PBKS vs KKR, IPL 2021 Match 21 Result: ಸುಲಭವಾಗಿ ಗೆದ್ದ ಕೋಲ್ಕತ್ತಾ; ಸೋಲಿನ ಸುಳಿಗೆ ಮತ್ತೆ ಸಿಲುಕಿದ ಪಂಜಾಬ್

ಪಂಜಾಬ್ ಕಿಂಗ್ಸ್ ಹಾಗೂ ಕೋಲ್ಕತ್ತಾ ನೈಟ್ ರೈಡರ್ಸ್ ನಡುವಿನ ಐಪಿಎಲ್ 2021 ಟೂರ್ನಿಯ 21ನೇ ಪಂದ್ಯವು ಇಂದು ಅಹಮದಾಬಾದ್​ನಲ್ಲಿ ನಡೆಯಿತು. ಸೋಲಿನ ಸುಳಿಗೆ ಸಿಲುಕಿದ ಕೋಲ್ಕತ್ತಾ ಪಂಜಾಬ್ ವಿರುದ್ಧ 5 ವಿಕೆಟ್​ಗಳ ಭರ್ಜರಿ ಜಯ ಸಾಧಿಸಿದೆ.

ಗೆಲುವಿನ ಸನಿಹದಲ್ಲಿ ಕೆಕೆಆರ್​ ಆಟಗಾರರು ಎಡವುದಿದ್ದಾರೆ. ಪಂದ್ಯವನ್ನು ಸುಲಭವಾಗಿ ಗೆಲ್ಲುವ ಅವಕಾಶವಿದ್ದರು ಕೋಲ್ಕತ್ತಾ ಆಟಗಾರರು ಇಲ್ಲದ ರನ್ ಕದಿಯಲು ಹೋಗಿ ರನ್​ಔಟ್​ ಆಗಿದ್ದಾರೆ.

14ನೇ ಓವರ್ ಎಸೆಯುತ್ತಿರುವ ಜೋರ್ಡಾನ್ ಅವರ 4ನೇ ಎಸೆತವನ್ನು ರಸೆಲ್ ಕೀಪರ್​ ಹಿಂದೆ ಬೌಂಡರಿ ಬಾರಿಸಿದ್ದಾರೆ. ಪಂಜಾಬ್ ನಾಯಕ ರಾಹುಲ್​ಗೆ ಕೆಕೆಆರ್​ ಆಟಗಾರರ ರನ್​ ವೇಗಕ್ಕೆ ಕಡಿವಾಣ ಹಾಕುವುದು ದೊಡ್ಡ ತಲೆನೋವಾಗಿದೆ.

ಮೋರ್ಗನ್ ಜೊತೆ ಗೆಲುವಿನ ಆಟ ಆಡುತ್ತಿದ್ದ ತ್ರಿಪಾಠಿ 41 ರನ್​ ಗಳಿಸಿ ಔಟಾಗಿದ್ದಾರೆ. ಆದರೆ ಗೆಲುವಿನ ಲೆಕ್ಕಾಚಾರ ಈಗ ಕೋಲ್ಕತ್ತಾ ಪರವಾಗಿದೆ. ನಾಯಕ ಮೋರ್ಗನ್ ಜೊತೆ ಈಗ ರಸೆಲ್ ಜೊತೆಯಾಗಿದ್ದಾರೆ

ಮೋರ್ಗನ್ ಹಾಗೂ ರಾಹುಲ್ ಉತ್ತಮ ಜೊತೆಯಾಟ ಆಡುತ್ತಿದ್ದಾರೆ. ಈ ಜೋಡಿ 50 ರನ್​ಗಳ ಜೊತೆಯಾಟ ಸಹ ಆಡಿದೆ. ಈಗಾಗಲೇ ಗೆಲುವಿನ ಸನಿಹಕ್ಕೆ ತಂಡ ಬಂದು ನಿಂತಿದೆ. ವಿಕೆಟ್​ ತೆಗೆಯದೆ ಹೋದರೆ ಪಂಜಾಬ್​​ಗೆ ಸೋಲು ಕಟ್ಟಿಟ್ಟ ಬುತ್ತಿಯಾಗಿದೆ.

ಆರಂಭದಲ್ಲಿ ವಿಕೆಟ್​ ಕಳೆದುಕೊಂಡಿದ್ದರು ಸಹ ಕೆಕೆಆರ್​ ನಂತರದಲ್ಲಿ ಉತ್ತಮ ಬ್ಯಾಟಿಂಗ್ ಆಡುತ್ತಿದೆ. ನಾಯಕ ಮೋರ್ಗನ್​ ಜೊತೆಗೂಡಿರುವ ತ್ರಿಪಾಠಿ ಉತ್ತಮ ಬ್ಯಾಟಿಂಗ್ ಮಾಡುತ್ತಿದ್ದಾರೆ. ಈ ಜೋಡಿ ತಂಡವನ್ನು 50 ರನ್​ಗಳ ಗಡಿ ಸಹ ದಾಟಿಸಿದೆ.

ಪ್ರಮುಖ 3 ವಿಕೆಟ್​ ಕಳೆದುಕೊಂಡಿದ್ದರು ಸಹ ರಾಹುಲ್ ತ್ರಿಪಾಠಿ ತಮ್ಮ ನೈಜ ಆಟವನ್ನು ಮುಂದುವರೆಸಿದ್ದಾರೆ. ಹರ್ಷ್​ದೀಪ್​ ಓವರ್​ನಲ್ಲಿ ರಾಹುಲ್​ ಬೌಂಡರಿ ಬಾರಿಸಿದರು. ಅದ್ಭುತ ಕ್ಯಾಚ್ ಹಿಡಿದಿದ್ದ ಬಿಷ್ಣೋಯಿ, ಕಳಪೆ ಫಿಲ್ಡಿಂಗ್​ನಿಂದಾಗಿ ಬೌಂಡರಿ ಗಳಿಸಿದರು.

ಪ್ರಮುಖ 3 ವಿಕೆಟ್​ ಕಳೆದುಕೊಂಡ ಬಳಿಕ ಬ್ಯಾಟಿಂಗ್​ಗೆ ಇಳಿದಿರುವ ನಾಯಕ ಮೋರ್ಗನ್​ ತಮ್ಮ ಖಾತೆಯನ್ನು ರನ್ ಮೂಲಕ ತೆರೆದಿದ್ದಾರೆ. ಶಮಿ ಎಸೆತವನ್ನು ಮೋರ್ಗನ್​ ಸಿಕ್ಸರ್​ಗೆ ಅಟ್ಟಿದರು.

ಕೋಲ್ಕತ್ತಾ ಕತೆ ಸಹ ಪಂಜಾಬ್ ಹೊರತಾಗಿಲ್ಲ. ಆರಂಭದಿಂದಲೇ ಕೋಲ್ಕತ್ತಾ ಸಹ ವಿಕೆಟ್​ ಕಳೆದುಕೊಳ್ಳಲು ಆರಂಭಿಸಿದೆ. ಈಗಾಗಲೇ ರಾಣಾ, ಗಿಲ್ ಕಳೆದುಕೊಂಡಿದ್ದ ತಂಡಕ್ಕೆ ಮತ್ತೊಮ್ಮೆ ಆಘಾತವಾಗಿದೆ. ಯಾವುದೇ ರನ್ ಗಳಿಸದೆ ನರೈನ್ ವಿಕೆಟ್​ ಒಪ್ಪಿಸಿದ್ದಾರೆ. ರವಿ ಬಿಷ್ಣೋಯಿ ಅದ್ಭುತ ಕ್ಯಾಚ್​ ಹಿಡಿದು ನರೈನ್​ ಬಲಿಗೆ ಕಾರಣರಾದರು.

ಪಂಜಾಬ್ ಬೌಲರ್​ಗಳು ಕರಾರುವಕ್ಕಾದ ಬೌಲಿಂಗ್ ಆರಂಭಿಸಿದ್ದಾರೆ. ಮೊದಲ ಓವರ್​ನಲ್ಲಿ ರಾಣಾ ಶೂನ್ಯಕ್ಕೆ ಔಟಾದರೆ, 2ನೇ ಓವರ್​ನಲ್ಲಿ ಗಿಲ್​ ಅವರನ್ನು ಶಮಿ ಕ್ಲಿನ್​ ಎಲ್​ಬಿಡ್ಬ್ಲ್ಯೂ ಬಲೆಗೆ ಬಿದ್ದಿದ್ದಾರೆ. ಈ ಮೂಲಕ ಕೆಕೆಆರ್​ನ 2ನೇ ವಿಕೆಟ್​ ಉರುಳಿದೆ.

ಬ್ಯಾಟಿಂಗ್ ಆರಂಭಿಸಿರುವ ಕೋಲ್ಕತ್ತಾಗೆ ಆಘಾತ ಎದುರಾಗಿದೆ. ಹೆನ್ರಿಕ್ಸ್​ ಎಸೆದ ಮೊದಲ ಓವರ್​ನಲ್ಲಿ ಖಾತೆ ತೆರೆಯದೆ ಕೋಲ್ಕತ್ತಾದ ಆರಂಭಿಕ ಆಟಗಾರ ರಾಣಾ ಔಟಾಗಿದ್ದಾರೆ.

ಪಂಜಾಬ್ ನೀಡಿರುವ ಅಲ್ಪಮೊತ್ತವನ್ನು ಬೆನ್ನಟ್ಟಿರುವ ಕೆಕೆಆರ್​ ತಂಡದ ಗಿಲ್ ಹಾಗೂ ರಾಣಾ ಉತ್ತಮ ಆರಂಭ ಪಡೆದಿದ್ದಾರೆ. ತಾವು ಎದುರಿಸಿದ ಮೊದಲ ಎಸೆತವನ್ನೇ ಗಿಲ್ ಬೌಂಡರಿಗಟ್ಟಿದ್ದಾರೆ.

ತನ್ನ ಇನ್ನಿಂಗ್ಸ್​ನ ಎಲ್ಲಾ ಓವರ್​ಗಳನ್ನು ಮುಗಿಸಿರುವ ಪಂಜಾಬ್ ಕೋಲ್ಕತ್ತಾಕ್ಕೆ ಗೆಲ್ಲಲು 124 ರನ್​ಗಳ ಗುರಿ ನೀಡಿದೆ. ಅಂತಿಮ ಓವರ್​ಗಳಲ್ಲಿ ಜೋರ್ಡಾನ್ ಅವರ ಪ್ರಮುಖ 2 ಸಿಕ್ಸರ್​ಗಳ ನೆರವಿನಿಂದಾಗಿ ಪಂಜಾಬ್ ಶತಕ ಪೂರ್ಣಗೊಳಿಸಲು ಕಾರಣವಾಯ್ತು.

ಅಂತಿಮ ಓವರ್​ಗಳಲ್ಲಿ ಪಂಜಾಬ್​ ತಂಡ ಕೊಂಚ ಲಯಕ್ಕೆ ಮರಳಿದೆ. ತಂಡದ ಆಲ್​ರೌಂಡರ್​ ಜೋರ್ಡಾನ್ ಅಂತಿಮ ಓವರ್​ಗಳಲ್ಲಿ ಸಿಕ್ಸರ್​ ಸಿಡಿಸಲು ಆರಂಭಿಸಿದ್ದಾರೆ. ಅಂತಿಮ ಓವರ್​ ಬ್ಯಾಟಿಂಗ್ ಮಾಡುತ್ತಿರುವ ಜೋರ್ಡಾನ್ ಮೊದಲ ಎಸೆತದಲ್ಲೆ ಸಿಕ್ಸರ್ ಸಿಡಿಸಿದ್ದಾರೆ.

8 ವಿಕೆಟ್​ ಕಳೆದುಕೊಂಡು ಅಲ್ಪ ರನ್​ಗಳಿಗೆ ಸೊರಗುತ್ತಿರುವ ಪಂಜಾಬ್ 100 ರನ್​ ಪೂರ್ಣಗೊಳಿಸಿದೆ. ಆದರೆ ಈಗಾಗಲೆ ಪ್ರಮುಖ ವಿಕೆಟ್​ಗಳು ಉರುಳಿದ್ದು, 19ನೇ ಓವರ್​ ಚಾಲ್ತಿಯಲ್ಲಿದೆ.

ಒಂದು ಭರ್ಜರಿ ಸಿಕ್ಸರ್ ಸಿಡಿಸಿ ತಂಡಕ್ಕೆ ರನ್ ಹೆಚ್ಚಿಸುತ್ತಿದ್ದ ಶಾರುಖ್ ಖಾನ್, ಕನ್ನಡಿಗ ಪ್ರಸಿದ್ದ್ ಕೃಷ್ಣ ಬೌಲಿಂಗ್​ನಲ್ಲಿ ಬಿಗ್​ ಶಾಟ್​ಗೆ ಯತ್ನಿಸಿ ವಿಕೆಟ್ ಕೈಚೆಲ್ಲಿದ್ದಾರೆ.ವಿಕೆಟ್​ಗೂ ಮುನ್ನ ಶಾರುಖ್ 13 ರನ್​ ಗಳಿಸಿದ್ದರು.

ಆರಂಭದಿಂದಲೂ ಪೆವಿಲಿಯನ್ ಪರೆಡ್​ ನಡೆಸುತ್ತಿರುವ ಪಂಜಾಬ್ ದಾಂಡಿಗರು ತಾವು ಬ್ಯಾಟಿಂಗ್​ಗೆ ಬಂದಷ್ಟೇ ವೇಗವಾಗಿ ಕ್ರಿಸ್​ಗೆ ಮರಳುತ್ತಿದ್ದಾರೆ. ಪಂಜಾಬ್​ ತಂಡದ ಬ್ಯಾಟಿಂಗ್​ ಆಧಾರವಾಗಿದ್ದ ಪೂರನ್​ ವರುಣ್​ ಬೌಲಿಂಗ್​ನಲ್ಲಿ ಕ್ಲಿನ್​ ಬೌಲ್ಡ್​ ಆಗಿದ್ದಾರೆ. ಔಟಾಗುವುದಕ್ಕೂ ಮುನ್ನ ಪೂರನ್ 19 ರನ್ ಗಳಿಸಿದ್ದರು.

ತಂಡ ಕೊಂಚ ಚೇತರಿಸಿಕೊಳ್ಳುತ್ತಿದೆ ಎನ್ನುವಷ್ಟರಲ್ಲಿ ಪಂಜಾಬ್​ಗೆ ನರೈನ್ ಶಾಕ್​ ನೀಡಿದ್ದಾರೆ. ಪೂರನ್ ಜೊತೆಯಾಗಿದ್ದ ಹೆನ್ರಿಕ್ಸ್​ ಅವರನ್ನು ನರೈನ್​ ತಮ್ಮ ಗೂಗ್ಲಿ ಇಂದ ಕ್ಲೀನ್ ಬೌಲ್ಡ್​ ಮಾಡಿದ್ದಾರೆ.

4 ವಿಕೆಟ್ ಕಳೆದುಕೊಂಡು ಸಂಕಷ್ಟದಲ್ಲಿರುವ ಪಂಜಾಬ್​ಗೆ ಪೂರನ್ ಆಸರೆಯಾಗಿದ್ದಾರೆ. 13ನೇ ಓವರ್ ಎಸೆಯಲು ಬಂದ ವರುಣ್ ಚಕ್ರವರ್ತಿ ಬೌಲಿಂಗ್​ನಲ್ಲಿ ಒಂದು ಸಿಕ್ಸರ್ ಹಾಗೂ ಬೌಂಡರಿ ಬಾರಿಸುವ ಮೂಲಕ ತಂಡದ ರನ್ ಹೆಚ್ಚಿಸಿದ್ದಾರೆ.

31 ರನ್ ಗಳಿಸಿದ್ದ ಕನ್ನಡಿಗ ಮಾಯಾಂಕ್​ ಪಂಜಾಬ್​ ತಂಡದ ಬ್ಯಾಟಿಂಗ್ ಆದಾರವಾಗಿದ್ದರು. ಆದರೆ ರನ್​ ಕೊರೆತಯಿದ್ದುದ್ದರಿಂದ ರನ್​ ವೇಗ ಹೆಚ್ಚಿಸಲು ಹೋದ ಮಾಯಾಂಕ್ ನರೈನ್ ಬೌಲಿಂಗ್​ನಲ್ಲಿ ಬೌಂಡರಿ ಬಾರಿಸಲು ಯತ್ನಿಸಿ ಸೀದಾ ರಾಹುಲ್ ತ್ರಿಪಾಠಿ ಕೈಗೆ ಕ್ಯಾಚಿತ್ತು ಔಟಾಗಿದ್ದಾರೆ.

ಆರಂಭದಲ್ಲೇ ಪ್ರಮುಖ 3 ವಿಕೆಟ್ ಕಳೆದುಕೊಂಡಿರುವ ಕೆಕೆಆರ್​, ಪಂಜಾಬ್​ ಬ್ಯಾಟಿಂಗ್​ ಪಡೆಯ ಮೇಲೆ ಪ್ರಬಲ ದಾಳಿ ನಡೆಸುತ್ತಿದ್ದಾರೆ. ಈಗಾಗಲೇ 10 ಓವರ್ ಮುಗಿಸಿರುವ ಕೋಲ್ಕತ್ತಾ ಕೇವಲ 55 ರನ್ ನೀಡಿದೆ. ಮಾಯಾಂಕ್ ಹಾಗೂ ಪೂರನ್ ಬ್ಯಾಟಿಂಗ್​ನಲ್ಲಿದ್ದಾರೆ.

ಪಂಜಾಬ್ ಪಾಳಯದ ದಾಂಡಿಗರು ಪೆವಿಲಿಯನ್ ಪರೆಡ್​ ಆರಂಭಿಸಿದ್ದಾರೆ. ಗೇಲ್​ ಶೂನ್ಯಕ್ಕೆ ಔಟಾದ ಬಳಿಕ ಮೈದಾನಕ್ಕೆ ಬಂದಿದ್ದ ದೀಪಕ್ ಹೂಡ ಕೂಡ ಗೇಲ್ ದಾರಿ ಹಿಡಿದಿದ್ದಾರೆ. ಕೇವಲ ಒಂದು ರನ್ ಗಳಿಸಿದ್ದ ಹೂಡ ಕನ್ನಡಿಗ ಪ್ರಸಿದ್ದ್ ಕೃಷ್ಣ ಬೌಲಿಂಗ್​ನಲ್ಲಿ ಮೋರ್ಗನ್​ ಕೈಗೆ ಕ್ಯಾಚಿತ್ತು ಔಟಾಗಿದ್ದಾರೆ.

ನಾಯಕ ರಾಹುಲ್ ವಿಕೆಟ್​ ಬಳಿಕ ಬ್ಯಾಟಿಂಗ್​ಗೆ ಬಂದಿದ್ದ ಗೇಲ್ ಶೂನ್ಯಕ್ಕೆ ವಿಕೆಟ್ ಒಪ್ಪಿಸಿದ್ದಾರೆ. ಮಾವಿ ಎಸೆದ ಎಸೆತವನ್ನು ಡಿಫೆಂಡ್ ಮಾಡಲು ಹೋದ ಗೇಲ್ ಕೀಪರ್​ ಕೈಗೆ ಕ್ಯಾಚಿತ್ತು ಔಟಾಗಿದ್ದಾರೆ.

ಉತ್ತಮವಾಗಿ ಆಡುತ್ತಿದ್ದ ರಾಹುಲ್ ಪ್ಯಾಟ್ ಕಮಿನ್ಸ್​ಗೆ ವಿಕೆಟ್ ಒಪ್ಪಿಸಿದ್ದಾರೆ. ಕಮಿನ್ಸ್ ಎಸೆತವನ್ನು ಬಾರಿಸಲು ಯತ್ನಿಸಿದ ರಾಹುಲ್ ನರೈನ್​ಗೆ ಕ್ಯಾಚಿತ್ತು ಔಟಾಗಿದ್ದಾರೆ. ಔಟಾಗುವುದಕ್ಕೂ ಮುನ್ನ ರಾಹುಲ್ 19 ರನ್ ಗಳಿಸಿದ್ದರು.

ಇನ್ನಿಂಗ್ಸ್ ಆರಂಭಿಸಿರುವ ರಾಹುಲ್ ಹಾಗೂ ಮಾಯಾಂಕ್ ಉತ್ತಮ ಜೊತೆಯಾಟ ಆಡುತ್ತಿದ್ದಾರೆ. ಈಗಾಗಲೇ 4 ಓವರ್ ಆಡಿರುವ ಈ ಜೋಡಿ 27 ರನ್ ಗಳಿಸಿದೆ. ರಾಹುಲ್, ಮಾಯಾಂಕ್​ಗೆ ಉತ್ತಮ ಸಾಥ್​ ನೀಡುತ್ತಿದ್ದಾರೆ. ಮಾಯಾಂಕ್ 13 ರನ್​ ಗಳಿಸಿದ್ದರೆ ರಾಹುಲ್ 12 ರನ್ ಗಳಿಸಿದ್ದಾರೆ.

ಇನ್ನಿಂಗ್ಸ್​ನ ಮೊದಲ ಸಿಕ್ಸರ್​ ಮಾಯಾಂಕ್ ಅವರ ಬ್ಯಾಟ್​ನಿಂದ ಬಂದಿದೆ. 2ನೇ ಓವರ್​ ಎಸೆದ ಕಮಿನ್ಸ್ ಅವರ ಮೊದಲ ಎಸೆತವನ್ನು ಕೀಪರ್​ ತಲೆ ಮೇಲೆ ಸಿಕ್ಸರ್ ಬಾರಿಸಿದ್ದಾರೆ. ಈ ಮೂಲಕ ತಂಡಕ್ಕೆ ಮೊದಲ ಸಿಕ್ಸರ್ ತಂದುಕೊಟ್ಟಿದ್ದಾರೆ.

ಟಾಸ್ ಗೆದ್ದ ಕೋಲ್ಕತ್ತಾ ಬೌಲಿಂಗ್ ಆಯ್ದುಕೊಂಡಿದ್ದು, ಇದರ ಫಲವಾಗಿ ವೇಗದ ಬೌಲರ್​ ಶಿವಂ ಮಾವಿ ಬೌಲಿಂಗ್ ಆರಂಬಿಸಿದ್ದಾರೆ. ಪಂಜಾಬ್ ಪರ ರಾಹುಲ್ ಹಾಗೂ ಮಾಯಾಂಕ್ ಬ್ಯಾಟಿಂಗ್ ಆರಂಭಿಸಿದ್ದಾರೆ.

ನಿತೀಶ್ ರಾಣಾ, ಶುಬ್​ಮನ್ ಗಿಲ್, ರಾಹುಲ್ ತ್ರಿಪಾಠಿ, ಸುನಿಲ್ ನರೈನ್, ಇಯೊನ್ ಮೋರ್ಗಾನ್ (ನಾಯಕ), ದಿನೇಶ್ ಕಾರ್ತಿಕ್ (ವಿಕೆಟ್ ಕೀಪರ್), ಆಂಡ್ರೆ ರಸ್ಸೆಲ್, ಪ್ಯಾಟ್ ಕಮ್ಮಿನ್ಸ್, ಶಿವಂ ಮಾವಿ, ಪ್ರಸಾದ್ ಕೃಷ್ಣ, ವರುಣ್ ಚಕ್ರವರ್ತಿ

ಕೆ.ಎಲ್. ರಾಹುಲ್ (ನಾಯಕ/ ವಿಕೆಟ್ ಕೀಪರ್), ಮಾಯಾಂಕ್ ಅಗರ್ವಾಲ್, ಕ್ರಿಸ್ ಗೇಲ್, ದೀಪಕ್ ಹೂಡಾ, ನಿಕೋಲಸ್ ಪೂರನ್, ಮೊಯಿಸಸ್ ಹೆನ್ರಿಕ್ಸ್, ಶಾರುಖ್ ಖಾನ್, ಕ್ರಿಸ್ ಜೋರ್ಡಾನ್, ಮೊಹಮ್ಮದ್ ಶಮಿ, ರವಿ ಬಿಷ್ಣೋಯ್, ಅರ್ಷ್‌ದೀಪ್ ಸಿಂಗ್

ಕೊರೊನಾ ವಿರುದ್ಧ ಗೆಲ್ಲಲು, ಮಾಸ್ಕ್ ಧರಿಸಿ, ಸಾಮಾಜಿಕ ಅಂತರ ಪಾಲಿಸಿ, ಲಸಿಕೆ ಪಡೆದುಕೊಳ್ಳಿ.

ಕೋಲ್ಕತ್ತಾ ನೈಟ್ ರೈಡರ್ಸ್ ಟಾಸ್ ಗೆದ್ದು ಬೌಲಿಂಗ್ ಆಯ್ದುಕೊಂಡಿದೆ. ಪಂಜಾಬ್ ಕಿಂಗ್ಸ್ ಮೊದಲು ಬ್ಯಾಟಿಂಗ್ ಮಾಡಲಿದೆ.