲ್ಯ ಅವರ ಯುಎಸ್ಎಲ್ನ ಶೇ.53.4 ಷೇರನ್ನು ಖರೀದಿ ಮಾಡಿತು. ಈ ಡೀಲ್ 11,166 ಕೋಟಿ ರೂಪಾಯಿಗೆ ನಡೆಯಿತು. ಆರಂಭದಲ್ಲಿ ಮಲ್ಯಗೆ 3,635 ಕೋಟಿ ರೂಪಾಯಿ ಸಿಕ್ಕಿತು. 2013-14ರ ಅವಧಿಯಲ್ಲಿ ಮಲ್ಯ ಅವರ ಕಿಂಗ್ಫಿಶರ್ ಏರ್ಲೈನ್ಸ್ ಮುಳಗಿ ಹೋಯಿತು. 9000 ಕೋಟಿ ರೂಪಾಯಿ ಸಾಲವನ್ನು ಹೊಂದಿದ್ದರು. ಯುಎಸ್ಎಲ್ ಮಾರಾಟದಿಂದ ಬಂದ ಹಣವನ್ನು (1,225 ಕೋಟಿ ರೂಪಾಯಿ) ಮಲ್ಯ ಎಫ್ 1ತಂಡ, ಏರ್ಲೈನ್ಸ್ ಹಾಗೂ ವಿದೇಶಿ ಖಾತೆಗೆ ವರ್ಗಾವಣೆ ಮಾಡಿದ್ದರು.
I would like to heartily congratulate the new owners of RCB. I wish them the very best and Godspeed with the most valuable IPL franchise. When I bought the franchise in 2008 for INR 450 crores, most people laughed at me and criticised my investment as a vanity project. Behind my…
— Vijay Mallya (@TheVijayMallya) March 26, 2026
ಡಿಯಾಜಿಯೋ ಯುಎಸ್ಎಲ್ ಸ್ಟೇಕ್ಸ್ನ ಶೇ.56ಕ್ಕೆ ಏರಿಕೆ ಮಾಡಿಕೊಂಡಿತು. ಆ ಸಂದರ್ಭದಲ್ಲಿ ಮಲ್ಯ ಅವರು ಅಧ್ಯಕ್ಷ ಸ್ಥಾನದಿಂದ ಕೆಳಕ್ಕೆ ಇಳಿದರು. ಹೆಚ್ಚುವರಿ ಷೇರುಗಳಿಗಾಗಿ ಅವರಿಗೆ 515 ಕೋಟಿ ರೂಪಾಯಿ ಪಾವತಿಸಲಾಯಿತು.2016ರಲ್ಲಿ ಮಲ್ಯ ಅವರು 17 ಸಾವಿರ ಕಿಂಗ್ಫಿಶರ್ ಸಾಲದೊಂದಿಗೆ ಇಂಗ್ಲೆಂಡ್ಗೆ ಹಾರಿದರು. ಈ ವೇಳೆ ಯುಎಸ್ಎಲ್ ಸಂಪೂರ್ಣವಾಗಿ ಡಿಯಾಜಿಯೋ ತೆಕ್ಕೆಗೆ ಹೋಯಿತು. ಆ ಸಂದರ್ಭದಲ್ಲಿ ಆರ್ಸಿಬಿ ವ್ಯಾಲ್ಯೂ 1,200 ಕೋಟಿ ರೂಪಾಯಿ ಎಂದು ಪರಿಗಣಿಸಿ ಡಿಯಾಜಿಯೋ ಸಂಪೂರ್ಣವಾಗಿ ತಮ್ಮ ತೆಕ್ಕೆಗೆ ತೆಗೆದುಕೊಂಡಿತು. ಈ ಮೂಲಕ ಮಲ್ಯ ಅವರ ಬಳಿ ಯಾವುದೇ ಷೇರು ಉಳಿದುಕೊಂಡಿರಲಿಲ್ಲ.
ಇದನ್ನೂ ಓದಿ: RCB ಮಾರಾಟದ ಬೆನ್ನಲ್ಲೇ ಮಹತ್ವದ ಕೋರಿಕೆ ಇಟ್ಟ ವಿಜಯ್ ಮಲ್ಯ
2026ರಲ್ಲಿ ಡಿಯಾಜಿಯೋ 16,660 ಕೋಟಿ ರೂಪಾಯಿಗೆ ಐಪಿಎಲ್ ತಂಡವನ್ನು ಮಾರಾಟ ಮಾಡಿತು. ಇದರಿಂದ ಯುಎಸ್ಎಲ್ಗೆ ಲಾಭ ಆಗಿದೆ. ಮಲ್ಯ ಷೇರು ಇದರಲ್ಲಿ ಇಲ್ಲದ ಕಾರಣ ಅವರಿಗೆ ಯಾವುದೇ ಹಣ ಸಿಕ್ಕಿಲ್ಲ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.
