T20 World Cup 2022: ಸ್ಲೋ ಓವರ್ ರೇಟ್ ಶಿಕ್ಷೆ ತಪ್ಪಿಸಲು ಆಸ್ಟ್ರೇಲಿಯಾ ತಂಡದ ಮಾಸ್ಟರ್ ಪ್ಲ್ಯಾನ್
T20 World Cup 2022: ಮುಕ್ತಾಯಗೊಂಡ ಇಂಗ್ಲೆಂಡ್ ಹಾಗೂ ಆಸ್ಟ್ರೇಲಿಯಾ (Australia vs England) ನಡುವಣ ಪಂದ್ಯದಲ್ಲಿ ಆಸೀಸ್ ತಂಡ ಸ್ಲೋ ಓವರ್ ರೇಟ್ ಶಿಕ್ಷೆ ಅನುಭವಿಸಿರಲಿಲ್ಲ.
T20 World Cup 2022: ಐಸಿಸಿ ನೂತನವಾಗಿ ಪರಿಚಯಿಸಿರುವ ನಿಯಮಗಳಲ್ಲಿ ಸ್ಲೋ ಓವರ್ ರೇಟ್ ಪೆನಾಲ್ಟಿ ಕೂಡ ಒಂದು. ಈ ನಿಯಮದ ಪ್ರಕಾರ ಒಂದು ತಂಡವು 20 ಓವರ್ಗಳನ್ನು ನಿಗದಿತ ಸಮಯದೊಳಗೆ ಪೂರ್ಣಗೊಳಿಸಬೇಕು. ಒಂದು ವೇಳೆ ಅದಕ್ಕಿಂತ ಹೆಚ್ಚಿನ ಸಮಯ ತಗೆದುಕೊಂಡರೆ ಫೀಲ್ಡಿಂಗ್ನಲ್ಲಿ ಬದಲಾವಣೆ ಮಾಡಿಕೊಳ್ಳಬೇಕಾಗುತ್ತದೆ. ಅಂದರೆ ನಿಗದಿತ ಸಮಯದೊಳಗೆ 20 ಓವರ್ ಪೂರ್ಣಗೊಳಿಸದಿದ್ದರೆ, ಬಾಕಿ ಇರುವ ಓವರ್ಗಳ ವೇಳೆ ಓರ್ವ ಫೀಲ್ಡರ್ನನ್ನು ಬೌಂಡರಿ ಲೈನ್ನಿಂದ ಕಡಿತಗೊಳಿಸಬೇಕಾಗುತ್ತದೆ. ಅಲ್ಲದೆ ಆತನನ್ನು 30 ಯಾರ್ಡ್ ಸರ್ಕಲ್ನಲ್ಲಿ ಫೀಲ್ಡಿಂಗ್ ನಿಲ್ಲಿಸಬೇಕು. ಅಷ್ಟೇ ಅಲ್ಲದೆ ಸ್ಲೋ ಓವರ್ ರೇಟ್ಗಾಗಿ ದಂಡವನ್ನೂ ಕೂಡ ವಿಧಿಸಲಾಗುತ್ತದೆ. ಆದರೆ ಇದೀಗ ಸ್ಲೋ ಓವರ್ ರೇಟ್ ಅನ್ನು ತಪ್ಪಿಸಲು ಆಸ್ಟ್ರೇಲಿಯಾ (Australia Team) ತಂಡ ಮಾಸ್ಟರ್ ಪ್ಲ್ಯಾನ್ವೊಂದನ್ನು ರೂಪಿಸಿದೆ.
ಇತ್ತೀಚೆಗೆ ಮುಕ್ತಾಯಗೊಂಡ ಇಂಗ್ಲೆಂಡ್ ಹಾಗೂ ಆಸ್ಟ್ರೇಲಿಯಾ (Australia vs England) ನಡುವಣ ಪಂದ್ಯದಲ್ಲಿ ಆಸೀಸ್ ತಂಡ ಸ್ಲೋ ಓವರ್ ರೇಟ್ ಶಿಕ್ಷೆ ಅನುಭವಿಸಿರಲಿಲ್ಲ. ಇದಕ್ಕೆ ಮುಖ್ಯ ಕಾರಣ ಹೆಚ್ಚುವರಿ ಆಟಗಾರರನ್ನು ಬೌಂಡರಿ ಲೈನ್ ಹೊರಗೆ ನಿಲ್ಲಿಸಿರುವುದು. ಅಂದರೆ ಪವರ್ಪ್ಲೇನಂತಹ ಸಮಯದಲ್ಲಿ ಚೆಂಡು ಬೌಂಡರಿಗೆ ಹೋದರೆ ಅದನ್ನು ತೆಗೆದುಕೊಳ್ಳಲು ಆಟಗಾರರು ಬೌಂಡರಿ ಬಳಿ ಹೋಗಬೇಕಾಗುತ್ತದೆ. ಆದರೆ ಬೌಂಡರಿ ಬಳಿ ಹೆಚ್ಚುವರಿ ಆಟಗಾರರನ್ನು ನಿಲ್ಲಿಸುವುದರಿಂದ ಅವರು ತಕ್ಷಣವೇ ಚೆಂಡನ್ನು ಬೌಲರ್ಗೆ ಅಥವಾ ಫೀಲ್ಡರ್ಗೆ ಎಸೆಯಬಹುದು.
ಇದೇ ತಂತ್ರವನ್ನೇ ಆಸ್ಟ್ರೇಲಿಯಾ ತಂಡವು ಇಂಗ್ಲೆಂಡ್ ವಿರುದ್ಧ ಸರಣಿಯಲ್ಲಿ ಪ್ರಯೋಗಿಸಿತ್ತು. ಈ ಪ್ರಯೋಗವು ಬಹುತೇಕ ಯಶಸ್ವಿಯಾಗಿದೆ ಎಂದೇ ಹೇಳಬಹುದು. ಅದರಲ್ಲೂ ಪವರ್ಪ್ಲೇನಲ್ಲಿ ಈ ತಂತ್ರವು ವರ್ಕ್ ಔಟ್ ಆಗಲಿದೆ. ಏಕೆಂದರೆ ಮೊದಲ 6 ಓವರ್ಗಳ ವೇಳೆ ಬೌಂಡರಿ ಲೈನ್ನಲ್ಲಿ ಕೇವಲ ಇಬ್ಬರು ಫೀಲ್ಡರ್ಗಳು ಮಾತ್ರ ಇರಲಿದ್ದಾರೆ. ಇದೇ ವೇಳೆ ಚೆಂಡು ಬೌಂಡರಿ ಗೆರೆ ದಾಟಿದರೆ ಕೆಲವೊಮ್ಮೆ ಫೀಲ್ಡರ್ ಅದರ ಹಿಂದೆ ಓಡಿ ಬರಬೇಕಾಗುತ್ತದೆ. ಇಂತಹ ಸಮಯ ವ್ಯರ್ಥವನ್ನು ತಡೆಯಲು ಹೆಚ್ಚುವರಿ ಆಟಗಾರರನ್ನು ಬೌಂಡರಿ ಬದಿಯಲ್ಲಿ ಕೂರಿಸಿದರೆ ಸಾಕು. ಈ ಮೂಲಕ ಕನಿಷ್ಠ 10 ಸೆಕೆಂಡ್ಗಳನ್ನು ಉಳಿಸಿಕೊಳ್ಳಬಹುದು.
ಈ ತಂತ್ರವನ್ನೇ ಆಸ್ಟ್ರೇಲಿಯಾ ತಂಡವು ಪ್ರಯೋಗ ಮಾಡಿದ್ದು, ಅದರಲ್ಲಿ ಬಹುತೇಕ ಯಶಸ್ಸು ಕಂಡಿದೆ. ಹೀಗಾಗಿ ಟಿ20 ವಿಶ್ವಕಪ್ನಲ್ಲಿ ಆಸ್ಟ್ರೇಲಿಯಾ ಕಣಕ್ಕಿಳಿದಾಗ ಆಸೀಸ್ ಆಟಗಾರರು ಮತ್ತು ಸಿಬ್ಬಂದಿಗಳು ಬೌಂಡರಿ ಲೈನ್ ಹೊರಗೆ ಕಾಣಿಸಿಕೊಂಡರೆ ಅಚ್ಚರಿಪಡಬೇಕಿಲ್ಲ.
ಇನ್ನು ಇದೇ ತಂತ್ರವನ್ನು ಇತರೆ ತಂಡಗಳು ಕೂಡ ಅನುಸರಿಸುವ ಸಾಧ್ಯತೆಯಿದೆ. ಏಕೆಂದರೆ ಟಿ20 ವಿಶ್ವಕಪ್ನಲ್ಲಿ ಪ್ರತಿ ಪಂದ್ಯಗಳು ಮಹತ್ವದ್ದಾಗಿದೆ. ಅಷ್ಟೇ ಅಲ್ಲದೆ ಸ್ಲೋ ಓವರ್ ಶಿಕ್ಷೆಯಿಂದ ಫೀಲ್ಡರ್ ಬದಲಾವಣೆ ಮಾಡಿದರೆ ಅಂತಿಮ ಹಂತದಲ್ಲಿ ಫಲಿತಾಂಶ ಕೂಡ ಬದಲಾಗಬಹುದು. ಹೀಗಾಗಿ ಸ್ಲೋ ಓವರ್ ರೇಟ್ ಶಿಕ್ಷೆಯನ್ನು ತಪ್ಪಿಸುವ ಸಲುವಾಗಿ ಎಲ್ಲಾ ತಂಡಗಳು ಬೌಂಡರಿ ಲೈನ್ ಹೊರಗೆ ಹೆಚ್ಚುವರಿ ಆಟಗಾರರನ್ನು ನಿಲ್ಲಿಸುವ ತಂತ್ರಕ್ಕೆ ಮುಂದಾಗಬಹುದು.
A clever ploy from the Aussies who are keen to avoid the fielding restriction penalty if overs aren’t bowled in time during this #T20WorldCup pic.twitter.com/5e73KABQcd
— cricket.com.au (@cricketcomau) October 19, 2022
ಏನಿದು ಸ್ಲೋ ಓವರ್ ರೇಟ್ ನಿಯಮ:
ಅಂತಾರಾಷ್ಟ್ರೀಯ ಟಿ20 ಪಂದ್ಯಗಳಲ್ಲಿ ಪ್ರತಿ ಫೀಲ್ಡಿಂಗ್ ತಂಡವು 85 ನೇ ನಿಮಿಷದಲ್ಲಿ 20ನೇ ಓವರ್ ಅನ್ನು ಪ್ರಾರಂಭಿಸಬೇಕು. ಪ್ರತಿ ತಂಡವು ತಮ್ಮ 20 ಓವರ್ಗಳನ್ನು ಪೂರ್ಣಗೊಳಿಸಲು 85 ನಿಮಿಷಗಳ ಅನುಮತಿಯನ್ನು ನೀಡಲಾಗುತ್ತದೆ. ಇದರೊಳಗೆ ಒಂದು ತಂಡವು ನಿಗದಿತ ಸಮಯದಲ್ಲಿ ಓವರ್ ಮುಗಿಸಬೇಕು.
ಒಂದು ವೇಳೆ ತಡವಾದರೆ ಉಳಿದ ಓವರ್ಗಳ ವೇಳೆ ಫೀಲ್ಡಿಂಗ್ ತಂಡವು ಬೌಂಡರಿ ಲೈನ್ನಿಂದ ಒಬ್ಬ ಆಟಗಾರನನ್ನು 30 ಯಾರ್ಡ್ ಸರ್ಕಲ್ನಲ್ಲಿ ನಿಲ್ಲಿಸಬೇಕಾಗುತ್ತದೆ. ನಿಗದಿತ ಸಮಯದೊಳಗೆ ಓವರ್ ಮುಗಿಯದಿದ್ದರೆ, ಕೊನೆಯ ಓವರ್ಗಳ ವೇಳೆ ಒಬ್ಬ ಬೌಂಡರಿ ಲೈನ್ನಿಂದ ಒಬ್ಬ ಫೀಲ್ಡರ್ನ ಕಡಿತಗೊಳಿಸಿ ಮುಂದೆ ನಿಲ್ಲಿಸಬೇಕಾಗುತ್ತದೆ.