IPL 2026: ಐಪಿಎಲ್ ಹರಾಜಿಗಾಗಿ 350 ಆಟಗಾರರ ಪಟ್ಟಿ ಪ್ರಕಟ
IPL 2026 Auction: ಇಂಡಿಯನ್ ಪ್ರೀಮಿಯರ್ ಲೀಗ್ ಸೀಸನ್-19ರ ಹರಾಜು ಪ್ರಕ್ರಿಯೆ ಡಿಸೆಂಬರ್ 16 ರಂದು ನಡೆಯಲಿದೆ. ಅಬುಧಾಬಿಯ ಇತಿಹಾದ್ ಅರೇನಾದಲ್ಲಿ ನಡೆಯಲಿರುವ ಈ ಮಿನಿ ಆಕ್ಷನ್ನಲ್ಲಿ ಒಟ್ಟು 350 ಆಟಗಾರರ ಹೆಸರು ಕಾಣಿಸಿಕೊಳ್ಳಲಿದೆ. ಈ ಆಟಗಾರರ ಸಂಪೂರ್ಣ ಪಟ್ಟಿಯನ್ನು ಬಿಸಿಸಿಐ ಬಿಡುಗಡೆ ಮಾಡಿದೆ.
IPL 2026: ಇಂಡಿಯನ್ ಪ್ರೀಮಿಯರ್ ಲೀಗ್ ಸೀಸನ್-19ರ ಹರಾಜಿಗಾಗಿ ಅಂತಿಮ ಪಟ್ಟಿ ಸಿದ್ಧವಾಗಿದೆ. ಹರಾಜಿಗಾಗಿ ಹೆಸರು ನೋಂದಾಯಿಸಿಕೊಂಡಿದ್ದ 1355+35 (1390) ಆಟಗಾರರ ಪಟ್ಟಿಯನ್ನು ಶಾರ್ಟ್ ಲಿಸ್ಟ್ ಮಾಡಲಾಗಿದ್ದು, ಅದರಂತೆ ಈ ಬಾರಿ 350 ಆಟಗಾರರಿಗೆ ಮಾತ್ರ ಅವಕಾಶ ದೊರೆಯಲಿದೆ. ಇನ್ನು ಈ 350 ಆಟಗಾರರಲ್ಲಿ 240 ಭಾರತೀಯರು ಮತ್ತು 110 ವಿದೇಶಿ ಆಟಗಾರರು ಕಾಣಿಸಿಕೊಂಡಿದ್ದಾರೆ. ಇದರಲ್ಲಿ ಟೀಮ್ ಇಂಡಿಯಾ ಪರ ಆಡಿದ 16 ಆಟಗಾರರಿದ್ದಾರೆ. ಇನ್ನುಳಿದ 224 ಆಟಗಾರರು ದೇಶೀಯ ಟೂರ್ನಿ ಆಡಿದ ಕ್ರಿಕೆಟಿಗರು.
ಹಾಗೆಯೇ 110 ವಿದೇಶೀ ಆಟಗಾರರಲ್ಲಿ ರಾಷ್ಟ್ರೀಯ ತಂಡದ ಪರ ಆಡಿದ ಆಟಗಾರರ ಸಂಖ್ಯೆ 96. ಇನ್ನು ರಾಷ್ಟ್ರೀಯ ತಂಡದ ಪರ ಕಣಕ್ಕಿಳಿಯದ 14 ವಿದೇಶಿ ಆಟಗಾರರು ಕೂಡ ಈ ಬಾರಿಯ ಐಪಿಎಲ್ ಹರಾಜಿನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
| ಕ್ರ. ಸಂಖ್ಯೆ | ಕ್ಯಾಪ್ಡ್ / ಅನ್ಕ್ಯಾಪ್ಡ್ ಆಟಗಾರರು | ಆಟಗಾರರ ಸಂಖ್ಯೆ |
| 1 | ಕ್ಯಾಪ್ಡ್ ಇಂಡಿಯನ್ಸ್ ಪ್ಲೇಯರ್ಸ್ | 16 |
| 2 | ಕ್ಯಾಪ್ಡ್ ಓವರ್ಸೀಸ್ ಪ್ಲೇಯರ್ಸ್ | 96 |
| 3 | ಅನ್ಕ್ಯಾಪ್ಡ್ ಇಂಡಿಯನ್ಸ್ ಪ್ಲೇಯರ್ಸ್ | 224 |
| 4 | ಅನ್ಕ್ಯಾಪ್ಡ್ ಓವರ್ಸೀಸ್ ಪ್ಲೇಯರ್ಸ್ | 14 |
| ಒಟ್ಟು ಆಟಗಾರರು | 350 |
ಆಟಗಾರರ ಮೂಲ ಬೆಲೆ ಎಷ್ಟು?
ಐಪಿಎಲ್ ಹರಾಜಿನಲ್ಲಿ ಕಾಣಿಸಿಕೊಳ್ಳಲಿರುವ 350 ಆಟಗಾರರಲ್ಲಿ 40 ಮಂದಿ ತಮ್ಮ ಮೂಲ ಬೆಲೆ 2 ಕೋಟಿ ರೂ. ಎಂದು ಘೋಷಿಸಿದ್ದಾರೆ. ಇನ್ನು 9 ಆಟಗಾರರ ಬೇಸ್ ಪ್ರೈಸ್ 1.50 ಕೋಟಿ ರೂ. ಹಾಗೆಯೇ 4 ಆಟಗಾರರು 1.25 ಕೋಟಿ ರೂ. ಮೂಲ ಬೆಲೆ ಘೋಷಿಸಿದ್ದಾರೆ.
17 ಆಟಗಾರರು 1 ಕೋಟಿ ರೂ. ಮೂಲ ಬೆಲೆಯೊಂದಿಗೆ ಕಾಣಿಸಿಕೊಂಡರೆ, 42 ಆಟಗಾರರು ತಮ್ಮ ಆರಂಭಿಕ ಬೆಲೆ 75 ಲಕ್ಷ ರೂ. ಎಂದು ತಿಳಿಸಿದ್ದಾರೆ. ಹಾಗೆಯೇ 50 ಲಕ್ಷ ರೂ. ಮೂಲ ಬೆಲೆ ಹೊಂದಿರುವ 4 ಆಟಗಾರರು, 40 ಲಕ್ಷ ರೂ. ಮೂಲ ಬೆಲೆ ಘೋಷಿಸಿರುವ 7 ಆಟಗಾರರು ಈ ಪಟ್ಟಿಯಲ್ಲಿದ್ದಾರೆ. ಇದಲ್ಲದೆ 30 ಲಕ್ಷ ರೂ. ಮೂಲ ಬೆಲೆಯೊಂದು 227 ಆಟಗಾರರ ಹೆಸರು ಕಾಣಿಸಿಕೊಂಡಿದೆ.
| ಕ್ರ. ಸಂಖ್ಯೆ | ಮೂಲ ಬೆಲೆ | ಆಟಗಾರರ ಸಂಖ್ಯೆ |
| 1 | 2 ಕೋಟಿ ರೂ. | 40 |
| 2 | 1.50 ಕೋಟಿ ರೂ. | 9 |
| 3 | 1.25 ಕೋಟಿ ರೂ. | 4 |
| 4 | 1 ಕೋಟಿ ರೂ. | 17 |
| 5 | 75 ಲಕ್ಷ ರೂ. | 42 |
| 6 | 50 ಲಕ್ಷ ರೂ. | 4 |
| 7 | 40 ಲಕ್ಷ ರೂ. | 7 |
| 8 | 30 ಲಕ್ಷ ರೂ. | 227 |
| ಒಟ್ಟು ಆಟಗಾರರು | 350 |
ಎಷ್ಟು ಆಟಗಾರರಿಗೆ ಅವಕಾಶ?
ಈ ಬಾರಿ ನಡೆಯಲಿರುವುದು ಮಿನಿ ಹರಾಜು. ಹೀಗಾಗಿ ಕೆಲವೇ ಕೆಲವು ಆಟಗಾರರಿಗೆ ಮಾತ್ರ ಅವಕಾಶ ದೊರೆಯಲಿದೆ. ಅಂದರೆ 10 ಫ್ರಾಂಚೈಸಿಗಳಲ್ಲಿ ಖಾಲಿ ಇರುವ ಒಟ್ಟು ಸ್ಥಾನಗಳ ಸಂಖ್ಯೆ 77. ಎಲ್ಲಾ ಫ್ರಾಂಚೈಸಿಗಳು 25 ಸದಸ್ಯರುಗಳ ತಂಡವನ್ನು ರೂಪಿಸಿದರೆ ಮಾತ್ರ 77 ಆಟಗಾರರಿಗೆ ಅವಕಾಶ ದೊರೆಯಲಿದೆ. ಅಂದರೆ 273 ಆಟಗಾರರು ಅವಕಾಶ ವಂಚಿತರಾಗುವುದು ಖಚಿತ. ಇನ್ನು ಹರಾಜಿಗಾಗಿ ಆಯ್ಕೆಯಾಗಿರುವ ಆಟಗಾರರ ಸಂಪೂರ್ಣ ಪಟ್ಟಿ ವೀಕ್ಷಿಸಲು ಇಲ್ಲಿ ಕ್ಲಿಕ್ ಮಾಡಿ.
Published On - 10:09 am, Tue, 9 December 25