CSK vs SRH, IPL 2021 Match 23 Result: ಡುಪ್ಲೆಸಿಸ್- ಗಾಯಕ್​ವಾಡ್ ಭರ್ಜರಿ ಬ್ಯಾಟಿಂಗ್; ಚೆನ್ನೈಗೆ 7 ವಿಕೆಟ್ ಜಯ!

ಸನ್​ರೈಸರ್ಸ್ ಹೈದರಾಬಾದ್ ತಂಡದ ವಿರುದ್ಧ ಚೆನ್ನೈ ಸೂಪರ್ ಕಿಂಗ್ಸ್ 7 ವಿಕೆಟ್​ಗಳ ಗೆಲುವು ದಾಖಲಿಸಿದೆ.

ಚೆನ್ನೈ ಸೂಪರ್ ಕಿಂಗ್ಸ್ 18 ಓವರ್​ಗೆ 3 ವಿಕೆಟ್ ಕಳೆದುಕೊಂಡು 167 ರನ್ ದಾಖಲಿಸಿದೆ. ಚೆನ್ನೈ ಪರ ಜಡೇಜಾ ಹಾಗೂ ರೈನಾ ಬ್ಯಾಟ್ ಬೀಸುತ್ತಿದ್ದಾರೆ. ತಂಡ ಗೆಲುವಿನ ಸನಿಹದಲ್ಲಿದೆ. ಗೆಲ್ಲಲು 12 ಬಾಲ್​ಗೆ ಕೇವಲ 5 ರನ್ ಬೇಕಿದೆ.

ಚೆನ್ನೈ ಸೂಪರ್ ಕಿಂಗ್ಸ್ ಗೆಲ್ಲಲು 18 ಬಾಲ್​ಗೆ 14 ರನ್ ಬೇಕಿದೆ. ಜಡೇಜಾ ಹಾಗೂ ಸುರೇಶ್ ರೈನಾ ಬ್ಯಾಟಿಂಗ್ ಮಾಡುತ್ತಿದ್ದಾರೆ.

56 ರನ್​ಗಳಿಸಿದ್ದ ಡು ಪ್ಲೆಸಿಸ್​ ರಶೀದ್​ ಅವರ ಗೂಗ್ಲಿ ಬಾಲ್​ಗೆ ಕ್ಲೀನ್ LBW ಬಲೆಗೆ ಬಿದ್ದಿದ್ದಾರೆ. ಔಟಾಗುವುದಕ್ಕೂ ಮುನ್ನ ಡು ಪ್ಲೆಸಿಸ್ 6 ಬೌಂಡರಿ ಹಾಗೂ 1 ಸಿಕ್ಸರ್ ಬಾರಿಸಿದ್ದರು.

ಆರಂಭದಿಂದಲೂ ವಿಕೆಟ್​ ಕಳೆದುಕೊಳ್ಳದೆ ಅತ್ಯುತ್ತಮ ಬ್ಯಾಟಿಂಗ್ ಮಾಡಿದ ಡುಪ್ಲೆಸಿಸ್ ಹಾಗೂ ರುತುರಾಜ್​ ಅವರ ಜೊತೆಯಾಟಕ್ಕೆ ಬ್ರೇಕ್ ಬಿದ್ದಿದೆ. 75 ರನ್ ಗಳಿಸಿದ್ದ ರುತುರಾಜ್ ರಶೀದ್ ಬೌಲಿಂಗ್​ನಲ್ಲಿ ಕ್ಲಿನ್ ಬೌಲ್ಡ್ ಆಗಿದ್ದಾರೆ.

ಆರಂಬಿಕ ಜೋಡಿಗಳ ಅದ್ಭುತ ಆಟದಿಂದಾಗಿ ಯಾವುದೇ ವಿಕೆಟ್ ನಷ್ಟವಿಲ್ಲದೆ ಚೆನ್ನೈ ಶತಕ ಪೂರೈಸಿದೆ. ಜೊತೆಗೆ ಆರಂಭಿಕ ಆಟಗಾರ ಡುಪ್ಲೆಸಿಸ್ ಅರ್ಧ ಶತಕ ಕೂಡ ಸಿಡಿಸಿದ್ದಾರೆ.

8 ಓವರ್​ಗಳ ಅಂತ್ಯಕ್ಕೆ ಚೆನ್ನೈ ಸೂಪರ್ ಕಿಂಗ್ಸ್ ವಿಕೆಟ್ ನಷ್ಟವಿಲ್ಲದೆ 67 ರನ್ ದಾಖಲಿಸಿದೆ. ಡುಪ್ಲೆಸಿಸ್ 35 ಹಾಗೂ ಗಾಯಕ್​ವಾಡ್ 38 ರನ್ ಪೇರಿಸಿದ್ದಾರೆ.

ಚೆನ್ನೈ ಸೂಪರ್ ಕಿಂಗ್ಸ್ 6 ಓವರ್​ಗಳ ಅಂತ್ಯಕ್ಕೆ ವಿಕೆಟ್ ನಷ್ಟವಿಲ್ಲದೆ 50 ರನ್ ದಾಖಲಿಸಿದೆ. ಡುಪ್ಲೆಸಿಸ್ 19 ಬಾಲ್​ಗೆ 32 ರನ್ ಪೇರಿಸಿದ್ದಾರೆ. ಗಾಯಕ್​ವಾಡ್ 17 ಬಾಲ್​ಗೆ 17 ರನ್ ಬಾರಿಸಿ ಕಣದಲ್ಲಿದ್ದಾರೆ.

ಚೆನ್ನೈ ಸೂಪರ್ ಕಿಂಗ್ಸ್ ಪರ ಫಫ್ ಡುಪ್ಲೆಸಿಸ್ ವೇಗದ ಆಟ ಆಡುತ್ತಿದ್ದಾರೆ. 4 ಓವರ್​ಗಳ ಅಂತ್ಯಕ್ಕೆ ಚೆನ್ನೈ ವಿಕೆಟ್ ಕಳೆದುಕೊಳ್ಳದೆ 31 ರನ್ ದಾಖಲಿಸಿದೆ. ಡುಪ್ಲೆಸಿಸ್ 13 ಬಾಲ್​ಗೆ 3 ಬೌಂಡರಿ ಸಹಿತ 21 ರನ್ ದಾಖಲಿಸಿದ್ದಾರೆ. ಗಾಯಕ್​ವಾಡ್ ಕ್ರೀಸ್​ನಲ್ಲಿದ್ದಾರೆ. ಗೆಲ್ಲಲು 141 ರನ್ ಬೇಕಿದೆ.

ಚೆನ್ನೈ ಸೂಪರ್ ಕಿಂಗ್ಸ್ ಪರ ಫಫ್ ಡುಪ್ಲೆಸಿಸ್ ಹಾಗೂ ಋತುರಾಜ್ ಗಾಯಕ್​ವಾಡ್ ಬ್ಯಾಟಿಂಗ್ ಆರಂಭಿಸಿದ್ದಾರೆ. 2 ಓವರ್ ಅಂತ್ಯಕ್ಕೆ ವಿಕೆಟ್ ನಷ್ಟವಿಲ್ಲದೆ 15 ರನ್ ದಾಖಲಿಸಿದ್ದಾರೆ.

ನಿಗದಿತ 20 ಓವರ್​ಗಳ ಅಂತ್ಯಕ್ಕೆ ಸನ್​ರೈಸರ್ಸ್ ಹೈದರಾಬಾದ್ ತಂಡ 3 ವಿಕೆಟ್ ಕಳೆದುಕೊಂಡು 171 ರನ್ ದಾಖಲಿಸಿದೆ. ಈ ಮೂಲಕ ಚೆನ್ನೈ ಸೂಪರ್ ಕಿಂಗ್ಸ್​ಗೆ ಗೆಲ್ಲಲು 172 ರನ್ ಟಾರ್ಗೆಟ್ ನೀಡಿದೆ. ಕೇನ್ ವಿಲಿಯಮ್ಸನ್ ಹಾಗೂ ಕೇದಾರ್ ಜಾಧವ್ ಅಂತಿಮ ಓವರ್​ಗಳಲ್ಲಿ ವೇಗದ ಆಟವಾಡಿ ತಂಡದ ಮೊತ್ತ ಹೆಚ್ಚಿಸಿದ್ದಾರೆ. ವಿಲಿಯಮ್ಸನ್ 10 ಬಾಲ್​ಗೆ 4 ಬೌಂಡರಿ, 1 ಸಿಕ್ಸರ್ ಸಹಿತ 26 ರನ್, ಜಾಧವ್ 4 ಬಾಲ್​ಗೆ 1 ಬೌಂಡರಿ ಹಾಗೂ ಸಿಕ್ಸರ್ ಮೂಲಕ 12 ರನ್ ಪೇರಿಸಿದ್ದಾರೆ.

ಸನ್​ರೈಸರ್ಸ್ ಪರ ಉತ್ತಮ ಜೊತೆಯಾಟ ನೀಡಿದ್ದ ವಾರ್ನರ್- ಪಾಂಡೆ ಇಬ್ಬರೂ ಕೂಡ ವಿಕೆಟ್ ಒಪ್ಪಿಸಿದ್ದಾರೆ. ಎನ್​ಗಿಡಿ ಬಾಲ್​ಗೆ ಡುಪ್ಲೆಸಿಸ್​ಗೆ ಕ್ಯಾಚ್ ನೀಡಿ ನಿರ್ಗಮಿಸಿದ್ದಾರೆ. ಮನೀಶ್ ಪಾಂಡೆ 46 ಬಾಲ್​ಗೆ 61 ರನ್ ಗಳಿಸಿ ಔಟ್ ಆಗಿದ್ದಾರೆ. ಸನ್​ರೈಸರ್ಸ್ ತಂಡ 18 ಓವರ್​ಗಳ ಅಂತ್ಯಕ್ಕೆ 3 ವಿಕೆಟ್ ಕಳೆದುಕೊಂಡು 138 ರನ್ ದಾಖಲಿಸಿದೆ.

55 ಬಾಲ್​ಗೆ 57 ರನ್ ಗಳಿಸಿ ಡೇವಿಡ್ ವಾರ್ನರ್ ಔಟ್ ಆಗಿದ್ದಾರೆ. ಎನ್​ಗಿಡಿ ಬೌಲಿಂಗ್​ಗೆ ಜಡೇಜಾಗೆ ಕ್ಯಾಚ್ ನೀಡಿ ವಾರ್ನರ್ ನಿರ್ಗಮಿಸಿದ್ದಾರೆ.

ಸನ್​ರೈಸರ್ಸ್ ಹೈದರಾಬಾದ್ ತಂಡ 17 ಓವರ್​ಗಳ ಅಂತ್ಯಕ್ಕೆ 1 ವಿಕೆಟ್ ಕಳೆದುಕೊಂಡು 128 ರನ್ ದಾಖಲಿಸಿದೆ. ವಾರ್ನರ್- ಪಾಂಡೆ ಜೋಡಿ ಆಟ ಚೆನ್ನೈ ಬೌಲರ್​ಗಳನ್ನು ಸುಸ್ತಾಗಿಸಿದೆ. ಶಿಸ್ತುಬದ್ಧ ಬ್ಯಾಟಿಂಗ್​ನಿಂದ ಉತ್ತಮ ಟಾರ್ಗೆಟ್ ಪೇರಿಸುವತ್ತ ಸನ್​ರೈಸರ್ಸ್ ಮುನ್ನುಗ್ಗುತ್ತಿದೆ. ಈ ನಡುವೆ ಡೇವಿಡ್ ವಾರ್ನರ್ ಐಪಿಎಲ್​ನಲ್ಲಿ 50 ಅರ್ಧಶತಕಗಳನ್ನು ದಾಖಲಿಸಿದ್ದಾರೆ. ಈ ಸಾಧನೆ ಮಾಡಿದ ಮೊದಲ ಆಟಗಾರನಾಗಿ ವಾರ್ನರ್ ಹೊರಹೊಮ್ಮಿದ್ದಾರೆ.

ಸನ್​ರೈಸರ್ಸ್ ಹೈದರಾಬಾದ್ ನಾಯಕ ಡೇವಿಡ್ ವಾರ್ನರ್ ಅರ್ಧಶತಕ ಪೂರೈಸಿದ್ದಾರೆ. 50 ಬಾಲ್​ಗೆ 2 ಸಿಕ್ಸ್ ಹಾಗೂ 3 ಬೌಂಡರಿ ಸಹಿತ 55 ರನ್ ಪೇರಿಸಿ ಆಡುತ್ತಿದ್ದಾರೆ. ಸನ್​ರೈಸರ್ಸ್ ಹೈದರಾಬಾದ್ 16 ಓವರ್​ಗಳ ಅಂತ್ಯಕ್ಕೆ 1 ವಿಕೆಟ್ ಕಳೆದುಕೊಂಡು 121 ರನ್ ದಾಖಲಿಸಿದೆ.

ಸನ್​ರೈಸರ್ಸ್ ಹೈದರಾಬಾದ್ ಪರ ಆಕರ್ಷಕ ಆಟ ಆಡುತ್ತಿರುವ ಮನೀಶ್ ಪಾಂಡೆ ಅರ್ಧಶತಕ ಪೂರೈಸಿದ್ದಾರೆ. 35 ಬಾಲ್​ಗೆ 4 ಬೌಂಡರಿ ಹಾಗೂ 1 ಸಿಕ್ಸರ್ ಸಹಿತ 50 ರನ್ ದಾಖಲಿಸಿದ್ದಾರೆ. ಡೇವಿಡ್ ವಾರ್ನರ್ 39 ರನ್ ಗಳಿಸಿ ಕ್ರೀಸ್ ಕಾಯ್ದುಕೊಂಡಿದ್ದಾರೆ. ಹೈದರಾಬಾದ್ ತಂಡ 14 ಓವರ್​ಗೆ 1 ವಿಕೆಟ್ ಕಳೆದುಕೊಂಡು 102 ರನ್ ದಾಖಲಿಸಿದೆ.

ಡೇವಿಡ್ ವಾರ್ನರ್ ಹಾಗೂ ಮನೀಶ್ ಪಾಂಡೆ ಜವಾಬ್ದಾರಿಯುತ ಬ್ಯಾಟಿಂಗ್ ಸಹಾಯದಿಂದ ಸನ್​ರೈಸರ್ಸ್ ಹೈದರಾಬಾದ್ ತಂಡ 12 ಓವರ್​ಗಳ ಅಂತ್ಯಕ್ಕೆ 1 ವಿಕೆಟ್ ಕಳೆದುಕೊಂಡು 82 ರನ್ ದಾಖಲಿಸಿದೆ.

ಸನ್​ರೈಸರ್ಸ್ ಹೈದರಾಬಾದ್ 10 ಓವರ್​ಗಳ ಅಂತ್ಯಕ್ಕೆ 1 ವಿಕೆಟ್ ಕಳೆದುಕೊಂಡು 69 ರನ್ ದಾಖಲಿಸಿದೆ. ವಾರ್ನರ್- ಪಾಂಡೆ ಜೊತೆಯಾಟ ಮುಂದುವರಿದಿದೆ. ಮೊದಲ ವಿಕೆಟ್ ಬಳಿಕ ಮತ್ತೆ ವಿಕೆಟ್ ಕೀಳುವಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಸಫಲವಾಗಿಲ್ಲ.

ಸನ್​ರೈಸರ್ಸ್ ಹೈದರಾಬಾದ್ ತಂಡ 8 ಓವರ್​ಗಳ ಅಂತ್ಯಕ್ಕೆ 1 ವಿಕೆಟ್ ಕಳೆದುಕೊಂಡು 54 ರನ್ ದಾಖಲಿಸಿದೆ. ಡೇವಿಡ್ ವಾರ್ನರ್ 27 (30) ಹಾಗೂ ಮನೀಶ್ ಪಾಂಡೆ 17 (13) ಆಟವಾಡುತ್ತಿದ್ದಾರೆ. ಕೇನ್ ವಿಲಿಯಮ್ಸನ್, ಕೇದಾರ್ ಜಾಧವ್, ವಿಜಯ್ ಶಂಕರ್ ಬ್ಯಾಟಿಂಗ್​ಗೆ ಬಾಕಿ ಇದ್ದಾರೆ.

6 ಓವರ್​ಗಳ ಅಂತ್ಯಕ್ಕೆ ಸನ್​ರೈಸರ್ಸ್ ಹೈದರಾಬಾದ್ ತಂಡ 39 ರನ್ ಗಳಿಸಿ 1 ವಿಕೆಟ್ ಕಳೆದುಕೊಂಡಿದೆ. ನಾಯಕ ಡೇವಿಡ್ ವಾರ್ನರ್ ಹಾಗೂ ಮನೀಶ್ ಪಾಂಡೆ ಕ್ರೀಸ್​ನಲ್ಲಿದ್ದಾರೆ.

ಸನ್​ರೈಸರ್ಸ್ ಹೈದರಾಬಾದ್ ತಂಡದ ಮೊದಲ ವಿಕೆಟ್ ಪತನವಾಗಿದೆ. ಜಾನಿ ಬೇರ್​ಸ್ಟೋ 5 ಬಾಲ್​ಗೆ 7 ರನ್ ಗಳಿಸಿ ನಿರ್ಗಮಿಸಿದ್ದಾರೆ. ಸ್ಯಾಮ್ ಕುರ್ರನ್ ಬೌಲಿಂಗ್​ಗೆ ದೀಪಕ್ ಚಹರ್ ಕ್ಯಾಚ್ ಪಡೆದು ಬೇರ್​ಸ್ಟೋ ಔಟ್ ಮಾಡಿದ್ದಾರೆ. ಸನ್​ರೈಸರ್ಸ್ ತಂಡ 4 ಓವರ್​ಗಳ ಅಂತ್ಯಕ್ಕೆ 1 ವಿಕೆಟ್ ಕಳೆದುಕೊಂಡು 25 ರನ್ ದಾಖಲಿಸಿದೆ.

ಮೂರನೇ ಓವರ್ ಅಂತ್ಯಕ್ಕೆ ಸನ್​ರೈಸರ್ಸ್ ಹೈದರಾಬಾದ್ ತಂಡ ವಿಕೆಟ್ ನಷ್ಟವಿಲ್ಲದೆ 20 ರನ್ ದಾಖಲಿಸಿದೆ. ಡೇವಿಡ್ ವಾರ್ನರ್ ಹಾಗೂ ಜಾನಿ ಬೇರ್​​ಸ್ಟೋ ಬ್ಯಾಟಿಂಗ್ ಮಾಡುತ್ತಿದ್ದಾರೆ. 3 ಓವರ್​ಗಳ ಅಂತ್ಯಕ್ಕೆ 2 ಬೌಂಡರಿಗಳು ಸನ್​ರೈಸರ್ಸ್ ದಾಂಡಿಗರಿಂದ ಸಿಡಿದಿವೆ.

ಸನ್​ರೈಸರ್ಸ್ ಹೈದರಾಬಾದ್ ತಂಡ ಬ್ಯಾಟಿಂಗ್ ಆರಂಭಿಸಿದೆ. ಡೇವಿಡ್ ವಾರ್ನರ್ ಹಾಗೂ ಜಾನಿ ಬೇರ್​​ಸ್ಟೋ ಬ್ಯಾಟಿಂಗ್ ಮಾಡುತ್ತಿದ್ದಾರೆ. ದೀಪಕ್ ಚಹರ್ ಮೊದಲ ಓವರ್ ಬೌಲಿಂಗ್ ಮಾಡಿದ್ದಾರೆ.

ಡೇವಿಡ್ ವಾರ್ನರ್ (ನಾಯಕ), ಜಾನಿ ಬೈರ್‌ಸ್ಟೋವ್ (ವಿಕೆಟ್ ಕೀಪರ್), ಕೇನ್ ವಿಲಿಯಮ್ಸನ್, ಮನೀಶ್ ಪಾಂಡೆ, ಕೇದಾರ್ ಜಾಧವ್, ವಿಜಯ್ ಶಂಕರ್, ರಶೀದ್ ಖಾನ್, ಜಗದೀಶ್ ಸುಚಿತ್, ಸಂದೀಪ್ ಶರ್ಮಾ, ಖಲೀಲ್ ಅಹ್ಮದ್, ಸಿದ್ದಾರ್ಥ್ ಕೌಲ್

ಋತುರಾಜ್ ಗಾಯಕ್ವಾಡ್, ಫಫ್ ಡು ಪ್ಲೆಸಿಸ್, ಮೊಯೀನ್ ಅಲಿ, ಸುರೇಶ್ ರೈನಾ, ಅಂಬಟಿ ರಾಯುಡು, ಎಂ.ಎಸ್.ಧೋನಿ (ನಾಯಕ/ ವಿಕೆಟ್ ಕೀಪರ್), ರವೀಂದ್ರ ಜಡೇಜಾ, ಸ್ಯಾಮ್ ಕುರ್ರನ್, ಶಾರ್ದುಲ್ ಠಾಕೂರ್, ಲುಂಗಿ ಎನ್‌ಗಿಡಿ, ದೀಪಕ್ ಚಹರ್

ಎರಡೂ ತಂಡಗಳು ತಮ್ಮ ಪ್ಲೇಯಿಂಗ್ ಇಲೆವೆನ್​ನಲ್ಲಿ ಬದಲಾವಣೆ ಮಾಡಿಕೊಂಡಿವೆ.

ಟಾಸ್ ಗೆದ್ದ ಸನ್​ರೈಸರ್ಸ್ ಹೈದರಾಬಾದ್ ತಂಡ ಬ್ಯಾಟಿಂಗ್ ಆಯ್ದುಕೊಂಡಿದೆ. ಚೆನ್ನೈ ಸೂಪರ್ ಕಿಂಗ್ಸ್ ಮೊದಲು ಬೌಲಿಂಗ್ ಮಾಡಲಿದೆ.